सामान्यकाळातील ३२ वा रविवार
१२ नोव्हेंबर २०२३
“पाहा, वर आला आहे, त्याला सामोऱ्या चला."
at midnight there was a cry, 'Here is the bridegroom! Come out to meet him.'
जो मनुष्य तेजोमय ज्ञानाने भरलेला असतो. तो त्या प्रकाशात राहून आपल्या जीवनावर चिंतन करीत असतो. त्याला आपल्या भावी जीवनाबद्दल आस्था असते म्हणून सर्वदा जागृत राहून जीवन जगणे त्याला सोपे जाते.
शुभवर्तमानातील दहा कुमारीकांचा दुष्टांत आपल्याला आपल्या जीवनावर चिंतन करण्यास प्रेरणा देणारा आहे. शहाण्या कुमारिका वराला भेटण्यास उत्सुक होत्या तर मुर्ख कुमारिका बेफिकीरपणे वागल्या. शहाण्या वरा बरोबर आनंदात सहभागी झाल्या तर मुर्खाची निराशा झाली. आपण आपल्या जीवनावर चिंतन करु या.आपण आपले जीवन जगत असताना शहाणपणाने सर्व गोष्टींबद्दल दक्ष , जागृत राहून प्रभूला अपेक्षित जीवन जगण्यासाठी प्रभूचे सामर्थ्य व कृपा मागू या.
✝️
पहिले वाचन : ज्ञानग्रंथ ६:१२-१६
वाचक :ज्ञानग्रंथ या पुस्तकातून घेतलेले वाचन ६:१२-१६
"ज्ञानांचा शोध घेणाऱ्यांना ते सापडते.”
ज्ञान तेजोमय आणि अक्षय आहे. त्याची आवड धरणाऱ्यांना हे सहज लाभते. त्यांचा शोध घेणाऱ्यांना ते सापडते, त्याची अपेक्षा करणाऱ्यांना ते स्वतःची जाणीव करून देण्याची घाई करते. त्याचा ध्यास घेण्यासाठी जो सकाळी लवकर उठतो, त्याला कोणतीही अडचण भासणार नाही. कारण ते त्याला आपल्या दाराशी बसलेले सापडेल. त्याच्यावर आपला विचार केंद्रीत करणे हीच पूर्ण समज आहे. त्याच्याबाबत दक्ष असणारा लवकरच साऱ्या चिंतांमधून मुक्त होईल. कारण ज्ञान त्याला अनुरूप असणाऱ्यांचा शोध घेते आणि त्याच्या मार्गावर ते स्वतःला मोहकपणे सादर करते. प्रत्येक चिंतनामध्ये ते त्याला लाभते.हा प्रभूचा शब्द आहे
सर्व : देवाला धन्यवाद.
First Reading :Wisdom 6:12-16
Wisdom is radiant and unfading, and she is easily discerned by those who love her and is found by those who seek her. She hastens to make herself known to those who desire her. He who rises early to seek her will have no difficulty, for he will find her sitting at his gates. To fix one's thought on her is perfect understanding, and he who is vigilant on her account will soon be free from care, because she goes about seeking those worthy of her, and she graciously appears to them in their paths and meets them in every thought.
This is the word of God
Thanks be to God
प्रतिसाद स्तोत्र १३१:१,२,३
प्रतिसाद : ६२:२, ३-४, ५-६, ७-८
प्रतिसाद : हे देवा, तुझ्यासाठी माझा जीव तहानलेला आहे.
१ हे देवा, तू माझा देव आहेस,
मी आस्थेने तुझा शोध करीन.
शुष्क, रुक्ष आणि निर्जल प्रदेशात
माझा जीव तुझ्यासाठी तहानलेला आहे.
माझ्या देहालाही तुझी उत्कंठा लागली आहे..
२ अशा प्रकारे तुझे बळ व वैभव पाहण्यास
पवित्रस्थानी मी तुझ्याकडे दृष्टी लावली आहे.
तुझे वात्सल्य जीवनाहून उत्तम आहे,
माझे ओठ तुझे स्तवन करतील.
३ मी जिवंत आहे तोपर्यंत तुला धन्यवाद देईन,
तुझ्या नावाने मी आपले हात उभारीन.
