Marathi Bible Reading | 21st week in ordinary Time | Tuesday 25th August 2026

 सामान्य काळातील एकविसावा  आठवडा

मंगळवार २५ ऑगस्ट  २०२६ 

रे आंधळ्या परुशा, पहिल्याने वाटी आतून साफ कर म्हणजे ती बाहेरूनही साफ होईल."You blind Pharisee! First clean the inside of the cup and the plate, that the outside also may be clean."

संत लुईस नववे

• राजा, वर्तनसाक्षी (१२१४- १२७०)

 चिंतन : “पाप करण्याऐवजी कोणतेही दुःख सहन करण्यास तयार असा.

"-संत लुईस नववे

देवाचे न्यायीपण देवाची दया व देवाचा विश्वासुपणा देव मानवावर करीत असलेल्या निःस्वार्थी प्रेमात आहे. प्रभू येशू ख्रिस्ताने आपल्या शिकवणुकीद्वारे आपल्याला त्याच प्रेमाचा खरा अर्थ सांगितला. मात्र आजच्या शुभवर्तमानात प्रभू येशू शास्त्री व पुरुश्यांना ढोंगी म्हणत आहे, कारण नियम शास्त्रातील न्याय, दया व विश्वास ह्या संबंधाने त्यांचे आचरण ढोंगीपणाचे होते. धर्माच्या व नियमशास्त्राच्या आधारे शास्त्रीपरुशी सामान्य माणसांवर अन्याय व अत्याचार करीत होते. त्यांचे जीवन स्वार्थी व दांभिकपणाचे होते. त्यांनी लोकांवर दयाभाव दाखविला नाही. प्रभू येशूने त्याच्या शिकवणुकीद्वारे देव दयाळू, कनवाळू व प्रेमळ आहे, हा संदेश दिला.

                                                    ✝️ 

पहिले वाचन : : २थेस्सलनि २:१-३, १४-१७

वाचन :पौलचे थेस्सलनिकाकरांस दुसरे पत्र यातून घेतलेले वाचन

“जे संप्रदाय तुम्हांस शिकवले ते बळकट धरून राहा.' "

बंधुजनहो, आपल्या प्रभू येशू ख्रिस्ताचे आगमन आणि त्याच्याजवळ आपले एकत्र होणे ह्यासंबंधाने आम्ही तुम्हांला अशी विनंती करतो की, तुम्ही एकदम दचकून चित्तस्थैर्य सोडू नका आणि घाबरू नका. प्रभूचा दिवस येऊन ठेपला आहे असे सांगणाऱ्या आत्म्याने, किंवा जणू काय आम्हांकडून आलेल्या वचनाने अथवा पत्राने घाबरू नका, कोणत्याही प्रकारे कोणाकडून फसू नका.

परमेश्वराने तुम्हांला आमच्या सुवार्तेच्याद्वारे आपल्या प्रभू येशू ख्रिस्ताचा गौरव प्राप्त करून घेण्यासाठी पाचारण केले आहे. तर मग बंधूंनो, स्थिर राहा आणि तोंडी किंवा आमच्या पत्राद्वारे जे संप्रदाय तुम्हांला शिकवले ते बळकट धरून राहा. आपला प्रभू येशू ख्रिस्त हा आणि ज्याने आपल्यावर प्रीती करून युगानुयुगाचे सांत्वन आणि चांगली आशा कृपेद्वारे दिली तो देव आपला पिता, तुमच्या मनाचे सांत्वन करो आणि प्रत्येक चांगल्या कृतीत आणि उक्तीत तुम्हांला स्थिर करो.

हा प्रभूचा शब्द आहे 

सर्व : देवाला धन्यवाद.

First Reading :Thessalonians 2:1-3a, 14-17

Now concerning the coming of our Lord Jesus Christ and our being gathered together to him, we ask you, brothers, not to be quickly shaken in mind or alarmed, either by a spirit or a spoken word, or a letter seeming to be from us, to the effect that the day of the Lord has come.

Let no one deceive you in any way. To this he called you through our gospel, so that you may obtain the glory of our Lord Jesus Christ. So then, brothers, stand firm and hold to the traditions that you were taught by us, either by our spoken word or by our letter. Now may our Lord Jesus Christ himself, and God our Father, who loved us and gave us eternal comfort and good hope through grace, comfort your hearts and establish them in every good work and word.

This is the word of God 

Thanks be to God 

प्रतिसाद स्तोत्र    ९६: १०-१३

प्रतिसाद : प्रभू परमेश्वर जगाचा न्याय करण्यासाठी

आला आहे.

१) राष्ट्रांमधील लोकांनो जाहीर करा की, 

“परमेश्वर राज्य करतो." 

जग स्थिर स्थापलेले आहे, ते डळमळणार नाही. 

तो सरळपणे लोकांचा न्याय करील.

