Marathi Bible Reading | Monday 30th August 2021 | 22nd Week in ordinary Time

        सामान्य काळातील 

बाविसावा सप्ताह 

सोमवार 

३० ऑगस्ट २०२१

पवित्र मरियेच्या जन्मदिन नोव्हेना

पहिला दिवस (सोमवार ३० ऑगस्ट) 

विषय: देवाच्या शब्दाचे महत्त्व

प्रस्तावना माझ्या प्रिय बंधू भगिनीनो, आज आपण पवित्र मरियेच्या जन्मदिन सोहळ्याची पूर्व तयारी म्हणून नोव्हेनाला सुरुवात करत आहोत. ह्या नोव्हेनाच्या काळात आपण पवित्र देवाचा शब्द आणि पवित्र मरिया या विषयावर चिंतन करणार आहोत. आपल्या जीवनात देवाच्या शब्दाचे महत्त्व स्पष्ट करून देण्यासाठी पोप फ्रान्सिस ह्यांनी दिनांक ३० सप्टेंबर २०११ रोजी आपल्या प्रेषितीय पत्रक “आपेरुईत इल्लीस ह्याद्वारे सामान्यकाळातील तिसरा रविवार हा प्रभू शब्द रविवार व देव शब्द रविवार म्हणून अधिकृतपणे स्थापित केला आहे. देवाचा पवित्र शब्द आपल्या जीवनाचा अविभाज्य भाग बनला पाहीजे, कारण तो आपल्या पावलांसाठी. दिवा आणि आपल्या मार्गावर प्रकाश आहे" (स्तोत्र ११९:१०५)

"प्रभूशब्द" ह्या विशिष्ट साधनाद्वारे परमेश्वर आपला संदेश आपल्यापर्यंत पोहोचवितो. प्रभू शब्दाशिवाय आपलं ख्रिस्ती जीवन जंगण अशक्य आहे. म्हणून प्रभू शब्दाला आपल्या जीवनात कायमस्वरूपी स्थान देणं आवश्यक आहे. प्रभू शब्दाचा प्रतिसाद देत असता पवित्र मरिया आपला आदर्श आहे. "तुझ्या शब्दाप्रमाणे माझ्या ठायी होवो" (लूक १:३८). आपली आई पवित्र मरिया हीच्याप्रमाणे जीवनदायी शब्दावर चिंतन करत असता तो शब्द पाठवणाऱ्या परमेश्वराशी विश्वासू राहू या.

                                        ✝️                                  

प्रभू येशू आपल्या प्रत्येकाला त्याच्या पवित्र आत्म्याचे सामर्थ्य बहाल

करून देवराज्याची सुर्वाता सांगण्यासाठी पाचारण करीत आहे. बाप्तिस्मा सांक्रामेंताद्वारे आपण प्रत्येकजण अभिषिक्त झालेले आहेत. प्रेम, बंधुत्व, परोपकार व समेट करून आपणसुद्धा परमेश्वराचा संकल्प पूर्णत्वास नेण्यास पुढाकार घ्यायला हवा. तरच आपण ख्रिस्ताचे अनुयायी बनतो. 

✝️             

पहिले वाचन : १थेस्सलनिकाकरांस  ४:१३-१८

वाचक : पौलचे थेस्सलनिकाकरांस पहिले पत्र यातून घेतलेले वाचन

"येशूच्याद्वारे जे झोपी गेले आहेत त्यांना देव त्याच्याबरोबर आणील."

बंधुजनहो, झोपी गेलेल्या लोकांविषयी तुम्ही अजाण नसावे अशी आमची इच्छा आहे, ह्यासाठी की, ज्यांना आशाच नाही अशा बाकीच्या लोकांसारखा तुम्ही खेद करू नये. कारण येशू मरण पावला आणि पुन्हा उठला असा जर आपला विश्वास आहे तर त्याप्रमाणे येशूच्याद्वारे जे झोपी गेले आहेत त्यांना देव त्याच्याबरोबर आणील. प्रभूच्या वचनावरून आम्ही हे तुम्हांला सांगतो की, प्रभूचे येणे होईपर्यंत जे आपण जिवंत असू ते आपण झोपी गेलेल्यांच्या आघाडीला जाणारच नाही. कारण आज्ञाध्वनी, आद्यदिव्यदूतांची वाणी आणि देवाच्या तुतारीचा नाद होत असता प्रभू स्वतः स्वर्गातून उतरेल आणि ख्रिस्तामध्ये जे मेलेले आहेत. ते पहिल्याने उठतील, नंतर जिवंत उरलेले आपण त्याच्याबरोबर प्रभूला सामोरे होण्यासाठी मेघारूढ असे अंतराळात घेतले जाऊ आणि तसेच सदासर्वदा प्रभूजवळ राहू. म्हणून ह्या वचनांनी एकमेकांचे सांत्वन करा.

