Marathi Bible Reading | 6th Week of Easter |Monday 11th May 2026

 पुनरुत्थानकाळ  सहावा सप्ताह 

सोमवार  दि. ११ मे २०२६

"जो पित्यापासून निघतो, ज्याला मी पित्यापासून तुम्हाकडे पाठवीन तो कैवारी म्हणजे सत्याचा आत्मा येईल,  "When the Helper comes, whom I will send to you from the Father, the Spirit of truth,

लाकोनीचे संत इग्नेशिअस

- वर्तनसाक्षी (१७०१-१७८१)

इ. स. १७२२ साली इग्नेशिअस ह्याला आपले व्रत घेण्याची परवानगी देण्यात आली. त्यानंतरची २० वर्षे एक प्रापंचिक व्रतस्थ बंधू म्हणून जीवन जगत असताना इग्नेशियस देवाच्या व शेजाऱ्यांच्या प्रेमात वाढत गेला.

इ. स. १७४१ साली त्याला भिक्षुक म्हणून जिकडे तिकडे दान मागत फिरण्याची दीक्षा देण्यात आली त्यावेळी त्याचे वय ४० वर्षांचे होते. उरलेल्या ४० वर्षामध्ये इग्नेशियसने ह्या आपल्या पाचारणाला साजेसे असे जीवन व आचरण ह्याकडे बारकाईने लक्ष पुरविले. तो ह्या प्रेषितीय कार्यामध्ये आजाऱ्यांना आवर्जून भेटी द्यायचा. अज्ञानी बांधवांना शिकवायचा, अंधश्रद्धाळू भाविकात खऱ्या श्रद्धेची शिकवण पेरायचा.

अशा प्रकारे दिवसभर श्रम घेतल्यामुळे त्याला प्रार्थनेसाठी अत्यंत कमी वेळ मिळत असे. त्यासाठी रात्री तो तासन्तास प्रार्थनेमध्ये घालवी आणि फक्त एक तास लाकडाचा ओंडका उशाशी घेऊन जिथे कुठे आसरा मिळेल त्याठिकाणी तो विश्रांती घेई. असे असूनही अगदी वयाच्या ८० व्या वर्षापर्यंत त्यांना भरभक्कम अशी साथ लाभत गेली. शेवटी ११ मे १७८१ रोजी त्याच्या भटकंतीला पूर्णविराम मिळाला. पोप पायस बारावे ह्यांनी १९५१ साली त्यांना संतमालिकेत सन्मानीत केले.

पहिले वाचन प्रेषितांचे कृत्ये १६:११-१५

वाचक : प्रेषितांचे कृत्ये या पुस्तकातून घेतलेले वाचन

"लुदियेचे अंतःकरण प्रभूने असे प्रफुल्लित केले की, पौलच्या सांगण्याकडे तिचे लक्ष दिले. "

त्रोवसा पासून हाकारून आम्ही नीट संथारा  येथे गेलो आणि दुसऱ्या दिवशी नियापुलीस गेलो, तेथून फिलीपी येथे गेलो, ते माझेदोनियाचे ह्या भागातले पहिलेच नगर असून तेथे रोमी  लोकांची वसाहत आहे. त्या नगरात आम्ही काही दिवस राहिलो. मग शब्बाथ  दिवशी आम्ही वेशीबाहेर नदीकाठी, जेथे प्रार्थना होत असते असे आम्हाला वाटले तेथे जाऊन बसलो आणि ज्या स्त्रिया तेथे जमल्या होत्या त्यांच्याबरोबर बोलू लागलो. तेथे लुदिया नावाची कोणीएक स्त्री होती, ती चुनतीरा नगरची असून जांभळी वस्त्रे विकीत असे. ती देवाची भक्ती करणारी होती. तिने आमचे भाषण ऐकले. तिचे अंतःकरण प्रभूने असे प्रफुल्लित केले की, पौलच्या सांगण्याकडे तिने लक्ष दिले. मग तिचा आणि तिच्या घराण्याचा बाप्तिस्मा झाल्यावर तिने अशी विनंती केली, "मी प्रभूवर विश्वास ठेवणारी आहे असे जर तुम्ही मानीत आहा तर माझ्या घरी येऊन राहा.' तिच्या आग्रहास्तव ती विनंती आम्हाला मान्य करावी लागली.

