उपवासकाळातील चौथा सप्ताह
शुक्रवार दि. ४ एप्रिल २०२५
✝️
"तुम्ही मला ओळखता व मी कोठला आहे हेही तुम्हांला ठाऊक आहे.
"You know me, and you know where I come from.
संत इजिदोर
- महागुरू, धर्मपंडित (५५६-६३६)
प्रभू येशू हा मसिहा व तारणारा आहे ह्यावर विश्वास ठेवण्यास यहुद्यांनी नकार दिला होता, कारण येशूला ते मानवी दृष्टीकोनातून ओळखत होते की तो एका सुताराचा मुलगा होता. प्रभू येशूच्या दैवीपणावर विश्वास न ठेवणाऱ्या यहुद्यांना येशूने स्पष्टपणे सांगितले की, 'ज्याने मला पाठविले तो खरा आहे, मी त्याला ओळखतो, तुम्ही त्याला ओळखीत नाही. प्रभू येशू ख्रिस्ताने त्याचे दैवीपण त्याच्या शिकवणुकीद्वारे आणि केलेली अनेक सत्कृत्ये व चमत्काराद्वारे स्पष्ट केले आहे. असे असताना यहुद्यांनी त्यांच्या कठोर अंत:करणामुळे येशूवर विश्वास ठेवला नाही. अनेकदा आपण प्रभू येशूला मानवी दृष्टीकोनातून ओळखण्याचा व जाणण्याचा प्रयत्न करीत असतो. खरे पाहता प्रभू येशूचे दैवीपण आपल्या बुद्धी आकलनापलिकडे आहे. विश्वासानेच ते स्वीकारायचे असते.
पहिले वाचन : ज्ञानग्रंथ २:१ -१२
वाचक :ज्ञानग्रंथ या पुस्तकातून घेतलेले वाचन
“आपण त्याला लाजिरवाण्या मृत्यूची शिक्षा देऊ या."
विधर्मी कारणमीमांसा करून आपापसांत असे म्हणत होते "आपण सज्जन माणसासाठी सापळा लावू या. कारण तो आपल्याला त्रासदायक आहे आणि आपल्या आचरणाचा विरोध करतो; कायदेभंग केल्यामुळे तो आपल्याला फटकारतो आणि आमच्यावर आमच्या शिक्षणाचे पाप लावून दोषी ठरवतो. तो स्वतःला परमेश्वराचे ज्ञान असल्याचे समजतो. तो आपल्या विचारांचा प्रतिस्पर्धी झाला आहे; त्याचे दर्शन हे ओझ्यासारखे आहे, कारण त्याचे आचरण दुसऱ्यांसारखे नाही, तर त्याचे मार्ग विचित्र आहेत. तो आम्हांला खोटे आणि अपवित्र समजतो व आमच्या सान्निध्यापासून दूर राहतो; तो सज्जनांचा अंतकाळ सौभाग्यशाली समजतो आणि परमेश्वर आपला पिता असल्याची शेखी मिरवतो. आपण त्याचे शब्द खरे आहेत का ते पाहू आणि त्याच्या अंतकालानंतर काय होते ते परीक्षा करून पाहू; कारण सज्जन माणूस जर परमेश्वराचा पुत्र आहे तर तो त्याला मदत करील आणि त्याच्या विरोधकांपासून त्याचे संरक्षण करील. आपण त्याचा अपमान करून त्याचे हाल करून त्याची परीक्षा घेऊ या की त्यामुळे तो किती विनम्र आहे ते पाहता येईल व त्याचे धैर्य किती आहे ते पारखून पाहता येईल. आपण त्याला लाजिरवाण्या मृत्यूची शिक्षा देऊ या, कारण त्याचा दावा असा आहे की, त्याचे संरक्षण केले जाईल."
“ते अशाप्रकारे विचार करीत होते. परंतु ती त्यांची चूक होती; कारण त्यांच्या दुष्टपणाने त्यांना अंध बनवले आहे; त्यांना परमेश्वराची रहस्ये माहीत नाहीत, तसेच ते धार्मिकतेच्या प्रतिफळावर विश्वास ठेवत नाहीत व धर्मात्म्याच्या पुरस्कारावर विश्वास ठेवत नाहीत.
