उपवासकाळातील दुसरा सप्ताह
सोमवार दि. १७ मार्च २०२५
✝️
तुम्ही आपल्या वैऱ्यांवर प्रीती करा आणि जे तुमचा छळ करतात त्यांच्यासाठी प्रार्थना करा.
Love your enemies and pray for those who persecute you,
संत पॅट्रीक
- महागुरू (३८५-४६१)
संत पॅट्रीकचे उरस्त्राण ह्या नावाने प्रसिद्ध झालेल्या गीतातील शब्द पुढीलप्रमाणे :
देवाचा हात माझा संरक्षक
देवाचे वचन माझे मार्गदर्शक
देवाचे ज्ञान माझा आत्मविश्वास
देवाचे सैन्य माझा दूतावास.
देव जसा दयाळू आणि क्षमाशील आहे तसेच आपण सर्वांनी असावे असे आवाहन प्रभू येशू करीत आहे. देवाने आपल्याला अनेक दानांनी भरलेले आहे. ती सर्व दाने देवाच्या गौरवासाठी आहेत म्हणून प्रभू येशू म्हणत आहे. 'द्या म्हणजे तुम्हास दिले जाईल.' आपल्या आजूबाजूला असलेल्या गरजवंतांना आपण जर सहकार्य केले व त्यांची गरज भागवली तर परमेश्वर आपल्याला अनेकपटीने कृपादाने व आशिर्वाद देईल.
परमेश्वर जसा दयाळू, प्रेमळ व क्षमाशील असून उदार हस्ते देत असतो त्याप्रमाणे आपल्याला बनता यावे व त्याच्या वचनाप्रमाणे जगता यावे म्हणून प्रयत्नशील बनून प्रभूकडे प्रेरणा मागू या.
✝️
पहिले वाचन दानिएल ९: ४-१०
वाचक : दानिएल या पुस्तकातून घेतलेले वाचन
"हे प्रभो, हे थोर व भयावह देवा, जे तुझ्यावर प्रेम करतात व तुझ्या आज्ञा पाळतात त्यांच्याबरोबर तू आपला करार पाळून त्यांच्यावर दया करतोस. आम्ही पाप केले आणि कुटिलतेने वागलो. दुष्टतेचे वर्तन केले. फितूर झालो. तुझे विधी व तुझे निर्णय यापासून आम्ही परावृत्त झालो. तुझे सेवक जे संदेष्टे त्यांनी तुझ्या नामाने आमचे राजे, सरदार, वडील व देशाचे सर्व लोक यांना सांगितले तेसुद्धा आम्ही ऐकले नाही. हे प्रभो, न्यायत्व काय ते तुझ्याच ठायी आहे; परंतु आमच्या तोंडाला आजच्याप्रमाणे काळोखी लागली आहे. यहुदाचे लोक येरुशलेम निवासी लोक आणि जवळ व दूर राहणारे सर्व इस्राएल लोक, यांनी तुझ्याविरुद्ध पाप केल्यामुळे तू त्यांना निरनिराळ्या देशात हाकून लावले. त्या सगळ्यांच्या तोंडांना काळोखी लागली आहे. हे प्रभो, आमच्या तोंडास, आमचे राजे, आमचे सरदार, आमचे वडील यांच्या तोंडाला काळोखी लागली आहे. आम्ही तुझ्याविरुद्ध पाप केले आहे. आमचा देव प्रभू दयेचा व क्षमेचा सागर आहे. आम्ही त्याच्याबरोबर फितुरी केली आणि आमचा देव परमेश्वर याने आपले सेवक जे संदेष्टे यांच्याद्वारे आम्हांपुढे ठेवलेल्या त्याच्या धर्मशास्त्राप्रमाणे वागण्यासंबंधाने आम्ही त्याची वाणी ऐकली नाही."
प्रभूचा शब्द आहे.
सर्व : देवाला धन्यवाद.
First Reading :
Daniel 9:4b-10
Daniel prayed: "O Lord, the great and awesome God, who keeps covenant and steadfast love with those who love him and keep his commandments, we have sinned and done wrong and acted wickedly and rebelled, turning aside from your commandments and rules. We have not listened to your servants the prophets, who spoke in your name to our kings, our princes, and our fathers, and to all the people of the land. To you, O Lord, belongs righteousness, but to us open shame, as at this day, to the men of Judah, to the inhabitants of Jerusalem, and to all israel, those who are near and those who are far away, in all the lands to which you have driven them, because of the treachery that they have committed against you. To us, O LORD, belongs open shame, to our kings, to our princes, and to our fathers, because we have sinned against you. To the Lord our God belong mercy and forgiveness, for we have rebelled against him and have not obeyed the voice of the LORD our God by walking in his laws, which he set before us by his servants the prophets.
This is the word of God
Thanks be to God
प्रतिसाद स्तोत्र ७९:८-९,११-१३
प्रतिसाद : प्रभो, आमच्या दुष्कृत्यांनुसार आमची परतफेड करू नकोस.
१) आमच्या वाडवडिलांचे अपराध आठवून आम्हांला शासन करू नकोस. तुझ्या करुणेची सावली आमच्यावर लवकर पडू दे. कारण आमची अतिशय दैन्यावस्था झाली आहे.
