सामान्यकाळातील ३२वा सप्ताह
सोमवार १३ नोव्हेंबर २०२३
त्याने पश्चात्ताप केला तर त्याला क्षमा कर,
if he repents, forgive him.
✝️
संत स्टॅनिस्लॉस कॉस्तका
वर्तनसाक्षी (१५५०-१५६८)
हृदय विकार, प्राणघातक आजार आणि अंत्यसंस्काराविना येणारे मरण ह्यावर मात करण्यासाठी संत स्टॅनिस्लॉस ह्याचा धावा केला जातो. बऱ्याच संस्थांमध्ये नवशिष्यांचा तो आश्रयदाता संत मानला जातो.
चिंतन : मी विशिष्ट वेळेसाठी नव्हे तर सार्वकालिक जीवनासाठी जन्मलेलो आहे. -संत स्टॅनिस्लॉस
✝️
अपराध्यांना क्षमा करण्यासाठी देवाच्या कृपेची गरज असते. हीच देवाची कृपा आपल्या देवावरील विश्वासाच्या द्वारे प्राप्त होते. विश्वास वाढवा.' प्रभू येशूने स्पष्ट करुन| शिष्यांनी येशूला म्हटले, 'आमचा सांगितले की, 'केवळ मोहरीच्या दाव्याएवढा विश्वास सुद्धा आपल्याला देवाची प्रचंड महानता व शक्ति अनुभवण्यास मिळू शकते.' आपण आज प्रभूच्या वचनांवर चिंतन करीत असताना आपला देवावरील विश्वास तपासून पाहू या. ह्या जगातील आपले जीवन परस्परांच्या विश्वासाने जर सुकर बनते तर| देवावरील आपला विश्वास आपल्याला प्रचंड शक्ति आणि अंतर्बाह्य जीवन बदलण्याची प्रेरणा देऊ शकतो. आज आपल्या वर्तणुकीवर आणि देवावरील विश्वासावर चिंतन | करण्याचा दिवस आहे.
✝️
पहिले वाचन :ज्ञानग्रंथ १:१-७
वाचक :ज्ञानग्रंथ या पुस्तकातून घेतलेले वाचन
"ज्ञानी दयाशील असतो. प्रभूच्या आत्म्याने जग भरून टाकले आहे."
भूपतींनो, न्यायाची आवड धरा. सरळ मनाने प्रभूचे चिंतन करा. प्रांजळपणे त्याचा ध्यास घ्या. प्रभूची कसोटी न पाहणाऱ्यांना तो सापडतो. त्याच्यावर श्रद्धा टाकणाऱ्यांना तो दर्शन देतो. विपरीत बुद्धीमुळे मनुष्य देवापासून दुरावतो. त्याच्यासामर्थ्याची कसोटी पाहणारा मूर्ख त्याच सामर्थ्याने दोषी ठरतो. •कारण कपटी मनामध्ये ज्ञान प्रवेश करणार नाही, किंवा पापांच्या आहारी गेलेल्या शरिरामध्ये वस्ती करणार नाही. शिस्तप्रिय व शुद्ध आत्मा फसवेगिरीपासून दूर पळून जातो, मूर्ख विचारापासून तो अलिप्त असतो आणि अन्यायाने डोके वर काढले असता तो त्याला विरोध करतो.
ज्ञानी दयाशील असतो तरीदेखील देव-निंदकाला तो दोषमुक्त करणारा नाही. कारण देव त्याच्या अंतर्यामाचा साक्षी आहे. तो त्याचे मन बरोबर ओळखतो आणि त्याचे शब्द ऐकून घेतो. कारण प्रभूच्या आत्म्याने जग भरून टाकले आहे. साऱ्या गोष्टी सामावून घेणाऱ्या आत्म्याला उच्चारलेला प्रत्येक शब्द माहीत आहे.
प्रभूचा शब्द.
सर्व : देवाला धन्यवाद.
First Reading :Wisdom 1:1-7
Love righteousness, you rulers of the earth, think of the Lord with uprightness and seek him with sincerity of heart; because he is found by those who do not put him to the test and manifests himself to those who do not distrust him. For perverse thoughts separate people from God, and when his power is tested, it convicts the foolish; because wisdom will not enter a deceitful soul or dwell in a body enslaved to sin. For a holy and disciplined spirit will flee from deceit and will rise and depart from foolish thoughts and will be ashamed at the approach of unrighteousness. For wisdom is a kindly spirit and will not free a blasphemer from the guilt of his words, because God is witness of his inmost feelings and a true observer of his heart and a hearer of his tongue. Because the Spirit of the Lord has filled the world, and that which holds all things together knows what is said.
