Marathi Bible Reading | 21st week in ordinary Time| Thursday 28th August 2025

सामान्यकाळातील २१वा सप्ताह 

गुरुवार २८ ऑगस्ट २०२५

“जागृत राहा, कारण कोणत्या दिवशी तुमचा प्रभू येईल हे तुम्हांला ठाऊक नाही.Stay awake, for you do not know on what day your Lord is coming. 

हिप्पोचे संत अगस्तीन

- महागुरू, वर्तनसाक्षी, धर्मपाल, धर्मपंडित (३५४-४३०)

ख्रिस्तसभा आज महान धर्मपंडित संत आगस्टीनचा सन्मान करीत आहे. पाप कितीही मोठे असले तरी देवाची दया व कृपा त्यापेक्षा खूप महान आहे. पापी  आगस्टीनचे परिवर्तन झाले आणि पश्चातापी अंत:करणाने देवाला शरण गेलेल्या आगस्टीनने आपले संपूर्ण जीवन ख्रिस्ताला वाहीले. संत आगस्टीन म्हणतात, आपली हृदये परमेश्वरासाठी निर्माण करण्यात आलेली आहेत, ती त्या परमेश्वराठायी विसावा पावल्याशिवाय शांत होऊ शकत नाही."

बिशप अगस्तीन जगातील प्रकांडपंडितांपैकी ख्रिस्तसभेचे विख्यात विद्वान धर्मपंडित होते. त्यांनी तत्त्वज्ञान व ईशज्ञान या दोन्ही क्षेत्रांत आपला असा वेगळा ठसा उमटविलेला होता. 'कृपा' या विषयावरील त्यांचे विचार देवाचा सार्वभौम अधिकार आणि मानवाची स्वतंत्र इच्छाशक्ती या दोहोंचा सुंदर संगम घालताना दिसतात. आपल्या पश्चात्तापाची व परिवर्तनाची प्रक्रिया व श्रद्धेचा प्रवास त्यांनी 'आत्मनिवेदन' (Confessions) या जगप्रसिद्ध आत्मचरित्रामध्ये वर्णन केलेला आहे. परमेश्वराचे निर्मितीकार्य वर्णन करणारे 'सिटी ऑफ गॉड' हे पुस्तक तर नाशवंत वस्तूंमध्ये देवाचे अविनाशी सामर्थ्य कसे भरून राहिलेले आहे त्याचे सुंदर वर्णन करणारे आहे.

संत अगस्तीन २८ ऑगस्ट ४३० साली मरण पावले. त्यांच्या शरीराचे अवशेष आठव्या शतकापासून 'पाविया' येथे ठेवण्यात आलेले आहेत.

चिंतन : हे प्रेमाचे जळते भट्टी! माझ्या प्रभो! तू साक्षात प्रेम आहेस! माझ्या हृदयात प्रेमाचा अग्नी प्रज्वलित कर - संत अगस्तीन

आपण आपल्या देवावरील विश्वासात दृढ राहावे, परस्परांवर प्रेम व  दया करुन प्रभूमध्ये सर्वदा प्रार्थनेद्वारे स्थिर बनावेत. आपल्या पापांबद्दल पश्चात्ताप  करुन देवासमोर निर्दोष बनावे. देवाच्या आज्ञा पाळून प्रभूच्या वचनांनुसार जीवन  आचरण करावे. अशी आपल्या प्रभूची अपेक्षा आहे.   सर्वाना सर्वकाळचे स्वर्गीय जीवन लाभावे. मात्र जगातील केवळ  क्षणभंगूर गोष्टींचा ध्यास घेऊन देवाच्या कृपेपासून आपण बहकलो तर ज्यावेळी प्रभू येशू आपल्या पवित्र जनांसह परत येईल तेव्हा आपण बेसावध नसावे, अन्यथा आपला सर्वनाश होईल. म्हणूनच प्रभू म्हणत आहे, ‘तुम्ही जागृत राहा. 'मृत्यु आपल्याला ठावूक नाही म्हणूनच सर्वदा जागृत राहणे गरजेचे

✝️             

पहिले वाचन : : १ थेस्सलनिकाकरांस ३:७-१३

वाचक : पौलचे थेस्सलनिकाकरांस पहिले पत्र यातून घेतलेले वाचन

"प्रभू तुमची प्रीती एकमेकांवर आणि सर्वांवर वाढवून विपुल करो."

