Marathi Bible Reading | Wednesday 18th September 2024 | 24th Week in Ordinary Time

सामान्य काळातील चोवीसावा  सप्ताह 

बुधवार १८ सप्टेंबर  २०२४

"विश्वास, आशा, आणि प्रीती ही तिन्ही टिकणारी आहेत, परंतु त्यात प्रीती श्रेष्ठ आहे. And now there remain faith, hope, and charity, these three: but the greatest of these is charity.

क्युपर्टिनोचे संत जोसेफ

• वर्तनसाक्षी (१६०३-१६६३)

ब्रिंडीसी (इटली) जवळच्या क्युपर्टिनो नावाच्या गावातील एका चांभाराच्या घरी जोसेफ डिसा ह्याचा जन्म झाला. वयाच्या ८ व्या वर्षीच त्याला शाळेमध्ये दिव्य दृष्टान्त होत. त्यामुळे त्याच्या मित्रांनी त्याला 'स्वप्नदर्शी' असे नाव दिलेले होते.

पुढे वयाच्या १७ व्या वर्षी त्याने फ्रान्सिस्कन आणि कॅप्युचिन संस्थांमध्ये प्रवेश मिळविण्याची खूप खटपट केली. परंतु त्याची बुद्धिमत्ता साधारणच असल्यामुळे आणि साक्षात्कारांमध्ये बेभान झाल्याने त्याचा बराच वेळ वाया जाई. त्यातच कामावर त्याचे लक्ष नसल्याचे अधिकाऱ्यांच्या लक्षात आले. त्यामुळे त्याला सर्वत्र प्रवेश नाकारला जाई.

ला ग्रॉटेला येथल्या फ्रान्सिस्कन संस्थेने मात्र त्याच्या प्रामाणिक इच्छेला वाव मिळावा म्हणून त्याला घरकामासाठी संस्थेत प्रवेश दिला. हळूहळू त्याची पश्चात्ताप बुद्धी, नम्रता व आज्ञाधारकपणा इतकी प्रखरतेने जाणवू लागली की, त्याला लवकरच धर्मगुरुपदाची दीक्षा देण्याचे ठरविण्यात आले.

प्रथम वयाच्या २५ व्या वर्षांपर्यंत त्याला लिखाण वाचनाची सवय करावी लागली. मात्र ईशज्ञान विषयक प्रश्न हाताळताना त्याची तारांबळ उडे. परंतु या बुद्धिमत्तेच्या पलिकडे असलेल्या एका वेगळ्याच विश्वातील दान त्याला लाभलेले होते. पापी लोकांना तो दुरूनच ओळखू शकत असे. त्यांचे चेहरे त्याला काळवंडलेले दिसत. तसेच अशुद्ध जीवन जगणाऱ्या व्यक्ती त्याच्याजवळ आल्यानंतर त्याला वेगळ्याच प्रकारची दुर्गंधी येत असे.

साक्षात्काराची देणगी तर त्याला काही औरच प्रमाणात लाभली होती. एखाद्या संताचे नुसते नाव घेतले, चर्चचा घंटानाद त्याच्या कानावर आदळला किंवा धार्मिक गायन त्याला ऐकू आले की तासन् तास जोसेफ बेभान होत असे. देहभान हरपून केवळ प्रार्थना, मनन व चिंतनामध्ये दंग होऊन जाई. त्यामुळे त्याला गायनमंडळ, जाहीर पवित्र मिस्सा व मिरवणूक ह्यापासून दूर ठेवण्यात आलेले होते. त्याच्यासाठी खासगी चॅपल बांधलेले होते. शिवाय त्याच्या नावाभोवती आता प्रसिद्धीचे वलय निर्माण झाल्यामुळे लोकांच्या झुंडीच्या झुंडी त्याच्या पायापाशी लोळण घेत. त्यात चेंगराचेंगरी होऊन जीवितहानी होण्याचा धोका निर्माण झालेला होता.