This is the word of God
Thanks be to God
प्रतिसाद स्तोत्र १३९:१-१०
प्रतिसाद :प्रभो, मला शाश्वत जीवनाच्या मार्गाने ने.
१) हे परमेश्वरा, तू मला पारखले आहेस,
तू मला जाणतोस, माझे बसणे आणि
माझे उठणे तू जाणतोस,
तू दुरून माझे मनोगत समजतोस.
तू माझे चालणे आणि माझे निजणे बारकाईने पाहतोस.
माझ्या एकंदर वर्तनक्रमाची माहिती तुला आहे.
२) हे परमेश्वरा, माझ्या मुखातून असा
एकही शब्द येत नाही की,
तो तुला मुळीच ठाऊक नाही.
तू मागूनपुढून मला घेरले आहेस,
माझ्यावर तू आपला हात ठेवला आहेस,
हे ज्ञान माझ्या कल्पनेपलीकडे आहे,
हे अगम्य आहे, हे माझ्या आवाक्याबाहेर आहे.
३) मी तुझ्या आत्म्यापासून कोठे जाऊ?
मी तुझ्यासमोरून कोठे पळू ?
मी वर आकाशात चढलो तरी तेथे तू आहेस.
अधोलोकी मी आपले अंथरूण केले,
तरी पाहा, तेथे तू आहेस.
४) मी प्रभातपंख धारण करून समुद्राच्या
अगदी पलीकडल्या तीरावर जाऊन राहिलो,
तरी तेथेही तुझा हात मला नेईल,
तुझा उजवा हात मला धरून राहील
Psalm 139:1-3, 4-6, 7-8, 9-10
Lead me Lord , in the way everlasting
O Lord, you search me and you know me!
You yourself know my resting and rising:
you discern my thoughts from afar.
You mark when I walk or lie down;
you know all my ways through and through.
Before ever a word is on my tongue, you know it,
O Lord, through and through.
Behind and before, you besiege me,
your hand ever laid upon me.
Too wonderful for me, this knowledge;
too high, beyond my reach.
O where can I go from your spirit,
or where can I flee from your face?
If I climb the heavens, you are there.
If I lie in the grave, you are there.
If I take the wings of the dawn
or dwell at the sea's furthest end,
even there your hand would lead me;
your right hand would hold me fast. R
जयघोष
आलेलुया, आलेलुया!
हे परमेश्वरा, बोल, तुझा दास ऐकत आहे, सार्वकालिक जीवनाची वचने आपणाजवळ आहेत.
आलेलुया!
Acclamation:
You shine as lights in the world, holding fast to the word of life.
शुभवर्तमान लुक १७:१-६
वाचक :लूकलिखित पवित्र शुभवर्तमानातून घेतलेले वाचन
"जर तुझा भाऊ दिवसातून सात वेळा तुझ्याकडे परत येऊन, मला पश्चात्ताप झाला आहे. असे म्हणाला, तरी त्याला क्षमा कर."
येशूने आपल्या शिष्यांना म्हटले, "अडखळणे येऊ नये हे अशक्य आहे, परंतु ज्याच्यामुळे ती येतात त्याची केवढी दुर्दशा होणार! त्याने ह्या लहानातील एकाला अडखळवावे ह्यापेक्षा त्याच्या गळ्यात मोठ्या जात्याची तळी बाधून त्याला समुद्रात टाकावे ह्यात हित आहे. तुम्ही स्वतः सांभाळा. तुझ्या भावाने अपराध केला तर त्याचा दोष त्याला दाखव आणि त्याने पश्चात्ताप केला तर त्याला क्षमा कर, त्याने दिवसातून सात वेळा तुझा अपराध केला आणि सात वेळा तुझ्याकडे परत येऊन, मला पश्चात्ताप झाला आहे, असे म्हटले, तरी त्याला क्षमा कर." मग प्रेषित प्रभूला म्हणाले, “आमचा विश्वास वाढवा,” प्रभू म्हणाला, “तुम्हामध्ये मोहरीच्या दाण्याएवढा विश्वास असेल तर ह्या तुतीच्या झाडाला, तू मुळासकट उपटून समुद्रात लावली जा, असे तुम्ही सांगताच ती तुमचे ऐकेल.”
