सामान्य काळातील ७वा रविवार
दि.२३ फेब्रुवारी २०२५
क्षमा करा म्हणजे तुमची क्षमा होईल; द्या म्हणजे तुम्हांला दिले जाईल;Forgive, and you shall be forgiven.
✝️
प्रभू येशू आपल्याला परमेश्वर पित्याचे बिनशर्त प्रेम व त्याच्या दयाळूपणाविषयी शिकवण देत आहे. प्रभू येशूची ही शिकवण खूप कठीण वाटते पण ज्याला परमेश्वर पित्याची ओळख झाली आहे तो परमेश्वराच्या प्रेमात वाढत असतो व त्याप्रमाणे आचरण करीत असतो. प्रभू येशू आज विशेष सल्ला देत आहे की, 'जसा तुमचा पिता दयाळू आहे तसे तुम्हाहि दयाळू व्हा.' परमेश्वराने आम्हा सर्वांना दयेचे व कृपेचे दान बहाल केले आहे. त्याची दया सर्वकाळ आमच्यावर असते, तर मग आपण सुद्धा इतरांवर दया दाखविणे खऱ्या ख्रिस्ती माणसाची जबाबदारी आहे. आपले प्रेम व दया आपली जिव्हाळयाची माणसे, कुटुंब व मित्रमैत्रिणीपुरता मर्यादित न ठेवता आपण त्याच्या पालिकडे जाणे गरजेचे आहे.
आपल्या सर्वांना परमेश्वराने तारणाची कृपा बहाल केली आहे. आपण परमेश्वाराच्या प्रेमाचे, दयेचे, क्षमेचे प्रतिमा बनून आपले जीवन ख्रिस्तमय बनविण्यासाठी आज परमेश्वराकडे कृपा शक्ती मागू या. आपण सर्वजण । परमेश्वराच्या प्रतिमेप्रमाणे निर्माण केलेले आहेत. आपल्याला लाभलेल्या कृपादानाबद्दल परमेश्वराला आपण धन्यवाद देऊ या.
✝️
पहिले वाचन शमुवेल २६:२,७-९,१२-१३,२२-२३
वाचक :शमुवेलच्या पहिल्या पुस्तकातून घेतलेले वाचन
“परमेश्वराने आपणाला माझ्या हाती दिले होते, तरी
मी आपणांवर आपला हात उगारला नाही. " शौल इस्राएलातले तीन हजार निवडक योद्धे बरोबर घेऊन दावीदचा शोध करावयास जीफ रानात निघून गेला.
तेव्हा दावीद आणि अबीशय त्या लोकांजवळ रात्रीचे गेले. तेथे जाऊन पाहतात तो शौल गाडेतळाच्या आड निजला आहे, त्याच्या उशाजवळ त्याचा भाला भूमीत रोवलेला आणि अवनेर आणि इतर लोक त्याच्या सभोवार निजले आहेत असे त्यांच्या दृष्टीस पडले. तेव्हा अबीशय दावीदला म्हणाला, देवाने आज आपला शत्रू आपल्या हाती दिला आहे, तर आता मला त्याच्या भाल्याने त्याच्यावर एकच वार असा करू द्या की, तो त्याला भेदून जमिनीत शिरेल, भाला पुन्हा मारण्याची जरूरच पडणार नाही." दावीद अबीशयाला म्हणाला, "त्याचा वध करू नको; परमेश्वराच्या अभिषिक्तावर हात चालवून कोण निर्दोष राहील?" तेव्हा दावीदने शौलच्या उशाजवळून भाला आणि पाण्याचा चंबू उचलून घेतला आणि ते निघून गेले. ते निघून गेले तेव्हा कोणी त्यांस पाहिले नाही की ओळखले नाही आणि कोणी जागाही झाला नाही. ते सर्व निद्रिस्त होते, परमेश्वराने त्यांना गाढ निद्रा लावली होती.मग दावीद पलीकडील बाजूस एका दूरच्या टेकडीच्या माथ्यावर उभा राहिला; त्यांच्यामध्ये बरेच अंतर होते. दावीद म्हणाला, "महाराज, हा पाहा भाला, हा घेऊन जाण्यासाठी एखाद्या सेवकाला पाठवा. परमेश्वर प्रत्येकाला त्याच्या धार्मिकतेचे आणि सचोटीचे फळ देईल, आज परमेश्वराने आपणाला माझ्या हाती दिले होते तरी मी परमेश्वराच्या अभिषिक्तावर आपला हात टाकला नाही.