हा प्रभूचा शब्द आहे. 

सर्व : देवाला धन्यवाद.

प्रतिसाद स्तोत्र   ९६:१,३-५,११-१३

प्रतिसाद : परमेश्वर पृथ्वीचा न्याय करण्यासाठी आला आहे.

१) परमेश्वराचे गुणगान नवे गीत गाऊन करा, 

पृथ्वीवरील सर्व जनहो, परमेश्वराचे गुणगान करा,

 राष्ट्रांमध्ये त्याचा गौरव, सर्व लोकांमध्ये त्यांची अद्भुत कृत्ये जाहीर करा.

२ ) कारण परमेश्वर थोर आणि परमस्तुत्य आहे

 सर्व देवांहून त्याचेच भय धरणे योग्य आहे, 

कारण राष्ट्रांचे सर्व देव केवळ मूर्ती आहेत, 

परमेश्वर तर आकाशाचा निर्माणकर्ता आहे.

३) आकाश हर्ष करो, पृथ्वी उल्हास करो, 

समुद्र आणि त्यातील सर्वकाही गर्जना करोत, 

शेत आणि त्यातील सर्वकाही उत्सव करोत, 

मग वनातील सर्व झाडे परमेश्वरासमोर 

आनंदाचा गजर करतील. कारण तो आला आहे, 

पृथ्वीचा न्याय करण्यासाठी तो आला आहे.

४)  तो न्यायीपणाने जगाचा आणि सत्यतेने लोकांचा न्याय करील.

जयघोष

आलेलुया, आलेलुया ! 

तू आपला मुखप्रकाश आपल्या दासावर पाड आणि तुझे नियम मला शिकव.

 आलेलुया!

शुभवर्तमान लूक ४:१६-३० 

वाचक : लूकलिखित शुभवर्तमानातून घेतलेले वाचन 

"गरिबांना सुवार्ता सांगण्यासाठी त्याने माझा अभिषेक केला आहे.  "

ज्या नाझरेथ येथे येशू लहानाचा मोठा झाला होता तेथे तो आला आणि आपल्या परिपाठाप्रमाणे शब्बाथ दिवशी सभास्थानात जाऊन वाचायला उभा राहिला. तेव्हा यशया संदेष्ट्यांचा ग्रंथपट त्याला देण्यात आला. त्याने तो उलगडून जे स्थळ काढले त्यात असे लिहिलेले आहे:

“परमेश्वराचा आत्मा माझ्यावर आला आहे. कारण गरिबांना सुवार्ता सांगण्यासाठी त्याने मला अभिषेक केला आहे.

परमेश्वराच्या प्रसादाच्या वर्षाची घोषणा करावी. म्हणून त्याने मला पाठवले आहे, धरून नेलेल्यांची सुटका आणि आंधळ्यांना पुन्हा दृष्टीचा लाभ ह्यांची घोषणा करावी, ठेचले जात आहेत त्यांना सोडवून पाठवावे.”

मग ग्रंथपट गुंडाळून आणि तो सेवकाकडे परत देऊन तो खाली बसला आणि सभास्थानातील सर्व लोकांची दृष्टी त्याच्यावर खिळली. मग तो त्यांना म्हणू लागला की, “हा शास्त्रलेख आज तुम्ही ऐकत असताना पूर्ण झाला आहे. तेव्हा सर्व त्याची वाहवा करू लागले आणि जी कृपावचने त्याच्या मुखातून निघत होती त्यांविषयी आश्चर्य करू लागले. ते म्हणू लागले, “हा योसेफचा पुत्र ना ?" त्याने त्यांना म्हटले, “खरोखर तुम्ही मला ही म्हण लागू कराल की, हे वैद्या, तू स्वतःलाच बरे कर, कफर्णहूमात ज्या ज्या गोष्टी तू केल्यास असे आम्ही ऐकले त्या येथेही आपल्या गावी कर. पुढे तो म्हणाला, "मी तुम्हांला नक्की सांगतो, कोणताही संदेष्टा स्वदेशात मान्य होत नाही. आणखी मी तुम्हांला खरे ते सांगतो की, एलियाच्या काळी साडेतीन वर्षे आकाश बंद राहून सर्व देशात मोठा दुष्काळ पडला होता, त्या काळी इस्राएलमध्ये पुष्कळ विधवा होत्या, तरी त्यातील एकीच्याहीकडे एलियाला पाठवले नव्हते, तर सिदोन प्रदेशातील सारफथ येथील एका विधवेकडे मात्र त्याला पाठवले होते. तसेच अलिशा संदेष्ट्यांच्या काळी इस्राएलमध्ये पुष्कळ कुष्ठरोगी होते, तरी त्यांच्यातील कोणीही शुद्ध झाला नाही, पण सुरियाचा नामान मात्र शुद्ध झाला. हे ऐकून सभास्थानातील सर्व लोक संतापले. त्यांनी उठून त्याला गावाबाहेर काढले आणि ज्या डोंगरावर त्याचे गाव वसले होते त्याच्या कड्यावरून त्याला लोटून देण्यासाठी तेथपर्यंत नेले. पण तो त्यांच्यामधून निघून गेला.