प्रभूचा शब्द आहे.
सर्व : देवाला धन्यवाद.
First Reading :
Wisdom 2:1a, 12-22
Ungodly men reasoned unsoundly, saying to themselves, "Let us lie in wait for the righteous man, because he is inconvenient to us and opposes our actions; he reproaches us for sins against the law and accuses us of sins against our training. He professes to have knowledge of God and calls himself a child of the Lord. He became to us a reproof of our thoughts; the very sight of him is a burden to us, because his manner of life is unlike that of others and his ways are strange. We are considered by him as something base, and he avoids our ways as unclean; he calls the last end of the righteous happy and boasts that God is his father. Let us see if his words are true, and let us test what will happen at the end of his life; for if the righteous man is God's son, he will help him and will deliver him from the hand of his adversaries. Let us test him with insult and torture, that we may find out how gentle he is and make trial of his forbearance. Let us condemn him to a shameful death for, according to what he says, he will be protected." Thus they reasoned, but they were led astray, for their wickedness blinded them, and they did not know the secret purposes of God or hope for the wages of holiness or discern the prize for blameless souls.
This is the word of God
Thanks be to God
प्रतिसाद ३५: १६,१८-२२
प्रतिसाद : ज्यांची कंबर खचली आहे, अशांच्याजवळ प्रभू असतो.
१) वाईट करणारांची आठवणदेखील
पृथ्वीवरून बुजवून टाकावी म्हणून
प्रभू त्यांना विन्मुख होतो.
सात्त्विक धावा करतात, प्रभू ऐकतो,
तो सर्व संकटातून त्यांना सोडवतो.
२) ज्यांची कंबर खचली आहे,
अशांच्या जवळ प्रभू असतो;
ज्याचे अवसान गळाले आहे,
अशांचा तो उद्धार करतो.
सात्त्विकावर अनेक आपत्ती ओढवतात;
पण प्रभू त्या सर्वांतून त्याला सोडवतो.
३) त्याचे एकूणएक हाड तो सांभाळतो,
त्यातले एकही मोडत नाही.
प्रभू आपल्या सेवकांचे प्राण वाचवतो.
त्याला शरण जाणारे कुणीही दोषी ठरणार नाहीत.
Psalm 34:17-21 & 23
R. The Lord is close to the broken-hearted.
The Lord turns his face against the wicked
to destroy their remembrance from the earth.
When the just cry out, the Lord hears,
and rescues them in all their distress. R
The Lord is close to the broken hearted;
those whose spirit is crushed he will save.
Many are the trials of the just man,
but from them all the Lord will rescue him. R
He will keep guard over all his bones;
not one of his bones shall be broken.
The Lord ransoms the souls of his servants.
All who trust in him shall not be condemned. R
जयघोष
जे वचन ऐकून, सालस व चांगल्या अंत:करणात धरून ठेवतात
आणि धीराने फळ देत जातात, ते धन्य होत.
Acclamation:
Man shall not live by bread alone, but by every word that comes from the mouth of God.
