सामान्य काळातील ६वा सप्ताह
शुक्रवार दिनांक २१ फेब्रुवारी २०२५
कारण मनुष्याने सर्व जग मिळवले आणि आपल्या जिवाचा नाश करून घेतला तर त्याला काय लाभ ?
For what shall it profit a man, if he gain the whole world, and suffer the loss of his soul?
✝️
- (१००७-१०७२)
✝️
फा. डेमियन ह्यांच्या श्रमाचे सार्थक व्हावे म्हणून पीटर ह्याने मन लावून अभ्यास केला. वयाच्या २५ व्या वर्षीच रेव्हेना आणि पार्मा ह्या इटालियन शहरांमध्ये एक हाडाचा शिक्षक म्हणून त्याचे नाव सर्वतोमुखी झाले होते.
त्याने सर्वात कडक शिस्तीच्या बेनेडिक्टाईन मठात प्रवेश घेतला. तिथे कठोर तपश्चर्या आणि प्रायश्चित्त घेतले. त्यामुळे तेथील भिक्षुकांना आणि आसपासच्या परिसरातील भिक्षुकांना आध्यात्मिक मार्गदर्शन करण्यासाठी त्यांची नेमणूक करण्यात आली.
(संत) पीटर डेमियन ह्यांचे पवित्र मरियेवर विशेष प्रेम होते. ज्या फॉन्टे अॅव्हेलेना मठात त्यांनी एक नवशिष्य म्हणून प्रवेश घेतलेला होता त्याच मठात त्यांची मठाधिकारी म्हणून वयाच्या अवघ्या ३६ व्या वर्षी निवड करण्यात आली. आपल्या मृत्यूपर्यंत २९ वर्षे ह्या मठाची धुरा त्यांनी वाहिली.
आपल्या वैशिष्ट्यपूर्ण कारकीर्दीत त्यांनी बेनेडिक्टाईन आचारसंहिता काहीशी शिथील बनविली आणि शिस्तीमध्ये सातत्य आणले. (संत) पीटर डेमियन ह्यांनी अनेक मठांची उभारणीसुद्धा केली. याशिवाय त्या काळात ख्रिस्तसभेत उदयास येत असलेल्या अनेक पाखंडवादी आणि धर्मविरोधी पंथ-उपपंथांशी त्यांनी धैर्यान मुकाबला केला. त्यासाठी लेखन व वक्तृत्व ही दोन्ही प्रभावी माध्यमे त्यांनी सर्रासपणे वापरली.
अंतर्गत शत्रूंवर देखील त्यानी कडक ताशेरे ओढले. चैनबाजी, ऐषाराम, निष्काळजीपणा, ब्रम्हचर्याची हेळसांड, ख्रिस्तसभेच्या पवित्र वस्तूंची खरेदी- विक्री, पोपमहाशयांच्या शिकवणुकीशी फितुरी अशा कितीतरी पापांच्या चिखलात दीक्षित धर्मगुरू लोळत होते. इतकेच नव्हे तर पैसे, सोने, चांदी देणाऱ्या व्यापाऱ्यांच्या व गर्भश्रीमंतांच्या मुलांना अल्पावधीत, कुठलीही परीक्षा न घेता कसेबसे धर्मगुरूपद दिले जात होते. ह्या भयंकर पातकाविरुद्ध पीटर डेमियन ह्यांनी आवाज उठविला व इ. स. १०५१ साली “लिबेर गोमोरियानुस” आणि “लिबेर ग्राटीसिमुस” नावाचे दोन ग्रंथ प्रसिद्ध केले. त्यामुळे ख्रिस्तसभेत खळबळ माजली व त्यानुसार ख्रिस्तसभेत एक विशिष्ट शिस्त आणण्यात आली.
रोमने त्यांच्या कार्याची दखल घेतली आणि इ. स. १०५० साली पोप स्टीफन दहावे ह्यांनी मठाधिकारी पीटर डेमियन ह्यांना कार्डीनलपदाची दीक्षा दिली व ऑस्ट्रीयासारख्या सरधर्मप्रांतावर त्यांची नियुक्ती करून टाकली.