उपवास, प्रायश्चित्त व प्रार्थना याबाबतीत त्याची साधनासुद्धा खूप परिपूर्णतेला पोहोचलेली होती. उपवासकाळात तो फक्त गुरुवार आणि रविवार या दोन्हीच दिवशी जेवण घेई. जोसेफ हा देवाचा एक प्रसन्नचित्त व साधासुधा मनुष्य होता. परंतु त्याला लाभलेल्या आध्यात्मिक दानांमुळे बराच गैरसमज निर्माण झाला. त्याच्याविषयीच्या अफवांना ऊत आला.

इ. स. १६६३ साली मरण पावलेल्या जोसेफ ह्यांना पोप क्लेमेंट तेरावे ह्यांनी १७६७ साली संत म्हणून घोषित केले.

संत जोसेफ हा परिक्षेला सामोरे जाणाऱ्या विद्यार्थ्यांचा (परिक्षार्थींचा)

आश्रयदाता संत होय.

देवावर प्रेम करा. ज्याच्यापाशी देव आहे त्याच्याजवळ सर्व काही आहे. जगाला जरी दिसत नसले तरी अंतर्यामी तो श्रीमंत आहे.- क्युपर्टिनोचे संत जोसेफ

 ✝️

प्रभू येशू जो परमेश्वर पित्याच्या प्रीतिचा महान अविष्कार  पृथ्वीतलावर आला, त्याच्या प्रत्येक वचनातून व आचरणातून त्याने प्रीतिची  आज्ञा अमलात आणली. समाजात बहिष्कृत असणारे आणि समाजाने  धिक्कारलेल्या व अत्याचार केलेल्या दीन-दुखित व पीडित जनांचा तो कैवारी बनला . आजच्या शुभवर्तमानात प्रभू येशूला जकातदार व पातक्यांचा मित्र असे संबोधण्यात आले आहे. त्यामधील करुणा, ममता व प्रेम ह्यामुळेच तो सर्वांचा मित्र बनला. त्याने सर्वांना नवजीवन दिले. प्रभू येशूची परस्पर प्रीतिची आज्ञा आपण आचरणात आणण्यासाठी प्रयत्नशील बनू या व आपल्यातील प्रीति गुण तपासून पाहू या.

पहिले वाचन : : १करिथ  १२:३१.१३:१३

वाचन :पौलचे करिथकरांस पहिले पत्र यातून घेतलेले वाचन

"विश्वास, आशा, आणि प्रीती ही तिन्ही टिकणारी आहेत, परंतु त्यात प्रीती श्रेष्ठ आहे. "

श्रेष्ठ कृपादानांची उत्कंठा बाळगा. शिवाय एक सर्वोत्कृष्ट मार्ग मी तुम्हांला दाखवतो.

मी माणसांच्या आणि देवदूतांच्या भाषामध्ये बोलत असलो, तर माझ्या ठायी प्रीती नसली, तर मी वाजणारी थाळी किंवा झणझणणारी झांज असा आहे. मला संदेश देण्याची शक्ती असली, मला सर्व गुजे आणि सर्व विद्या अवगत असल्या आणि डोंगर ढळविता येतील इतका दृढ माझा विश्वास असला, पण माझ्या ठायी प्रीती नसली, तर मी काहीच नाही. मी आपले सर्व धन अन्नदानार्थ दिले आणि मी आपले जिवंत शरीर जाळण्यासाठी दिले, पण माझ्या ठायी प्रीती नसली तर मला काही लाभ नाही.

