सामान्यकाळातील दुसरा सप्ताह
गुरुवार दि.१९ जानेवारी २०२३
(ख्रिस्ती ऐक्य सप्ताह) (१८ ते २५ जानेवारी)
वाचक : इब्री लोकांस पत्र यातून घेतलेले वाचन
येशूद्वारे देवाजवळ जाणाऱ्यांना पूर्णपणे तारण्यास तो समर्थ आहे. कारण त्यांच्यासाठी मध्यस्थी करण्यास तो सर्वदा जिवंत आहे.
असाच प्रमुख याजक आपल्याला असणे योग्य होते: तो पवित्र, निर्दोष, निर्मळ असून पापी जनांपासून वेगळा आणि आकाशाहून उंच करण्यात आलेला आहे. त्याला त्या प्रमुख याजकाप्रमाणे पहिल्याने स्वत:च्या पापांसाठी, मग लोकांच्या पापांसाठी प्रतिदिवशी यज्ञ करण्याचे अगत्य नाही, कारण त्याने स्वत:ला अर्पिल्याने ते अर्पण एकदाच करून ठेवले आहे. खरोखर नियमशास्त्र दुर्बळ अशा माणसांना प्रमुख याजक नेमते, पण नियमशास्त्रानंतरचे शपथ वाहून उच्चारलेले वचन युगानुयुग परिपूर्ण केलेल्या पुत्राला नेमते.
सांगण्याचा मुख्य मुद्दा हा आहे की, स्वर्गामध्ये राजवैभवाच्या सिंहासनाच्या उजवीकडे बसलेला असा प्रमुख याजक आपल्याला आहे. तो पवित्रस्थानाचा म्हणजे माणसाने नव्हे तर प्रभुने घातलेल्या खऱ्या मंडपाचा सेवक आहे. प्रत्येक प्रमुख याजक दाने आणि यज्ञ अपवयास नेमलेला असतो. म्हणून ह्याच्याजवळही अर्पिण्यास काहीतरी असणे अगत्याचे आहे. तो पृथ्वीवर असता तर तो याजकच नसता, कारण नियमशास्त्राप्रमाणे दाने अर्पण करणारे याजक आहेत. "पर्वतावर तुला दाखविलेल्या नमुन्याप्रमाणे सर्व वस्तू बनविण्याची सावधगिरी ठेव," मोशे मंडप करणार होता तेव्हा त्याला जशी ही आज्ञा मिळाली, तसे तेही जे स्वर्गीय वस्तूचे प्रतिरूप आणि छाया आहे त्याची सेवा करतात. तर आता ज्या कराराचा मध्यस्थ येशू आहे तो अधिक चांगल्या अभिवचनांनी स्थापित असल्यामुळे जेवढ्या प्रमाणात तो अधिक चांगला आहे तेवढ्या प्रमाणात अधिक श्रेष्ठ सेवा येशूला मिळाली आहे.
हा प्रभूचा शब्द
प्रतिसाद : पाहा, परमेश्वरा, तुझ्या इच्छेप्रमाणे करण्यास मी आलो आहे.
१) यज्ञपशू आणि अन्नार्पण ह्यांत तुला संतोष नाही,
पण ऐकायला तू माझे कान उघडले आहेत.
होम आणि पापांबद्दल अर्पण ही तू मागत नाहीस.
यावरून मी म्हणालो की, पाहा, मी आलो आहे!
२) प्रंथपटात माझ्याविषयी लिहून ठेवले आहे की,
तुझ्या इच्छेप्रमाणे मी वागावे.हे माझ्या देवा,
तुझ्या इच्छेप्रमाणे करण्यात मला संतोष आहे.
तुझे शास्त्र माझ्या अंतर्यामी आहे.
३) महासभेत मी धार्मिकतेचे सुवृत्त सांगितले.
हे परमेश्वरा, मी आपले तोंड बंद केले नाही, हे तू जाणतोस.
४) तुला शरण येणारे सर्व तुझ्या ठायी
आनंद आणि उल्हास पावोत.
तुझे मुक्तिदान प्रिय मानणारे,
"प्रभू थोर आहे," असे सदैव म्हणोत.
जयघोष
आलेलूया, आलेलूया !
जे वचन ऐकून सालस आणि चांगल्या अंत:करणात
धरून ठेवतात आणि धीराने फळ देत जातात, ते धन्य होत.
शुभवर्तमान मार्क ३:७-१२
वाचक : मार्कलिखित पवित्र शुभवर्तमानातून घेतलेले वाचन
येशू आपल्या शिष्यांना घेऊन समुद्राकडे निघून गेला आणि गालिलातून मोठा समुदाय त्याच्या मागोमाग निघाला. जी कामे तो करत होता त्याविषयी ऐकून यहुदिया, येरुशलेम, इदोम, आणि यार्देनच्या पलीकडचा प्रांत आणि सोर आणि सिदोन ह्यांच्या आसपासचा प्रदेश ह्यातून मोठा समुदाय, त्याच्याकडे आला. त्याने अनेकांना बरे केले होते, म्हणून जे रोगाने पीडलेले होते ते सर्व त्याला स्पर्श करावयास त्याच्या अंगावर पडत होते. तेव्हा दाटीमुळे आपण चेंगरुन जाऊ नये म्हणून त्याने शिष्यांना एक होडी तयार ठेवण्यास सांगितले; जेव्हा जेव्हा अशुद्ध आत्मे त्याला पाहात तेव्हा तेव्हा ते त्याच्या पाया पडून म्हणत, "तू देवाचा पुत्र आहेस." तेव्हा तो त्यांना सारखे निक्षून सांगत असे की, "मला प्रकट करू नका."
सर्व : हे प्रभू येशू ख्रिस्ता, तुझी स्तुती असो.
✝️
0 टिप्पण्या