सामान्यकाळातील ३२ वा सप्ताह
शुक्रवार दि. १४ नोव्हेंबर २०२५
मनुष्याचा पुत्र प्रकट होईल
so will it be on the day when the Son of Man is revealed.
✝️
संत लॉरेन्स ओ' तुले
डब्लीनचे आर्चबिशप (११२५-११८०)
लॉरेन्सचा जन्म इ. स. ११२५ साली झाला. तो कोवळ्या (१० वर्षे) वयाचा असताना त्याच्या वडिलांनी त्याला लेईन्क्टरचा राजा डमड मॅक मुर्काड ह्याच्या हाती सुपूर्द केले. त्या राजाने बाळकाची काळजी घेण्याऐवजी त्याचा अमानुष छळ आरंभिला. शेवटी वात्सल्यमय कळकळीने बापाने राजाला विनंती केली आणि आपल्या मुलाला सोडवून विक्लोव्ह देशाच्या ग्लेन्डालॉफा धर्मप्रांतातील महागुरूंकडे पाठवून दिले.
लॉरेन्स हा मूलतः स्वभावाने नम्र, पवित्र आणि सद्गुणी होता.. त्याच्यामधून दैवी तेज पाझरत असल्याचा भास होई. महागुरूंच्या मृत्यूनंतर मठाच्या अधिकाऱ्याची जागा रिकामी झाली. कारण ते महागुरू स्वत: मठाधिकारी होते. लॉरेन्सचे वय २५ वर्षाहून कमी असता देखील त्याला मठाधिकारी म्हणून निवडण्यात आले.
त्यावेळी त्याचा धर्मप्रांत खूप श्रीमंत व ऐश्वर्यसंपन्न होता. परंतु लॉरेन्सने आपल्या वाट्याला येणारे सर्व सुख व समृद्धी गोरगरिबांना वाटून टाकली आणि तो अंत्यत गरिबीत राहू लागला. आपल्या संघाचे त्याने अतिशय चांगल्या प्रकारे आणि समर्थपणे नेतृत्व केले. आध्यात्मिक मार्गदर्शनासाठी त्याने आपला बहुतांश वेळ दिला.
इ.स. १९६१ साली डब्लीन सरधर्मप्रांताचे आर्चबिशप म्हणून लॉरेन्सची बिनविरोध निवड झाली. त्याद्वारे ११६१ साली त्याला आपल्या धर्मप्रांताचे प्रश्न घेऊन इंग्लंडचा राजा हेन्री दुसरा ह्याला भेटण्याचा प्रसंग आला. त्यावेळी हा आंग्ल सम्राट कँटरबरी येथे होता. क्राईस्ट्सचर्च येथील बेनेडिक्टाईन मठवाशांनी त्यांचे आनंदाने स्वागत केले.
दुसऱ्या दिवशी मिस्सा अर्पण करण्यासाठी वेदीवर जात असताना, आर्चबिशप लॉरेन्स ह्यांच्या पावित्र्याविषयी ऐकलेल्या एका वेडसर मनुष्याने भावनेच्या भरात आर्चबिशपांच्या डोक्यावर मुष्टीप्रहार केला. त्यांच्या डोक्यातून रक्त वाहू लागले. उपस्थितांना वाटले की, त्यांना शारीरिकदृष्ट्या खूप इजा झालेली असावी. परंतु आर्चबिशपांनी थोडेसे पाणी मागितले व ते आशीर्वादित केले आणि इजा झालेल्या भागाला ते पाणी लावले. तत्काळ रक्त थांवले आणि आर्चबिशपांनी सहजगत्या पवित्र मिस्सा मोठ्या उत्साहाने साजरी केली.
इ. स. ११७५ साली आयर्लंडचा राजा रोडेरीक आणि इंग्लंडचा सम्राट हेन्री दुसरा ह्यांच्यात संघर्षमय परिस्थिती निर्माण झालेली असताना संत लॉरेन्स पुन्हा एकदा इंग्लंडला गेले आणि त्यांनी ती परिस्थिती नियंत्रणाखाली आणली व उभयतांमध्ये समेट घडवून आणला.
ह्या समेटाच्या काळात सम्राट हेन्री दुसरा ह्याच्यावर संत लॉरेन्सच्या दयापूर्ण, शुद्ध आणि विवेकी जीवनाचा इतका विलक्षण प्रभाव पडला की त्याने संत लॉरेन्सचे म्हणणे ताबडतोब मान्य केले.
शेवटी १४ नोव्हेंबर १९८० साली लॉरेन्सची इहलोकीची यात्रा संपुष्टात आली. त्याला नॉर्मंर्डीच्या परिसरातील एका मठाच्या चर्चमध्ये पुरण्यात आले.