प्रभूचे हे शुभवर्तमान

सर्व : हे ख्रिस्ता  तुझी स्तुती असो.

चिंतन: येशू स्वतःच्या गावी नाझरेथ येथे आला होता. सभास्थानात यशया संदेष्ट्याचा ग्रंथ त्याने वाचला. नंतर म्हणाला, “हा शास्त्रलेख आज तुम्ही ऐकत असताना पूर्ण झाला आहे.” हे ऐकून व त्याच्या मुखातून जी कृपावचने निघत होती त्याविषयी सर्व लोक मोठ्या हर्षाने त्याची वाहवा करू लागले. पण क्षणातच “हा सुताराचा मुलगा ना” असे म्हणून त्याची कुचेष्टा करू लागले. तेव्हा येशू म्हणाला, “कोणताही संदेष्टा स्वदेशात मान्य होत नाही.” प्रभू येशू दीन होऊन, दीनांना सुवार्ता सांगण्यासाठी, दीनांमध्ये अवतरला. येशू आपणांस बोलावत आहे. बाप्तिस्मा स्वीकारलेली प्रत्येक व्यक्ती सुवार्ता घोषविण्यास बांधील आहे. येशूची सुवार्ता जगाच्या कानाकोपऱ्यात पोहोचवायची आहे. त्यासाठी श्रीमंतीची गरज नाही. अनेकांनी संपत्ती विकून, गरिबांस दान दिले. गरिबीचे जीवन जगले, संपूर्ण जगाला जीवन “सुवार्तेसाठी” सत्करणी लागावे म्हणून सुवार्तेची घोषणा केली. तुम्हाला देवाने दिलेले योगदान देणार ना

प्रार्थना: हे पवित्र आत्म्या, ये आणि तुझ्या वरदानांनी मला भरून टाक, माझ्या  जीवनाद्वारे ख्रिस्ताची सुवार्ता पसरविण्यास मला तुझे साधन बनव, आमेन.

                                                ✝️

पवित्र मरियेच्या जन्मदिन नोव्हेनाची प्रार्थना २०२१

हे परमेश्वरा, आमच्या स्वर्गातील वापा, तुझा पुत्र आमचा प्रभू येशू ख्रिस्त, ह्याला धन्य कुमारी मरियेने जेव्हा जन्म दिला त्या दिवशी आमच्या तारणाची मंगल पहाट उगवली. आम्हाला तिच्या अखंड मध्यस्थीचा लाभ घडावा,त्याने आम्हाला पापांपासून मुक्त केले आणि आम्ही धन्य झालो . पवित्र मरियेचा जन्मदिवस उत्सव साजरा करीत असताना आजा-यांना आरोग्य लाभावे,दुःखितांचे सांत्वन व्हावे,पाप्यांना क्षमा मिळावी,

आणि आम्ही ज्या हेतूंसाठी प्रार्थना करीत आहोत तो सफल व्हावा म्हणून आम्हाला सहाय्य कर    

(इथे  आपनी विनंती सांगावी)

आम्हाकडे दया दृष्टीने पहा, आणि आमची दयाळू माता पवित्र मरिया हिचा आदर्श डोळ्यासमोर ठेवून आम्ही इतरांसाठी तुझ्या कृपेचे म्हणून आम्हाला पवित्र आत्म्याची शक्ती दें. साधन बनावेततू धन्य कुमारी मरियेसाठी अदभूत कृत्ये केलेली आहेत शरीर व आत्म्यासह तिला स्वर्गीय वैभवात सहभागी कॅलेग ख्रिस्ताच्या वैभवाच्या आशेने तुझ्या लेकरांची हृदये भरून काढ. आमेन.

हे मोत मावले, आम्हासाठी विनंती कर. 

हे वेलंकनी माते, आम्हासाठी विनंती कर. 

हे नित्य सहाय्यक माते, आम्हासाठी विनंती कर.