आगमनकाळातील पहिला सप्ताह
गुरुवार ७ डिसेंबर २०२३
माझ्या स्वर्गीय पित्याच्या इच्छेप्रमाणे वागणाऱ्यांनाच केवळ स्वर्गराज्य मिळेल."
but the one who does the will of my Father who is in heaven.
✝️
संत अंब्रोज
महागुरू, धर्मपाल, धर्मपंडित, वर्तनसाक्षी (३४०-३९७)
✝️
गल्लीया या प्रांतात ज्यावेळी गॉल, ब्रिटन आणि स्पेन ह्या देशांचा समावेश होता त्यावेळी गल्लियाचा प्रमुख असलेल्या ख्रिस्ती व्यक्तीच्या घरी अंब्रोज ह्याचा जन्म झाला. तेव्हा हे प्रमुखपद म्हणजे सरकारी दरबारातील सर्वोत्कृष्ट जागा होती. अशा उच्चपदस्थाच्या कुटुंबात जन्माला आल्यामुळे अंब्रोजचे बालपण खूप सुखासमाधानात गेले.
आपल्या वडिलांच्या मृत्यूनंतर अंब्रोजचे संपूर्ण कुटुंब रोम शहरात परतले आणि तेथील शालेय महाविद्यालयीन शिक्षण संपल्यानंतर अंब्रोजने कायद्याचा अभ्यास आरंभिला. त्याची कुवत आणि बुद्धिमत्ता पाहून राजा देखील प्रभावित झाला. वयाच्या ३३ व्या वर्षी सम्राटाने त्याला उत्तर इटलीचा गव्हर्नर राज्यपाल नेमले.
इथे असताना अंब्रोजने कनवाळू वृत्तीने, हळूवारपणाने आणि सुव्यवस्थित न्यायप्रदानाद्वारे मिलानच्या लोकांची मने जिंकली. जेव्हा मिलानमधील एरियनवादी पाखंड वृत्तीचे बिशप मरण पावले आणि कर्मकांडाला महत्त्व देणाऱ्या ऑर्थोडॉक्स ख्रिस्ती लोकांमध्ये व त्याच्या अनुयायांमध्ये त्याच्या उत्तराधिकाऱ्याच्या पदावरून वाद निर्माण झाला, अशावेळी अंब्रोजने आपला अधिकार वापरून शांतता व सुव्यवस्था अबाधित राखण्यात यश मिळविले व लोकांसमोर खणखणीत आवाजात एक भाषण केले. त्याने प्रभावित होऊन अचानक जमावातील एका छोट्या मुलाने आवाज दिला “बिशप अंब्रोज विशप अंब्रोज!!" त्या लहान मुलाच्या आवाजाला संपूर्ण जमावाने प्रतिसाद दिला आणि त्याला अंब्रोजने प्रखर विरोध करूनही लोकसमुदायाने त्याला नवीन विशप म्हणून निवडून दिले. विशेष म्हणजे तोपर्यंत अंब्रोजने बाप्तिस्मादेखील घेतलेला नव्हता.
मात्र ह्या घटनेमुळे अंब्रोजच्या जीवनाला नवीन कलाटणी मिळाली. त्याने आपली वैयक्तिक मालमत्ता व गडगंज संपत्ती गोरगरीब व दीनदलितांमध्ये वाटून टाकली. आपला जमीन जुमला त्याने ख्रिस्तसभेला देऊन टाकला. ख्रिस्ती धर्मपंडितांची शिकवण आणि पवित्र शास्त्राचा अभ्यास ह्यामध्ये त्याने आपले मन रमविले. एकाच वेळी त्याला शिकण्याचे व शिकविण्याचे काम करावे लागले. तो स्वत: एक नवशिक्या ख्रिस्ती होता आणि त्याचबरोबर लोकांचा मेंढपाळही होता. लवकरच त्याच्या छोट्या छोट्या, प्रभावी, व्यावहारिक आणि तितक्याच धाडसी प्रवचनांनी तमाम मिलानकरांना भारावून टाकले.
