सामान्य काळातील ३रा सप्ताह
शुक्रवार दि.३१ जानेवारी २०२५
देवाच्या राज्याला कशाची उपमा द्यावी अथवा कोणत्या दाखल्यात ते मांडावे? ते मोहरीच्या दाण्यासारखे आहे
To what shall we liken the kingdom of God? or to what parable shall we compare it? It is as a grain of mustard seed:
संत जॉन बॉस्कोवर्तनसाक्षी (१८१५- १८८८)✝️अगदी बालपणापासून आपल्या प्रभूने आणि पवित्र मरियेने जॉन ह्याला तरुण युवकांना वाईट मार्गापासून दूर ठेवण्यास आणि प्रामाणिक जीवन जगण्यासप्रवृत्त करण्याची प्रेरणा दिली होती. उत्तर इटलीतील एका गरीब शेतमजूराच्या घरी जन्मलेला जॉन पिएडमोंट ह्या खेड्यात आणि आपल्या गुरूदीक्षेनंतर तुरीन शहरात वेगवेगळ्या मार्गाने परंतु अतिशय प्रेमाने व दयाळूपणे तरूण मुलांशी मैत्री करीत असे व त्यांचा विश्वास संपादन करीत असे. हात चलाखीपणा, जादूचे प्रयोग, दोरीवरून चालणे, व्हायोलिन वाजविणे, गाणी गाणे, गोष्टी सांगणे, छोटे छोटे नाट्यगृह उभारणे, नाटके बसविणे, विविध खेळ इ. द्वारे त्याने बऱ्याच युवकांचा विश्वास संपादन केला.मात्र हे सर्व करीत असताना आपली ख्रिस्ती शिकवणही तो त्या जमावाच्या गळी उतरवित असे. एखादया खेळाची सुरूवात प्रार्थनेने करणे, एखादा प्रयोग संपल्यावर रोझरीची प्रार्थना करणे, मध्येच सकाळी फादरांनी दिलेल्या प्रवचनाचा अर्थ सांगणे अशा रितीने तो युवकांमध्ये आध्यात्मिक गोष्टींची गोडी निर्माण करी.अशा प्रकारे १८४५ सालापर्यंत त्याच्याभोवती जगणाऱ्या युवकांची संख्या ८०० च्याही पुढे गेली होती. अशा मुलांना हिवाळ्यात एकत्र करण्यासाठी त्याच्याकडे जागासुद्धा नव्हती. हातपाय गारठून टाकणाऱ्या त्या थंडीत फ्रा. जॉन ह्यांची काय गडबडघाई होत असे त्याची कल्पनाच न केलेली बरी. त्यावेळी त्याच्या आईने त्याला केलेली मदत खूप मोलाची होती. परंतु पुढे पुढे तीही अपूरी पडू लागली.हळूहळू फा. जॉनच्या कार्याला प्रसिद्धी मिळत गेली. त्याला बरेच सहकारीवा सहाय्यक येऊन मिळाले. त्यांच्या मदतीने त्याने नियमितपणे रात्र शाळेचे आयोजन केले आणि संत फ्रान्सिस डि सेल्स व पवित्र मरिया, ख्रिस्तीजनांची सहाय्या ह्या दोघांच्या आश्रयाखाली तुरीन येथे त्याने सलेशिअन (डॉन बॉस्को) संघाची स्थापना केली.आपल्या संघामध्ये तांत्रिक कार्यशाळा, वसतिगृह इ. इमारती त्याने उभ्या केल्या. त्याचे युवक आता तिथेच राहून आपल्या धर्माविषयी वाचन करीत, लेखनही करीत. दररोजची मिस्सा आणि वारंवार कुमसार/ पापनिवेदन ह्यांची आध्यात्मिक बैठक त्यांच्या युवकांच्या जीवनाला लाभलेली होती. शारीरिक आत्मक्लेश आपल्या आध्यात्मिकतेतून त्याने पूर्णपणे वगळलेले होते. देवाने दिलेल्या शरीराचा व शक्तीचा पूर्ण वापर त्याचे राज्य या भूतलावर आणण्यासाठी करायचा एवढा एकच ध्यास फा. जॉन ह्यांना लागलेला होता.