प्रभूचा शब्द आहे 

सर्व : देवाला धन्यवाद.

First Reading :

Acts 16:11-15

Setting sail from Troas, we made a direct voyage to Samothrace, and the following day to Neapolis, and from there to Philippi, which is a leading city of the district of Macedonia and a Roman colony. We remained in this city some days. And on the Sabbath day we went outside the gale to the riverside, where we supposed there was a place of prayer, and we sat down and spoke to the women who had come together. One who heard us was a woman named Lydia from the city of Thyatira, a seller of purple goods, who was a worshipper of God. The Loed opened her heart to pay attention to what was said by Paul. And after she was baptised and her household as well, she urged us, saying, "If you have judged me to be faithful to the Lord, come to my house and stay. And she prevailed upon us.

This is the word of God 

Thanks be to God 

प्रतिसाद स्तोत्र १४९: १-६,९

प्रतिसाद : परमेश्वर आपल्या लोकांवर प्रसन्न आहे.

१ परमेश्वराचे स्तवन करा!

नवे गीत गाऊन परमेश्वराचे गुणगान करा,

 भक्तांच्या सभेत त्याचे स्तुतिस्तोत्र गा. 

इसाएल आपल्या निर्माणकर्त्यांच्या ठायी आनंद करो, 

सियोनची मुले आपल्या राजाच्या ठायी उल्हास पावोत.

२) ती नृत्य करीत त्याच्या नामाचे स्तवन करोत, 

डफ आणि वीणा यांवर त्याला स्तुतिस्तोत्रे गावोत. 

कारण परमेश्वर आपल्या लोकांवर प्रसन्न आहे.

 तो दीनांना तारणाने सुशोभित करतो.

३) भक्त गौरवामुळे उल्हासोत, 

ते आपल्या अंथरुणांवरून हघोष करोत. 

परमेश्वराची परमश्रेष्ठ स्तुती त्यांच्या कंठी असो

हे त्यांच्या सर्व भक्तांना भूषण होईल. 

परमे बराचे स्तवन करा

Psalm 149:1-2, 3-4, 5-6a and 9h

The Lord takes delight in his people.

Sing a new song to the Lord, 

his praise in the assembly of the faithful.

Let Israel rejoice in its Maker, 

let Sion's children exult in their king.

Let then praise his name with dancing, 

and make music with timbrel and harp. 

For the Lord takes delight in his people, 

he crowns the poor with salvation. R

Let the faithful exult in glory, 

and rejoice as they take their rest. 

Let the praise of God be in their mouths.

This is an honour for all his faithful. R

जयघोष  

आलेलुया, आलेलुया! 

खिस्त मेलेल्यातून उठला आहे.

आणि आम्हाला प्रकाशित केले आहे.

 त्याने आपल्या रक्ताने आमचे तारण केले आहे..

आलेलुया !

Acclamation: 

 The Spirit of truth will bear witness about me, says the Lord, you also will bear witness.

शुभवर्तमान   योहान १५:२६-१६:४

वाचक :  योहानलिखित  पवित्र शुभवर्तमानातून घेतलेले वाचन

 “सत्याचा आत्मा माझ्याविषयी साक्ष देईल."

येशू आपल्या शिष्यांना म्हणाला, "जो पित्यापासून निघतो, ज्याला मी पित्यापासून तुम्हाकडे पाठवीन तो कैवारी म्हणजे सत्याचा आत्मा येईल, तेव्हा तो माझ्याविषयी साक्ष देईल आणि तुम्हीही साक्ष द्याल, कारण तुम्ही माझ्याबरोबर आरंभापासून आहा."

