Marathi Bible Reading |Wednesday of the Holy Week |16th April 2025

उपवासकाळातील (पवित्र आठवडा)

बुधवार दि. १६ एप्रिल २०२५

"मी तुम्हांला सत्य सांगतो, तुमच्यातला एकजण मला धरून देईल." 

"Truly, I say to you, one of you will betray me.

संत मेरी बर्नाडे सौबेरियस

( लुर्डस )

   गुरुवार दि. ११ फेब्रु. १८५८ रोजी शेकोटीसाठी आणि सरपणासाठी लाकडाच्या सुक्या फांद्या गोळा करण्यासाठी ती गेली होती. सोबत तिची बहीण मरिया आणि जीन नावाची मैत्रिण होती. नदीकिनारी असलेल्या गुहेत मासाबेलाच्या ग्रोटोमध्ये तिला एक दृश्य दिसले. एक अतिसौंदर्यवान स्त्री तिच्या नजरेस पडली. आपल्याबरोबर असलेल्या मरिया व जीन ह्यांच्याकडे तिने ह्या स्त्रीचे वर्णन केले. शुभ्र वस्त्रे पांघरलेली स्वर्गीय तेजसंपन्न अशी सोळा सतरा वर्षांची ती स्त्री होती.तिच्या कमरेभोवती आकाशी रंगाचा निळा पट्टा होता. डोक्यावरून, पाठीवरून रुळणारी पांढरी ओढणी होती..... तिचे पाय अनवाणी होते आणि दोन्ही पायांवर प्रत्येकी एक गुलाब होते. तिच्या उजव्या हातावर सफेद मण्यांची रोझरी जपमाळ होती.... त्या रोझरीची साखळी सोनेरी रंगाची होती. ते मणी, ती साखळी आणि गुलाब एका आगळ्याच तेजाने झळकत होती.

बर्नाडेट हिने वर्णन केलेली ती स्त्री तिला एकूण सतरा वेळा दिसली. काही प्रसंगी तिने तिच्याशी संभाषणही केले. दि. १८ फेब्रुवारी रोजी दिलेल्या दर्शनात तिने म्हटले, “मी तुला खूप आनंदी व सुखी करू इच्छिते. कदाचित या जगात तू आनंदी व सुखी होणार नाही. पुढील जीवनात तू नक्कीच सुखी समाधानी होशील.” त्यानंतर २४ फेब्रुवारी रोजी ती म्हणाली. पश्चात्ताप करा ! २७ फेब्रुवारी रोजी तिने त्या दर्शनाच्या ठिकाणी एक छोटेसे प्रार्थनामंदिर बांधले जावे अशी सूचना केली. तर २५ मार्च रोजी आपण निष्कलंक गर्भसंभव असलेली माता मरिया असल्याचे तिने बर्नाडेट हिला प्रगट केले.

३ जून रोजी बर्नाडेट हिने आपला प्रथम पवित्र ख्रिस्तशरीर संस्कार स्वीकारला. तिला झालेल्या दृष्टांतावरून बराच वादंग माजला. तिची थट्टा मस्करी सुरू झाली. लुर्डस येथील ग्रोटोजवळ तिला सहज जाता येऊ नये म्हणून लुर्डसच्या  महापौरांनी त्या ग्रोटोभोवती तारेचे काटेरी कुंपण घातले. तरीही बर्नाडेटने त्याच अंतरावरून पवित्र मरियेचे दर्शन घेतले 

“आपण दु:खाचा स्वीकार प्रेमाने करायला शिकले पाहिजे. आपला प्रभू ज्यांच्यावर विशेष प्रेम करतो त्यांना काट्यांचा मुकूट प्रदान करतो. माझ्या क्रुसावरील बिछान्यात मी एखाद्या मखमली गादीवर बसलेल्या राणीपेक्षाही आनंदी आहे.” -  संत मेरी बर्नाडे सौबेरियस

 देवाचा पुत्र व आपला तारणारा प्रभू ह्याच्या दुःखासहनाची सुरुवात शेवटल्या भोजनापासून होते त्याचा वृत्तांत  दिला आहे. प्रभू येशू बरोबर त्याच्या सेवाकार्यात सहभागी असलेला शिष्य  यहुदा इस्कर्योत फितूरी करतो. मुख्य याजकांकडे जाऊन तीस रुपयाच्या नाण्यात जणू तो आपल्या गुरुचा सौदा करतो. यहुदा इस्कर्योत हे व्यक्तिमत्व  माणसातील स्वार्थी, लोभी आणि विश्वासघातकी प्रवृत्तीचे दर्शन घडविणारे आहे. प्रभू येशूने जेव्हा म्हटले, 'तुमच्यांतला एकजण मला धरुन देईल', तेव्हा  शिष्यांमध्ये गोंधळ उडाला. मात्र अखिल मानवजातीच्या तारणसाठी ते घडणे आवश्यक होते.

