Marathi Bible Reading | 17th week in ordinary Time| Monday 28th July 2025

सामान्यकाळातील १७ वा सप्ताह 

सोमवार दिनांक २८ जुलै  २०२५

“स्वर्गाचे राज्य मोहरीच्या दाण्यासारखे आहे; 

The kingdom of heaven is like to a grain of mustard seed

 संत सिस्टर अल्फोन्सा

 कुमारिका (१९१०-१९४६)

केरळातल्या कुदानाळूर नावाच्या गावात १९ ऑगस्ट १९१० साली जोसेफ व मेरी ह्यांच्या संसारवेलीवर आन्ना नावाचे चौथे अपत्य उमलले, आईच्या मृत्यूनंतर तिच्या मावशीने आन्नाचे पालन पोषण केले. तिच्या बालपणी तिने वाचलेली लिझोची संत तेरेजा हिची कहाणी वाचून आपण प्रार्थना आणि प्रायश्चित्त ह्या माध्यमातून संत व्हावे असे तिला वाटू लागले.

आन्ना हिला कॉन्व्हेंटमध्ये जायचे होते, परंतु तिच्या मावशीने तिचे आधीच लग्न ठरविलेले होते. आपली सोयरिक मोडणे आता केवळ अशक्य आहे असे दिसताच तिने आपले सौंदर्य नष्ट करण्यासाठी मोठ्या अग्नी ज्वालेमध्ये आपला पाय घातला. परंतु सुदैवाने तो घसरला आणि ती स्वतः त्या ज्वालेत पडली व मोठ्या प्रमाणात भाजली. मात्र थोड्याशा औषधोपचारानंतर ती बरी झाली. त्यानंतर तिच्या मावशीने तिला व्रतस्थ जीवनात प्रवेश करण्यास परवनागी दिली.

या महत्त्वाच्या जीवनासाठी आपली तयारी करण्यासाठी ती भारानांगानाम येथील कॉन्व्हेंटमध्ये नवशिष्य म्हणून इ. स. १९२८ साली दाखल झाली. तिथे वैराग्याची वस्त्रे पांघरल्यानंतर सिस्टर अल्फोन्सा ह्यांच्या जीवनात तीन प्रसंग येऊन गेले.

इ. स. १९३५ साली कॉन्व्हेंटमध्ये प्रशिक्षण घेत असतानाच तिला एका असाध्य रोगाने पछाडले. तीन महिने ती ह्या आजाराशी झुंज देत होती. त्यावेळी तिने धन्यवादित कुरियाकोस एलायस चावरा (सण ३ जानेवारी) ह्यांचा नोव्हेना केला आणि ती ठणठणीत बरी झाली.

दुसऱ्या एका प्रसंगात एका संध्याकाळी एक चोर त्यांच्या कॉन्व्हेंटमध्ये शिरलेला पाहून तिने इतका धसका घेतला की, ती बेशुद्ध होऊन पडली. शुद्धीवर आल्यानंतर तिला तामिळ भाषेची देणगी मिळाल्याचे दिसून आले. त्याआधी तिने तामिळ ही भाषा कधी वाचली, लिहिली की बोलली नव्हती. आता ह्या नवीन दानामुळे ती तामिळी लोकांमध्ये प्रसिद्ध झाली. बरेच लोक तिच्याकडे मार्गदर्शनासाठी येऊ लागले. तिला दूरदृष्टीची विलक्षण देणगी देखील लाभलेली होती.

तिसऱ्या एका घटनेत इ. स. १९४५ साली तिला येशूच्या दुःख सहनाशी एकरूप होण्याची संधी मिळाली. सुरूवाती-सुरूवातीला हे दुःखसहन केवळ शुक्रवारी ३ तासासाठी होई. पुढे ते कधीही होऊ लागले. परंतु त्यातून बाहेर आल्यानंतर तिच्या चेहऱ्यावर थकल्याची कुठलीही खूण दिसत नसे. उलट आगळाच ताजेतवानेपणा तिच्या मुखवट्यावर विलसत असे.

हे दु:खसहन प्रसंग मर्यादित व्हावे अशी प्रार्थना तू का करीत नाहीस? असा प्रश्न विचारणाऱ्या सिस्टरांना तिने दिलेले उत्तर सामान्य माणसाला अंतर्मुख करणारे असेच आहे. ती म्हणाली मी केवळ हेच दुःखसहन नव्हे तर कोणतेही दुःख सहन करण्यास तयार आहे, आजचे आधुनिक जग केवळ सुखासीनतेच्या सागरात पार डुंबलेले आहे. नाशाच्या मार्गावर असणाऱ्या जगासाठी म्हणा किंवा धर्मगुरू व धर्मभगिनींच्या उदासीन वृत्तीबद्दल म्हणा प्रभूला मला जितक्या यातना दयावयाच्या आहेत तितक्या सोसण्यास माझी पूर्ण तयारी आहे.