एकदा एका युवकाची आई विशप अंब्रोज ह्यांच्याकडे आली आणि आपला मुलगा कसा हाताबाहेर गेला आहे, पापाच्या चिखलात लोळत आहे असे तिने साश्रू नयनांनी बिशपांना सांगितले. तेव्हा विशपांनी तिला धीर देत म्हटले, "बाई, ज्या तुझ्या मुलासाठी तू अश्रू ढाळतेस तो तुझा मुलगा कधीच वाया जाणार नाही. परमेश्वर त्याला एक दिवस सन्मार्गावर आणील" आणि झालेही तसेच हा युवक हळूहळू देवळात येऊ लागला. अंब्रोजची अधिकारयुक्त वाणी आणि एखादा मुद्दा पटवून सांगण्याची हातोटी निश्चितच भाविकांच्या हृदयाला हात घालीत असे' अशी साक्ष खुद्द त्या युवकाने दिलेली आहे. पुढे हा युवक अंतर्बाह्य बदलून गेला व हिप्पो शहराचा बिशप बनला. अखिल जगतातील स्विस्तसभेत त्याला धर्मपंडित म्हणून गौरविण्यात आले. त्याचे नाव होते संत अगस्तीन,
मिलानचे बिशप अंब्रोज हे आपल्या कळपावर व्यक्तिशः लक्ष ठेवून होते. हजारो लोकांना जरी एकाच वेळी स्नानसंस्कार द्यावयाचा असला तरी प्रत्येक नवख्रिस्ती व्यक्तीला ते व्यक्तिशः भेटत असत. साधुवृत्तीचे जीवन जगत असताना ते क्वचितच जेवण घेत. संपूर्ण दिवस ते लोकांच्या भेटीसाठी उपलब्ध असत. गरीब-श्रीमंत, श्रेष्ठ-कनिष्ठ, उच्च-नीच हा भेदभाव त्यांच्या गावीही नव्हता. रात्रीच्या वेळी ते पत्रांना उत्तरे देण्यात आणि आपल्या पुस्तकांचे लिखाण करण्यात घालवीत असत. त्यांनी आपल्या लिखाणाद्वारे ख्रिस्तसभेची भूमिका स्पष्ट केली. नैतिकता आणि प्रशासन क्षेत्रातील तिचा अधिकार समजावून सांगितला आणि शासकीय किंवा सरकारी व्यवस्थेकडे ख्रिस्तसभा संरक्षणाच्या भावनेने पाहात असते हेही ठणकावून सांगितले.
असे असूनही मिलानच्या सम्राज्ञी ज्युस्टीना आणि कित्येक दरबारी व अधिकारी लोक एरियस ह्या पाखंडवाद्याच्या मताला चिकटून होते. पिता, पुत्र व पवित्र आत्मा ह्या तिघांच्या समानत्वावर व तितक्याच प्रमाणातील वैशिष्ट्यावर ही मंडळी विश्वास ठेवण्यास तयार नव्हती. बिशप अंब्रोज ह्याने नव्याने उभारलेले महामंदिर राणीच्या स्वाधीन करावे म्हणून त्यांनी ३८६ साली संत अंब्रोजवर दडपणही आणले. परंतु ह्याचा परिणाम उलट झाला. पवित्र आठवड्यातील उपासनाविधीसाठी बिशप अंब्रोज आणि त्याचे ख्रिस्ती श्रद्धावंत प्रार्थना करीत आणि संत अंब्रोज ह्याने रचलेली धार्मिक गाणी व स्तोत्रे गात सतत देवळातच राहू लागली.
असा आपल्या कळपाचे लांडग्यांपासून रक्षण करणारा महान मेंढपाळ, खऱ्या ख्रिस्ती शिकवणुकीच्या हिरव्या कुरणावर त्यांना नेणारा आणि आपल्या मोजक्या शब्दातील व मधुर आवाजातील प्रवचने व गीते ह्यांच्या संथ पाण्यावर नेणारा मेंढपाळ बिशप अंब्रोज ४ एप्रिल ३९७ साली ख्रिस्तवासी झाला.
