Marathi Bible Reading | 20th week in ordinary Time| Monday 18th August 2025

सामान्यकाळातील २० वा सप्ताह 

सोमवार दि. १८ ऑगस्ट  २०२५

“पूर्ण होऊ पाहतोस तर जा, तुझे असेल नसेल ते विकून गरिबांना दे म्हणजे तुला स्वर्गात संपत्ती मिळेल आणि चल, माझ्यामागे ये." 

"If you would be perfect, go, sell what you possess and give to the poor, and you will have treasure in heaven; and come, follow me."

संत हेलेना

सम्राज्ञी (--- २५०-३३०)

कॉन्स्टॅन्टाईन द ग्रेट ह्या सम्राटची माता हेलेना ही पूर्वी बिथानिया येथल्या उतारशाळेची प्रमुख होती. अत्यंत नम्र वृत्तीची असलेल्या या स्त्रीच्या जीवनात आर्मी ऑफिसर असलेला कॉन्स्टॅन्शिअस हा अधिकारी आला आणि तिचे जीवन पूर्णपणे बदलून गेले.

मात्र वीस वर्षानंतर कॉन्स्टॅन्शिअस ह्याने राज्यपदावर असताना तिला घटस्फोट दिला आणि केवळ राजकीय कारणास्तव तिला टाकून दिले. परंतु पुढे कॉन्स्टॅन्टाईन द ग्रेट हा तिचा मुलगा जेव्हा वडिलांच्या जागेवर आला तेव्हा तो आपल्या आईशी एकनिष्ठ राहिला आणि त्याने तिला मोठ्या सन्मानाची वागणूक दिली.

इ. स. ३१३ साली कॉन्स्टॅन्टाईन राजाने मॅक्सेन्शिअसवर विजय मिळविला आणि ख्रिस्ती धर्म स्वीकारला. त्याच्याबरोबर राजमाता हेलेना हिने देखील ख्रिस्ती धर्माची दीक्षा घेतली. तिची नम्र आणि सौजन्यशील आणि तितकीच अधिकारवाणीने युक्त असलेली प्रतिमा ख्रिस्ती श्रद्धा पसरविण्यास सहाय्यभूत ठरली.

आपल्या ऐश्वर्याचा व दानशूरवृत्तीचा वापर करून राणी हेलेना हिने युरोपभर अनेक ख्रिस्तमंदिरांची उभारणी केली, शेवटी वयाच्या ७५ व्या वर्षी तिने पवित्र नगरी जेरूसलेमची यात्रा सुरू केली. तिथे गेल्यावर येरूशलेमनजीक 'स्वर्गारोहणाचा पर्वत म्हटलेल्या ठिकाणी आणि बेथलेहेम गोठ्याच्या गुहेजवळ अशी दोन चर्चेस बांधली. '

रोममध्ये तिने आपल्या राजमहालाचे रूपांतर एका भव्य ख्रिस्तमंदिरात केले. आजही त्या मंदिरात ख्रिस्ताला ज्या क्रुसावर ठार मारण्यात आले तो क्रूस व पिलाताचा लेख ठेवण्यात आलेला आहे. संत हेलेना ही सुई व खिळे तयार करणाऱ्यांची आश्रयदाती संत मानली गेलेली आहे.-------------

देवाची आज्ञा न पाळता अन्य देवातांची सेवा करुन इस्त्राएली लोकांनी भ्रष्टतेचा मार्ग अवलंबिला. तरी सुद्धा देवाने शास्ते पाठवून इस्त्राएली जनतेला संरक्षण दिले. परमेश्वराच्या आज्ञा पालनामुळेच त्याची अनुकंपा जाणवते व कृपा अनुभवावयास मिळते. देव प्रीति आहे, म्हणूनच भरकटेल्या इस्त्राएली जनतेला देवाने वेळोवेळी सन्मार्गावर आणले.