दुसऱ्याच्या मनातील विचार ओळखण्याची एक देणगी फा. जॉन ह्यांना लाभलेली होती. तसेच फा. जॉन ह्यांच्या रुपाने आपल्यामध्ये एक संत राहात आहे ह्याची जाणीव त्याच्या युवकांना झालेली होती. लोकांचा त्याच्यावर एवढा जबरदस्त विश्वास होता की, एकदा त्याने त्यांना शहरातील तुरूंगामधून ३०० कैद्यांना एक दिवसाच्या सहलीसाठी नेले होते. एखादा कैदी पळून जाईल की काय अशी भीतीही अधिकाऱ्यांना वाटली नाही म्हणूनच त्यांना ह्या कैदयांबरोबर सुरक्षा पोलीस यंत्रणा दिलेली नव्हती. फा. जॉननी त्यांना सुरक्षितपणे परत आणले.आपल्या कार्याचा फायदा तरूणींना देखील व्हावा यासाठी त्यांनी “डॉटर्स ऑफ अवर लेडी हेल्पर्स ऑफ ख्रिश्चन्स” ही संस्था स्थापन केली. सलेशिअन संस्थेचा विस्तार होतच राहिला. संस्थापक फा. जॉन ह्यांच्या मृत्यूवेळी २००० संस्था आणि २,५०० धर्मगुरू सलेशियन संघामध्ये कार्यरत होते.संत जॉन बॉस्को ३१ जानेवारी १८८८ साली मरण पावले आणि १९३४ साली संत पदाला पोहोचले.चिंतन : तुमच्याने होईल तेवढे करा, उरलेले देवावर व पवित्र मरियेवर सोपवा. -संत जॉन बॉस्कोआपले जीवन हे आपले असे नाहींच ते परमेश्वराने त्याची योजना पूर्णत्वास नेण्यासाठी दिलेले जणू उसने दान आहे. म्हणूनच दु:खी, कष्टी, असहाय्य व संकटग्रस्त अशा सर्वांच्या मदतीला धावून जाणे आपले परमकर्तव्य आहे. ख्रिस्तसभा आज संत जॉन बॉस्कोचा सन्मान करीत आहेत. आपल्या मधूर वाणीने आणि कर्तव्य बुध्दीने संत जॉन ह्यांनी ख्रिस्ताच्या सुवार्तेची साक्ष जगाला दिली. त्याची आदर्शमय जीवन विशेषत: तरुणांना प्रेरणादायी आहे.✝️
पहिले वाचन: इब्री - १०:३२-३९
वाचक : इब्री लोकांस पत्र यातून घेतलेले वाचन
पूर्वीचे दिवस आठवा. त्यावेळी तुम्हांला प्रकाश मिळाल्यावर तुम्ही दुःखाबरोबर फार धीराने झगडलात. कधी विटंबना आणि संकटे सोसल्याने लोकांत तुमची अवहेलना झाली; तर कधी इतरांना अशी वागणूक मिळाली तेव्हा त्यात तुम्हांलाही सहभागी व्हावे लागले. कारण बंदिवानांबरोबर तुम्ही समदुःखी झाला आणि आपली स्वत:ची अधिक चांगली मालमत्ता आपल्याजवळ आहे आणि ती टिकाऊ आहे, हे समजून तुम्ही आपल्या मालमत्तेची हानी आनंदाने सोसली. ह्यास्तव आपले धैर्य सोडू नका, त्याचे प्रतिफळ मोठे आहे. तुम्ही देवाच्या इच्छेप्रमाणे वागून वचनानुसार फलप्राप्ती करुन घ्यावी, म्हणून तुम्हाला सहनशक्तीची गरज आहे.
"कारण अगदी थोडा वेळ राहिला आहे; जो येणार आहे, तो येईल, उशीर करणार नाही; माझा नीतिमान मनुष्य विश्वासाने जगेल; तो जर माघार घेईल, तर त्याच्याविषयी माझ्या जिवाला संतोष वाटणार नाही."
परंतु ज्यांचा नाश होईल अशा माघार घेणाऱ्यांपैकी आपण नाही, तर जिवाच्या तारणासाठी विश्वास ठेवणाऱ्यांपैकी आहोत.
हा प्रभूचा शब्द आहे
सर्व : देवाला धन्यवाद.
First Reading :
: Hebrews 10: 32-39
32 But call to mind the former days, wherein, being illuminated, you endured a great fight of afflictions.
33 And on the one hand indeed, by reproaches and tribulations, were made a gazingstock; and on the other, became companions of them that were used in such sort.
34 For you both had compassion on them that were in bands, and took with joy the being stripped of your own goods, knowing that you have a better and a lasting substance.