चिंतन : “जे निद्रावस्थेत जीवन जगतात त्यांना नव्हे तर जे जागृतावस्थेत असतात त्यांनाच देवाचा आशीर्वाद व कृपादाने मिळतात. - संत अंब्रोज
✝️
पहिले वाचन : यशया : २६: १-५
वाचक :यशया या पुस्तकातून घेतलेले वाचन
“सत्याचे पालन करणाऱ्या धार्मिक राष्ट्राचा उदय होवो."
यहुदी देशात हे गीत गातील. आमचे नगर तटबंदी केलेले आहे. तारण हेच त्याचे कोट आणि तट नेमले आहेत. वेशी उघडा म्हणजे सत्याचे पालन करणारे धार्मिक राष्ट्र आत येईल. ज्याचे मन तुझ्या ठायी स्थिर झाले आहे त्याला तू पूर्ण शांती देतोस, कारण त्याचा भाव तुझ्यावर असतो. परमेश्वरावर सर्वकाळ भाव ठेवा, कारण प्रभू परमेश्वर हा सनातन आश्रयदुर्ग आहे. उच्चस्थळी राहणाऱ्यांना त्याने खाली आणले आहे. त्याने उच्च नगर पाडून टाकले आहे, जमीनदोस्त केले आहे, धुळीला मिळवले आहे. नगर पायांखाली तुडवले जात आहे. गरिबांचे पाय, दीनांची पावलेदेखील त्या नगराला तुडवत आहेत.
प्रभूचा शब्द.
सर्व : देवाला धन्यवाद.
First Reading : Isaiah 26:1-6
In that day this song will be sung in the land of Judah: "We have a strong city; he sets up salvation as walls and bulwarks. Open the gates, that the righteous nation that keeps faith may enter in. You keep him in perfect peace whose mind is stayed on you, because he trusts in you. Trust in the Lord for ever, for the Lord God is an everlasting rock. For he has humbled the inhabitants of the height, the lofty city. He lays it low, lays it low to the ground, casts it to the dust. The foot tramples it, the feet of the poor, the steps of the needy."
This is the word of God
Thanks be to God
प्रतिसाद स्तोत्र ११८:१,८-९,१९-२१,२५-२७
प्रतिसाद : प्रभूचे नाव धारण करून येणारा धन्य आहे.
१) प्रभूला धन्यवाद द्या, कारण तो चांगला आहे.
त्याचे वात्सल्य अनंत आहे.
माणसाच्या भरवंशावर राहण्यापेक्षा
प्रभूला शरण जाणे बरे
२)माझ्याकरिता नीतिमंदिराची दारे उघडा
मग आत जाऊन मी प्रभूला धन्यवाद देईन.
प्रभूकडे जायचे हे दार. यातून सज्जन प्रवेश करोत.
प्रभू तू माझे ऐकलेस, माझा उद्धारकर्ता झाला,
म्हणून मी तुला धन्यवाद देतो.
३) प्रभू आम्हांला वाचव प्रभू आमची भरभराट कर.
प्रभूचे नाम धारण करून येणारा धन्य आहे.
प्रभूसदनातून आम्ही तुम्हांला आशीर्वाद देतो.
प्रभू, परमेश्वर, आमचा प्रकाश आहे.
Psalm 118:1 and 8-9, 19-21, 25-27a
Blest is he who comes in the name of the Lord.
Give praise to the Lord, for he is good;
his mercy endures forever.
It is better to take refuge in the Lord
than to trust in man;
it is better to take refuge in the Lord
than to trust in princes.
Open to me the gates of justice:
I will enter and thank the Lord.
This is the Lord's own gate,
where the just may enter.
I will thank you, for you have answered,
and you are my saviour.
O Lord, grant salvation;
O Lord, grant success.
Blest is he who comes in the name of the Lord.
We bless you from the house of the Lord;
the Lord is God, and has given us light
जयघोष
आलेलुया, आलेलुया!
येरुशलेमला सुवार्ता सांगण्यासाठी आपला स्वर उंच कर पहा,
प्रभू परमेश्वर पराक्रमी पुरुषासारखा येत आहे.