त्याच काळात ते गुब्बियो नामक धर्मप्रांताचे प्रशासकदेखील होते. त्या व्यतिरिक्त पुढील सात पोपमहाशयांना नाजूक गोष्टींबाबत त्यांनी मोलाचा सल्ला देण्याचे काम केले. त्याचे समकालीन असलेल्या सर्व प्रतिष्ठीत लोकांबरोबर त्यांनी जिव्हाळ्याचे संबंध प्रस्थापित केले. पोप महाशयांनी त्यांना मिशनविभाग, महागुरूंचे व मठवासियांसाठी पोपचे प्रतिनिधी म्हणूनही नियुक्त केलेले होते.
• कार्डिनल पीटर डेमियन ह्यांनी सर्व जबाबदाऱ्या मोठ्या कर्तव्यदक्षतेने पार पाडल्या. मात्र त्यांना सतत डोकेदुखीचा त्रास होत असे. त्यामुळे डोकेदुखीवर इलाज म्हणून संत पीटर डेमियन ह्यांचा धावा केला जातो.
✝️
पहिले वाचन उत्पत्ती ११:१-९
वाचक :उत्पत्ती या पुस्तकातून घेतलेले वाचन
"चला, आपण खाली जाऊन त्यांच्या भाषेचा घोटाळा करु. "
सर्व पृथ्वीची एकच भाषा, एकच बोली होती. पुढे असे झाले की, पूर्वेकडे जाता जाता त्या लोकांना शिनार देशात एक मोठे मैदान लागले, तेथे त्यांनी वस्ती केली. ते एकमेकांना म्हणाले, “चला आपण विटा करुन पक्क्या भाजू." त्यांनी दगडाऐवजी विटा आणि चुन्याऐवजी डांबर वापरले. मग ते म्हणाले, “चला आपणांसाठी एक नगर आणि गगनचुंबी शिखराचा एक बुरूज बांधू आणि आपले नाव करू, म्हणजे सर्व पृथ्वीच्या पाठीवर आपली पांगापांग होणार नाही. " तेव्हा मानवपुत्र नगर आणि बुरूज बांधीत होते ते पाहण्यास परमेश्वर उतरला. परमेश्वर म्हणाला, “पाहा, हे लोक एक आहेत, ह्या सर्वांची भाषाही एकच आहे आणि ही ह्यांच्या कृत्यांची सुरुवात आहे आणि हे जे काही करण्याचे योजतील ते करण्यास ह्यांना कशानेही अटकाव होणार नाही. तर चला, आपण खाली जाऊन यांच्या भाषेचा घोटाळा करु, म्हणजे यांना एकमेकांची भाषा समजावयाची नाही.” नंतर परमेश्वराने तेथून त्यांना सर्व पृथ्वीच्या पाठीवर पांगवले; ह्याप्रमाणे त्यांचे नगर बांधावयाचे राहिले. म्हणून त्या नगराचे नाव बाबेल असे पडले, कारण त्या ठिकाणी परमेश्वराने सगळ्या भाषेचा घोटाळा करून तेथून त्यांस सर्व पृथ्वीच्या पाठीवर पांगवले.
प्रभूचा शब्द आहे.
सर्व : देवाला धन्यवाद.
First Reading :
Genesis 11: 1-9
And the earth was of one tongue, and of the same speech. And when they removed from the east, they found a plain in the land of Sennaar, and dwelt in it. And each one said to his neighbour: Come, let us make brick, and bake them with fire. And they had brick instead of stones, and slime instead of mortar. And they said: Come, let us make a city and a tower, the top whereof may reach to heaven: and let us make our name famous before we be scattered abroad into all lands. And the Lord came down to see the city and the tower, which the children of Adam were building. And he said: Behold, it is one people, and all have one tongue: and they have begun to do this, neither will they leave off from their designs, till they accomplish them in deed. Come ye, therefore, let us go down, and there confound their tongue, that they may not understand one another’s speech. And so the Lord scattered them from that place into all lands, and they ceased to build the city. And therefore the name thereof was called Babel, because there the language of the whole earth was confounded: and from thence the Lord scattered them abroad upon the face of all countries.
