आगमन काळातील
रविवार
३१ डिसेंबर २०२३
पवित्र कुटुंबाचा सण
✝️
"हे प्रभो, आता तू आपल्या वचनाप्रमाणे आपल्या दासाला शांतीने जाऊ दे. कारण माझ्या डोळ्यांनी तुझे तारण पाहिले आहे.
"Lord,now you are letting your servant depart in peace,
पवित्र कुटुंबाचा सण
बेनसीराची बोधवचने ह्या पहिल्या वाचनात मुलांची आई बापासंबंधाची कर्तव्ये सांगण्यात आली आहेत. विशेषत: आई-बापास सन्मानाची वागणूक मिळावी, त्यांच्या वृद्धापकाळात त्यांचा सांभाळ करावा आणि आई बापा मुळेच आपले जीवन अस्तित्व आहे ह्याची मुलांनी जाण ठेवावी..
आजच्या शुभवर्तमानात संत योसेफाला देवाचा दूत बालक येशू व आई मरिया ह्यांना घेऊन मिसर देशात जाण्यासाठी आज्ञा करतो. संकट समयी देवाने त्यांचे रक्षण केले व त्यांना नासरेथात परत आणले. त्या कठीण प्रसंगी योसेफाने मरियेची व बाळाची विशेष काळजी घेतली.
ख्रिस्तसभा आज बाळ येशू, मरिया व योसेफ ह्या पवित्र कुटुंबाचा सण साजरा करीत आहे. आजच्या तिनही वाचनांच्या संबंधाने आपण आपल्या कौटुंबिक जीवनावर चिंतन करु या.
संत योसेफ, पवित्र मरिया व बाळ येशू ह्या कुटुंबाचा आदर्श आपल्यासमोर आहे. आपण खरे ख्रिस्ती कुटुंब बनावे म्हणून प्रेरणा घेऊ या.
✝️
पहिले वाचन बेन सिरा ३ : २-६,१२-१४
वाचक :बेन सिरा या पुस्तकातून घेतलेले वाचन
“जो परमेश्वराला भितो तो आईबापाला मान देतो."
प्रभूने बापाला मुलापेक्षा अधिक सन्मान दिला आहे आणि त्याने मुलाबरोबर आईच्या अधिकाराला महत्त्व दिले आहे. जो आपल्या बापाला मान देतो, तो आपल्या पापांची भरपाई करतो आणि जो आपल्या आईचा सन्मान करतो त्याची तुलना धनदौलत जमवणाऱ्याबरोबर करता येते. जो बापाला मान देतो, त्याला त्याची मुले आनंदित करतील आणि जेव्हा तो प्रार्थना करील तेव्हा ती ऐकली जाईल. बापाला मान देणाऱ्याचे आयुष्य दीर्घ होते. जो आईचे समाधान करतो तो परमेश्वराची आज्ञा पाळतो. हे मुला, तुझ्या बापाला त्याच्या म्हातारपणी आधार दे आणि तो जिवंत असेपर्यंत त्याला दुःख देऊ नकोस, त्याची समज कमी झाली तरी त्याला दया दाखव. तुझ्या सामर्थ्यात त्याचा तिरस्कार करू नकोस. बापाला दाखविलेली दया फुकट जाणार नाही. तर तुझ्या पापांच्या भरपाईसाठी तिचा उपयोग होईल.
हा प्रभूचा शब्द आहे
सर्व : देवाला धन्यवाद.
First Reading : Sirach 3:2-6, 12-14
The Lord honoured the father above the children, and he confirmed the judgment of the mother over her sons. Whoever honours his father atones for sins, and whoever glorifies his mother is like one who lays up treasure. Whoever honours his father will be gladdened gladd by his own children, and when he prays he will be heard. Whoever glorifies his father will have long life, and whoever obeys the Lord will refresh his mother, O son, help your father in his old age and do not grieve him as long as he lives; even if he is lacking in understanding, show indulgence; in all your strength do not despise him. For kindness to a father will not be forgotten, and against your sins it will be credited to you.
This is the word of God
Thanks be to God
प्रतिसाद स्तोत्र १२८:१-५
प्रतिसाद :परमेश्वराचे भय धरून चालतो तो धन्य.
१ )धन्य तो पुरुष, जो परमेश्वराचे भय धरतो,
जो त्याच्याच मार्गानी चालतो.
तू आपल्या श्रमाचे फळ खाशील.
तू सुखी होशील, तुझे कल्याण होईल.
२ )तुझ्या घरात तुझी स्त्री जणू काय द्राक्षीच्या
सफळ वेलीसारखी होईल.
तुझी मुले तुझ्या मेजाभोवती
जैतुनाच्या रोपासारखी होतील.