मज्जेने आणि मेदाने व्हावा
तसा माझा जीव तृप्त होईल.
आणि माझे मुख हर्षभरित होऊन तुझे स्तवन करील.
४ मी रात्री आपल्या अंथरूणावर पडून तुझे
स्मरण करतो आणि प्रहरोप्रहरी
तुझे ध्यान करत असतो, कारण
तू माझे सहाय्य होत आला आहेस,
म्हणून तुझ्या पंखांच्या सावलीत मी आनंद करीन.
Psalm 63:2, 3-4, 5-6, 7-8
For you my soul is thirsting,
O Lord, my God.
O God, you are my God;
at dawn seek you;
for you my soul is thirsting.
For you my flesh is pining, like a dry,
weary land without water. R
I have come before you in the sanctuary,
to behold your strength and your glory.
Your loving mercy is better than life;
my lips will speak your praise.R
I will bless you all my life;
in your name I will lift up my hands.
My soul shall be filled as with a banquet;
with joyful lips, my mouth shall praise you.
When remember you upon my bed,
I muse on you through the watches of the night
For you have been my strength;
in the shadow of your wings I rejoice.
दुसरे वाचन थेस्सलनीकाकरांस पहिले पत्र ४:१३-१८
वाचक : पौलचे थेस्सलनिकाकरांस पहिले पत्र यातून घेतलेले वाचन
“येशूच्याद्वारे जे झोपी गेले आहेत त्यांना देव त्याच्याबरोबर आणील.”
(बंधुजनहो, झोपी गेलेल्या लोकांविषयी तुम्ही अजाण नसावे अशी आमची इच्छा आहे, ह्यासाठी की, ज्यांना आशाच नाही अशा बाकीच्या लोकांसारखा तुम्ही खेद करू नये. कारण येशू मरण पावला आणि पुन्हा उठला असा जर आपला विश्वास आहे तर त्याप्रमाणे येशूच्याद्वारे जे झोपी गेले आहेत त्यांना देव त्याच्याबरोबर आणील. )
प्रभूच्या वचनावरून आम्ही हे तुम्हाला सांगतो की, प्रभूचे येणे होईपर्यंत जे आपण जिवंत असू ते आपण झोपी गेलेल्यांच्या आघाडीस जाणारच नाही. कारण आज्ञाध्वनी, आद्यदिव्यदूताची वाणी आणि देवाच्या तुतारीचा नाद होत असता प्रभू स्वतः स्वर्गातून उतरेल आणि ख्रिस्तामध्ये जे मेलेले आहेत ते पहिल्याने उठतील, नंतर जिवंत उरलेले आपण त्यांच्याबरोबर प्रभूला सामोरे होण्यासाठी मेघारूढ असे अंतराळात घेतले जाऊ आणि तसेच सदासर्वदा प्रभूजवळ राहू.म्हणून ह्या वाचनांनी एकमेकांचे सांत्वन करा.
हा प्रभूचा शब्द आहे.
सर्व : देवाला धन्यवाद
Second Reading :1 Thessalonians 4:13-18
We do not want you to be uninformed, brothers, about those who are asleep, that you may not grieve as others do who have no hope. For since we believe that Jesus died and rose again, even so, through Jesus, God will bring with him those who have fallen asleep. For this we declare to you by a word from the Lord that we who are alive, who are left until the coming of the Lord, will not precede those who have fallen asleep. For the Lord himself will descend from heaven with a cry of command, with the voice of an archangel, and with the sound of the trumpet of God. And the dead in Christ will rise first. Then we who are alive, who are left, will be caught up together with them in the clouds to meet the Lord in the air, and so we will always be with the Lord. Therefore encourage one another with these words.
This is the word of God
Thanks be to God
जयघोष
आलेलुया, आलेलुया!
जागृत आणि सिद्ध राहा, कारण तुम्हांला कल्पना नाही अशा घटकेला मनुष्याचा पुत्र येईल.
आलेलुया!
Acclamation:
Stay awake, and be ready; the Son of Man is coming at an hour you do not expect.
शुभवर्तमान मत्तय २५:१-१३
वाचक : मत्तयलिखित पवित्र शुभवर्तमानातून घेतलेले वाचन
“पाहा, वर आला आहे, त्याला सामोऱ्या चला."