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading :Luke 17:1-6:
At that time: Jesus said to his disciples, "Temptations to sin are sure to come, but woe to the one through whom they come! It would be better for him if a millstone were hung round his neck and he were cast into the sea than that he should cause one of these little ones to sin. Pay attention to yourselves! If your brother sins, rebuke him, and if he repents, forgive him, and if he sins against you seven times in the day, and turns to you seven times, saying, 'I repent', you must forgive him." The apostles said to the Lord, "Increase our faith!" And the Lord said, "If you had faith like a grain of mustard seed, you could say to this mulberry tree, 'Be uprooted and planted in the sea', and it would obey you.
This is the Gospel of the Lord
Praise the Lord Jesus Christ .
चिंतन:दोन माणसे हिटलरच्या तुरुंगात होती. तुरुंगातून सुटल्यावर आठ वर्षानंतर त्यांची पुन्हा भेट झाली. पहिल्याने दुसऱ्याला विचारले, “कसे चालले आहे?" त्याने सांगितले, “सर्वकाही व्यवस्थित चालले आहे, मी खूप आनंदी आहे, आणि कुटुंब सुद्धा शांतीमध्ये आहे.” तेव्हा दुसऱ्या माणसाने पहिल्याला विचारले, “तुझे कसे काय चालले आहे", त्याने सांगितले, “मी अजून विसरलो नाही, आणि विसरणार नाही, मी बदला घेणार, मी सोडणार नाही," तेव्हा दुसऱ्या माणसाने सांगितले अरे तू तर अजूनही हिटलरच्या तुरुंगात आहेस. तू फक्त शारीरिकरीत्या सुटलेला आहेस, मानसिकरीत्या तू अजूनही तुरूंगात आहेस. आपण जेव्हा दुसन्याला क्षमा करत नाही तेव्हा खरे म्हणजे आपण तुरुंगातच असतो. म्हणून असे म्हटले जाते की क्षमा ही स्वतःला दिलेली सर्वात मोठी देणगी आहे. मनामध्ये राग व द्वेष ठेवणे म्हणजे स्वतः विष पिऊन दुसरा माणूस मरावा अशी अपेक्षा करणे. ख्रिस्त सांगतो साताच्या सत्तर वेळा क्षमा करा. म्हणजेच तुमचे अंतःकरण क्षमेने ओतप्रोत भरलेले असले पाहिजे.
प्रार्थना:हे प्रभू परमेश्वरा, तुझी अमर्याद दया, प्रेम व कृपा अनुभवून विश्वासाने खरे ख्रिस्ती जीवन जगण्यास प्रेरणा व शक्ति दे, आमेन.
सिनडसाठी प्रार्थना
हे पवित्र आत्म्या, तुझ्या नावाने एकत्र येऊन
आम्ही तुझ्यासमोर उभे राहतो.
तू आमचा एकमेव मार्गदर्शक आहेस,
आमच्या हृदयात तू वस्ती कर;
आम्ही पुढे कसे जावे याबद्दल आम्हांला मार्गदर्शन कर
आणि त्या मार्गाशी आम्हांला एकनिष्ठ ठेव.
आम्ही दुर्बळ आणि पापी आहोत;
अस्थिरतेपासून आम्हाला दूर ठेव;
अज्ञानाने आमचा मार्ग भ्रष्ट होऊ देऊ नकोस,
पक्षपाताचा आमच्या कृतीवर प्रभाव पडू देऊ नकोस.
हे पवित्र आत्म्या,
तुझ्यामध्ये आम्हाला आमचे ऐक्य पाहू देः
म्हणजे आम्ही शाश्वत जीवनाकडे एकत्र वाटचाल करू
आणि सत्याच्या व योग्यतेच्या मार्गापासूनआम्ही भरकटणार नाही.
पिता आणि पुत्र ह्यांच्या ऐक्यात
तू सर्वत्र आणि सर्वकाळ कार्य करतोस
त्या तुझ्याकडे हे सर्व आम्ही मागतो, आमेन !
✝️
0 टिप्पण्या