प्रभूचा शब्द आहे.
सर्व : देवाला धन्यवाद.
First Reading : First Samuel 26: 2, 7-9, 12-13, 22-23
Saul arose, and went down to the wilderness of Ziph, having with him three thousand chosen men of Israel, to seek David in the wilderness of Ziph. So David and Abisai came to the people by night, and found Saul lying and sleeping in the tent, and his spear fixed in the ground at his head: and Abner and the people sleeping round about him. And Abisai said to David: God hath shut up thy enemy this day into thy hands: now then I will run him through with my spear even to the earth at once, and there shall be no need of a second time. And David said to Abisai: Kill him not: for who shall put forth his hand against the Lord’s anointed, and shall be guiltless?
So David took the spear, and the cup of water which was at Saul’s head, and they went away: and no man saw it, or knew it, or awaked, but they were all asleep, for a deep sleep from the Lord was fallen upon them. And when David was gone over to the other side. and stood on the top of the hill afar off, and a good space was between them, And David answering, said: Behold the king’s spear: let one of the king’s servants come over and fetch it. And the Lord will reward every one according to his justice, and his faithfulness: for the Lord hath delivered thee this day into my hand, and I would not put forth my hand against the Lord’s anointed.
This is the word of God
Thanks be to God
प्रतिसाद स्तोत्र स्तोत्र १०३:१-४,८१०,१२-१३
प्रतिसाद : परमेश्वर दयाळू आणि कृपाळू आहे.
१ ) हे माझ्या मना, परमेश्वराला धन्यवाद दे,
हे माझ्या सर्व अंतर्यामा, त्याच्या पवित्र नावाला धन्यवाद दे.
हे माझ्या मना, परमेश्वराला धन्यवाद दे,
त्याचे सर्व उपकार विसरु नकोस.
२) तो तुझ्या सर्व दुष्कर्माची क्षमा करतो,
तो तुझे सर्व आजार बरे करतो,
तो तुझा जीव विनाशगर्तेतून वाचवतो,
तो तुला दया आणि करुणा ह्यांचा मुकूट घालतो.
३) परमेश्वर दयाळू आणि कृपाळू आहे,
तो मंदक्रोध आणि दयामय आहे.
आमच्या पापांच्या मानाने त्याने
आम्हाला शासन केले नाही त्याने
आमच्या दुष्कृत्याच्या मानाने
आम्हाला प्रतिफळ दिले नाही.
४) पश्चिमेपासून पूर्व जितकी दूर आहे,
तितके त्याने आमचे अपराध
आमच्यापासून दूर केले आहेत.
जसा बाप आपल्या मुलांवर ममता करतो,
तसा परमेश्वर आपले भय धरणाऱ्यांवर ममता करतो.
Psalm:Psalms 103: 1-2, 3-4, 8, 10, 12-13
R. (8a) The Lord is kind and merciful.
1 Bless the Lord, O my soul: and let all that is within me bless his holy name.
2 Bless the Lord, O my soul, and never forget all he hath done for thee.
R. The Lord is kind and merciful.
3 Who forgiveth all thy iniquities: who healeth all thy diseases.
4 Who redeemeth thy life from destruction: who crowneth thee with mercy and compassion.
R. The Lord is kind and merciful.
8 The Lord is compassionate and merciful: longsuffering and plenteous in mercy.
10 He hath not dealt with us according to our sins: nor rewarded us according to our iniquities.
R. The Lord is kind and merciful.
12 As far as the east is from the west, so far hath he removed our iniquities from us.
13 As a father hath compassion on his children, so hath the Lord compassion on them that fear him:
R. The Lord is kind and merciful.
दुसरे वाचन १करिंथ १५:४५-४९
वाचक: पौलचे करिंथकरांस पहिले पत्र यातून घेतलेले वाचन
“जो मातीचा त्याचे प्रतिरूप आपण धारण केले आहे; तर जो स्वर्गातला त्याचेही प्रतिरूप आपणधारण करू.