येशूने आपल्या शिष्यांना हा दाखला सांगितलाः “स्वर्गाचे राज्य दहा कुमारीसारखे होईल, त्या आपले दिवे घेऊन वराला सामोऱ्या जायला निघाल्या. त्यात पाच मूर्ख होत्या आणि पाच शहाण्या होत्या. कारण मूर्ख कुमारींनी आपले दिवे घेतले, पण आपणाबरोबर तेल घेतले नाही. शहाण्यांनी आपले दिवे घेतले आणि भांड्यात तेलही घेतले. मग वराला विलंब लागला आणि सर्वांस डुलक्या आल्या आणि झोप लागली. तेव्हा मध्यरात्री हाक आली की, पाहा, वर आला आहे, त्याला सामोऱ्या चला. मग त्या सर्व कुमारी उठून आपआपले दिवे नीट करू लागल्या. तेव्हा मूर्खानी शहाण्यांना म्हटले, तुम्ही आम्हांला तुमच्या तेलातून काही दया, कारण आमचे दिवे जाऊ लागले आहेत. पण शहाण्यांनी उत्तर दिले की, कदाचित आम्हांला आणि तुम्हांला पुरणार नाही, तुम्ही विकणाऱ्यांकडे जाऊन स्वतःकरिता विकत घ्यावे हे बरे. त्या विकत घ्यायला गेल्या असता वर आला, तेव्हा ज्यांची तयारी झाली होती त्या त्याच्याबरोबर आत लग्नाला गेल्या आणि दार बंद झाले. नंतर त्या दुसऱ्याही कुमारी येऊन म्हणाल्या, प्रभो, प्रभो आम्हासाठी दार उघडा. त्याने उत्तर दिले, मी तुम्हांला खचित सांगतो, मी तुम्हांला ओळखत नाही. म्हणून तुम्ही जागृत राहा, कारण तुम्हांला तो दिवस आणि ती घटका ठाऊक नाही.
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading : Matthew 25:1-13
At that time: Jesus told his disciples this parable: "The kingdom of heaven will be like ten virgins who took their lamps and went to meet the bridegroom. Five of them were foolish, and five were wise. For when the foolish took their lamps, they took no oil with them, but the wise took flasks of oil with their lamps. As the bridegroom was delayed, they all became drowsy and slept. But at midnight there was a cry, 'Here is the bridegroom! Come out to meet him.' Then all those virgins rose and trimmed their lamps. And the foolish said to the wise, 'Give us some of your oil, for our lamps are going out. But the wise answered, saying, 'Since there will not be enough for us and for you, go rather to the dealers and buy for yourselves. And while they were going to buy, the bridegroom came, and those who were ready went in with him to the marriage feast, and the door was shut. Afterwards the other virgins came also, saying, 'Lord, lord, open to us. But he answered, Truly, say to you, I do not know you. Watch therefore, for you know neither the day nor the hour.
This is the Gospel of the Lord
Praise the Lord Jesus Christ .