आलेलुया!
Acclamation:
Seek the Lord while he may be found, call upon him while he is near.
.
शुभवर्तमान मत्तय ७:२१,२४-२७
वाचक : मत्तयलिखित पवित्र शुभवर्तमानातून घेतलेले वाचन
"माझ्या स्वर्गीय पित्याच्या इच्छेप्रमाणे वागणाऱ्यांना स्वर्गराज्य मिळेल."
येशूने आपल्या शिष्यांना म्हटले "मला प्रभुजी, प्रभुजी म्हणणाऱ्या प्रत्येकाला स्वर्गराज्यात प्रवेश मिळेलच असे नाही. माझ्या स्वर्गीय पित्याच्या इच्छेप्रमाणे वागणाऱ्यांनाच केवळ स्वर्गराज्य मिळेल." "तेव्हा, हे माझे बोल ऐकून त्याप्रमाणे वागणारा प्रत्येकजण आपले घर एखाद्या खडकावर बांधणाऱ्या माणसासारखा शहाणा ठरेल. पाऊस कोसळला, पूर आला आणि सोसाट्याचा वारा त्या घरावर आदळला पण ते पडले नाही कारण ते खडकावर बांधलेले होते. तसेच माझे हे वचन ऐकून त्याप्रमाणे न वागणारा प्रत्येकजण आपले घर वाळूवर बांधणाऱ्या माणसासारखा मूर्ख ठरेल. पाऊस कोसळला, पूर आला आणि सोसाट्याचा वारा त्या घरावर आदळला तेव्हा ते पडले. अगदी कोसळून पडले.
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading :Matthew 7:21, 24-27
At that time: Jesus said to his disciples, "Not everyone who says to me, 'Lord, Lord', will enter the kingdom of heaven, but the one who does the will of my Father who is in heaven. "Everyone then who hears these words of mine and does them will be like a wise man who built his house on the rock. And the rain fell, and the floods came, and the winds blew and beat on that house, but it did not fall, because it had been founded on the rock. And everyone who hears these words of mine and does not do will be like a foolish man who built his house on the sand. And the rain fell, and the floods came, and the winds blew and beat against that house, and it fell, and great was the fall of it."
This is the Gospel of the Lord
Praise the Lord Jesus Christ .
चिंतन:आजच्या पहिल्या वाचनात यशया संदेष्टा लोकांना त्याच्यावर विश्वास ठेवून त्याच्या मार्गावर चालण्यासाठी आमंत्रण देत आहे. तर शुभवर्तमानात डोंगरावरील प्रवचनाचा शेवटचा भाग आपल्या सर्वाच्या चिंतनासाठी ठेवण्यात आलेला आहे. मुखावाटे केवळ देवाचे नाव घ्यायचे कि कृती करून देवाच्या इच्छेप्रमाणे जीवन जगायचे यावर मनन - चिंतन करण्यासाठी आम्हाला आमंत्रण आहे. शहाणा आणि मूर्ख, खडकावर घर बांधणारा आणि वाळूवर घर उभारणारा, केवळ तोंडाने प्रार्थना करणारा आणि देवाच्या इच्छेप्रमाणे वागणारा, वादळ वाऱ्यात तोंड देणारे घर आणि वादळात कोसळून पडणारे घर अशीपरस्परविरोधी चित्र येशू आपल्यासमोर ठेवत आहे. माणसाला यातून निवड करायची आहे. नैतिकतेचं जीवन जगणे हे एक आपल्यासमोर आव्हान आहे जिथे व्यक्ती जसा विचार करतो तशी कृती अपेक्षित आहे. देवाच्या इच्छेप्रमाणे व त्याच्या मार्गावरून चालण्यासाठी प्रेरणा घेऊया.
प्रार्थना:हे प्रभू येशू, तुझी जीवनदायी वचने श्रद्धेने आचरणात आणण्यास आम्हाला प्रेरणा व कृपा दे, आमेन.
✝️
0 टिप्पण्या