पहिला मनुष्य आदाम जिवंत प्राणी असा झाला. शेवटला आदाम जिवंत करणारा आत्मा असा झाला. तथापि जे आध्यात्मिक ते प्रथम नाही; प्राणमय ते प्रथम, मग जे आध्यात्मिक ते. पहिला मनुष्य भूमीतून म्हणजे मातीचा आहे, दुसरा मनुष्य स्वर्गातून आहे. तो जसा मातीचा होता तसे जे मातीचे तेही आहेत आणि तो स्वर्गातला जसा आहे तसेच जे स्वर्गातले तेही आहेत आणि जो मातीचा त्याचे प्रतिरूप जसे आपण धारण केले तसे जो स्वर्गातला त्याचेही प्रतिरूप धारण करू.
हा प्रभूचा शब्द आहे.
सर्व : देवाला धन्यवाद.
Second Reading:
First Corinthians 15: 45-49
The first man Adam was made into a living soul; the last Adam into a quickening spirit. Yet that was not first which is spiritual, but that which is natural; afterwards that which is spiritual. The first man was of the earth, earthly: the second man, from heaven, heavenly. Such as is the earthly, such also are the earthly: and such as is the heavenly, such also are they that are heavenly. Therefore as we have borne the image of the earthly, let us bear also the image of the heavenly.
This is the word of God
Thanks be to God
जयघोष
आलेलुया, आलेलुया !
प्रभूच्या नावाने येणारा राजा धन्यवादित असो ! स्वर्गात शांती आणि ऊर्ध्वलोकी गौरव!
आलेलुया!
Acclamation:
R. Alleluia, alleluia.
I give you a new commandment, says the Lord: love one another as I have loved you.
Alleluia, alleluia.
शुभवर्तमान लूक ६:२७-३८
वाचक :लूकलिखित पवित्र शुभवर्तमानातून घेतलेले वाचन
"जसा तुमचा पिता दयाळू आहे तसे तुम्हीही दयाळू व्हा.'
येशूने आपल्या शिष्यांना म्हटले, "तुम्हा ऐकणाऱ्यांना मी सांगतो, तुम्ही आपल्या वैऱ्यांवर प्रीती करा, जे तुमचा द्वेष करतात त्यांचे बरे करा, जे तुम्हांला शाप देतात त्यांना आशीर्वाद द्या, जे तुमची निर्भर्त्सना करतात त्यांच्यासाठी प्रार्थना करा. जो तुझ्या एका गालावर मारतो, त्याच्यापुढे दुसराही गाल कर आणि जो तुझा अंगरखा हिरावून घेतो त्याला तुझी बंडीही घेऊन जाण्यास विरोध करू नको. जो कोणी तुझ्याजवळ मागतो त्याला दे आणि जो तुझे काही हिरावून घेतो त्याच्यापाशी ते परत मागू नको. लोकांनी तुम्हाशी जसे वर्तन करावे म्हणून तुमची इच्छा असेल तसेच तुम्हीही त्यांच्याशी वर्तन करा. जे तुमच्यावर प्रीती करतात त्यांच्यावर तुम्ही प्रीती केली तर त्यात तुमचा उपकार तो काय? कारण पापी लोकही आपणावर प्रीती करणाऱ्यांवर प्रीती करतात. जे तुमचे बरे करतात त्यांचे तुम्ही बरे केले तर त्यात तुमचा उपकार तो काय ? पापी लोकही तसेच करतात. ज्यांच्यापासून परत मिळण्याची आशा आहे त्यांस तुम्ही उसने दिले तर त्यात तुमचा उपकार तो काय ? जितके दिले तितके परत मिळण्याच्या आशेने पापी लोकही पापी लोकांना उसने देतात. तुम्ही तर आपल्या वैऱ्यांवर प्रीती करा, त्यांचे बरे करा, निराश न होता उसने द्या, म्हणजे तुमचे प्रतिफळ मोठे होईल आणि तुम्ही परात्पराचे पुत्र व्हाल; कारण तो कृतघ्न आणि दुर्जन ह्यांच्यावरही उपकार करणारा आहे. जसा तुमचा पिता दयाळू आहे तसे तुम्हीही दयाळू व्हा.तुम्ही कोणाचे दोष काढू नका, म्हणजे तुमचे दोष कोणी काढणार नाही; कोणाला दोषी ठरवू नका म्हणजे तुम्हाला कोणी दोषी ठरवणार नाही; क्षमा करा म्हणजे तुमची क्षमा होईल; द्या म्हणजे तुम्हांला दिले जाईल; चांगले माप दाबून, हलवून आणि शीग भरून तुमच्या पदरी घालतील, कारण ज्या मापाने तुम्ही मापून द्याल त्याच मापाने तुम्हाला परत मापून देण्यात येईल.”