२८ जुलै रोजी सिस्टर अल्फोन्सा मरण पावल्या. पुढे इ. स. १९८६ सालच्या फेब्रुवारी महिन्यात जेव्हा पोप जॉन पॉल दुसरे आपल्या भारत भेटीवर आले तेव्हा कोट्टायाम (केरळ) येथे त्यांना धन्यवादित  ही पदवी पोपमहाशयांनी बहाल केली. आणि Pope Benedict XVI approved Blessed Alphonsa for canonization on June 1, 2007. The fifty-five-year process of her canonization was completed just over a year later on October 12, 2008, when she was officially named a saint. St. Alphonsa was the second person of Indian origin to be canonized a saint and the first Indian woman to be elevated to the status of sainthood.

चिंतन : मी स्वत:ला सर्वस्वी येशूचरणी वाहिलेले आहे. माझ्याशी वागताना कृपया येशूला प्रसन्न करण्याचा आपण सर्वजण एकत्र प्रयत्न करू या.केवळ देवाच्या प्रेमाखातर दुःखसहन करण्यास आनंद मानणे हीच माझी एकमेव इच्छा आहे. संत  सि. अल्फोन्सा

पहिले वाचन :निर्गम  ३२: १५-२४, ३०-३४

वाचक : निर्गम या पुस्तकातून घेतलेले वाचन 

"ह्या लोकांनी पाप केले आहे; ह्यांनी आपल्यासाठी सोन्याचे देव बनवले. "

मोशे मागे फिरून आपल्या हाती साक्षपटाच्या त्या पाट्या घेऊन पर्वतावरून खाली उतरला; ह्या पाट्यांवर पुढल्या आणि मागल्या अशा दोन्ही बाजूस लिहिले होते. ह्या पाट्या देवाने केलेल्या होत्या आणि त्यांच्यावर खोदलेला लेख देवाने लिहिलेला होता. यहोशवाने लोकांचा गलबला ऐकला तेव्हा तो मोशेला म्हणाला, “छावणीत लढाईचा आवाज ऐकू येत आहे." तो म्हणाला, "हा आवाज येत आहे तो विजयोत्सवाचा नव्हे, अथवा पराभवाचाही नव्हे, तर गाण्याचाच आवाज मला ऐकू येत आहे." मोशे छावणीजवळ येऊन पोहोचल्यावर ते वासरू आणि तो नाच-तमाशा त्याने पाहिला. तेव्हा त्याचा राग भडकला आणि त्याने आपल्या हातातल्या पाट्या पर्वताच्या पायथ्याशी फेकून फोडून टाकल्या. तसेच त्यांनी बनवलेले ते वासरू घेऊन त्याने अग्नीत टाकले आणि कुटून त्याचा चुरा केला; तो त्याने पाण्यावर टाकला आणि ते पाणी त्याने इस्राएल लोकांना प्यायला लावले.

तेव्हा मोशे अहरोनला म्हणाला, "तू ह्या लोकांवर एवढा पापभार लादला असे ह्यांनी तुझे काय केले होते ?” अहरोन म्हणाला, "माझ्या स्वामीचा कोप माझ्यावर न भडको; ह्या लोकांची प्रवृत्ती पापाकडे आहे, हे आपणाला ठाऊकच आहे. त्यांनी मला सांगितले की, 'आमच्यापुढे चालतील असे देव आमच्यासाठी बनव; कारण आम्हांला इजिप्त देशातून बाहेर आणणारा मनुष्य मोशे ह्याचे काय झाले आहे ते आम्हांला कळत नाही.' मी त्यांना सांगितले, त्याप्रमाणे त्यांनी त्यांच्याकडील सोने ..मला दिले; ते मी अग्नीत टाकले तो त्यातून हे वासरू निघाले.दुसऱ्या दिवशी मोशे लोकांना म्हणाला, “तुम्ही हे घोर पापकृत्य केले आहे, तरी मी आता परमेश्वराकडे वर चढून जातो; कदाचित तुमच्या पापाचे प्रायश्चित्त मला करता येईल.” मोशे परमेश्वराकडे जाऊन म्हणाला, "हाय ! हाय ! ह्या लोकांनी घोर पापकृत्य केले आहे; ह्यांनी आपल्यासाठी सोन्याचे देव बनवले. तरी आता तू त्यांच्या पापांची क्षमा करशील तर, न करशील तर तू लिहिलेल्या पुस्तकातून मला काढून टाक.” परमेश्वर मोशेला म्हणाला, "ज्या कोणी माझ्याविरूद्ध पाप केले आहे त्यालाच मी आपल्या पुस्तकातून काढून टाकीन. आता तू जा, स्थळाविषयी मी तुला सांगितले आहे तिकडे त्यांना घेऊन जा. पाहा, माझा दूत तुझ्यापुढे चालेल. तरी ज्या दिवशी मी झडती घेईन त्यादिवशी त्यांच्या पापाबद्दल त्यांचा समाचार घेईन.

