हे नवीन वर्ष आपल्या सर्वाना प्रभूच्या सहवासात
सुखाचे व भरभराटीचे जावो .
प्रभूजन्मानंतरचा आठवा दिवस
पवित्र देवमाता मरियेचा सोहळा
गुरुवार दि. १ जानेवारी २०२६
मरियेने या सर्व गोष्टींचे मनन करून त्या आपल्या अंत:करणात ठेवल्या.
Mary kept all these words, pondering them in her heart.
पवित्र देवमाता मरियेचा सोहळा
✝️
नववर्ष दिनाच्या पहिल्याच दिवशी परमेश्वर मोशेद्वारे इस्त्राएली जनतेला आशीर्वाद प्रदान करीत आहे. मात्र हा भव्य आशीर्वाद कसा असावा ह्याचे स्पष्टीकरण करताना म्हटले आहे की, परमेश्वर तुला आशीर्वाद देवो व तुझे संरक्षण करा. परमेश्वर आपला मुखप्रकाश तुझ्यावर कृपा करो, परमेश्वर तुझ्याकडे प्रसन्नमुख करो अशी तुला शांति देवो, परमेश्वराचे नाव मुद्रित करुन हा भव्य आशीर्वाद आज आपणा सर्वांना मिळत आहे.आज आपण "पवित्र मरिया देवाची माता" हा सोहळा साजरा करीत आहोत. १९७० साली पोप सहावे पॉल ह्यांनी ह्या सोहळ्याची स्थापना केली. खरोखर पवित्र मरिया ही देवाची माता आहे. ४३१ साली एफेसस येथे भरलेल्या धर्मपरिषदेमध्ये पवित्र मरिया “थीयोटोकोस" (Theotokos) म्हणजे "देवाची माता' आहे असे घोषित करण्यात आले आणि तेव्हापासून आजपर्यंत ख्रिस्ती भाविक आदराने पवित्र मरियेलादेवाची माता म्हणून संबोधितात. आजच्या शुभवर्तमानात सांगितल्याप्रमाणे यहुदी प्रथेनुसार आठव्या दिवशी बाळ येशूची सुंता करण्यात आली आणि त्याला देवदूताने सूचविलेले "येशू" हे नाव देण्यात आले, ज्याचा अर्थ आहे "परमेश्वर तारण आहे." "येशू" हे नाव ख्रिस्ताची ओळख आणि कार्य दर्शविते. पवित्र मरियेच्या उदरी जन्माला आलेले बाळ स्वतः परमेश्वर आहे आणि त्याचबरोबर मानव देखील आहे. सर्वसमर्थ परमेश्वराने पवित्र मरियेपासून देह धारण केला आणि प्रभू येशूमध्ये दैवी आणि मानवी स्वभाव युगानुयुगासाठी कोणत्याही गोंधळाविना एक झाले, म्हणून परमेश्वराला मानव रूपामध्ये जन्म देणाऱ्या पवित्र मरियेला "देवाची माता" म्हणून संबोधितात. आजचा दिवस ख्रिस्मस ऑक्टेव्हमधील शेवटचा दिवस आहे आणि आजच्या दिवशी ख्रिस्तसभा पवित्र मरियेचा "देवाची माता" म्हणून योग्यरीत्या सन्मान करीत आहे, कारण तिने जन्म दिलेला बालक आपल्या सर्वांचा निर्माता परमेश्वर आहे. पवित्र मरियेचा सन्मान हा परमेश्वराचाच सन्मान आहे. हे पवित्र मरिये, "देवाचे माते" आम्हासाठी विनंती कर!✝️
पहिले वाचन गणना ६:२२-२७
वाचक :गणना या पुस्तकातून घेतलेले वाचन
“त्यांनी इस्त्राएल लोकांवर माझे नाव मुद्रित करावे म्हणजे मी त्यांना आशीर्वाद देईन."
परमेश्वर मोशेला म्हणाला, “अहरोन त्याचे पुत्र यांना असे सांग, तुम्ही इस्राएल लोकांना आशीर्वाद देताना असे म्हणा : परमेश्वर तुला आशीर्वाद देवो व तुझे संरक्षण करो. परमेश्वर आपला मुखप्रकाश तुझ्यावर पाडो व तुझ्यावर कृपा करो, परमेश्वर तुझ्याकडे प्रसन्नमुख करो आणि तुला शांती देवो. या रीतीने त्यांनी इस्राएल लोकांवर माझे नाम मुद्रित करावे म्हणजे मी त्यांना आशीर्वाद देईन."
