सामान्यकाळातील १४वा सप्ताह
शनिवार १५ जुलै २०२३
तुमच्या डोक्यावरले सर्व केसदेखील मोजलेले आहेत. म्हणून भिऊ नका;
संत बोनावेंचर
महागुरू, वर्तनसाक्षी, धर्मपंडित (१२१८-१२७४)
इटालीमधील बाग्नोरेजिओ नामक भागात जन्मलेला जॉन फिडान्झा वयाच्या चौथ्या वर्षी एका असाध्य दुखण्याने आजारी पडला; परंतु संत फ्रान्सिस असिसीच्या प्रार्थनेने तो बरा झाला. त्यामुळे वयाच्या १७ व्या वर्षी त्याने फ्रान्सिस्कन संस्थेमध्ये प्रवेश घेतला. तेथे त्याने बोनावेंचर हे नवीन नाव धारण केले.
त्याने पॅरीस येथील विश्वविद्यालयात आलेक्झांडर ऑफ हेल्स या प्रख्यात प्रशिक्षकाच्या मार्गदर्शनाखाली अभ्यास पूर्ण केला आणि त्याच विद्यालयात व्याख्याने देण्याचे काम केले. त्यानंतर त्याने संत थॉमस अक्वायनस ह्यांच्याबरोबर अभ्यास करून इ. स. १२५७ साली डॉक्टरेट ही पदवी मिळविली.
त्याच वर्षी त्याला फ्रान्सिस्कन संघाचे जनरल म्हणून निवडण्यात आले. त्यावेळी त्याचे वय केवळ ३६ वर्षांचे होते. त्याहीनंतर अत्यंत अवघड अशी १६ वर्षे त्याने जनरल म्हणून काम पाहिले. त्याच्या कारकीर्दीत फ्रान्सिस्कन संस्थेतील दोन मतप्रवाहामध्ये सौम्य असा संघर्ष सुरू झाला होता. काहींना वाटे फ्रान्सिस असिसीकर ह्याने दिलेली आचारसंहिता काटेकोरपणे पाळायलाच हवी तर काहींच्या मते बदलत्या जमान्यानुसार त्या आचारसंहितेत शिथिलता आणण्यात यावी. शेवटी बोनावेंचर ह्यांनी दोन्ही मतप्रवाह जाणून घेऊन सुवर्णमध्य काढला आणि संस्थेचे कार्य फोफावण्यास सुरूवात झाली. त्यामुळे संत बोनावेंचर ह्यांना फ्रान्सिस्कन संस्थेचे दुसरे संस्थापक अशा नावाने संबोधले जाते.
पवित्र मरियेला देवदूताचा संदेश या घटनेच्या स्मरणार्थ दर दिवशी उजाडण्यापूर्वी आणि दिवस मावळण्याच्या वेळी देवळाची घंटा वाजविली जावी आणि 'नमो कृपापूर्ण मरिये' ही प्रार्थना म्हटली जावी असा आदेश त्यांनी सर्व फ्रान्सिस्कन मठांना दिला होता. पुढे तर ही परंपरा इतकी रुजली की, आज ती प्रार्थना जगभरच्या ख्रिस्तसभेच्या प्रार्थनेचा एक भाग बनलेली आहे.