35 Do not therefore lose your confidence, which hath a great reward.
36 For patience is necessary for you; that, doing the will of God, you may receive the promise.
37 For yet a little and a very little while, and he that is to come, will come, and will not delay.
38 But my just man liveth by faith; but if he withdraw himself, he shall not please my soul.
39 But we are not the children of withdrawing unto perdition, but of faith to the saving of the soul.
This is the word of God
Thanks be to God
प्रतिसाद स्तोत्र ३७:३-६,२३-२४,३९-४०
प्रतिसाद : नीतिमानांचे तारण परमेश्वरापासून होते.
१) जर तू परमेश्वरावर भाव ठेवशील
आणि सदाचाराने वागशील, तर तू या देशात निवास करशील
आणि सुरक्षित राहशील. जर तू परमेश्वराच्या ठायी
आपले मन रमवशील, तर तो तुझे मनोरथ पूर्ण करील.
२) आपला जीवितक्रम परमेश्वरावर सोपवून दे,
त्याच्यावर भाव ठेव म्हणजे तो तुझी कार्यसिद्धी करील.
तो तुझे नीतिमत्त्व प्रकाशासारखे,
तुझे न्यायत्व मध्यान्हाच्या सूर्याप्रमाणे उघड करील.
३) परमेश्वर मनुष्याची गती स्थिर करतो
आणि त्याचा मार्ग त्याला प्रिय आहे.
तो पडला तरी सपशेल पडणार नाही,
कारण परमेश्वर त्याला हात देऊन सावरील.
४) नीतिमानांचे तारण परमेश्वरापासून होते,
संकटसमयी तोच त्याचा दुर्ग आहे.
परमेश्वर त्यांना साहाय्य करतो, त्यांना मुक्त करतो
आणि त्यांचे तारण करतो: कारण त्यांनी त्याचा आश्रय घेतला आहे.
Psalm: Psalms 37: 3-4, 5-6, 23-24, 39-40
R. (39a) The salvation of the just comes from the Lord.
3 Trust in the Lord, and do good, and dwell in the land, and thou shalt be fed with its riches.
4 Delight in the Lord, and he will give thee the requests of thy heart.
R. The salvation of the just comes from the Lord.
5 Commit thy way to the Lord, and trust in him, and he will do it.
6 And he will bring forth thy justice as the light, and thy judgment as the noonday.
R. The salvation of the just comes from the Lord.
23 With the Lord shall the steps of a man be directed, and he shall like well his way.
24 When he shall fall he shall not be bruised, for the Lord putteth his hand under him.
R. The salvation of the just comes from the Lord.
39 But the salvation of the just is from the Lord, and he is their protector in the time of trouble.
40 And the Lord will help them and deliver them: and he will rescue them from the wicked, and save them, because they have hoped in him.
R. The salvation of the just comes from the Lord.
जयघोष
आलेलुया, आलेलुया!
देवाने आपणांला सुवार्तेच्या द्वारे आपल्या प्रभू येशू ख्रिस्ताचा गौरव प्राप्त करून घेण्यासाठी पाचारण केले आहे.
आलेलुया!
Acclamation:
R. Alleluia, alleluia.
Blessed are you, Father, Lord of heaven and earth; you have revealed to little ones the mysteries of the Kingdom.
R. Alleluia, alleluia.
शुभवर्तमान मार्क ४:२६-३४
वाचक : मार्कलिखित पवित्र शुभवर्तमानातून घेतलेले वाचन
येशू आपल्या शिष्यांना म्हणाला, "एखादा माणूस जमिनीत बी टाकतो, रात्री झोपी जातो, दिवसा उठतो आणि ते बी रुजते आणि वाढते पण हे कसे होते हे त्याला कळत नाही. जमीन आपोआप पीक देते. पहिल्याने अंकुर, मग कणीस, मग कणसात भरलेला दाणा. पीक तयार झाल्यावर तो लागलीच विळा घालतो, कारण कापणीची वेळ आली आहे. परमेश्वराचे राज्य असे आहे." आणखी तो म्हणाला, "आपण देवाच्या राज्याला कशाची उपमा द्यावी अथवा कोणत्या दाखल्यात ते मांडावे? ते मोहरीच्या दाण्यासारखे आहे. तो जमिनीत पेरतेवेळी पृथ्वीवरील सर्व दाण्यांमध्ये जरी बारीक असला तरी पेरल्यावर उगवून सर्व झाडाझुडपांमध्ये मोठा होतो आणि त्याला अशा मोठमोठ्या फांद्या फुटतात की आकाशातील पाखरांना त्याच्या सावलीत वस्ती करता येते." असले पुष्कळ दाखले देऊन, त्याच्या ग्रहणशक्तीप्रमाणे तो त्यांना संदेश देत असे आणि दाखल्यावाचून तो त्यांच्यासमोर बोलत नसे, तथापि एकान्ती तो आपल्या शिष्यांना सर्व काही समजावून सांगत असे.