बंधूंनो, आम्हाला आपल्या सर्व अडचणीत आणि संकटात तुमच्या विश्वासावरून तुम्हांविषयी समाधान मिळाले, कारण जर तुम्ही प्रभूमध्ये स्थिरचित्त असला तर आता आमच्या जिवात जीव आल्यासारखे होईल. कारण तुमच्यामुळे आम्ही आपल्या देवापुढे जो आनंदीआनंद करीत आहो त्याबद्दल तुमच्यासंबंधाने त्याचे आभार पुरतेपणे कसे मानावे ? आम्ही रात्रंदिवस पुष्कळ प्रार्थना करतो की, आम्ही तुम्हाला तोंडीतोंडी पाहावे आणि तुमच्या विश्वासातील न्यूनता पूर्ण करावी. देव आपला पिता हा स्वतः आणि आपला प्रभू येशू हा, आमचे तुम्हांकडे येणे निर्विघ्न करो! आणि जशी आमची प्रीती तुम्हावर आहे, तशी प्रभू तुमची प्रीती एकमेकांवर आणि सर्वांवर वाढवून विपुल करो, ह्यासाठी की, आपला प्रभू येशू आपल्या सर्व पवित्र जनांसह येईल त्यावेळेस त्याने तुमची अंतःकरणे देव आपला पिता ह्याच्यासमोर पवित्रतेने निर्दोष होण्यासाठी स्थिर करावी.

हा प्रभूचा शब्द आहे 

सर्व : देवाला धन्यवाद.

First Reading : 

1 Thessalonians 3:7-13

Brothers, in all our distress and affliction we have been comforted about you through your faith. For now we live, if you are standing fast in the Lord. For what thanksgiving can we return to God for you, for all the joy that we feel for your sake before our God, as we pray most earnestly night and day that we may see you face to face and supply what is lacking in your faith? Now may our God and Father himself, and our Lord Jesus, direct our way to you, and may the Lord make you increase and abound in love for one another and for all, as we do for you, so that he may establish your hearts blameless in holiness before our God and Father, at the coming of our Lord Jesus with all his saints.

This is the word of God 

Thanks be to God 

प्रतिसाद स्तोत्र : ९०:३-४,१२-१४,१७

प्रतिसाद : तू आपल्या दयेने आम्हांला तृप्त कर, म्हणजे आम्ही हर्षभरित होऊ.

१) तू मनुष्याला पुन्हा मातीला मिळवतोस 

आणि म्हणतोस, “अहो मानवांनो, परत जा." 

कारण तुझ्या दृष्टीने सहस्र वर्षे कालच्या गेलेल्या 

दिवसासारखी रात्रीच्या प्रहरासारखी आहेत.

२) ह्याकरिता आम्हाला आमचे दिवस असे 

गणण्यास शिकव की, 

आम्हांला सुज्ञ अंत:करण प्राप्त होईल. 

हे परमेश्वरा, परत फीर, किती वेळ लावशील?

आपल्या सेवकांवर करूणा कर.

३) तू आपल्या दयेने आम्हांला प्रभातीच तृप्त कर, 

म्हणजे आम्ही हर्षभरित होऊन आमचे सर्व दिवस आनंदात घालवू

परमेश्वर जो आमचा देव त्याची कृपा आमच्यावर होवो.

 आमच्या हातच्या कामाला यश दे.

Psalm 90:3-4, 12-13, 14 and 17

Fill us with your merciful love, O Lord, and we shall exult.

You turn man back to dust, 

 and say, "Return, O children of men."

 To your eyes a thousand years are like yesterday, 

come and gone, or like a watch in the night. R

Then teach us to number our days, 

that we may gain wisdom of heart. 

Turn back, O Lord! How long?

Show pity to your servants.R

At dawn, fill us with your merciful love; 

we shall exult and rejoice all our days. 

Let the favour of the Lord our God be upon us; 

give success to the work of our hands.

O give success to the work of our hands. R

 

जयघोष                                             

आलेलुया, आलेलुया! 

हे परमेश्वरा, तुझ्या इच्छेप्रमाणे वागण्यास माझे अंत:करण वळव 

आणि तुझे नियमशास्त्र मला शिकव.

 आलेलुया!

Acclamation: 

Stay awake, be ready, the Son of Man is coming at an hour you do not expect.

शुभवर्तमान   मत्तय २४:४२-५१

वाचक :मत्तयलिखित पवित्र शुभवर्तमानातून घेतलेले वाचन

  "जागृत राहा आणि सिद्ध असा."