आजच्या शुभवर्तमानातील तरुण नियमशास्त्रातील देवाच्या आज्ञांचे पालन करणारा जिज्ञासु माणूस होता. सार्वकालिक जीवनाची प्राप्ती आपणास व्हावी अशी त्या तरुणाची इच्छा होती; मात्र एका गोष्टीची उणीव त्याच्या मध्ये होती. कारण तो  आत्मत्याग करुन शेजाऱ्यांवर प्रीति करावयास तयार नव्हता. परमेश्वर प्रीतिआणि परस्पर प्रीतिची आज्ञा पाळण्यास प्रभू येशूने आपल्या सर्वांना आज्ञापिले आहे. विशेषरितीने प्रभूने आपल्या सर्वांना त्याचे अनुकरण करण्यासाठी आवाहन केले आहे. येशूच्या मागे जाणे म्हणजे त्याच्या वचनाप्रमाणे जीवन  जगणे. आपल्या प्रमाणेच आपण इतरांसाठी त्याग करायला शिकणे.

श्रीमंती ही स्वर्गराज्यासाठी आडकाठी बनू शकते. श्रीमंत तरुण त्याग करायला तयार नव्हता. आज आपण आपल्या जीवनावर चिंतन करु या. देवाच्या आज्ञा पाळण्यास आडकाठी बनणाऱ्या कोणत्या गोष्टी आपण सोडायला तयार नाहीत. प्रभूच्या वचनाप्रमाणे जीवन जगण्यास कोणत्या स्वार्थी गोष्टींना आपण चिकटून राहतो.देवासाठी, स्वत:साठी तसेच इतरांसाठी सुद्धा आपल्याला जगता यावे म्हणून आत्मत्याग व सेवा करण्यासाठी प्रेरणा मागू या.

पहिले वाचन : शास्ते २:११-१९

वाचक :शास्ते या पुस्तकातून घेतलेले वाचन

"परमेश्वर शास्ते उभे करी, पण लोक त्यांचे ऐकत नसत. "

इस्राएल लोक परमेश्वराच्या दृष्टीने वाइट ते करीन बआल देवाची सेवा करू लागले. आपल्या पूर्वजांचा देव जो परमेश्वर, ज्याने त्यांना इजिप्त देशातून बाहेर आणले त्याचा त्यांनी त्याग केला आणि अन्य देवाच्या म्हणजे सभोवतालच्या राष्ट्रांतील देवांच्या नादी लागून त्यांच्या चरणी लागले आणि यामुळे त्यांनी परमेश्वराला राग आणावा. परमेश्वराचा त्याग करून त्यांनी बआल आणि अष्टरोथ ह्यांची सेवा केली. म्हणून इस्राएलवर परमेश्वराचा कोप भडकला,त्याने त्यांना लुटारूंच्या हाती दिले आणि त्यांनी त्यांला लुटले. त्याने त्यांना त्यांच्या सभोवतालच्या शत्रूंच्या हवाली केले. म्हणून त्यांचा आपल्या शत्रूंसमोर टिकाव लागेना. परमेश्वराने त्यांना शपथपूर्वक सांगितल्याप्रमाणे जेथे जेथे ते कूच करीत तेथे तेथे त्यांच्यावर परमेश्वराचा कोप होऊन त्याचे अहित होई आणि ते फार संकटात पडत.

मग परमेश्वर शास्ते उभे करी आणि ते त्यांना लुटणाऱ्यांच्या हातून सोडवीत. तरी ते आपल्या शास्त्यांचे ऐकत नसत, ते व्यभिचारी बुद्धीने अन्य देवाच्या नादी लागून त्यांच्या चरणी लागत. त्यांच्या पूर्वजांनी परमेश्वराच्या आज्ञा पाळून चोखाळलेला मार्ग त्यांनी त्वरित सोडून दिला आणि आपल्या पूर्वजांचे अनुकरण केले नाही. जेव्हा जेव्हा परमेश्वर त्यांच्यासाठी शांस्ते उभे करी तेव्हा तेव्हा त्या प्रत्येकाबरोबर परमेश्वर असे आणि त्या शास्त्यांच्या हयातीत तो त्यांना त्यांच्या शत्रूंच्या हातून बचावीत असे. कारण त्यांच्यावर लोक जुलूम करीत आणि त्यांना गांजीत, ह्यामुळे ते कण्हत असत, म्हणून परमेश्वराला त्यांची कीव येई तरी पण शास्ता मरण पावला म्हणजे ते पुन्हा उलटून अन्य देवांची सेवा करीत आणि त्यांच्या चरणी लागून आपल्या वाडवडिलांपेक्षा अधिक बिघडत, ते आपला दुराचार आणि दुराग्रह सोडीत नसत.