३) पाहा, परमेश्वराचे भय धरणारा पुरुष
याप्रमाणे आशीर्वाद पावेल.
परमेश्वर सियोनतून तुला आशीर्वाद देवो.
आणि तुझ्या आयुष्याचे सर्व दिवस
येरुशलेमचे कल्याण तुझ्या दृष्टीस पडो.
Psalm 128:1-2, 3, 4-5
'Blessed are all who fear the Lord, and walk in his ways.
Blessed are all who fear the Lord, and walk in his ways!
By the labour of your hands you shall eat.
You will be blessed and prosper. R
Your wife like a fruitful vine in the heart of your house; your children like shoots of the olive around your table. R
Indeed thus shall be blessed the man who fears the Lord.
May the Lord bless you from Sion.
May you see Jerusalem prosper all the days of your life!
दुसरे वाचन दुसरे वाचन
पौलचे कलस्सैकरांस पत्र यातून घेतलेले वाचन ३ : १२-२२
"प्रभूठायी कौटुंबिक जीवन. "
तुम्ही देवाचे पवित्र व प्रिय असे निवडलेले लोक आहा, म्हणून करुणायुक्त हृदय, ममता, सौम्यता, लीनता, सहनशीलता ही धारण करा. एकमेकांचे सहन करा आणि कोणाविरुद्ध कोणाचे गाऱ्हाणे असल्यास आपसांत क्षमा करा. प्रभूने तुम्हांला क्षमा केली तशी तुम्हीही करा. पूर्णता करणारे बंधन अशी जी प्रीती ती ह्या सर्वांवर धारण करा. ख्रिस्ताची शांती तुमच्या अंतःकरणात राज्य करो. तिच्याकरिता तुम्हाला एक शरीर असे पाचारण्यात आले आहे. तुम्ही कृतज्ञ असा. ख्रिस्ताचे वचन तुम्हांमध्ये भरपूर राहो. परस्परांना सर्व ज्ञानाने शिकवण द्या व बोध करा. आपल्या अंत:करणात देवाला स्तोत्रे, गीते व आध्यात्मिक गायने कृपेच्या प्रेरणेने गा आणि बोलणे किंवा करणे जे काही कराल ते सर्व प्रभू येशूच्या नावाने करा, त्याच्याद्वारे देव जो पिता त्याची उपकारस्तुती करा.
स्त्रियांनो, जसे प्रभूमध्ये उचित आहे त्याप्रमाणे तुम्ही आपापल्या पतीच्या अधीन असा.
पतींनो, तुम्ही आपापल्या पत्नीवर प्रीती करा व तिच्याशी निष्ठुरतेने वागू नका.
मुलांनो, तुम्ही सर्व गोष्टींत आपल्या आईबापांची आज्ञा पाळा. हे प्रभूला संतोषकारक आहे. बापांनो, तुम्ही आपल्या मुलांना चिरडीस आणू नका. आणाल तर ती खित्र होतील.
हा प्रभूचा शब्द आहे.
सर्व : देवाला धन्यवाद
Second Reading Colossians 3:12-21 (Or: Hebrews 11:8.11-12.17-19) Brethren: Put on then, as God's chosen ones, holy and beloved, compassionate hearts, kindness, humility, meekness, and patience, bearing with one another and, if one has a complaint against another, forgiving each other, as the Lord has forgiven you, so you also must forgive. And above all these put on love, which binds everything together in perfect harmony. And let the peace of Christ rule in your hearts, to which indeed you were called in one body. And be thankful. Let the word of Christ dwell in you richly, teaching and admonishing one another in all wisdom, singing psalms and hymns and spiritual songs, with thankfulness in your hearts to God. And whatever you do, in word or deed, do everything in the name of the Lord Jesus, giving thanks to God the Father through him. Wives, submit to your husbands, as is fitting in the Lord. Husbands, love your wives, and do not be harsh with them. Children, obey your parents in everything, for this pleases the Lord. Fathers, do not provoke your children, lest they become discouraged.
This is the word of God
Thanks be to God
जयघोष
आलेलुया, आलेलुया!
पहा, मी प्रभूची दासी आहे. आपण सांगितल्याप्रमाणे माझ्याबाबतीत घडो.
आलेलुया!
Acclamation:
Let the peace of Christ rule in your hearts, let the word of Christ dwell in you richly.
शुभवर्तमान लूक २:२२-४०
वाचक :लूकलिखित पवित्र शुभवर्तमानातून घेतलेले वाचन
ते बालक शरीराने व ज्ञानाने वाढले.