२) आमच्या उद्धारक देवा, तुझ्या नामाचा महिमा व्हावा म्हणून आम्हांला मदत कर. हे आमच्या प्रभू परमेश्वरा, तुझे नाव राखले जावे म्हणून आमची सुटका कर आणि आमच्या पापांची क्षमा कर.
३) आम्हा बंदिजनांचे उसासे तुझ्या कानी पडून देत. मरणाच्या दाढेत सापडलेल्यांची आपल्या महासामर्थ्याने सुटका कर. हे स्वामी, आमच्या शेजारच्या. राष्ट्रांनी केलेल्या तुझ्या नालस्तीची भरपाई सातपटीने त्यांच्या पदरी घाल. मग तुझ्या कुरणातला जणू कळप अशी आम्ही तुझी प्रजा, तुला सदैव धन्यवाद देऊ. तुझी कीर्ती पिढ्यान्पिढ्या वर्णीत राहू.
Psalm 79:8, 9, 11, 13 ( 103:10a)
O Lord, do not treat us according to our sins.
Do not remember against us
the guilt of former times.
Let your compassion hasten to meet us;
for we have been brought very low. R
Let the groans of the prisoners
come before you,
your strong arm reprieve
those condemned to die. R
Help us, O God our saviour,
for the sake of the glory of your name.
Free us and forgive us our sins,
because of your name. R
Then we, your people,
the flock of your pasture,
will give you thanks for ever and ever.
From age to age we will recount your praise. R
जयघोष
मी उठून आपल्या बापाकडे जाईन व त्याला म्हणेन,
"बाबा, मी स्वर्गाविरुद्ध व तुमच्याविरुद्ध पाप केले आहे."
Acclamation:
Your words, Lord, are Spirit and life; you have the words of eternal life.
शुभवर्तमान लूक ६:३६-३८
वाचक : लूकलिखित पवित्र शुभवर्तमानातून घेतलेले वाचन
येशूने आपल्या शिष्यांना म्हटले, "जसा तुमचा पिता दयाळू आहे तसे तुम्हीही दयाळू व्हा. तुम्ही कोणाचे दोष काढू नका, म्हणजे तुमचे दोष कोणी काढणार नाही. कोणाला दोषी ठरवू नका म्हणजे तुम्हांला कोणी दोषी ठरवणार नाही. क्षमा करा म्हणजे तुमची क्षमा होईल. द्या म्हणजे तुम्हांला दिले जाईल. चांगले माप दाबून, हालवून व शीग भरून तुमच्या पदरी घालतील. कारण ज्या मापाने तुम्ही मापून द्याल त्याच मापाने तुम्हांला परत काढून देण्यात येईल."
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading:
Luke 6:36-38
At that time: Jesus said to his disciples, "Be merciful, even as your Father is merciful. Judge not, and you will not be judged; condemn not, and you will not be condemned; forgive, and you will be forgiven; give, and it will be given to you. Good measure, pressed down, shaken together, running over, will be put into your lap. For with the measure you use it will be measured back to you."
Praise the Lord Jesus Christ .
चिंतन:प्रभू येशू आजच्या शुभवर्तमानात घोषित करतो की, "जसा तुमचा पिता दयाळू आहे तसे तुम्हीही दयाळू व्हा." परमेश्वराची दया किती मोठी आहे हे कोण ओळखू शकेल काय? हे ओळखणे कोणत्याही माणसाच्या आकलन शक्तीपलीकडे आहे. तरीपण आपणांस पित्यासारखे दयाळू होण्यासाठी सांगण्यात आले आहे. परमेश्वर दया करणारा आणि क्षमा करणारा परमेश्वर आहे. दानिएल संदेष्टा आपल्या राष्ट्राच्या पापांबद्दल खेद आणि पश्चात्ताप व्यक्त करताना दयाळू परमेश्वराकडे क्षमेची याचना करतो. परमेश्वर आपल्या विपुल दयेनुसार त्यांना क्षमा करतो. हीच दया आपण एकमेकांना दाखवावी हीच परमेश्वराची इच्छा आहे, म्हणून प्रभू येशू आपणांस सांगतो की तुम्ही कोणाचे दोष काढू नका, म्हणजे तुमचे दोष कोणी काढणार नाही, क्षमा करा, दया करा, द्या म्हणजे तुम्हांस दिले जाईल. क्षमा, दया, दानधर्म हे दयेचे सद्गुण आहेत आणि नेहमीच ते आपणांस ख्रिस्ती जीवनात दिसून आले पाहिजेत. परमेश्वर आपल्या दया कृत्यांकडे पाहातो. आपणांस आपल्या पापांची क्षमा मिळवण्यासाठी आणि परमेश्वराच्या करुणेचे आशीर्वाद मिळवण्यासाठी दया कृत्येच परिणामकारक ठरतील. उपवासकाळात प्रभू येशूच्या दुःखसहनावर मनन-चिंतन करीत असताना परमेश्वर पित्यासारखे दयाळू होण्यासाठी आपण प्रयत्न करू या.
प्रार्थना : हे दयाळू परमेश्वरा, तुझ्या परिपूर्णतेत सहभागी होण्यास आम्ही पात्र बनावेत म्हणून आम्हाला प्रेरणा व कृपा दे, आमेन.
✝️