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading:
Luke 6: 27-38
But I say to you that hear: Love your enemies, do good to them that hate you. Bless them that curse you, and pray for them that calumniate you. And to him that striketh thee on the one cheek, offer also the other. And him that taketh away from thee thy cloak, forbid not to take thy coat also. Give to every one that asketh thee, and of him that taketh away thy goods, ask them not again. And as you would that men should do to you, do you also to them in like manner. And if you love them that love you, what thanks are to you? for sinners also love those that love them. And if you do good to them who do good to you, what thanks are to you? for sinners also do this. And if you lend to them of whom you hope to receive, what thanks are to you? for sinners also lend to sinners, for to receive as much. But love ye your enemies: do good, and lend, hoping for nothing thereby: and your reward shall be great, and you shall be the sons of the Highest; for he is kind to the unthankful, and to the evil. Be ye therefore merciful, as your Father also is merciful. Judge not, and you shall not be judged. Condemn not, and you shall not be condemned. Forgive, and you shall be forgiven. Give, and it shall be given to you: good measure and pressed down and shaken together and running over shall they give into your bosom. For with the same measure that you shall mete withal, it shall be measured to you again.
Praise the Lord Jesus Christ .
चिंतन: शुभवर्तमानाच्या प्रकाशात आवश्यक तो बदल घडून समाजाची पुनर्बाधणी घडायची असेल तर प्रथम व्यक्तींमध्ये अंतःर्मनातून बदल होणे गरजेचे आहे. चांगल्या हेतूसाठी समाज बदलावा असे प्रत्येक व्यक्तीला खूप वाटते. परंतु, समाजातील व्यक्ती जर बदलल्या, तरर्च संपूर्ण समाज बदलेल हे एक सत्य आहे. अंतःकरणातील बदल व हवी असलेली समाजबांधणी परस्पर जोडले गेलेले वास्तव आहे. अंतःर्मनामध्ये जर माणूस लोभी व हाव बाळगणारा राहिला, तर मग पैसा आणि शक्ती सामर्थ्याच्या बळावर समाज नैतिकदृष्ट्या अधोगतीच्या मार्गाने जात असतो. मग दडपशाही, अन्याय आणि लोकांची पिळवणूक बोकाळते. सत्याचे, न्यायाचे, शांतीचे तंत्र नष्ट केले जाऊन फसवेगिरी, अन्याय व कजे-तंटे वाढतात. नवीन समाज घडू शकेल, परंतु समाजातील लोकांची अंतःमने प्रभू येशूच्या सुवार्तेला अनुसरून परिवर्तित होणे आवश्यक आहे, म्हणून प्रभू येशू मूलभूत मुद्द्याला हात घालतात. प्रभू येशू अंतःर्मनातील स्वांतत्र्य आणि खरे प्रेम ह्यावर आपले लक्ष वेधून घेतात. शत्रूवरदेखील प्रेम करा, हे प्रभू येशूचे अत्यंत शहाणे शब्द आहेत. नाहीतर महात्मा गांधीनी म्हटल्याप्रमाणे संपूर्ण जग एक द्वेषाची भूमी बनेल. शुभवर्तमानाचे उथळ वाचन कदाचित आपणाला सांगेल हे व्यावहारिक नाही. ह्यासाठी खरे धाडस लागते. देवावरील श्रद्धेत सखोल मुळावलेली व्यक्तीच हे धाडस करू शकते. पण तरच मग "तुमचे प्रतिफळ मोठे होईल आणि तुम्ही परात्पराचे पुत्र-कन्या व्हाल” असा मोठा आशीर्वाद प्रभू ख्रिस्त आपणाला देतात. प्रतिस्पर्ध्याचे-शत्रूचे अंतःकरण फक्त अशानेच बदलू शकते. परमपित्याचे अनुकरण हेच आपले ध्येय असू द्या. सेवा करताना आवडीचेच निवडू नका. फक्त मला आवडते तेच चांगले असते असे नव्हे. सर्वांची सेवा करा. आपला अट्टलवादी असेल त्या व्यक्तींवरसुद्धा. हाच धर्म परमोच्च आहे !
प्रार्थना : हे प्रभू येशू, तू दयेचा सागर आहेस. तुझ्या कृपेत वाढण्यास आम्हाला प्रेरणा लाभो, आमेन.
✝️