प्रीती सहनशील आहे, परोपकारी आहे. प्रीती हेवा करत नाही, प्रीती बढाई मारत नाही, फुगत नाही, ती गैरशिस्त वागत नाही, प्रीती स्वार्थ पाहत नाही, चिडत नाही, अपकार स्मरत नाही, ती अनीतीत आनंद मानीत नाही, तर सत्यासंबंधी आनंद मानते. प्रीती सर्व काही सहन करते, सर्व काही खरे मानण्यास सिद्ध असते, सर्वांची आशा धरते, सर्वांसंबंधाने धीर धरते. प्रीती कधी अंतर देत नाही, संदेश असले तरी ते संपतील; भाषा असल्या तरी त्या समाप्त होतील आणि विद्या असली तरी ती संपेल. आपल्याला केवळ अंशतः कळते आणि अंशतः संदेश देता येतो; पण जे पूर्ण ते येईल तेव्हा अपूर्णता नष्ट होईल. मी मूल होतो तेव्हा मुलासारखा बोलत असे, मुलासारखी माझी बुद्धी असे, मुलासारखे माझे विचार असत; आता प्रौढ झाल्यावर मी पोरपणाच्या गोष्टी सोडून दिल्या आहेत, कारण हल्ली आपल्याला आरशात अस्पष्ट असे दिसते, परंतु नंतर आपण साक्षात पाहू. आता मला कळते ते अपूर्ण आहे; पण नंतर, मी पूर्णपणे ओळखीन. सारांश विश्वास, आशा व प्रीती ही तिन्ही शाश्वत आहेत; परंतु त्यात प्रीती श्रेष्ठ आहे.

हा प्रभूचा शब्द आहे 

सर्व : देवाला धन्यवाद.

First Reading :: First Corinthians 12: 31 – 13: 13

But be zealous for the better gifts. And I shew unto you yet a more excellent way.: If I speak with the tongues of men, and of angels, and have not charity, I am become as sounding brass, or a tinkling cymbal. And if I should have prophecy and should know all mysteries, and all knowledge, and if I should have all faith, so that I could remove mountains, and have not charity, I am nothing. And if I should distribute all my goods to feed the poor, and if I should deliver my body to be burned, and have not charity, it profiteth me nothing. Charity is patient, is kind: charity envieth not, dealeth not perversely; is not puffed up; Is not ambitious, seeketh not her own, is not provoked to anger, thinketh no evil; Rejoiceth not in iniquity, but rejoiceth with the truth; Beareth all things, believeth all things, hopeth all things, endureth all things. Charity never falleth away: whether prophecies shall be made void, or tongues shall cease, or knowledge shall be destroyed. For we know in part, and we prophesy in part. But when that which is perfect is come, that which is in part shall be done away. When I was a child, I spoke as a child, I understood as a child, I thought as a child. But, when I became a man, I put away the things of a child. We see now through a glass in a dark manner; but then face to face. Now I know in part; but then I shall know even as I am known. And now there remain faith, hope, and charity, these three: but the greatest of these is charity.

This is the word of God 

Thanks be to God 

प्रतिसाद स्तोत्र   :  ३२:२-५,१२.२२

प्रतिसाद : ज्या लोकांना परमेश्वराने निवडले आहे, ते धन्य !

१ वीणेवर परमेश्वराचे उपकारस्मरण करा, 

दशतंतू वाद्यावर त्याचे गुणगान गा, 

त्याच्यापुढे नवे गीत गा, 

जयघोष करत कुशलतेने वाद्ये वाजवा

२ कारण परमेश्वराचे वचन सरळ आहे, 

त्याची सर्व कृती सत्याची आहे, 

त्याला नीती आणि न्याय ही प्रिय आहेत, 

परमेश्वराच्या वात्सल्याने पृथ्वी भरली आहे.

३ ज्या राष्ट्रांचा देव परमेश्वर आहे, 

ज्या लोकांना त्याने आपल्या वतनाकरिता 

प्रजा म्हणून निवडले आहे, ते धन्य !

 हे परमेश्वरा, आम्ही तुझी आशा धरली आहे,

 म्हणून आम्हावर तुझी कृपादृष्टी असो.

Psalms 33: 2-3, 4-5, 12 and 22

R.  Blessed the people the Lord has chosen to be his own.

 Give praise to the Lord on the harp; 

sing to him with the psaltery,

 the instrument of ten strings.

 Sing to him a new canticle, 

sing well unto him with a loud noise.

R. Blessed the people the Lord has chosen to be his own.

For the word of the Lord is right, 

and all his works are done with faithfulness.

He loveth mercy and judgment; 

the earth is full of the mercy of the Lord.

R. Blessed the people the Lord has chosen to be his own.

 Blessed is the nation whose God is the Lord: 

the people whom he hath chosen for his inheritance.