शुभवर्तमान योहान ७:१-१०,२५-३०
वाचक :योहानलिखित शुभवर्तमानातून घेतलेले वाचन
" ते त्याला धरायला पाहत होते पण त्याची वेळ तोवर आलेली नव्हती. "
येशू गालिलात फिरू लागला; कारण यहुदी त्याला जिवे मारायला पाहत होते, म्हणूण त्याला यहुदियात फिरावेसे वाटले नाही. यहुद्यांचा सण म्हणजे मंडपांचा सण जवळ आला होता. त्याचे भाऊ सणाला गेल्यानंतर तोही, उघडपणे न जाता गुप्तपणे वर गेला.ह्यावरून येरुशलेमकरांपैकी कित्येकजण म्हणू लागले, “ज्याला जिवे मारायला पाहतात तो हाच ना? पाहा, तो उघड उघड बोलतो व ते त्याला काही म्हणत नाहीत! हा ख्रिस्त आहे, हे अधिकाऱ्यांनी खरोखरच ओळखले आहे काय? तरी हा कोठला आहे हे आम्हांला ठाऊक आहे; पण ख्रिस्त येईल तेव्हा तो कोठला आहे हे कोणालाही कळणार नाही." ह्यावरून येशू मंदिरात शिक्षण देत असता मोठ्याने म्हणाला, "तुम्ही मला ओळखता व मी कोठला आहे हेही तुम्हांला ठाऊक आहे. तरी पण मी आपण होऊन आलो नाही; ज्याने मला पाठवले तो खरा आहे, त्याला तुम्ही ओळखत नाही. मी तर त्याला ओळखतो; कारण मी त्याच्यापासून आहे व त्याने मला पाठवले आहे." ह्यावरून ते त्याला धरायला पाहत होते; तरी कोणी त्याच्यावर हात टाकला नाही, कारण त्याची वेळ तोवर आली नव्हती.
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading:
John 7:1-2, 10, 25-30
At that time: Jesus went about in Galilee. He would not go about in Judea, because the Jews were seeking to kill him. Now the Jews' Feast of Booths was at hand. But after his brothers had gone up to the feast, then he also went up, not publicly but in private. Some of the people of Jerusalem therefore said, "Is not this the man whom they seek to kill? And here he is, speaking openly, and they say nothing to him! Can it be that the authorities really know that this is the Christ? But we know where this man comes from, and when the Christ appears, no one will know where he comes from." So Jesus proclaimed, as he taught in the temple, "You know me, and you know where I come from. But I have not come of my own accord. He who sent me is true, and him you do not know. I know him, for I come from him, and he sent me." So they were seeking to arrest him, but no one laid a hand on him, because his hour had not yet come.
Praise the Lord Jesus Christ .
चिंतन: यहुदी लोक पिढ्या‌न्पिढ्या मसीहा येण्याची वाट पाहात होते आणि त्याच्या येण्याची ते तयारी करीत होते. त्यांच्या प्रत्येक विधींतून मसीहाच्या आगमनाची चिन्हे प्रकट होत होती, कारण त्याच्या आगमनाविषयी शास्त्रांत तसे लिहिले आहे. आजच्या पहिल्या वाचनात मसीहाच्या कार्याविषयी उल्लेख करण्यात आला आहे आणि कशाप्रकारे तो यहुदी अधिकाऱ्यांना नकोसा झाला आहे. हेच चित्र आजच्या शुभवर्तमानातून देखील प्रकट करण्यात आले आहे. मसीहा ह्या जगामध्ये प्रकट झाला आहे, परंतु लोक तो मसीहा आहे असा त्याच्यावर विश्वास ठेवण्यास तयार नाहीत, कारण तो नाजरेथमधील सुताराचा सामान्य मुलगा आहे असे ते त्याला ओळखत असावेत. प्रभू येशूचे
मिशन कार्य, त्याच्या शिकवणीतून त्यानें दाखवलेला अधिकार, त्याने केलेली अद्भुत चिन्हे, पापी लोकांबद्दल त्याच्या मनात असलेली विलक्षण करुणा, इत्यादी सर्व अपवादात्मकगोष्टी बऱ्याच जणांना समजल्या नाहीत म्हणून ते त्याच्याविषयी उडखळले. प्रभू येशू लोकांना स्वतःचे प्रकटीकरण करताना सांगतो की मी स्वतःहून आलो नाही, तर पित्याने मला पाठविले आहे. प्रभू येशूचे अत्यंत प्रभावी असे मिशनकार्य साक्ष देते की प्रभू येशू स्वर्गीय पित्याने पाठवलेला मसीहा आहे आणि हा आपला जिवंत विश्वास असला पाहिजे
प्रार्थना:हे प्रभू येशू, तूच एकमेव तारणारा व जीवनदाता आहेस ही श्रद्धा दृढबनविण्यास आम्हाला कृपा दे, आमेन.
✝️