मोशेच्या नियमशास्त्राप्रमाणे येशूबाळ व मरिया ह्यांचे शुद्धीकरणाचे दिवस भरल्यावर योसेफ व मरिया हे येशूबाळाला वर येरुशलेमला घेऊन आले. ते अशासाठी की, त्याचे प्रभूला समर्पण करावे. म्हणजे "प्रत्येक प्रथम जन्मलेला मुलगा प्रभूसाठी पवित्र म्हटला जावा." असे जे प्रभूच्या नियमशास्त्रात लिहिले आहे त्याप्रमाणे करावे आणि प्रभूच्या नियमशास्त्रात सांगितल्याप्रमाणे होल्यांचा जोडा किंवा पारव्यांची दोन पिल्ले यांचा यज्ञ करावा. तेव्हा पाहा, (शिमोन नावाचा कोणीएक मनुष्य येरुशलेम येथे होता, तो नीतिमान व भक्तिमान मनुष्य असून इस्राएलच्या तारणाची वाट पाहत होता. त्याच्यावर पवित्र आत्मा होता. प्रभूच्या ख्रिस्ताला पाहण्याअगोदर तुला मरण येणार नाही असे पवित्र आत्म्याने त्याला प्रकट केले होते. त्याला आत्म्याने मंदिरात आणले आणि नियमशास्त्राच्या विधीप्रमाणे करण्याकरिता आईवडील येशूला आत घेऊन आले. तेव्हा त्याने त्याला आपल्या हातात घेऊन देवाला धन्यवाद देत म्हटले :"हे प्रभो, आता तू आपल्या वचनाप्रमाणे आपल्या दासाला शांतीने जाऊ दे. कारण माझ्या डोळ्यांनी तुझे तारण पाहिले आहे. ते तू सर्व राष्ट्रांसमक्ष सिद्ध केले आहे. ते परराष्ट्रीयांना प्रकटीकरण होण्यासाठी उजेड व तुझ्या इस्राएल लोकांचे वैभव असे आहे."त्याच्याविषयी जे हे सांगण्यात आले त्यावरून त्याचे वडील व त्याची आई यांना आश्चर्य वाटले. शिमोनने त्याला आशीर्वाद दिला व त्याची आई मरिया हिला म्हटले, "पाहा, पुष्कळ लोकांच्या अंतःकरणातील विचार उघडकीस यावे, ह्यासाठी इस्त्राएलात अनेकांचे पतन आणि पुन्हा उठणे होण्यासाठी व ज्याच्याविरुद्ध लोक बोलतील असे एक चिन्ह होण्यासाठी याला नेमले आहे." आणि पाहा, तुझ्या स्वतःच्या हृदयातून तरवार भोसकून पार जाईल.)हन्ना नावाची एक संदेष्टी होती, ती आशेरच्या वंशातील फनुएलाची मुलगी होती. ती फार वयोवृद्ध झाली होती व कौमार्यकाल संपल्यापासून ती नवऱ्याजवळ सात वर्षे राहिली होती. आता ती चौऱ्याऐंशी वर्षाची विधवा असून मंदिर सोडून न जाता उपास व प्रार्थना करून रात्रंदिवस सेवा करीत असे. तिने त्याचवेळी जवळ येऊन देवाचे आभार मानले आणि जे येरुशलेमच्या मुक्ततेची वाट पाहात होते त्या सर्वांना त्याच्याविषयी सांगू लागली. नंतर प्रभूच्या नियमशास्त्राप्रमाणे सर्व काही पुरे केल्यावर योसेफ, मरिया व येशू गालिलात आपले गाव नाझरेथ येथे परत गेले. ते बाळ वाढत वाढत बलवान होत गेले व ज्ञानाने पूर्ण होत गेले आणि त्याच्यावर देवाची कृपा होती.
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading :Luke 2:22-40 (Shorter Form: Luke 2:22.39-40)
When the time came for their purification according to the Law of Moses, the parents of Jesus brought him up to Jerusalem to present him to the Lord. (as it is written in the Law of the Lord, "Every male who first opens the womb shall be called holy to the Lord") and to offer a sacrifice according to what is said in the Law of the Lord, "a pair of turtle-doves, or two young pigeons". Now there was a man in Jerusalem, whose name was Simeon, and this man was righteous and devout, waiting for the consolation of Israel, and the Holy Spirit was upon him. And it had been revealed to him by the Holy Spirit that he would not see death before he had seen the Lord's Christ. And he came in the Spirit into the temple, and when the parents brought in the child Jesus, to do for him according to the custom of the Law, he took him up in his arms and blessed God and said, "Lord,now you are letting your servant depart in peace, according to your word; for my eyes have seen your salvation that you have prepared in the presence of all peoples, a light for revelation to the Gentiles, and for glory to your people Israel." And his father father and his mother marvelled at what was said about him. And Simeon blessed them and said to Mary his mother, "Behold, this child is appointed for the fall and rising of many in Israel, and for a sign that is opposed (and a sword will pierce through your own soul also), so that thoughts from many hearts may be revealed." And there was a prophetess, Anna, the daughter of Phanuel, of the tribe of Asher. She was advanced in years, having lived with her husband seven years from when she was a virgin, and then as a widow until she was eighty-four. She did not depart from the temple, worshipping with fasting and prayer night and day. And coming up at that very hour she began to give thanks to God and to speak of him to all who were waiting for the redemption of Jerusalem. And when they had performed everything according to the Law of the Lord, they returned into Galilee, to their own town of Nazareth. And the child grew and became strong, filled with wisdom. And the favour of God was upon him.