यहुदा इस्कर्योत ह्या व्यक्तिमत्वावर आपण चिंतन करु या. 'मला काय द्याल' असा माणूस जेव्हा स्वार्थी विचार करतो तेव्हा माणसातील ज्युदास जागा झालेला असतो. वरवरुन साधी आणि भोळी वाटणारी अशी अनेक माणसे  विश्वास घातकी असू शकतात. आपल्यामध्ये असा ज्युदास कार्यरत असेल तर आपण ख्रिस्ती मुल्यांशी प्रामाणिक नाहीत. आपल्यातील स्वार्थी, अहंकारीआणि लोभी विचार काढून टाकून आपण ख्रिस्ताशी एकनिष्ठ बनण्यासाठी कृपा मागू या.

✝️

पहिले वाचन : यशया ५०:४-९

वाचक  यशया या पुस्तकातून घेतलेले वाचन

“उपमर्द आणि छिः थू यांपासून मी आपले तोंड चुकवले नाही."

यशया म्हणतो, शिणलेल्यांना बोलून धीर कसा द्यावा ते समजावे म्हणून प्रभू परमेश्वराने मला शिष्यांची जिव्हा दिली आहे. तो रोजरोज सकाळी मला जागे करतो, शिष्यांप्रमाणे ऐकावे म्हणून माझे कान उघडले आहेत. मी फितूर झालो नाही, मागे फिरलो नाही. मी मारणाऱ्यांपुढे आपली पाठ केली, केस उपटणाऱ्यांपुढे मी आपले गाल केले. उपमर्द आणि छि: थू यांपासून मी आपले तोंड चुकवले नाही. प्रभू परमेश्वर मला साहाय्य करणार म्हणून मी लज्जित झालो नाही. मी आपले तोंड गारगोटीसारखे केले. माझी फजिती होणार नाही हे मला ठाऊक होते. मला नीतिमान ठरवणारा जवळ आहे. माझ्याबरोबर वाद कोण करणार? आपण समोरासमोर उभे राहू. माझा प्रतिवादी कोण आहे ? त्याने माझ्यापुढे यावे. पाहा, प्रभू परमेश्वर माझा साहाय्यकर्ता आहे. मला दोषी कोण ठरवणार ?

प्रभूचा शब्द आहे. 

सर्व : देवाला धन्यवाद.

First Reading :

Isaiah 50:4-9a

The Lord God has given me the tongue of those who are taught, that I may know how to sustain with a word him who is weary. Morning by morning he awakens; he awakens my ear to hear as those who are taught. The Lord God has opened my ear, and I was not rebellious: I turned not backward. I gave my back to those who strike, and my cheeks to those who pull out the beard; I hid not my face from disgrace and me; therefore I have not bee been disgraced; therefore I Ispitting. But the Lord God helps I have set my face like a flint, and I know that I shall not be put to shame. He who vindicates me is near. Who will contend with me? Let us stand up together. Who is my adversary! Let him come near to me. Behold, the Lord God helps me; who will declare me guilty!

This is the word of God 

Thanks be to God 

प्रतिसाद  स्तोत्र ६९:८- १०, २१-२२,३१.३३-३४

प्रतिसाद : हे देवा, तू आपल्या विपुल दयेस अनुसरून मला उत्तर दे.

१) तुझ्याकरिता मी निंदा सोशिली आहे,

लज्जेने माझे मुख व्याप्त झाले आहे,

मी आपल्या भावांना नवखा, 

माझ्या सहोदरांना परका असा झालो आहे.

 तुझ्या मंदिराविषयीच्या आवेशाने

मला ग्रासून टाकले आहे,

निंदा करणाऱ्यांनी केलेली तुझी निंदा

माझी निंदा झाली आहे. 