पहिले वाचन : ज्ञानग्रंथ १३:१-९
वाचक :ज्ञानग्रंथ या पुस्तकातून घेतलेले वाचन
"जर लोकांना जगाचा शोध घेता येतो, तर मग या साऱ्या गोष्टींच्या स्वामीला प्राप्त करून घेण्यात ते कसे कमी पडेल ?”
देवाबद्दल अज्ञानी असणारे सारेच स्वभावतः मूर्ख होते. दृश्य अशा चांगल्या वस्तूंवरून अस्तित्वात असणाऱ्या देवाला ओळखणे त्यांना शक्य झाले नाही. कारागिराच्या कलाकुसरीकडे पाहात असताना देखील त्यांना कारागिर ओळखता आले नाही. उलट अग्नी, वायू, वादळ, तारांगण तसेच पाण्यातील भोवरा आणि आकाशातील तेजोवलय यांना त्यांनी जगावर राज्य करणारे देव मानले. या वस्तूंच्या सौंदर्याने मोहित होऊन त्यांना त्यांनी देव मानले तर आता या साऱ्या वस्तूंचा उत्पन्नकर्ता आणि सौंदर्याचा निर्माता या साऱ्यांपेक्षा किती श्रेष्ठ आणि त्यांचा स्वामी आहे हे त्यांना कळू दे. जर लोकांना या वस्तूंच्या सामर्थ्याने आणि कार्याचे आश्चर्य वाटत असेल तर त्यांना या गोष्टीद्वारे कळून येवो की, साऱ्यांना घडवणारा आणखी किती तरी सामर्थ्यशाली आहे. कारण उत्पन्न केल्या गेलेल्या गोष्टींच्या सौंदर्यामुळे आणि त्यांच्या अगाधतेमुळे त्यांच्या निर्माणकर्त्याचे ज्ञान होते. तरीदेखील हे लोक काही प्रमाणात दोषी आहेतच. कारण देवाचा शोध घेत असता आणि त्याला मिळवण्याच्या प्रयत्नात ते कधीकाळी बहकले जातात. त्याच्या कार्याच्या सान्निध्यात राहताना ते शोध घेतात, ते जे पाहतात त्यांच्यावर विश्वास ठेवतात आणि डोळ्यांना दिसणाऱ्या गोष्टी सुंदर आहेतच. तथापि त्यांना देखील क्षमा करता कामा नये. जगाचा शोध घेता येतो हे जाणण्याची त्यांना शक्ती आहे, तर मग साऱ्या गोष्टींच्या स्वामीला प्राप्त करून घेण्यात ते कसे कमी पडले?
प्रभूचा शब्द.
सर्व : देवाला धन्यवाद.
First Reading :Wisdom 13:1-9
All men who were ignorant of God were foolish by nature; and they were unable from the good things that are seen to know him who exis nor did they recognise the artisan while paying heed to his works; but they supposed that either fire or wind or swift air or the circle of the stars or turbulent water or the luminaries of heaven were the gods that rule the world. If through delight in the beauty of these things people assumed them to be gods, let them know how much better than these is their Lord, for the author of beauty created them. And if people were amazed at their power and working, let them perceive from them how much more powerful is he who formed them. For from the greatness and beauty of created things comes a corresponding perception of their Creator. Yet these people are little to be blamed, for perhaps they go astray while seeking God and desiring to find him. For as they live among his works they keep searching, and they trust in what they see, because the things that are seen are beautiful. Yet again, not even they are to be excused; for if they had the power to know so much that they could investigate the world, how did they fail to find sooner the Lord of these things?
This is the word of God
Thanks be to God
प्रतिसाद स्तोत्र स्तोत्र १९:२-५
प्रतिसाद : आकाश देवाचा महिमा वर्णिते
१) आकाश देवाचा महिमा वर्णिते,
अंतरिक्ष त्याची हस्तकृती दर्शविते.
दिवस दिवसाशी संवाद करतो,
रात्र रात्रीला ज्ञान प्रकट करते.
२) वाचा नाही, शब्द नाही,
त्यांची वाणी ऐकू येत नाही,
तरी त्यांचा स्वर सर्व पृथ्वी आक्रमितो,
त्यांचे शब्द दिगंतरी पोहचतात.
Psalm 19:2-3, 4-5
The heavens declare the glory of God.
The heavens declare the glory of God,
and the firmament proclaims
the work of his hands.
Day unto day conveys the message,
and night unto night imparts the knowledge
No speech, no word,
whose voice goes unheeded;
their sound goes forth through all the earth,
their message to the utmost
bounds of the world. R
जयघोष
आलेलुया, आलेलुया!
तुम्ही आपली मने आज कठोर करू नका,
तर परमेश्वराच्या वाणीकडे लक्ष द्या.
तर परमेश्वराच्या वाणीकडे लक्ष द्या.
आलेलुया!
Acclamation:
R. Alleluia, alleluia.
Straighten up and raise your heads, because your redemption is drawing near
R. Alleluia, alleluia.