येशू आपल्या शिष्यांना म्हणाला, “जागृत राहा, कारण कोणत्या दिवशी तुमचा प्रभू येईल हे तुम्हांला ठाऊक नाही. समजा की, कोणत्या प्रहरी चोर येईल हे घरधन्याला कळले असते तर तो जागृत राहिला असता आणि त्याने आपले घर फोडू दिले नसते. म्हणून तुम्हीही सिद्ध असा, कारण तुम्हांला कल्पना नाही अशा घटकेला मनुष्याचा पुत्र येईल.”

"ज्या विश्वासू आणि बुद्धिमान दासाला धन्याने आपल्या परिवाराला यथाकाळी खायला देण्यासाठी त्यांच्यावर नेमले आहे असा कोण धनी येईल तेव्हा जो दास तसे करताना त्याच्या दृष्टीस पडेल तो धन्य! मी तुम्हास नक्की सांगतो की, त्याला तो आपल्या सर्वस्वावर नेमील. परंतु आपला धनी यायला विलंब लागेल असे जर एखादा दुष्ट दास आपल्या मनात म्हणेल आणि आपल्या सोबतीच्या दासांना मारू लागेल आणि झिंगलेल्यांबरोबर खाईलपिईल, तर तो वाट पाहत नसेल अशा दिवशी आणि त्याला माहीत नसलेल्या घटकेला त्या दासाचा धनी येऊन त्याला छाटून टाकील आणि ढोंग्यांना द्यावयाचा हिस्सा त्याच्या पदरी बांधील, तेथे रडणे आणि दात खाणे चालेल."

प्रभूचे हे शुभवर्तमान

सर्व : हे ख्रिस्ता  तुझी स्तुती असो.

Gospel Reading :

Matthew 24:42-51

At that time: Jesus said to his disciples, Stay awake, for you do not know on what day your Lord is coming. But know this, that if the master of the house had known in what part of the night the thief was coming, he would have stayed awake and would not have let his house be broken into. Therefore you also must be ready, for the Son of Man s coming at an hour you do not expect. "Who then is the faithful and wise servant, whom his master has set over his household, to give them their food at the proper me? Blessed is that servant whom his master will find so doing when he comes. Truly, say to you, he will set him over all his possessions. But if that wicked servant says to ell, My master is delayed, and begins to beat his fellow servants and eats and dks with drunkards, the master of that servant will come on a day when he does not pect him and at an hour he does not know, and will cut him in pieces and put him with the hypocrites in that place there will be weeping and gnashing of teeth.

This is the Gospel of the Lord 

Praise the Lord Jesus Christ .

चिंतन: 

आपण किती काळ जगणार ह्याविषयी येशू बोलत नाही किंवा जगाचा इतिहास किती काळ टिकेल ह्याबद्दल सुद्धा भाकीत करीत नाही. तर, जीवनाची नश्वरता, मरणाची निश्चिती आणि जागृत राहण्याची गरज ह्याविषयी तो आपल्याला सावध करीत आहे. परमेश्वराशी निष्ठा आणि शहाण्या नोकराप्रमाणे जागे राहणे ह्यावर येशू भर देतो. म्हणूनच दैनंदिन जीवनात आपल्या जीवनाचा आढावा, आतापर्यंतच्या कार्याचे मूल्यांकन, प्राधान्याची चाचपणी आणि परमेश्वराशी असलेल्या आपल्या संबंधाची खातरजमा करणे क्रमप्राप्त आहे हे शुभवर्तमानात स्पष्ट केलंय. जबाबदार नोकराद्वारे येशूने आपल्याला मागे वळून पाहाण्यासाठी आठवण केलीयः परमेश्वराने आपल्याला दिले आहे त्याचा वापर आपण परमेश्वरी हेतूसाठी, इतरांच्या भल्यासाठी करतो की आत्मप्रौढी मिरविण्यासाठी... आपण आपली वेळ, संसाधने व कला-दाने-वरदाने-कृपादाने कुणासाठी वापरतो ? "माझा आत्मा प्रभूमध्ये विसावत नाही तोवर अस्वस्थ असतो" - संत अगुस्तीन.

प्रार्थना :हे प्रभू येशू, क्षणभंगूर जागतिक गोष्टींत समरस न होता देवाला व प्रार्थनेला प्राध्यान्य देण्यास आणि आध्यात्मिकतेत वाढण्यास आम्हाला प्रेरणा व शक्ती दे, आमेन.