२ निंदा होत असल्यामुळे माझे हृदय भग्न झाले आहे,

मी अगदी बेजार झालो आहे.

माझी कीव करणारा कोणी आहे की काय हे मी पाहिले,

पण कोणी आढळला नाही,

माझे कोणी समाधान करील म्हणून मी वाट पाहिली

पण कोणी दिसला नाही.

त्यांनी मला अन्न म्हणून खायला विष दिले, 

तहान भागवायला मला आंब दिली.

३. देवाच्या नावाचे मी गीत गाऊन स्तवन करीन,

त्याचे उपकारस्मरण करून त्याचा महिमा वर्णीन. 

दीन हे पाहून हर्षतील, देवाचा शोध करणाऱ्यांनो, 

तुमच्या हृदयात नवजीवन येवो.

कारण परमेश्वर गरिबांचे ऐकतो,

Psalm 69:8-10, 21-22, 31 and 33-34 (R 14c, b)

In your great mercy, answer me, O Lord, for a time of your favour.

It is for you that I suffer taunts, 

that shame has covered my face. 

To my own kin I have become an outcast, 

a stranger to the children of my mother.

 Zeal for your house consumes me, 

and taunts against you fall on me. R 

Taunts have broken my heart; 

here I am in anguish. 

I looked for solace, but there was none;

for consolers-not one could I find. 

For food they gave me gall; 

in my thirst they gave me vinegar to drink. R 

Then I will praise God's name with a song 

I will glorify him with thanksgiving. 

The poor when they see it will be glad, 

and God-seeking hearts will revive, 

for the Lord listens to the needy, 

and does not spurn his own in their chains. R

जयघोष  

आपल्या राजाचा जयजयकार असो, पित्याचा तो आज्ञाधारक आहे,

ज्याप्रमाणे दीन कोकरू कत्तल करण्यासाठी नेतात, तसेच आपणांला क्रुसावर देण्यासाठी चालवले आहे.

Acclamation: 

   Hail to you, our king; you alone are compassionate with our faults

शुभवर्तमान मत्तय २६:१४-१५

वाचक :  मत्तयलिखित पवित्र शुभवर्तमानातून घेतलेले वाचन

"मनुष्याच्या पुत्राविषयी जसे लिहिले आहे तसा तो जातो खरा, परंतु जो मनुष्याच्या पुत्राला धरून देतो, त्या मनुष्याची केवढी दुर्दशा होणार!"

यहुदा इस्कर्योत नावाच्या बारातील एकाने मुख्य याजकाकडे जाऊन म्हटले, "मी त्याला धरून दिले तर मला काय द्याल ?" त्यांनी त्याला तीस शेकेल मोजून दिले. तेव्हापासून तो त्याला धरून देण्याची संधी पाहू लागला.नंतर बेखमीर भाकरीच्या सणाच्या पहिल्या दिवशी शिष्य येशूकडे येऊन म्हणाले, “आपणांकरिता वल्हांडणाच्या भोजनाची तयारी आम्ही कोठे करावी म्हणून आपली इच्छा आहे?" त्याने म्हटले, “नगरात अमुक एका माणसाकडे जाऊन त्याला सांगा की, गुरुजी म्हणतात, माझी वेळ जवळ आली आहे; मी आपल्या शिष्यांसह तुमच्या येथे वल्हांडण सण करतो." मग येशूने सांगितल्याप्रमाणे शिष्यांनी जाऊन वल्हांडणाची तयारी केली.

संध्याकाळ झाल्यावर तो बारा शिष्यांसह भोजनाला बसला आणि ते भोजन करीत असताना त्याने म्हटले, "मी तुम्हांला सत्य सांगतो, तुमच्यातला एकजण मला धरून देईल." तेव्हा ते फार खिन्न झाले आणि प्रत्येकजण त्याला विचारू लागला, “प्रभो, मी तर नाही ना ?" त्याने उत्तर दिले “ज्याने माझ्याबरोबर ताटात हात घातला तोच मला धरून देईल. मनुष्याच्या पुत्राविषयी जसे लिहिले आहे तसा तो जातो खरा; परंतु जो मनुष्याच्या पुत्राला धरून देतो, त्या मनुष्याची केवढी दुर्दशा होणार! तो मनुष्य जन्मला नसता तर ते त्याला बरे झाले असते." त्याला धरून देणारा यहुदा ह्याने विचारले, “गुरुजी, मी तर नाही ना ?" तो त्याला म्हणाला, "होय तूच."