चिंतन: ख्रिस्तसभा जसजशी आपल्या उपासना वर्षाच्या अंतापाशी येऊन पोहोचते तसतशी ती मानव जातीला जगाच्या अंताविषयी आणि येशूच्या पुनरागमनाविषयी नव्याने जाणीव करून देत असते. संत मत्तयच्या शुभवर्तमानात येशू हा नवा मोशे असून ख्रिस्तसभा हे नवे इस्राएल आहे असे मानण्यात आलेले आहे व येशूची शिकवण पाच वचनांत एकत्रित करण्यात आलेली आहे. पर्वतावरील प्रवचन (अध्याय ५ ते ७), प्रेषितकार्याविषयी प्रवचन (अध्याय १०), दाखल्यांद्वारे देवराज्याविषयी प्रवचन (अध्याय १३), सामुदायिक जीवनाविषयी प्रवचन (अध्याय १८), युगाच्या समाप्तीविषयी प्रवचन (अध्याय २४, २५), आजपासून पुढील तीन रविवारचे शुभवर्तमान हे युगाच्या समाप्तीविषयीच्या प्रवचनामधून घेतलेले असेल. आजच्या उपासनेतील वाचने आपल्याला प्रभूच्या पुनरागमनाची पूर्वतयारी करण्यासाठी ज्ञानमार्गाचा अवलंब करण्यास पाचारण करतात. ज्ञानमार्गामध्ये निरीक्षण, अनुभव आणि आत्मपरीक्षण / चिंतन ह्यांचा समावेश होतो. त्यातून मिळणाऱ्या माहितीचा व्यावहारिक दृष्टीने उपयोग करून आपले जीवन सुंदर करता येते. त्यांच्या अभावी जीवनात मोह, आळस, निराशा, सुखासीनता, अल्पसंतुष्ट वृत्ती खोटी आत्मप्रौढी आणि नकारात्मक, आत्मकेंद्रित दृष्टिकोण वाढीस लागतो आणि माणूस मूर्खपणाच्या वाटेवरून धावत जातो व अपयशाच्या दरीत कोसळून पडतो. त्यासाठीच आजचे शुभवर्तमान शहाण्या व मूर्ख अशा दहा कुमारिकाचा दाखला देते. त्यातून पुढील संदेश देण्यात आलेला आहे.
१. पूर्ण तयारीनिशी प्रसंगाला सामोरे जाणे : प्रसंग कोणता आहे, त्यासाठी काय काय लागेल ह्याचा सारासार विचार करून शहाण्या कुमारिकांनी दिवे व ज्यादा तेल सोबत घेतले.
२. दूरदृष्टीपणा बाळगून संभाव्य संकटाला भिडण्याची तयारी करणे : त्याकाळी वरातीला खूप उशीर होई, मध्यरात्रही होई. अशावेळी शहाण्या कुमारिका त्या प्रसंगाला सामोऱ्या जाऊ शकल्या. मात्र मूर्खानी आयत्या वेळी उपाययोजना करण्याचा प्रयत्न केला. त्यामुळे त्यांची संधी हुकली.
३. मूर्खाशी वागताना भोळेपणा नव्हे सुज्ञता बाळगणे : शहाण्या कुमारिकांनी मूर्खोंच्या मूर्खपणाची जबाबदारी घेतली नाही. त्यांनी खंबीर भूमिका न घेता भावूकपणे भोळेपणा दाखवला असता तर आपले ध्येय त्यांना कधीच गाठता आले नसते.
आत्मपरीक्षण : प्रभू येशूच्या पुन्हा येण्याची प्रभू येशूच्या पुनरागमनाची तयारी ज्ञानमार्गाने करण्यासाठी मी कोणकोणती पावले उचलणार आहे ?
प्रार्थना :हे प्रभू येशू, तुला भेटण्यास मी सर्वदा तयार असावे म्हणून मला ज्ञान व शहाणपण दे, आमेन..
सिनडसाठी प्रार्थना
हे पवित्र आत्म्या, तुझ्या नावाने एकत्र येऊन
आम्ही तुझ्यासमोर उभे राहतो.
तू आमचा एकमेव मार्गदर्शक आहेस,
आमच्या हृदयात तू वस्ती कर;
आम्ही पुढे कसे जावे याबद्दल आम्हांला मार्गदर्शन कर
आणि त्या मार्गाशी आम्हांला एकनिष्ठ ठेव.
आम्ही दुर्बळ आणि पापी आहोत;
अस्थिरतेपासून आम्हाला दूर ठेव;
अज्ञानाने आमचा मार्ग भ्रष्ट होऊ देऊ नकोस,
पक्षपाताचा आमच्या कृतीवर प्रभाव पडू देऊ नकोस.
हे पवित्र आत्म्या,
तुझ्यामध्ये आम्हाला आमचे ऐक्य पाहू देः
म्हणजे आम्ही शाश्वत जीवनाकडे एकत्र वाटचाल करू
आणि सत्याच्या व योग्यतेच्या मार्गापासूनआम्ही भरकटणार नाही.
पिता आणि पुत्र ह्यांच्या ऐक्यात
तू सर्वत्र आणि सर्वकाळ कार्य करतोस
त्या तुझ्याकडे हे सर्व आम्ही मागतो, आमेन !
✝️
0 टिप्पण्या