संत बोनावेंचर १५ जुलै १२७४ साली मरण पावले. १४८२ साली संतपदाला पोहोचले आणि १५८८ त्यांना ख्रिस्तसभेने धर्मपंडित ही पदवी देऊन गौरविले. पोप लिओ तेरावे ह्यांनी त्यांना “देऊळमातेचा साक्षात्कारी राजपुत्र” अशी पदवी बहाल केली.ईशज्ञान, तत्त्वज्ञान अध्यात्म, दैनंदिन जीवन आणि पवित्र शास्त्रावरील भाष्य अशा विविध क्षेत्रातील मौल्यवान खजिना संत बोनावेंचर ह्यांनी आपल्यासाठी मागे ठेवलेला आहे. वयाच्या २७ व्या वर्षी त्यांचे कॉमेंट्री ऑफ द सेंटेन्सेस नावाचे बायबलवर ४,००० पानांचे लिखाण आजही तितकेच प्रेरणादायी आहे. संत फ्रान्सिस असिसीकर ह्यांचे त्यांनी लिहिलेले चरित्र इ. स. १२६३ साली पिसा येथल्या एका महासभेत फ्रान्सिस्कन संस्थेच्या संस्थापकाचे अधिकृत चरित्र म्हणून सन्मानीत केले गेले.संत बोनावेंचर ह्यांच्याठायी एक उत्तम वक्तादेखील दडलेला होता. राजे महाराजे, महागुरू, धर्मगुरू, सामान्य जनता किंवा आपल्या मठातील प्रशिक्षण घेणारे विद्यार्थी सर्वांना ते अत्यंत आत्मियतेने व तळमळीने मार्गदर्शन करीत असत. प्रवचन, व्याख्याने, भाषणे ह्यांची एकही संधी त्यांनी गमावली नाही. सर्वांपर्यंत ख्रिस्ताची सुवार्ता पसरवीत असताना ते स्वतः ख्रिस्तमय झाले आणि सर्वांपर्यंत जाऊन पोहोचले.
धार्मिक माणसाच्या जीवनाची खरी परिपूर्ती साध्यासुध्या गोष्टी अगदी सुरळीतपणे व व्यवस्थितरित्या करण्यात दडलेली आहे. संत बोनावेंचर
✝️
पहिले वाचन : उत्पत्ती ४९:२९-३३:५०:१५-२५
वाचक : उत्पत्ती या पुस्तकातून घेतलेले वाचन
“देव खरोखर तुमची भेट घेईल आणि तुम्हाला या देशातून परत घेऊन जाईल."
याकोबने आपल्या पुत्रांना आज्ञा केली की, “मी लवकरच मरणार तर मला नेऊन एफ्रोन हित्ती याच्या शेतातल्या गुहेत माझ्या वडिलांपाशी पुरा. कनान देशातील मप्रेसमोरील मकफेला नामक शेतातील गुहा, जी आब्राहामने शेतासह एफ्रान हित्ती याच्यापासून आपल्या सत्तेचे कबरस्तान व्हावे म्हणून विकत घेतली होती तीच ही. तेथेच आब्राहाम आणि त्याची पत्नी सारा यांना पुरले, इसहाक आणि त्याची पत्नी रिबका यांनाही तेथे पुरले; तेथेच मी लेआलाही पुरले. ते शेत आणि त्यातील गुहा ही हित्तीपासून खरेदी केली आहेत." आपल्या पुत्राला आज्ञा करण्याचे संपल्यावर याकोबने अंथरुणावर आपले पाय आखडून प्राण सोडला.