हा प्रभूचा शब्द आहे 

सर्व : देवाला धन्यवाद.

First Reading : : Exodus 32: 15-24, 30-34

And Moses returned from the mount, carrying the two tables of the testimony in his hand, written on both sides, And made by the work of God: the writing also of God was graven in the tables. And Josue hearing the noise of the people shouting, said to Moses: The noise of battle is heard in the camp. But he answered: It is not the cry of men encouraging to fight, nor the shout of men compelling to flee: but I hear the voice of singers.

 And when he came nigh to the camp, he saw the calf, and the dances: and being very angry, he threw the tables out of his hand, and broke them at the foot of the mount: And laying hold of the calf which they had made, he burnt it, and beat it to powder, which he strowed into water, and gave thereof to the children of Israel to drink. And he said to Aaron: What has this people done to thee, that thou shouldst bring upon them a most heinous sin? And he answered him: Let not my lord be offended: for thou knowest this people, that they are prone to evil. They said to me: Make us gods, that may go before us: for as to this Moses, who brought us forth out of the land of Egypt, we know not what is befallen him. And I said to them: Which of you hath any gold? and they took and brought it to me: and I cast it into the fire, and this calf came out. And when the next day was come, Moses spoke to the people: You have sinned a very great sin: I will go up to the Lord, if by any means I may be able to entreat him for your crime. And returning to the Lord, he said: I beseech thee: this people hath sinned a heinous sin, and they have made to themselves gods of gold: either forgive them this trespass, Or if thou do not, strike me out of the book that thou hast written.And the Lord answered him: He that hath sinned against me, him will I strike out of my book: But go thou, and lead this people whither I have told thee: my angel shall go before thee. And I in the day of revenge will visit this sin also of theirs.

This is the word of God 

Thanks be to God 

प्रतिसाद स्तोत्र :  १०६:१९-२३

प्रतिसाद : परमेश्वराचे उपकारस्मरण करा कारण तो चांगला आहे.

१) त्यांनी होरेब येथे वासराची मूर्ती केली, 

ओतीव मूर्तीची पूजा केली; 

त्यांनी आपले ऐश्वर्य जो परमेश्वर 

त्याच्याऐवजी गवत खाणाऱ्या बैलाची प्रतिमा स्वीकारली.

२) ते आपल्या उद्धारक देवाला विसरले, 

त्याने इजिप्त देशात महत्कृत्ये, 

हामाच्या देशात अद्भुत कृत्ये,

 तांबड्या समुद्राजवळ भयानक कृत्ये, केली होती.

३) तेव्हा तो म्हणाला,

"ह्यांचा नायनाट केला पाहिजे;

पण त्याचा क्रोध शांत करावा आणि 

त्याने त्यांचा नाश करू नये,

शीतल म्हणून त्याचा निवडलेला

 मोशे त्याला आडवा आला.

Psalms 106: 19-20, 21-22, 23

R. (1a) Give thanks to the Lord, for he is good.

19 They made also a calf in Horeb:

 and they adored the graven thing.

20 And they changed their glory into the likeness 

of a calf that eateth grass.

R. Give thanks to the Lord, for he is good.

21 They forgot God, who saved them, 

who had done great things in Egypt,

22 Wondrous works in the land of Cham: 

terrible things in the Red Sea.

R. Give thanks to the Lord, for he is good.

23 And he said that he would destroy them: 

had not Moses his chosen stood before him in the breach: 

To turn away his wrath, lest he should destroy them.

R. Give thanks to the Lord, for he is good.

जयघोष                                                 

आलेलुया, आलेलुया! 

जे वचन ऐकून शुद्ध नि प्रामाणिक अंतःकरणात धरून ठेवतात आणि धीराने फळ देत जातात, ते धन्य होत.