हा प्रभूचा शब्द आहे 

सर्व : देवाला धन्यवाद.

First Reading : Judges 2:11-19 

In those days: The people of Israel did what was evil in the sight of the Lord and served the Baals. And they abandoned the Lord, the God of their fathers, who had brought them out of the land of Egypt. They went after other gods, from among the gods of the peoples who were around them, and bowed down to them. And they provoked the Lord to anger. They abandoned the Lord and served the Baals and the Ashtaroth. So the anger of the Lord was kindled against Israel and he gave them over to plunderers, who plundered them. And he sold them into the hand of their surrounding enemies, so that they could no longer withstand their enemies. Whenever they marched out, the hand of the Lord was against them for harm, as the Lord had warned, and as the Lord had sworn to them. And they were in terrible distress. Then the Lord raised up judges, who saved them out of the hand of those who plundered them. Yet they did not listen to their judges, for they whored after other gods and bowed down to them. They soon turned aside from the way in which their fathers had walked, who had obeyed the commandments of the Lord, and they did not do so. Whenever the Lord raised up judges for them, the Lord was with the judge, and he saved them from the hand of their enemies all the days of the judge. For the Lord was moved to pity by their groaning because of those who afflicted and oppressed them. But whenever the judge died, they turned back and were more corrupt than their fathers, going after other gods, serving them and bowing down to them. They did not drop any of their practices or their stubborn ways.

This is the word of God 

Thanks be to God 

प्रतिसाद स्तोत्र   १०६:३४-३७, ३९-४०.४३,४४

प्रतिसाद :  परमेश्वरा, तू माझी आठवण कर.

१) परमेश्वराच्या आज्ञेचे त्यांनी उल्लंघन केले. 

म्हणजे त्यांनी इतर राष्ट्रांचा विध्वंस केला नाही.

 तर ते त्या राष्ट्रांत मिसळले आणि त्यांचे आचार शिकले.

२ )त्यांनी त्यांच्या मूर्तीची पूजा केली,

 त्या त्यांना शापरूपी झाल्या, 

त्यांनी आपले पुत्र आणि कन्या ह्यांचे बळी भुतांना दिले.

३ )ते आपल्या कृत्यांनी भ्रष्ट झाले,

ते आपल्या कृतींनी अनाचारी बनले, 

त्यामुळे परमेश्वराचा कोप त्याच्या लोकांवर भडकला, 

त्याला आपल्या वतनाचा वीट आला. 

४ )अनेक वेळा त्याने त्यांना मुक्त केले 

तरी ते आपला हेका न सोडता बंडखोरच राहिले, 

तथापि त्यांची आरोळी ऐकून परमेश्वराने 

त्यांच्या संकटांकडे दृष्टी लावली.

Psalm 106:34-35, 36-37, 39-40, 43ab and 44

R  O Lord, remember us with the favour you show to your people.

They failed to destroy the peoples, 

as the Lord had commanded them;

instead they mingled with the nations,

and learned to act as they did. R

They also served their idols, 

and these became a snare to entrap them.

They even offered their sons

and their daughters in sacrifice to demons. R

So they defiled themselves by their actions; 

their deeds were those of a harlot..

Then God's anger blazed against his people;

 he was filled with horror at his heritage. R

 Time after time he rescued them,

but in their malice they dared to defy him.

 In spite of this he paid heed to their distress,

so often as he heard their cry. R 

जयघोष                                             

आलेलुया, आलेलुया! 

हे परमेश्वरा, बोल तुझा दास ऐकत आहे,

 सार्वकालिक जीवनाची वचने आपणाजवळ आहेत.

 आलेलुया!

Acclamation: 

Blessed are the poor in spirit, 

for theirs is the kingdom of heaven.