आपला बाप मेला हे मनात आणून योसेफचे भाऊ म्हणू लागले, “आता योसेफ आमचे वैर करील आणि आपण त्याचे जे वाईट केले त्याचे तो पुरे उसने फेडील.” त्यांनी योसेफला सांगून पाठवले की, “आपल्या पित्याने मरण्यापूर्वी आम्हांला आज्ञा केली ती अशी: 'तुम्ही योसेफला सांगा, तुझ्या भावांनी तुझे वाईट केले हा त्यांचा गुन्हा आणि पाप यांची क्षमा कर.' आता आपल्या पित्याच्या देवाचे जे आम्ही दास त्या आमचा अपराध क्षमा करा अशी आम्ही विनंती करतो." हे भाषण ऐकून योसेफला रडू आले. त्याचे भाऊ स्वतः त्याच्याकडे जाऊन त्याच्या पायांशी लागले आणि म्हणाले, “पाहा, आम्ही आपले दास आहो.” योसेफ त्यांना म्हणाला, "भिऊ नका, मी का देवाच्या ठिकाणी आहे ? तुम्ही माझे वाईट योजले, पण देवाच्या योजना बऱ्यासाठीच होती की त्याप्रमाणे बहुत लोकांचे प्राण वाचावे, हे तुम्ही आज पाहातच आहा, तर आता भिऊ नका; मी तुमचे आणि तुमच्या मुलाबाळांचे संगोपन करीन.” याप्रकारे त्याने त्यांचे सांत्वन करून त्याच्या मनाला धीर दिला. योसेफ़ आपल्या बापाच्या घरच्या माणसासह इजिप्तमध्ये राहिला. तो एकाशेदहा वर्षे जगला. योसेफने एफ्राईमच्या तिसऱ्या पिढीची मुले पाहिली; तसेच मनश्शेचा पुत्र माखोर याची मुले त्याच्या मांडीवर खेळली, नंतर योसेफ आपल्या भावांना म्हणाला, "मी आता मरणार, देव खरोखरच तुमची भेट घेईल आणि या देशातून जो प्रदेश आब्राहाम, इसहाक आणि याकोब यांस त्याने प्रतिज्ञापूर्वक देऊ केला आहे त्या प्रदेशात घेऊन जाईल." मग देव खात्रीने तुमची भेट घेईल,” असे योसेफाने इस्राएल पुत्रांना सांगून आपल्या अस्थी तेथून घेऊन जाण्याविषयी त्यांच्याकडून आणभाक करायला लावले.
हा प्रभूचा शब्द आहे
सर्व : देवाला धन्यवाद.
First Reading : Genesis 49:29-33; 50:15-26a
In those days: Jacob commanded his sons and said to them, "I am to be gathered to my people; bury me with my fathers in the cave that is in the field of Ephron the Hittite, in the cave that is in the field at Machpelah, to the east of Mamre, in the land of Canaan, which Abraham bought with the field from Ephron the Hittite to possess as a burying place. There they buried Abraham and Sarah his wife. There they buried Isaac and Rebekah his wife, and there I buried Leah - the field and the cave that is in it were bought from the Hittites." When Jacob finished commanding his sons, he drew up his feet into the bed and breathed his last, and was gathered to his people. When Joseph's brothers saw that their father was dead, they said, "It may be that Joseph will hate us and pay us back for all the evil that we did to him." So they sent a message to Joseph, saying, "Your father gave this command before he died: 'Say to Joseph, "Please forgive the transgression of your brothers and their sin, because they did evil to you." "And now, please forgive the transgression of the servants of the God of your father." Joseph wept when they spoke to him. His brothers also came and fell down before him and said, "Behold, we are your servants." But Joseph said to them, "Do not fear, for am I in the place of God? As for you, you meant evil against me, but God meant it for good, to bring it about that many people should be kept alive, as they are today. So do not fear; I will provide for you and your little ones." Thus he comforted them and spoke kindly to them. So Joseph remained in Egypt, he and his father's house. Joseph lived for one hundred ten years. And Joseph saw Ephraim's children of the third generation. The children also of Machir the son of Manasseh were counted as Joseph's own. And Joseph said to his brothers, "I am about to die, but God will visit you, and bring you up out of this land to the land that he swore to Abraham, to Isaac, and to Jacob." Then Joseph made the sons of Israel swear, saying, "God will surely visit you, and you shall up my bones from here." So Joseph died, being one hundred ten years old."
This is the word of God
Thanks be to God
प्रतिसाद स्तोत्र :१०५: १:४,६-७
प्रतिसाद : देवाचा शोध करणाऱ्यांनो, तुमच्या हृदयात नवजीवन येवो.
१) परमेश्वराचे उपकारस्मरण करा,
त्याच्या नावाचा धावा करा.
राष्ट्रांना त्याची कृत्ये जाहीर करा;
त्याचे गुणगान करा, त्याची स्तोत्रे गा;
त्याच्या सर्व अद्भुत कृत्यांचे वर्णन करा.