२) आकाश हर्ष करो, पृथ्वी उल्हास करो, 

समुद्र आणि त्यातील सर्वकाही गर्जना करोत, 

शेते व मळे आणि त्यातील सर्वकाही उत्सव करोत,

३) मग वनातील सर्व झाडे परमेश्वरासमोर

 आनंदाचा गजर करतील, कारण तो आला आहे,

 पृथ्वीचा न्याय करण्यासाठी तो आला आहे.

 तो न्यायीपणाने जगाचा आणि सत्यतेने लोकांचा न्याय करील

Psalm 96:10, 11-12a, 12b-13

The Lord comes to judge the earth.

Say to the nations, "The Lord is king." 

The world he made firm in its place; 

he will judge the peoples in fairness. R 

Let the heavens rejoice and earth be glad; 

let the sea and all within it thunder praise.

Let the land and all it bears rejoice. R 

Then will all the trees of the wood shout for joy 

at the presence of the Lord, for he comes, 

he comes to judge the earth. 

He will judge the world with justice; 

he will govern the peoples with his truth. R

जयघोष                                             

आलेलुया, आलेलुया! 

 तुझे नियम मला समजावून दे, म्हणजे 

मी तुझ्या अद्भुत कृत्यांचे मनन करीन 

 आलेलुया!

Acclamation:

Alleluia:

R. Alleluia, alleluia.

The word of God is living and active, discerning the thoughts and intentions of the heart.

R. Alleluia, alleluia.

शुभवर्तमान  मत्तय  २३:२३-३६ 

वाचक :  मत्तयलिखित पवित्र शुभवर्तमानातून घेतलेले वाचन

 

"तुम्ही ह्या गोष्टी करायच्या होत्या, तरी त्या सोडायला पाहिजेत असे नाही. "

येशू म्हणाला, “अहो शास्त्र्यांनो, अहो परुश्यांनो, ढोंग्यानो, तुमची केवढी दुर्दशा होणार ! कारण पुदिना, बडीशेप आणि जिरे ह्यांचा दशांश तुम्ही देता आणि नियमशास्त्रातील मुख्य गोष्टी म्हणजे न्याय, दया आणि विश्वास ह्या तुम्ही सोडल्या आहेत, ह्या करावयाच्या होत्या, तरी त्या सोडावयाला पाहिजेत असे नाही. अहो आंधळ्या वाटाड्यांनो, तुम्ही मुरकूट गाळून काढता आणि उंट गिळून टाकता ! अहो शास्त्र्यांनो, अहो परुश्यांनो, ढोंग्यानो, तुमची केवढी दुर्दशा होणार! तुम्ही ताटवाटी बाहेरून साफ करता, पण ती आतून जुलूम आणि असंयम ह्यांनी भरलेली आहेत. अरे आंधळ्या परुशा, पहिल्याने वाटी आतून साफ कर म्हणजे ती बाहेरूनही साफ होईल."

प्रभूचे हे शुभवर्तमान

सर्व : हे ख्रिस्ता  तुझी स्तुती असो.

Gospel Reading : Matthew 23:23-26 At that time: Jesus said: "Woe to you, scribes and Pharisees, hypocrites! For you tithe mint and dill and cumin, and have neglected the weightier matters of the law: justice and mercy and faithfulness. These you ought to have done, without neglecting the others. You blind guides, straining out a gnat and swallowing a camel! Woe to you, scribes and Pharisees, hypocrites! For you clean the outside of the cup and the plate, but inside they are full of greed and self-indulgence. You blind Pharisee! First clean the inside of the cup and the plate, that the outside also may be clean."

This is the Gospel of the Lord 

Praise the Lord Jesus Christ .

                                                   

चिंतन: संत पॉल पहिल्या वाचनामध्ये खोट्या शिकवणुकीपासून सावध राहण्यास व आपल्या श्रद्धा परंपरांना जखडून राहण्यास सांगत आहेत. शुभवर्तमानात प्रभू येशू ख्रिस्त शास्त्री व परुशांच्या आंतरिक शुद्धीपेक्षा बाह्य देखाव्यावर भर देण्याच्या वर्तनावर ताशेरे ओढतो. बाह्य व आंतरिक शुचितेविषयीचा हा प्रश्न अगदी अनादी कालापासूनचा आहे. आपण अनेकदा एखाद्याच्या आमूलाग्र परिवर्तनापेक्षा संपत्ती, पत, प्रतिष्ठा अशा बाह्य स्वरूपावर लक्ष केंद्रित करतो व त्याने भाळतो. आपले बाह्य स्वरूप सुशोभित करताना आपण आपले अंतरंग तपासून पाहतो का? ते अधिकाधिक स्वच्छ, सुंदर, परमेश्वराला राहण्यालायक बनवण्याचा प्रयत्न करतो का?

प्रार्थना : हे दयावंत परमेश्वरा, आमच्या अंत:करणात दयाभाव वाढीस लाव, गरजवंतावर दया व प्रेम करण्यास आम्हाला प्रेरणा दे, आमेन.