सामान्यकाळातील सातवा सप्ताह
गुरुवार
दि.२४ फेब्रुवारी २०२२
अहो, धनवानांनो जे क्लेश तुम्हाला होणार आहेत त्याविषयी रडून आकांत करा. तुमचे धन नासले आहे आणि तुमच्या वस्त्रांना कसर लागली आहे. तुमचे सोने आणि तुमचे रुपे ह्यांवर गंज चढला आहे. त्यांचा तो गंज तुम्हांविरुद्ध साक्ष होईल आणि तो अग्नीप्रमाणे तुमचा देह खाईल. शेवटल्या दिवसासाठी तुम्ही धन साठवले आहे. पाहा, ज्या कामकऱ्यांनी तुमची शेते कापली त्यांची तुम्ही अडवून ठेवलेली मजुरी ओरडत आहे आणि कापणी करणाऱ्यांचा आक्रोश सेनाधीश प्रभूच्या कानी गेला आहे. तुम्ही पृथ्वीवर चैनबाजी आणि विलास केला, वधाच्या दिवशी तुम्ही आपल्या मनाची तृप्ती केली. नीतिमानाला तुम्ही दोषी ठरवले, त्यांचा घात केला; तो तुम्हांस विरोध करत नाही.
हा प्रभूचा शब्द आहे.
सर्व : देवाला धन्यवाद.
शुभवर्तमान मार्क ९:४१-५०
वाचक : मार्कलिखित शुभवर्तमानातून घेतलेले वाचन
"दोन हात असून नरकात जावे, ह्यापेक्षा व्यंग होऊन जीवनात यावे, हे तुझ्या हिताचे आहे."
येशूने आपल्या शिष्यांना म्हटले, “तुम्ही ख्रिस्ताचे म्हणून जो कोणी तुम्हास पेलाभर पाणी प्यावयास देईल तो आपल्या प्रतिफळास मुकणार नाही, हे मी तुम्हांला खचित सांगतो.
विश्वास ठेवणाऱ्या ह्या लहानातील एकाला जो कोणी पापास प्रवृत्त करील, त्याच्या गळ्यात मोठ्या जात्याची तळी बांधून त्याला समुद्रात टाकून द्यावे हेच त्याच्या हिताचे आहे. तुझा हात तुला पापास प्रवृत्त करत असेल तर तो तोडून टाक; दोन हात असून नरकात म्हणजे न विझणाऱ्या अग्नीत जावे, ह्यापेक्षा व्यंग होऊन जीवनात जावे हे तुझ्या हिताचे आहे. तुझा पाय तुला पापास प्रवृत्त करत असेल तर तो तोडून टाक; दोन पाय असून नरकात टाकले जावे, ह्यापेक्षा पंगू होऊन जीवनात जावे हे तुझ्या हिताचे आहे. तुझा डोळा तुला पापास प्रवृत्त करत असेल तर तो उपटून टाक; दोन डोळे असून जेथे त्यांचा किडा मरत नाही आणि अग्नी विझत नाही अशा नरकात टाकले जावे, ह्यापेक्षा एक डोळा होऊन देवाच्या राज्यात जाने हे तुझ्या हिताचे आहे. कारण प्रत्येक मनुष्य अग्नीने शुद्ध केला जाईल, मीठ चांगला पदार्थ आहे, परंतु मिठाचा खारटपणा गेला तर त्याला रुची कशाने आणाल ? तुम्ही आपणामध्ये मीठ असू द्या आणि एकमेकांबरोबर शांतीने राहा."
प्रभूचे हे शुभवर्तमान
सर्व : हे ख्रिस्ता तुझी स्तुती असो.
✝️
0 टिप्पण्या