२) त्याच्या पवित्र नामाचा अभिमान बाळगा;
जे परमेश्वरासाठी आतुर झाले आहेत
त्यांचे मन हर्षित होवो. परमेश्वर आणि
त्याचे सामर्थ्य ह्यांचा शोध करा;
त्याच्या दर्शनासाठी सदा आतुर असा.
३) त्याचा सेवक आब्राहाम ह्यांचे वंशजहो,
त्याचे निवडलेले याकोबचे वंशजहो,
तो प्रभू आमचा देव आहे;
साऱ्या जगावर त्याचीच सत्ता चालते
Psalm 105:1-2, 3-4, 6-7
You who are poor seek God, and your hearts will revive.
Give thanks to the Lord;
proclaim his name.
Make known his deeds among the peoples.
O sing to him, sing his praise;
tell all his wonderful works! R
Glory in his holy name;
let the hearts that seek the Lord rejoice.
Turn to the Lord and his strength;
constantly seek his face. R
O children of Abraham, his servant,
O descendants of the Jacob he chose,
he, the Lord, is our God;
his judgments are in all the earth. R
जयघोष
आलेलुया, आलेलुया!
हे परमेश्वरा, तुझे सर्व नियम विश्वसनीय आहेत;
ते सदासर्वकाळ अढळ आहेत..
आलेलुया!
Acclamation:
If you are insulted for the name of Christ, you are blessed, because the Spirit of glory and of God rests upon you.
शुभवर्तमान मत्तय १०:२४-३३
वाचक : मत्तय लिखित पवित्र शुभवर्तमानातून घेतलेले वाचन
"जे शरीराचा घात करतात त्यांना भिऊ नका.'
येशू आपल्या बारा प्रेषितांना म्हणाला, “गुरूपेक्षा शिष्य थोर नाही आणि धन्यापेक्षा दास थोर नाही; शिष्याने गुरूसारखे आणि दासाने धन्यासारखे व्हावे, इतके त्याला पुरे. घरधन्याला बालजबूल म्हटले तर घरच्या माणसांना किती तरी अधिक म्हणतील!" ह्यास्तव त्यांना भिऊ नका; कारण उघडकीस येणार नाही असे काही झाकलेले नाही आणि कळणार नाही असे काही गुप्त नाही. जे मी तुम्हांला अंधारात सांगतो ते उजेडात बोला आणि तुमच्या कानांत सांगितलेले जे तुम्ही ऐकता ते घराच्या गच्चीवरून घोषित करा. जे शरीराचा घात करतात पण आत्म्याचा घात करावयास समर्थ नाहीत त्यांना भिऊ नका, तर आत्मा आणि शरीर ह्या दोहोंचा नरकात नाश करायला जो समर्थ आहे त्याला भ्या. दोन चिमण्या दमडीला विकतात की नाही? तथापि तुमच्या पित्यावाचून त्यातून एकही भूमीवर पडणार नाही. तुमच्या डोक्यावरले सर्व केसदेखील मोजलेले आहेत. म्हणून भिऊ नका; पुष्कळ चिमण्यांपेक्षा तुमचे मोल अधिक आहे. जो कोणी माणसांसमोर मला पत्करील त्याला मीही आपल्या स्वर्गातल्या पित्यासमोर पत्करीन; पण जो कोणी माणसांसमोर मला नाकारील त्याला मीही आपल्या स्वर्गातील पित्यासमोर नाकारीन.”
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading : Matthew 10:24-33
At that time: Jesus said to his apostles, "A disciple is not above his teacher, nor a servant above his master. It is enough for the disciple to be like his teacher, and the servant like his master. If they have called the master of the house Beelzebul, how much more will they malign those of his household. So have no fear of them, for nothing is covered that will not be revealed, or hidden that will not be known. What I tell you in the dark, say in the light, and what you hear whispered, proclaim on the housetops. And do not fear those who kill the body but cannot kill the soul. Rather fear him who can destroy both soul and body in hell. Are not two sparrows sold for a penny? And not one of them will fall to the ground apart from your Father. But even the hairs of your head are all numbered. Fear not, therefore; you are of more value than many sparrows. So everyone who acknowledges me before men, I also will acknowledge before my Father who is in heaven, but whoever denies me before men, I also will deny before my Father who is in heaven.