हा प्रभूचा शब्द आहे
सर्व : देवाला धन्यवाद.
And the Lord spoke to Moses, saying:Say to Aaron and his sons: Thus shall you bless the children of Israel, and you shall say to them:The Lord bless thee, and keep thee.The Lord shew his face to thee, and have mercy on thee.The Lord turn his countenance to thee, and give thee peace. And they shall invoke my name upon the children of Israel, and I will bless them.
This is the word of God
Thanks be to God
स्तोत्र ६७:२-३,५,६,८
प्रतिसाद : हे देवा, आम्हांला आशीर्वाद दे.
१) हे परमेश्वरा, आम्हांवर दया कर.
आम्हांला आशीर्वाद दे.
तू आपला मुखप्रकाश आम्हांवर पाड.
यासाठी की पृथ्वीवर तुझा मार्ग कळावा,
सर्व राष्ट्रांना तू सिद्ध केलेले तारण समजावे.
२) राष्ट्रे हर्षोत व जयघोष करोत कारण
तू राष्ट्रांचा न्याय सरळपणे करतोस व
पृथ्वीवरील राष्ट्रांना मार्ग दाखवतोस.
३) हे देवा, राष्ट्रे तुझी स्तुती करोत,
सर्व राष्ट्रे तुझी स्तुती करोत.
देव आम्हांला आशीर्वाद देवो व
पृथ्वीच्या सर्व सीमा त्याचे भय धरोत.
Psalm
Psalms 67: 2-3, 5, 6, 8
R. (2a) May God bless us in his mercy.
2 May God have mercy on us, and bless us:
may he cause the light of his countenance to shine upon us,
and may he have mercy on us.
3 That we may know thy way upon earth:
thy salvation in all nations.
R. May God bless us in his mercy.
5 Let the nations be glad and rejoice:
for thou judgest the people with justice,
and directest the nations upon earth.
R. May God bless us in his mercy.
6 Let the people, O God, confess to thee:
let all the people give praise to thee:
8 May God bless us: and all the ends of the earth fear him.
R. May God bless us in his mercy.
दुसरे वाचन गलतीकरांस पत्र ४:४-७
वाचक : पौलचे गलतीकरांस पत्र यातून घेतलेले वाचन
“देवाने आपल्या पुत्राला पाठवले, तो स्त्रीपासून जन्मलेला होता."
काळाची पूर्णता झाली तेव्हा देवाने आपल्या पुत्राला पाठवले. तो स्त्रीपासून जन्मलेला, नियमशास्त्राधीन जन्मलेला असा होता. यात उद्देश हा होता की, जे नियमशास्त्राधीन होते त्यांना त्याने खंडणी भरून सोडवावे आणि आम्हांला पुत्राचा हक्क मिळावा. तुम्ही पुत्र आहा, म्हणून देवाने अब्बा, बापा, अशी हाक मारणाऱ्यांना आपल्या पुत्राच्या आत्म्याला तुमच्या आमच्या अंत:करणात पाठवले आहे. यावरून तू आतापासून गुलाम नाहीस तर पुत्र आहेस आणि पुत्र आहेस तर देवाद्वारे वारसही आहेस.
हा प्रभूचा शब्द आहे.
सर्व : देवाला धन्यवाद.
Second Reading: Galatians 4: 4-7
But when the fulness of the time was come, God sent his Son, made of a woman, made under the law:That he might redeem them who were under the law: that we might receive the adoption of sons. And because you are sons, God hath sent the Spirit of his Son into your hearts, crying: Abba, Father. Therefore now he is not a servant, but a son. And if a son, an heir also through God.
This is the word of God
Thanks be to God
जयघोष
आलेलुया, आलेलुया!
देव प्राचीन काळी निरनिराळ्या मार्गे संदेष्ट्यांच्याद्वारे आमच्या पूर्वजांशी बोलला परंतु ह्या अंतिम काळात तो त्याच्या पुत्राद्वारे आम्हांबरोबर बोलला आहे.
आलेलुया!
Acclamation:
R. Alleluia, alleluia.
In the past God spoke to our ancestors through the prophets; in these last days, he has spoken to us through the Son.