This is the word of God
Thanks be to God
प्रतिसाद स्तोत्र ३३:१०-१५
प्रतिसाद : ज्या लोकांना परमेश्वराने निवडले आहे, ते धन्य !
१. राष्ट्रांच्या मसलती परमेश्वर निरर्थक करतो,
लोकांचे संकल्प निष्फळ करतो.
परमेश्वराची योजना सर्वकाळ टिकते,
त्याच्या मनातील संकल्प
पिढ्यान्पिढ्या कायम राहतात.
२. ज्या राष्ट्रांचा देव परमेश्वर आहे,
ज्या लोकांना त्याने आपल्या वतनाकरिता
प्रजा म्हणून निवडले आहे, ते धन्य !
परमेश्वर आकाशातून पाहतो,
सर्व मानवजातीला तो निरखतो.
३. तो आपल्या निवासस्थानातून
पृथ्वीवर राहणाऱ्या सर्वांना न्याहाळून पाहतो;
त्या सर्वांची हृदये घडवणारा आणि
त्यांची सर्व कामे जाणणारा तो आहे.
Psalms
Psalms 33: 10-11, 12-13, 14-15
R. (12) Blessed the people the Lord has chosen to be his own.
10 The Lord bringeth to naught the counsels of nations;
and he rejecteth the devices of people,
and casteth away the counsels of princes.
11 But the counsel of the Lord standeth for ever:
the thoughts of his heart to all generations.
R. Blessed the people the Lord has chosen to be his own.
12 Blessed is the nation whose God is the Lord:
the people whom he hath chosen for his inheritance.
13 The Lord hath looked from heaven:
he hath beheld all the sons of men.
R. Blessed the people the Lord has chosen to be his own.
14 From his habitation which he hath prepared,
he hath looked upon all that dwell on the earth.
15 He who hath made the hearts of every one of them:
who understandeth all their works.
R. Blessed the people the Lord has chosen to be his own.
जयघोष
आलेलुया, आलेलुया !
देवाने आपणांस सुवार्तेच्या द्वारे आपल्या प्रभू येशू ख्रिस्ताचा गौरव प्राप्त करून घेण्यासाठी पाचारण केले आहे.
आलेलुया!
Acclamation:
R. Alleluia, alleluia.
I call you my friends, says the Lord, for I have made known to you all that the Father has told me.
Alleluia, alleluia.
शुभवर्तमान मार्क ८:३४-९:१
वाचक : मार्क लिखित पवित्र शुभवर्तमानातून घेतलेले वाचन
“जो कोणी माझ्याकरिता आणि सुवार्तेकरिता आपल्या जिवाला मुकेल तो स्वतःला वाचवील."
येशूने आपल्या शिष्यांबरोबर लोकांनाही बोलावून म्हटले, “जर कोणी माझा अनुयायी होऊ पाहतो तर त्याने आत्मत्याग करावा, आपला क्रूस उचलून घ्यावा आणि मला अनुसरत राहावे. कारण जो कोणी आपला जीव वाचवू पाहतो तो त्याला मुकेल आणि जो कोणी माझ्याकरिता आणि सुवार्तेकरिता आपल्या जिवाला मुकेल तो त्याला वाचवील. कारण मनुष्याने सर्व जग मिळवले आणि आपल्या जिवाचा नाश करून घेतला तर त्याला काय लाभ ? किंवा मनुष्य आपल्या जिवाबद्दल काय मोबदला देऊ शकेल ? ह्या व्यभिचारी आणि पापी पिढीमध्ये ज्या कोणाला माझी आणि माझ्या वचनांची लाज वाटेल, त्याची लाज मनुष्याचा पुत्र पवित्र देवदूतांसहित आपल्या पित्याच्या गौरवाने येईल तेव्हा त्यालाही वाटेल."आणखी तो त्यांना म्हणाला, “मी तुम्हांला खचित सांगतो की, येथे उभे असणाऱ्यांपैकी काहीजण असे आहेत की, देवाचे राज्य सामर्थ्यानिशी आलेले दिसेपर्यंत त्यांना मरणाचा अनुभव येणारच नाही.