This is the Gospel of the Lord
Praise the Lord Jesus Christ .
चिंतन: आजच्या शुभवर्तमानात येशू आपल्या शिष्यांना निर्भयपणे व छळवणूकीची चिंता न करता सुवार्ता प्रचार करण्याचा आदेश देतो. येशू स्पष्ट करतो की, मानवाचे शाश्वत गंतव्य परमेश्वर आहे. शिष्यांनी ह्या तथ्याची जाणीव ठेवून करडेपणाने सुवार्ताप्रचार करावे. सुवार्तेच्या संदेशाशी तडजोड करण्यास किंवा तो संदेश विरल करण्यास मनाई आहे. मानवाला फक्त जीवशास्त्राच्या दृष्टीकोणातून न बघता आध्यात्मिक दृष्टीकोणातून बघण्याचे आवाहन येशू करतो. मानव फक्त अस्थी, देह, रुधिराचा साचानसून एक आध्यात्मिक जीवी आहे आणि परमेश्वर त्याच्या आत्म्याचे शाश्वत गंतव्य आहे. मानव दुसऱ्या मानवाच्या शरीराला नष्ट करू शकतो परंतु आत्म्याला नाही. धन, लोकप्रियता, उच्च सामाजिक स्थानासारख्या भौतिक गोष्टींच्या पलीकडे जाऊन सदासर्वदा आपली दृष्टी शाश्वत गंतव्य असलेल्या परमेश्वराकडे वळवण्याचा आदेश येशू आपल्या शिष्यांना देतो. आपली दृष्टी परमेश्वराकडे की जगाकडे आहे? नव्या करारात प्रत्येक माणसाच्या न्यायाबाबत येशूची शिकवण आपणांस मरणोत्तर न्यायाची साक्ष देतात. हा मरणोत्तर न्याय काहींसाठी निराळा आणि इतरांसाठी निराळा असेल. (CCC १०२१)
प्रार्थना : हे प्रभू येशू, धैर्याने तुझी साक्ष जगाला देण्यास व तुझी सुवार्ता पसरविण्यास आम्हाला शक्ती दे, आमेन.
सिनडसाठी प्रार्थना
हे पवित्र आत्म्या, तुझ्या नावाने एकत्र येऊन
आम्ही तुझ्यासमोर उभे राहतो.
तू आमचा एकमेव मार्गदर्शक आहेस,
आमच्या हृदयात तू वस्ती कर;
आम्ही पुढे कसे जावे याबद्दल आम्हांला मार्गदर्शन कर
आणि त्या मार्गाशी आम्हांला एकनिष्ठ ठेव.
आम्ही दुर्बळ आणि पापी आहोत;
अस्थिरतेपासून आम्हाला दूर ठेव;
अज्ञानाने आमचा मार्ग भ्रष्ट होऊ देऊ नकोस,
पक्षपाताचा आमच्या कृतीवर प्रभाव पडू देऊ नकोस.
हे पवित्र आत्म्या,
तुझ्यामध्ये आम्हाला आमचे ऐक्य पाहू देः
म्हणजे आम्ही शाश्वत जीवनाकडे एकत्र वाटचाल करू
आणि सत्याच्या व योग्यतेच्या मार्गापासूनआम्ही भरकटणार नाही.
पिता आणि पुत्र ह्यांच्या ऐक्यात
तू सर्वत्र आणि सर्वकाळ कार्य करतोस
त्या तुझ्याकडे हे सर्व आम्ही मागतो, आमेन !
✝️
0 टिप्पण्या