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading:
Mark 4: 26-34
26 And he said: So is the kingdom of God, as if a man should cast seed into the earth,
27 And should sleep, and rise, night and day, and the seed should spring, and grow up whilst he knoweth not.
28 For the earth of itself bringeth forth fruit, first the blade, then the ear, afterwards the full corn in the ear.
29 And when the fruit is brought forth, immediately he putteth in the sickle, because the harvest is come.
30 And he said: To what shall we liken the kingdom of God? or to what parable shall we compare it?
31 It is as a grain of mustard seed: which when it is sown in the earth, is less than all the seeds that are in the earth:
32 And when it is sown, it groweth up, and becometh greater than all herbs, and shooteth out great branches, so that the birds of the air may dwell under the shadow thereof.
33 And with many such parables, he spoke to them the word, according as they were able to hear.
34 And without parable he did not speak unto them; but apart, he explained all things to his disciples.
This is the Gospel of the Lord
Praise the Lord Jesus Christ .
चिंतन:
आज आपण संत जॉन बॉस्को ह्यांची वार्षिक स्मृती साजरी करीत आहोत. फादर झाल्यानंतर युवकांचे जीवन घडवण्यासाठी जॉन बॉस्कोची निवड करण्यात आली होती. संत जॉनला लहानपणापासूनच अनेक स्वप्ने पडली. त्याचे जीवन खडतर प्रवास होता. जॉन बॉस्को लहान शाळकरी विद्यार्थी असताना त्याने आईवडिलांजवळ नविन बुटांसाठी आग्रह धरला. त्याच्यापाशी असलेले बूटस् त्याला आवडत नव्हते म्हणून बाजारातून पालकांनी नविन बूटस् आणावेत म्हणून तो आईवडिलांवर दबाब आणित होता. एक दिवस एक अपंग मुलगा देवळात त्याच्या नजरेला पडला. त्या मुलाला गुडघ्यापासून पायच नव्हता. तरीसुद्धा तो मुलगा समाधानाचे हास्य सर्वांसमोर आदराने करीत होता. संत जॉन बॉस्कोला कळून चूकले की, देवाने जे दिले आहे त्याबद्दल देवाला धन्यवाद देण्याऐवजी तो नवीन बुटासाठी कूरकूर करीत होता.
वाढती मुले फक्त शिस्तीचे नियम लादून शिकत नसतात. प्रेमाची, समजूतदारपणाची, क्षमेची, असा मदतीचा स्पर्श झाल्यावर "खट्याळ मुले" संत बनू शकतात ह्याविषयी संत जॉन बॉस्को खात्रीपूर्वक होता. म्हणूनच, त्याच्या हाताखाली संत डॉमणिक साविओ तयार झाला व संत बनला.
अवघ्या वयाच्या नवव्या वर्षी जॉन बॉस्कोला पडलेले स्वप्न त्याच्या जीवनाचा टर्निंग पॉईंट ठरले. स्वप्नात त्याला एक रुक्ष मुलांचा गट दिसला. प्रभू येशू स्वप्नात त्याला म्हणाला, "हिंसेने नव्हे, तर परोपकाराने ह्या युवकांची मने जिंक. त्यांना दुर्गुणांचे दुष्टत्व आणि सद्गुणांचे श्रेष्ठत्व शिकव." संत जॉन बॉस्कोने प्रभू ख्रिस्ताचा संदेश आपल्या अंतर्यामी घेऊन एक धर्मगुरू म्हणून आपले मिशन जबाबदारीने पार पाडले. संत जॉन बॉस्कोचे अनुकरण करण्यासाठी ख्रिस्तसभा आपणांस आवाहन करते. आजच्या शुभवर्तमानानुसार कार्य करणारा परमेश्वर आहे; परंतु परमेश्वराच्या कार्याला आपण आपापल्या परीने हातभार लावला पाहिजे, म्हणजे त्याचे मोठ्या वृक्षामध्ये रूपांतर होऊन परमेश्वराची लेकरे त्या वृक्षाच्या फांद्यामध्ये आपली वसती आनंदाने करतील.
प्रार्थना : हे प्रभू येशू, तुझी वचने व तुझी शिकवण आत्मसात करुन तुला अनुसरण्यास आम्हाला कृपा दे, आमेन.
✝️
0 टिप्पण्या