शुभवर्तमान   मत्तय १९:१६-२२

वाचक :मतयलिखित पवित्र शुभवर्तमानातून घेतलेले वाचन

"पूर्ण होऊ पाहतोस तर जा, तूझे असेल नसेल ते विकून गरिबांना दे म्हणजे तुला स्वर्गात संपत्ती मिळेल."

एकजण येऊन येशूला म्हणाला, “गुरुजी मला सार्वकालिक जीवन वतन मिळावे म्हणून मी कोणते चांगले काम करावे ?” तो त्याला म्हणाला, "मला चांगल्याविषयी का विचारतोस ? चांगला असा एकच आहे. तरी तू जीवनात प्रवेश करू पाहतोस तर आज्ञा पाळ." तो त्याला म्हणाला, “कोणत्या?” येशू म्हणाला, “खून करू नकोस, खोटी साक्ष देऊ नकोस, आपल्या बापाचा आणि आपल्या आईचा सन्मान कर आणि जशी आपणावर तशी आपल्या शेजांच्यावर प्रीती कर." तो तरूण त्याला म्हणाला, “मी हे सर्व पाळले आहे, माझ्या ठायी अजून काय उणे आहे ?” येशू त्याला म्हणाला, “पूर्ण होऊ पाहतोस तर जा, तुझे असेल नसेल ते विकून गरिबांना दे म्हणजे तुला स्वर्गात संपत्ती मिळेल आणि चल, माझ्यामागे ये." पण ही गोष्ट ऐकून तो तरुण खिन्न होऊन निघून गेला, कारण त्याची मालमत्ता बरीच होती

प्रभूचे हे शुभवर्तमान

सर्व : हे ख्रिस्ता  तुझी स्तुती असो.

Gospel Reading :Matthew 19:16-22

At that time: A man came up to Jesus, saying, "Teacher, what good deed must I do to have eternal life?" And he said to him, "Why do you ask me about what is good? There is only one who is good. If you would enter life, keep the commandments." He said to him, "Which ones?" And Jesus said, "You shall not murder, You shall not commit adultery, You shall not steal, You shall not bear false witness, Honour your father and mother, and, You shall love your neighbour as yourself." The young man said to him, "All these have kept. What do I still lack?" Jesus said to him, "If you would be perfect, go, sell what you possess and give to the poor, and you will have treasure in heaven; and come, follow me." When the young man heard this he went away sorrowful, for he had great possessions.

This is the Gospel of the Lord 

Praise the Lord Jesus Christ .

चिंतन: 

परमेश्वराने सावध करूनसुद्धा लोकानी अन्य देव-देवतांची (बाआल व अॅश्तरॉथ) पूजा-अर्चा केली व 'पाप-चक्र' ओढवून घेतलेः (१) पापात पडणे (२) दुःखाच्या बेड्या (३) सुटकेसाठी आक्रोश (४) परमेश्वरी हस्तक्षेप (५) संकट मोचक शास्ता (६) शांती /आबादीआबाद (७) परत पापात पडणे. अथनिएल, डेबोरा, गिडीयन, सॅमसन आदी शास्त्यांच्या ईशमय जीवनातून खूप शिकता येते... अनंत जीवनाच्या शोधातील श्रीमंत तरुण येशूकडे येतो ही बाब अभ्यासनीय आहेः येशू त्याला सनातन जीवनाचे गुपित सांगतो, 'आज्ञा पाळणे' व परिपूर्णतेसाठी 'सारेकाही विकणे', 'गरीबाना देणे' व 'येशूला अनुसरणे'. पण तो तरुण नाराज झाला व निघून गेला, कारणत्याच्याकडे खूप संपत्ती होती. सारांशः जागतिक मालमत्ता व आध्यात्मिक खजिना ह्यांच्यातून निवड करायला हवी. मुलभूत संघर्ष आसक्ती व विरक्ती ह्यांच्यातील आहे. सोने-नाणे आदि असणे चुकीचे नाही; परंतु पार्थिव वस्तू व व्यक्तींचे गुलाम होणे हिताचे नाही, दानधर्म करायला हवा, असे येशू स्पष्ट करतो

प्रार्थना :हे प्रभू येशू, त्याग करुन प्रीतिची आज्ञा पाळण्यास व तुला अनुसरण्यास आम्हाला प्रेरणा दे, आमेन.