R. Alleluia, alleluia
शुभवर्तमान लूक २:१६-२१
वाचक : लूकलिखित पवित्र शुभवर्तमानातून घेतलेले वाचन
"मरिया, योसेफ व बाळ ही त्यांना सापडली.... आठवा दिवस आला तेव्हा त्याला येशू म्हणण्यात आले."
मेंढपाळ घाईघाईने गेले आणि मरिया, योसेफ व गव्हाणीत ठेवलेले बाळही त्यांना सापडले. त्यांनी त्यांना पाहिल्यावर त्या बाळकाविषयी त्यांना जे कळविण्यात आले होते ते त्यांनी जाहीर केले. मग ऐकणारे सर्वजण त्या मेंढपाळांनी सांगितलेल्या गोष्टीवरून आश्चर्यचकित झाले. परंतु मरियेने या सर्व गोष्टींचे मनन करून त्या आपल्या अंत:करणात ठेवल्या. नंतर ते मेंढपाळ त्यांना सांगण्यात आले होते त्याप्रमाणे त्या सर्व गोष्टी ऐकून व पाहून देवाचा गौरव व स्तुती करीत परत गेले.
आठवा दिवस म्हणजे सुंतेचा दिवस आल्यावर त्याचे नाव येशू ठेवण्यात आले. हे नाव तो उदरात संभवण्यापूर्वीच देवदूताने ठेवले होते.
प्रभूचे हे शुभवर्तमान
सर्व : हे ख्रिस्ता तुझी स्तुती असो.
And they came with haste; and they found Mary and Joseph, and the infant lying in the manger. And seeing, they understood of the word that had been spoken to them concerning this child. And all that heard, wondered; and at those things that were told them by the shepherds. But Mary kept all these words, pondering them in her heart. And the shepherds returned, glorifying and praising God, for all the things they had heard and seen, as it was told unto them. And after eight days were accomplished, that the child should be circumcised, his name was called JESUS, which was called by the angel, before he was conceived in the womb.
This is the Gospel of the Lord
Praise the Lord Jesus Christ .
चिंतन:
आज आपण प्रामुख्याने पवित्र मरियेचा सन्मान करतो कारण देवाने तिला पवित्र त्रैक्यातील दुसरी व्यक्ती प्रभू येशूची आई होण्यासाठी निवडून तिचा सन्मान केला, जेव्हा देवाने मानवी देह धारण केला आणि मनुष्य झाला, बायबलमध्ये सांगितल्या-प्रमाणे. देवदूत मरियेला म्हणाला: “मरिया, भिऊ नकोस, कारण तुझ्यावर देवाची कृपा झाली आहे. आणि पाहा, तू गरोदर राहशील आणि तुला मुलगा होईल आणि तू त्याचे नाव येशू ठेवशील. तो महान होईल, आणि त्याला परात्पर पुत्र म्हटले जाईल..." येशूची आई होण्यासाठी देवदूताला मरियेकडून संमती मिळाल्यानंतर, धन्य कुमारी मरिया एलिझाबेथला भेटायला गेली.मरियेच्या अभिवादनावर, एलिझाबेथ म्हणाली, "स्त्रियांमध्ये तू धन्य आहेस आणि तुझ्या पोटचे फळ धन्य आहे! आणि माझ्या प्रभूच्या मातेने माझ्याकडे यावे, हा मान मला कोठून?” म्हणूनच, कॉन्स्टॅटिनोपलचा कुलपिता नेस्टोरियसची खोटी शिकवण की, मरिया ही केवळ ख्रिस्तोटोकोस होती हे दुरुस्त करण्यासाठी इ. स. ४३१ मध्ये एफसस येथे भरलेल्या परिषदेने पुष्टी केली की, पवित्र मरिया ही खरोखरच देवाची आई आहे (थिओटोकोस).
प्रार्थना : : हे पवित्र देवमाते, तुझ्या मायेच्या पंखाखाली आम्हाला आश्रय दे व तुझे अनुकरण्यास प्रेरणा मिळावी म्हणून आम्हासाठी तुझ्या पुत्राकडे विनंती कर, आमेन✝️
नवीन वर्षाच्या २०२६ हार्दिक शुभेच्छा
✝️
0 टिप्पण्या