प्रभूचे हे शुभवर्तमान 

सर्व : हे ख्रिस्ता  तुझी स्तुती असो.

Gospel Reading:

Matthew 26:14-25

At that time: One of the twelve, whose name was Judas Iscariot, went to the chief priests and said, "What will you give me if I deliver him over to you?" And they paid him thirty pieces of silver. And from that moment he sought an opportunity to betray him. Now on the first day of Unleavened Bread the disciples came to Jesus, saying, "Where will you have us prepare for you to eat the Passover?" He said, "Go into the city to a certain man and say to him, "The Teacher says, My time is at hand. I will keep the Passover at your house with my disciples. And the disciples did as Jesus had directed them, and they prepared the Passover. When it was evening, he reclined at table with the twelve. And as they were eating, he said, "Truly, I say to you, one of you will betray me." And they were very sorrowful and began to say to him one after another, "Is it I, Lord?" He answered, "He who has dipped his hand in the dish with me will betray me. The Son of Man goes as it is written of him, but woe to that man by whom the Son of Man is betrayed! It would have been better for that man if he had not been born." Judas, who would betray him, answered, "Is it I, Rabbi?" He said to him, "You have said so."

 This is the Gospel of the Lord 

Praise the Lord Jesus Christ .

                                                 

                                                 

चिंतन: आज पवित्र आठवड्यातील चौथा दिवस आणि आजच्या दिवशी परत जुदासचे उदाहरण आपल्यासमोर मांडण्यात आले आहे. जुदास मुख्य याजकांबरोबर मसलत करून तीस नाण्यांसाठी येशूला धरून देण्यास राजी होतो आणि त्या संधीची वाट पाहतो. प्रभू येशू स्पष्टपणे आपल्या शिष्यांना सांगतो की तुमच्यापैकी एकजण मला धरून देईल. मनुष्याच्या पुत्राला धरून देतो त्या माणसाची केवढी दुर्दशा होणार. तो मनुष्य जन्मला नसता तर ते त्याला बरे झाले असते. एवढे स्पष्टपणे सांगून देखील जुदासचे डोळे उघडत नाहीत आणि तो खोटा आव आणतो : "गुरुजी तुला धरून देणारा मी तर नाही ना? प्रभू येशू त्याला सांगतो होय तूच!" तरी जुदासचे परिवर्तन होत नाही, कारण तो आपल्या पापांमध्ये इतका बुडाला होता की मी खोटे बोलत आहे हे देखील त्याला कळले नाही. प्रभू येशू जुदासला पश्चात्तापाची संधी देतो पण त्या संधीचा तो स्वीकार करीत नाही. जर जुदासने प्रभू येशूसमोर त्याचे पाप कबूल केले असते तर प्रभू येशूने त्याला क्षमा करून त्याच्या प्रामाणिकपणाच्या कृतीमुळे त्याचा जीव आणि आत्मा वाचला असता; परंतु जुदासच्या बोलवण्यावरून असे दिसते की तो आपल्या विश्वासघाताच्या कृतीकडे पाप म्हणून पाहात नाही. जुदासची कानउघडणी करून देखील तो आपल्या पापांपासून फिरलानाही. जुदासचे उदाहरण भीतीदायक आहे आणि ते सतत पापांचा एक परिणाम प्रकट करते. सततच्या पापांच्या अधोगतीच्या चक्रात माणूस जेव्हा अडकतो तेव्हा त्यातून बाहेर पडणे त्याला खूप कठीण होते. आपण कितीवेळा आपले पाप नाकारतो आणि प्रामाणिकपणे पश्चात्ताप करण्यात अपयशी ठरतो. ह्या पवित्र आठवड्यात आपल्या अंतःकरणात खोलवर डोकावण्यासाठी परमेश्वर आपणांस संधी देत आहे, कारण परमेश्वराची कृपा इतकी सखोल आणि त्याचे प्रेम इतके शुद्ध आहे की ते आपणांस आपल्या पापांची जाणीव करून दिल्याशिवाय राहणार नाही

प्रार्थना :हे प्रभू येशू, तुझ्याशी प्रामाणिक राहण्यास व विश्वासाने तुला | अनुसरण्यास आम्हाला प्रेरणा दे, आमेन.

✝️