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading:
Mark 8: 34 – 9:1
And calling the multitude together with his disciples, he said to them: If any man will follow me, let him deny himself, and take up his cross, and follow me. For whosoever will save his life, shall lose it: and whosoever shall lose his life for my sake and the gospel, shall save it. For what shall it profit a man, if he gain the whole world, and suffer the loss of his soul? Or what shall a man give in exchange for his soul? For he that shall be ashamed of me, and of my words, in this adulterous and sinful generation: the Son of man also will be ashamed of him, when he shall come in the glory of his Father with the holy angels. And he said to them: Amen I say to you, that there are some of them that stand here, who shall not taste death, till they see the kingdom of God coming in power.
Praise the Lord Jesus Christ .
चिंतन:
बाबेलचा मनोरा - हेतू काय होता? ऐक्यभावना, एकमेकांशी घरोब्याचे, जिव्हाळ्याचे, मैत्रीचे संबंध जोडणे-जोपासणे. परंतु नक्की काय झाले? ज्या गोष्टी जोडण्यासाठी आहेत त्यांचा गैरवापर तोडण्यासाठी लोकांनी केला. उदा. भाषा. भाषा सुसंवादाने लोकांना जोडणारी देणगी आहे. परंतु जगात आपण काय पाहतो? दुसऱ्याचा अपमान करण्यासाठी भाषेचा शस्त्रासारखा वापर सर्रास केला जातो. एक दुसऱ्याला पाण्यातून बघायला लागला. एकमेकांत फूट पडली. कारण? माणसांना जोडणारा, आम्ही एकमेकांजवळ येण्यासाठी जो आम्हांसाठी न आटणारा प्रेमाचा झरा आहे - जो साक्षात् प्रेम आहे त्याचा आम्हाला विसर पडला. परमेश्वराला आपल्या जीवनातून, समाजातून, जगातून बाहेर काढून त्याची जागा अहंकाराने घ्यायची ह्याचे उदाहरण बाबेलचा मनोरा होते. गर्व, हट्टीपणा, अहंपणा हे सर्वच पापांचे मूळ आहे. परमेश्वराला माझ्या जीवनात दुय्यम जागा द्यायची - कधीकधी त्याला जीवनातून बाहेर काढायचे आणि त्याची जागा मी स्वतः घ्यायची म्हणजेच गर्विष्ठ जीवन -जगायचे. नम्रता हा सद्गुणी जीवनाचा पाया आणि कळस आहे. कुसावर प्रभू येशूने स्वतःला नम्र केले व रिक्त केले. अखिल मानवजातीसाठी प्रभू येशू विपुल जीवनाचा, न आटणारा झरा बनला. देवाशी नाते तोडल्याने इतर सर्व नाती आपोआप उथळ बनू शकतात. अहंकाराने भरलेल्या माणसाच्या जीवनात परमेश्वराला तर नाहीच, पण इतर कोणालाही - नात्यातील जवळच्या माणसांनासुद्धा - जागा नसते. गर्विष्ठ माणूस - स्वार्थी जीवनाचा भक्त असतो. मासा, पाण्याविना जसा जगू शकत नाही - तसा माणूस, त्याचा आत्मा प्रेमाविना जगू शकत नाही. जर परमेश्वरावर, इतरांवर प्रेम नसेल तर मग तो प्रेमाचा ओहोळ चुकीच्या मार्गाने वाहायलालागतो. जीवनाचा नाश होतो. नम्र व्यक्ती सद्गुणी जीवनाचा आदर्श असते. अशी व्यक्ती इतरांशी सहजपणे मैत्रीचे नाते जोडत असते. स्वतःचे, इतरांचे जीवन समृद्ध करत असते. प्रभू ख्रिस्तावर नजर लावा. मरिया स्वतः मान्य करून, गाते : परमेश्वराने त्याच्या दासीच्या लीनत्वाला अति उंचाविले.
प्रार्थना : हे प्रभू येशू ख्रिस्ता, आत्मत्याग समर्पण व सुवार्ता प्रसाराचे महत्त्व आम्ही जाणावे आणि कृतिशील जीवन जगून तुझे खरे अनुयायी बनण्यास आम्हांला प्रेरणा व शक्ती दे, आमेन...
✝️
