पहिले वाचन :इब्री लोकांस पत्र १२:१८-१९.२१-२४
हा प्रभूचा शब्द आहे
सर्व : देवाला धन्यवाद.
प्रतिसाद : स्तोत्र ४८:२-४,९-११
प्रतिसाद : हे देवा, तुझ्या मंदिरात आम्ही तुझ्या वात्सल्याचे चितंन करतो.
१) परमेश्वर थोर आहे, आमच्या देवाच्या नगरात, त्याच्या पवित्र पर्वतावर, तो स्तुतीस अत्यंत पात्र आहे; उच्चतेमुळे सुंदर आणि सर्व पृथ्वीचा आनंद आहे.
२) उत्तर सीमेवरील सियोन पर्वत, राजाधिराजाचे नगर! देव त्याच्या प्रासादांमध्ये आश्रयदुर्ग असा प्रगट झाला आहे.
३) जे आम्ही ऐकले ते सेनाधीश परमेश्वराच्या नगरात, आमच्या देवाच्या नगरात पाहिले; ते हे की, देव सर्वकाळ ते स्थिर राखील.
४) हे देवा, तुझ्या मंदिरात आम्ही तुझ्या वात्सल्याचे चिंतन करतो. हे देवा, जसे तुझे नाव, तशी तुझी कीर्ती पृथ्वीच्या शेवटपर्यंत जात आहे. तुझा उजवा हात न्यायपूर्ण आहे.
जयघोष
आलेलूया, आलेलूया !
हे प्रभो, तू माझे नेत्र उघड म्हणजे तुझ्या धर्मशास्त्रातील अलौकिक गोष्टी माझ्या दृष्टीस पडतील.
वाचक : मार्कलिखित शुभवर्तमानातून घेतलेले वाचन
येशूने बारा जणांस आपल्या जवळ बोलावले व तो त्यांना जोडीजोडीने बाहेर पाठवू लागला. त्याने त्यांना अशुद्ध आत्म्यांवरचा अधिकार दिला आणि त्यांना आज्ञा केली की, "वाटेसाठी काठीवाचून दुसरे काही घेऊ नका, भाकरी, झोळणा किंवा कमरकशात पैसे घेऊ नका, वहाणा घालून चाला, दोन अंगरखे घालू नका. तुम्ही कोठेही एखाद्याच्या घरी उतराल तेव्हा ते ठिकाण सोडीपर्यंत तेथेच राहा आणि ज्या ठिकाणी तुमचे स्वागत होणार नाही आणि जेथील लोक तुमचे ऐकणार नाहीत, तेथून निघताना, त्यांना साक्ष व्हावी म्हणून आपल्या तळपायांची धूळ तेथेच झाडून टाका." ते तेथून निघाले आणि लोकांनी पश्चात्ताप करावा अशी त्यांनी घोषणा केली, पुष्कळ भुते काढली आणि अनेक रोग्यांना तेल लावून बरे केले.
प्रभूचे हे शुभवर्तमान...