Let thy mercy, O Lord, be upon us,

 as we have hoped in thee.

R. Blessed the people the Lord has chosen to be his own. 

जयघोष                                             

आलेलुया, आलेलुया! 

हे येरुशलेम, प्रभूचे गुणगान गा ! तो आपले आदेश पृथ्वीवर पाठवतो. 

 आलेलुया!

Acclamation: 

  Alleluia, alleluia.

Your words, Lord, are Spirit and life, you have the words of everlasting life.

R. Alleluia, alleluia.

शुभवर्तमान  लूक :७:३१-३५

वाचक :लूकलिखित  पवित्र शुभवर्तमानातून घेतलेले वाचन

"आम्ही तुमच्यासाठी पावा वाजवला तरी तुम्ही नाचला नाहीत, आम्ही आक्रोश केला तरी तुम्ही रडला नाहीत."

येशू लोकसमुदायाला म्हणाला, ह्या पिढीच्या लोकांना मी कोणाची उपमा देऊ ? ते कोणासारखे आहेत ? जी मुले बाजारात बसून एकमेकांना हाका मारतात त्यांच्यासारखे ते आहेत. ती म्हणतात,

"आम्ही तुमच्यासाठी पावा वाजवला तरी तुम्ही नाचले नाहीत, आम्ही आक्रोश केला, तरी तुम्ही रडला नाहीत.

बाप्तिस्मा करणारा योहान भाकरी खात आला नाही की, द्राक्षरस पीत आला नाही आणि तुम्ही म्हणता, त्याला भूत लागले आहे. मनुष्याचा पुत्र खातपीत आला आहे आणि तुम्ही म्हणता, पाहा, हा खादाड आणि दारूडा, जकातदारांचा आणि पाप्यांचा मित्र ! परंतु ज्ञान आपल्या सर्व संततीच्या योगे न्यायी ठरते."

प्रभूचे हे शुभवर्तमान

सर्व : हे ख्रिस्ता  तुझी स्तुती असो.

Gospel Reading : Luke 7: 31-35

And the Lord said: Whereunto then shall I liken the men of this generation? and to what are they like? They are like to children sitting in the marketplace, and speaking one to another, and saying: We have piped to you, and you have not danced: we have mourned, and you have not wept. For John the Baptist came neither eating bread nor drinking wine; and you say: He hath a devil. The Son of man is come eating and drinking: and you say: Behold a man that is a glutton and a drinker of wine, a friend of publicans and sinners. And wisdom is justified by all her children.

This is the Gospel of the Lord 

Praise the Lord Jesus Christ .

चिंतन :

आम्ही तुमच्यासाठी बासरी वाजवली पण तुम्ही नाचला नाही. आम्ही तुमच्यासाठी आक्रोश केला परंतु तुम्ही रडला नाही.” वरील प्रभूवचनाद्वारे आपणांस शिकावयास मिळते की, जगात काही माणसे अशी आहेत की, ते दुसऱ्यामध्ये कधी चांगले बघत नाही. दुसऱ्यांची कृती चांगली असो किंवा वाईट परंतू दुसऱ्यामध्ये नेहमी दोष बघत असतात. त्यांचे निर्णय हे स्वतःच्या पूर्वग्रहाने व स्वार्थी हेतूने रंगलेले असतात. हे लोक देवाच्या पुत्राला देखील वेठीस धरतात. शुभवर्तमानातील शब्दाप्रमाणे काहीजण लोकगीते असो वा शोकगीते असो, कशातही सहभागी होत नाही. एक तटस्थ म्हणून टिकाकाराची भूमिका बजावत असतात. इतरांच्या मताचा नकारात्मक प्रभाव आपल्या कार्यावर पडू द्यायचा नाही तर नेहमी आपल्या ध्येयाकडे वाटचाल करावी

प्रार्थना :  हे प्रभू येशू, तुझ्या प्रीतित वाढण्यास व परस्परांवर प्रेम करण्यास आम्हांला प्रेरणा व कृपा दे, आमेन.