This is the Gospel of the Lord
Praise the Lord Jesus Christ .
चिंतन: "प्रत्येक कुटुंब ही एक छोटी खिस्तसभा असून खिस्तसभा ही एक विशाल कुटुंबासमान आहे." हे प्रभावी उद्गार संत पोप जॉन पॉल दुसरे यांनी काढलेले आहेत. पवित्र मरिया, योसेफ आणि येशू यांच्या कुटुंबाला आपण नाझरेथचे कुटुंब म्हणतो. पवित्र कुटुंब ही संकल्पना फक्त रक्ताच्या नात्यापुरता मर्यादित राहू शकत नाही. येशू चाळीस दिवसांचा असताना योसेफ व मरिया ह्यांनी त्याला मंदिरात समर्पित केले. त्यावेळी इस्रायलात मसिहाची वाट पाहणाऱ्या नीतिमान स्त्री - पुरुषाचे प्रतिनिधी म्हणून संदेष्टा शिमोन व संदेष्टी हन्ना ह्यांनी येशू बाळाचे आनंदाने स्वागत केले. शिमोनाचे भाकीत म्हणजे मरिया योसेफच्या कुटुंबातील सुख - दुःखात सहभागी होण्यासाठी आपल्याला देण्यात आलेली हाक आहे. हन्नाची तपश्चर्या आणि तीने केलेला सुवार्ता प्रसार म्हणजे पवित्र कुटुंबासाठी आवश्यक असलेली पथ्ये मानावी लागतील. पवित्र कुटुंबाचा सोहळा आपणा सर्वांसाठी खालील महत्त्वाच्या बाबीवर लक्ष ठेवण्यास बोलावित आहे. देवाची चौथी आज्ञा - आईबापांचा मान राख यांची विभागणी दोन विभागात करूया. एक देवावर प्रेम व दुसरे शेजाऱ्यावर प्रेम करणे. याठिकाणी चार महत्त्वाचे गुण आपण विचारात घेऊया. १) फक्त देवावर प्रेम करणे: जे ख्रिस्ती लोकं केवळ कर्मकांड, भक्ती, रविवारची मिस्साला जाणे,कौटुंबिक प्रार्थना व धार्मिक कृत्यें एवढीच करण्यात धन्यता मानतात. त्याच्याकडे दुसऱ्यासाठी वेळ नसतो. ही भक्ती स्वतःचा गौरव व स्तुतीच करू शकते, २) फक्त शेजाऱ्यावर प्रेम करणेः असे लोक देवधर्म, रविवारची मिस्सा, प्रार्थना वगैरे काही नाही. त्यासाठी त्याच्याकडे वेळ नाही. दुसऱ्यासाठी आम्ही काम करीत आहोत. देव नको केवळ दुसऱ्याची सेवा करणे ही वृत्ती यांच्यात आहे. ३) देव प्रेम नाही व शेजार प्रेम देखील नाही: अशा गटातील लोकांकडे देवासाठी वेळ नाही तसेच शेजाऱ्यावर प्रेम करण्यासाठी वेळ नाही. स्वकेंद्री माणसे म्हणायला हरकत नाही. ४) देव प्रेम व शेजार प्रेम या दोन्हीत मग्न असणारी लोकः थोडीच लोक आपणास सापडतात की ती देवप्रीती करीत असताना शेजार प्रीती यांची सुंदर सांगड इथे घालताना आपण पाहतो. यापैकी मी व माझे कुटुंब कुठल्या प्रकारात मोडत आहे?
प्रार्थना : हे परमेश्वरा, सर्व प्रकारच्या आपत्तीमध्ये आम्ही तुझा धावा करावा आणि तुझ्या इच्छेप्रमाणे वागावे म्हणून आमच्या बरोबर राहा, आमेन.
✝️
0 टिप्पण्या