सामान्यकाळातील चौथा
रविवार दि.२९ जानेवारी २०२३
जे आत्म्याने दीन ते धन्य, कारण स्वर्गाचे राज्य त्यांचे आहे.”
वाचक : सफन्या या पुस्तकातून घेतलेले वाचन
"मी तुझ्यामध्ये नम्र आणि गरीब लोक राहू देईन."
देशातील सर्व नम्र जनांनो, परमेश्वराच्या न्यायानुसार चालणाऱ्यांनो, त्याचा आश्रय घ्या, धार्मिकता आणि नम्रता याचे अवलंबन करा म्हणजे परमेश्वराच्या क्रोधदिनी तुम्ही दृष्टिआड व्हाल. "मी तुम्हामध्ये नम्र आणि गरीब लोक राहू देईन. ते परमेश्वराच्या नावावर श्रद्धा ठेवतील, इस्राएलचे अवशिष्ट जन काही अनिष्ट करणार नाहीत; लबाडी करणार नाहीत, त्यांच्या मुखात कपटी जिव्हा आढळणार नाही. कारण ते चरतील आणि विश्रांती मिळवतील, कोणी त्यांस भिववणार नाही.
१ ) तो सदा आपले सत्यवचन पाळतो,
छळलेल्यांचा न्यायनिवाडा करतो,
भुकेल्यांना अन्न देतो.
परमेश्वर बंदिवानांना मोकळे करतो.
२) परमेश्वर आंधळ्यांना दृष्टी देतो,
परमेश्वर वाकलेल्यांना ताठ करतो.
परमेश्वर उपऱ्यांचे रक्षण करतो,
अनाथ आणि विधवा ह्यांची दाद घेतो.
३) परमेश्वर नीतिमानांवर प्रेम करतो,
परंतु दुर्जनांचा मार्ग वेडावाकडा करतो.
परमेश्वर सर्वकाळ राज्य करतो, हे सियोने,
तुझा देव पिढ्यान्पिढ्या राज्य करतो.
दुसरे वाचन : १ करिंथ १:२६-३१
वाचक : पौलचे करिंथकरास पहिले पत्र यातून घेतलेले वाचन
"जगातील जे कनिष्ठ ते देवाने निवडले."
बंधुजनहो, तुम्हांस झालेले पाचारणच घ्या; तुमच्यामध्ये जगाच्या दृष्टीने ज्ञानी, समर्थ, कुलीन, असे पुष्कळ जण नाहीत; तरी शहाण्यांना लाजवावे म्हणून देवाने जगातील जे मूर्ख ते निवडले आणि जे बलवान ते लाजवावे म्हणून जगातील जे दुर्बल ते निवडले आणि जगातूल जे कनिष्ठ, जे धिक्कारलेले आणि जे शून्यवत अशांना देवाने ह्याकरिता निवडले जे आहे ते त्याने रद्द करावे, म्हणजे देवासमोर कोणीही मनुष्याने अभिमान बाळगू नये. त्याच्याकडून तुम्ही ख्रिस्त येशूकडे आहा. तो देवापासून आपल्याला ज्ञान म्हणजे नीतिमत्त्व आणि पवित्रीकरण आणि खंडणी भरून प्राप्त केलेली मुक्ती असा झाला आहे; 'जो अभिमान बाळगतो, त्याने परमेश्वराविषयी तो बाळगावा' ह्या शास्त्रलेखाप्रमाणे व्हावे.
जयघोष
आलेलूया,आलेलूया !
शब्द देह झाला आणि त्याने आम्हामध्ये वस्ती केली.
जितक्यांनी त्याचा स्वीकार केला
तितक्यांना त्याने देवाची मुले होण्याचा अधिकार दिला.
शुभवर्तमान मत्तय ५:१-१२
वाचक : मत्तयलिखित पवित्र शुभवर्तमानातून घेतलेले वाचन
"जे आत्म्याने दीन ते धन्य."
लोकसमुदायांना पाहून येशू डोंगरावर चढला आणि तो खाली बसल्यावर त्याचे शिष्य त्याच्याजवळ आले. मग तो तोंड उघडून त्यांना शिकवू लागलाः
“जे आत्म्याने दीन ते धन्य, कारण स्वर्गाचे राज्य त्यांचे आहे.” “जे शोक करीत आहेत ते धन्य, कारण त्यांचे सांत्वन करण्यात येईल.” “जे सौम्य ते धन्य, कारण ते पृथ्वीचे वतन भोगतील.” “जे नीतिमत्त्वाचे भुकेले आणि तान्हेले ते धन्य,कारण ते तृप्त होतील.” “जे दयाळू ते धन्य, कारण त्यांच्यावर दया होईल." "जे अंतःकरणाचे शुद्ध ते धन्य, कारण ते देवाला पाहतील.” “जे शांती करणारे ते धन्य, कारण त्यांना देवाची मुले म्हणतील."
“नीतिमत्त्वाकरिता ज्यांचा छळ झाला आहे ते धन्य, कारण स्वर्गाचे राज्य त्यांचे आहे."
“माझ्यामुळे जेव्हा लोक तुमची निंदा आणि छळ करतील आणि तुमच्याविरुद्ध सर्व प्रकारचे वाईट लबाडीने बोलतील तेव्हा तुम्ही धन्य ! आनंद करा, उल्हास करा, कारण स्वर्गात तुमचे प्रतिफळ मोठे आहे."
✝️
0 टिप्पण्या