"तुम्ही अडखळविले जाऊ नये म्हणून मी तुम्हाला ह्या गोष्टी सांगून ठेवल्या आहेत. ते तुम्हांस सभाबहिष्कृत करतील, इतकेच काय पण तुमचा जीव घेणाऱ्या प्रत्येकाला आपण देवाला सेवा सादर करीत आहो असे वाटेल, अशी वेळ येत आहे. त्यांनी पित्याला आणि मलाही ओळखले नसल्यामुळे ते असे करतील. मी तुम्हांला ह्या गोष्टी अशासाठी सांगून ठेवल्या की, त्यांची वेळ आली म्हणजे त्या मी सांगितल्याची तुम्हांला आठवण व्हावी."

 "प्रभूचे हे शुभवर्तमान 

सर्व : हे ख्रिस्ता  तुझी स्तुती असो.

Gospel Reading:

John 15:26-16:4

At that time: Jesus said to his disciples, "When the Helper comes, whom I will send to you from the Father, the Spirit of truth, who proceeds from the Father, he will bear witness about me. And you also will bear witness, because you have been with me from the beginning. "I have said all these things to you to keep you from falling away. They will put you out of the synagogues. Indeed, the hour is coming when whoever kills you will think he is offering service to God. And they will do these things because they have not known the Father, nor me. But I have said these things to you, that when their hour comes you may remember that I told them to you."

 This is the Gospel of the Lord 

Praise the Lord Jesus Christ .

चिंतन: आपल्याला 'साक्षीदार' व्हायला बोलावले आहे, 'वकील' नाही, आपल्या जीवनात अनेकदा तणावाचे प्रसंग येतात. काही वेळेस तर अनेक महत्त्वाचे निर्णय घ्यावयाचे असतात. मनात संघर्षांची स्थिती असते. ह्या द्विधा मनःस्थितीत योग्य मार्गदर्शन केवळ पवित्र आत्माच करू शकतो. अनेक माणसं नोकरी, व्यवसाय, अभ्यास, लग्न, ह्याबाबत पवित्र आत्म्याच्या मार्गदर्शनपर प्रेरणेकडे दुर्लक्ष करून आपल्या मनाप्रमाणे व जगातील दृष्टिकोनाप्रमाणे निर्णय घेतात. परिणामी ह्या निर्णयाचे दुष्परिणाम सुरू झाल्यावर मात्र घाईत चुकीने निर्णय घेतल्याचे त्यांच्या ध्यानी येते. येशू आपल्या शिष्यांना छळाबद्दल सावध करतोः येशू आपल्या शिष्यांना सांगतो की ते छळ आणि विरोधाचा सामना करतील, कारण त्यांच्या विश्वासू साक्षीमुळे जग त्यांच्यावर द्वेष करेल. येशूचे शिष्य म्हणून, आपल्याला 'साक्षीदार' व्हायला बोलावले आहे, 'वकील' नाही. आपले कार्य म्हणजे वाद घालणे किंवा स्वतःला सिद्ध करणे नव्हे, तर आपला येशूसोबतचा अनुभव शेअर करणे आहे. आपली साक्ष म्हणजे इतरांना पटवून देणे नव्हे, तर आपण अनुभवलेले सत्य घोषित करणे आहे. ख्रिस्ती श्रध्दावंताला प. आत्मा ही ईश्वराची मोलवान देणगी लाभलेली आहे पण प. आत्म्याच्या प्रेरणेने न चालणारा माणूस स्वतःसाठीच खड्डा खणत असतो. आज आपल्या संसारातील तसेच मुलाबाळासंबंधी जे निर्णय आपण घेतो त्याबद्दल प. आत्म्याचे मार्गदर्शन आपण मागतो का? जीवनातील अडचणींच्या काळात देवाच्या मार्गदर्शनाकडे आपण दुर्लक्ष करतो का? मग आजच प. आत्म्याचे वरदान मागू या.

प्रार्थना : हे प्रभू, आमच्या प्रत्येक विचारांतून व कृतीतून तुझी साक्ष इतरांना देण्यास आम्हाला पवित्र आत्म्याची शक्ती दे, आमेन.