 आलेलुया!

Acclamation: 

 Alleluia: James 1: 18

R. Alleluia, alleluia.

The Father willed to give us birth by the word of truth that we may be a kind of firstfruits of his creatures.

R. Alleluia, alleluia.

शुभवर्तमान   मत्तय १३ : ३१-३५

वाचक: मत्तयलिखित शुभवर्तमानातून घेतलेले वाचन 

"त्या मोहरीच्या दाण्याचे असे झाड होते की, आकाशातील पाखरे येऊन त्याच्या फांद्यांत वस्ती करतात. "

येशूने लोकसमुदायांपुढे एक दाखला मांडला तो असा की, “स्वर्गाचे राज्य मोहरीच्या दाण्यासारखे आहे; तो कोणा एका मनुष्याने घेऊन आपल्या शेतात लावला; तो तर सर्व दाण्यांमध्ये लहान आहे तरी वाढल्यावर इतर भाज्यांपेक्षा मोठा होऊन त्याचे असे झाड होते की, आकाशातील पांखरे येऊन त्याच्या फांद्यांत वस्ती करतात. "

त्याने त्यांना आणखी एक दाखला सांगितला की, “स्वर्गाचे राज्य खमिरासारखे आहे; एका स्त्रीने घेऊन तीन मापे पिठामध्ये लपवून ठेवले, त्याच्यामुळे शेवटी ते सर्व पीठ फुगून गेले.”

ह्या सर्व गोष्टी येशूने दाखल्यांनी लोकसमुदायांना सांगितल्या आणि दाखल्यावाचून तो त्यांच्याबरोबर काही बोलला नाही. ह्यासाठी की, संदेष्ट्यांच्याद्वारे जे सांगितले होते ते पूर्ण व्हावे, ते असे की, "मी आपले तोंड उघडून दाखले देईन, जगाच्या स्थापनेपासून जे गुप्त ते प्रकट करीन.”

प्रभूचे हे शुभवर्तमान

सर्व : हे ख्रिस्ता  तुझी स्तुती असो.

Gospel Reading :

Matthew 13: 31-35

Another parable he proposed unto them, saying: The kingdom of heaven is like to a grain of mustard seed, which a man took and sowed in his field. Which is the least indeed of all seeds; but when it is grown up, it is greater than all herbs, and becometh a tree, so that the birds of the air come, and dwell in the branches thereof. Another parable he spoke to them: The kingdom of heaven is like to leaven, which a woman took and hid in three measures of meal, until the whole was leavened. All these things Jesus spoke in parables to the multitudes: and without parables he did not speak to them. That it might be fulfilled which was spoken by the prophet, saying: I will open my mouth in parables, I will utter things hidden from the foundation of the world.

This is the Gospel of the Lord 

Praise the Lord Jesus Christ .

चिंतन: परमेश्वराच्या राज्याची संकल्पना मानवी दृष्टिकोनाच्या पलीकडची आहे. मानवी दृष्टिकोनातून राज्य म्हटले की, सत्ता, शक्ती, वैभव अशा गोष्टी डोळयांसमोर येतात. मात्र देवराज्याची संकल्पना समजावून देताना प्रभू येशू ख्रिस्त मोहरीचा दाणा आणि खमीर या छोटया आणि नगण्य वस्तूंचा वापर करतो. मोहरीचा दाणा हा सर्वांत छोटा असला, तरी तो वाढल्यानंतर त्याचे मोठे झाड होते. व ते सर्वांना सामावून घेते. 'मूर्ती लहान पण कार्ती महान' या उक्तीप्रमाणे देवराज्य आहे. ते आपल्याला छोटे वाटते, पण ते असते फार माठे आणि महत्त्वाचे. खमीराचे रूपक आपण जर बघितले, तर त्याची किंमत ती काय? मात्र एखादी स्त्री पीठामध्ये त्याचे मिश्रण करते, तेव्हा संपूर्ण पीठ फुगते. तसेच देवराज्य हे सामान्य असले, तरी ते सर्वव्यापी, सर्वगुणसंपन्न व सर्वकाळ टिकणारे आहे. जगाच्या स्थापनेपासून ते आहे. असे प्रभू आपल्याला शिकवत आहे.

प्रार्थना : हे, प्रभू येशू, तुझ्यशी एकरूप होण्यास आणि तुझ्या दुःखसहनात| सहभागी होण्यास आम्हाला प्रेरणा दे, आमेन.

✝️