पुनरुत्थान तिसरा सप्तह
सोमवार दि. ५ मे २०२५
“ज्याला त्याने पाठवले त्याच्यावर तुम्ही विश्वास ठेवावा, हेच देवाचे काम आहे.', "This is the work of God, that you believe in him whom he has sent
✝️
(रक्तसाक्षी (... १२२०)
खरे पाहता संत आंजेलो ह्यांच्याविषयी विश्वसनीय माहिती अत्यंत त्रोटकपणे उपलब्ध आहे. त्याच्या आईवडिलांना पवित्र मरियेचे दर्शन झाल्यामुळे त्यांनी आपला यहुदी धर्म सोडून ख्रिस्ती धर्माची दीक्षा घेतली. ज्या मशिहासाठी यहुदी लोक आजपर्यंत थांबलेले आहेत तो ख्रिस्ताच्या रुपाने आलेला आहे आणि त्याने आपल्या लोकांना त्यांच्या पापांच्या जोखडापासून मुक्त केलेले आहे अशा प्रकारचा संदेश पवित्र मरियेने या दांपत्यांना दिला होता. या दांपत्याला दोन मुलं होतील आणि ती कर्मेल पर्वतावरील ऑलीव्ह वृक्षाप्रमाणे सगळीकडे सुप्रसिद्ध बनतील. एक महागुरूपदापर्यंत पोहोचेल आणि दुसरा गौरवशाली रक्तसाक्षी बनेल असे आश्वासन देखील पवित्र मरियेने या दांपत्याला दिलेले होते.
पवित्र मरियेला सांगितल्याप्रमाणे त्यांना दोन जुळी मुले झाली. बाळपणापासून त्यांच्याठायी मानसिक व आध्यात्मिक सामर्थ्य विशेषरित्या असल्याचे आढळून आले. वयाच्या १८ व्या वर्षी दोघांनी कार्मेलाईट संघामध्ये प्रवेश केला. तत्पूर्वीच त्यांनी ग्रीक लॅटीन आणि हिब्रू भाषेवर प्रभुत्व मिळविलेले होते.
कर्मेल पर्वतावर पाच वर्षे घालविल्यानंतर आंजेलो ह्यांना प्रभू येशू ख्रिस्ताचे दर्शन झाले. येशूने त्यांना सिसिली देशात जाण्याची आज्ञा केली ह्याच ठिकणी श्रद्धेचा प्रसार करता करता त्यांना आपल्या प्राणाचे बलिदान करण्याची स्वर्गीय कृपा मिळणार होती.
प्रभू येशूच्या या आज्ञेचं तात्काळ पालन करून आंजेलो कर्मेल पर्वत ओलांडून इटलीतील सिसिली येथे आले. तेथे जात असताना वाटेवरच त्यांनी आपल्या प्रवचनांनी व केलेल्या चमत्कारांनी अनेकांचे मनपरिवर्तन केले. पोलेर्मा (इटली) येथे पोहोचल्यानंतर त्यांची दिव्य वाणी ऐकून २०० ज्यू लोकांनी एकाच वेळेला बाप्तिस्मा घेण्याची तयारी दर्शविली. लिओकाटा येथे देखील त्याला तसेच यश मिळाले. मात्र येथील बेरेन्गारिऊस नामक राज्यकर्त्याच्या कपटी व क्रूर स्वभावावर त्याने नेमके बोट ठेवल्यामुळे हा सम्राट आंजेलोला पाण्यात पाहू. लागला.
एकदा एका जमावाला उपदेश करीत असताना काही गुंडांनी त्याच्यावर प्राणघातक हल्ला केला. आंजेलो रक्ताच्या धारोळ्यात असतानाही कसेबसे गुडघे टेकून प्रार्थना करू लागले. त्याही अवस्थेत तो आपल्या मारेकऱ्यांच्या परिवर्तनासाठी देवाकडे कळकळीने प्रार्थना करीत होता. शेवटी त्यांनी आपला आत्मा देवाच्या हाती सोपविला.
संत स्तेफनचे सुवार्ता प्रसाराचे कार्य, आणि पवित्र आत्म्याच्या सामर्थ्याने तो करीत असलेल्या अद्भूत कृत्यांचा वृतांत दिला आहे. प्रभू येशूच्या पुनरुत्थानाची आणि सुवार्तेची साक्ष देता असताना धर्मपंडितांनी त्याला विरोध केला मात्र निर्भयतेचा आत्मा लाभलेल्या स्तेफनने आपले कार्य अधिक जोमाने चालू ठेवले.
प्रभू येशू जाणीव करून देत आहे की केवळ शरीराची भूक भागविण्यासाठी कष्ट उपसू नये. शरीर क्षणभंगूर आहे, मात्र आत्मा अविनाशी आहे. आत्म्याची भूक भागविण्यासाठी प्रभू येशू आपल्याला दोन प्रकारचे अन्न देत आहे. प्रभूची वचने म्हणजेच स्वर्गीय शब्द आणि त्याचे शरीर व रक्त म्हणजेच स्वतः प्रभू येशूची सहभागिता. देवशब्द आणि प्रभू येशूला आत्मसात करण्यासाठी आपण सतत श्रम करणे गरजेचे आहे.
आपण चिंतन करीत असताना स्वतःला प्रश्न विचारू या कि, खरोखरच आम्हाला प्रभू शब्दाची व स्वर्गीय भाकरीची तहान व भूक लागली आहे का ?
✝️
पहिले वाचन प्रे. कृ. ६:८-१५
वाचक : प्रे. कृ. या पुस्तकातून घेतलेले वाचन
"स्तेफान ज्या ज्ञानाने आणि ज्या आत्म्याने बोलत होता त्याला त्याच्याने तोंड देववेना."
स्तेफान कृपा व सामर्थ्य ह्यांनी पूर्ण होऊन लोकांत मोठी अद्भुतकृत्य व चिन्हे करीत असे. तेव्हा लिबिर्तिन नामक लोकांच्या सभास्थानातील काही जण तसेच कुरेनेकर आलेक्झांड्रेयकर आणि किलिकिया आणि आशिया ह्यातील लोकांपैकी कित्येक उठले आणि स्तेफानबरोबर वितंडवाद घालू लागले. पण तो ज्या ज्ञानाने आणि ज्या आत्म्याने बोलत होता त्याला त्यांच्याने तोंड देववेना. तेव्हा त्यांनी काही लोकांना फूस देऊन, “आम्ही त्याला मोशेविरुद्ध आणि देवाविरुद्ध दुर्भाषण करताना ऐकले" असे म्हणण्यास पढवले आणि लोकांना, वडिलांना आणि शास्त्रांना चेतवले. त्यांनी त्याच्यावर चाल करून त्याला धरून न्यायसभेपुढे नेले आणि त्यांनी बनावट साक्षीदार उभे केले. ते म्हणाले, “हा माणूस ह्या पवित्र स्थानाच्या आणि नियमशास्त्राच्या विरुद्ध बोलण्याचे सोडीत नाही.” आम्ही त्याला असे बोलताना ऐकले, "हा नाझरेथकर येशू हे स्थान मोडून टाकील आणि मोशेने आपल्याला लावून दिलेले परिपाठ बदलून टाकील.” तेव्हा न्यायसभेत बसलेले सर्वजण त्याच्याकडे निरखून पाहत असता त्यांना त्याचे मुख देवदूताच्या मुखासारखे दिसले
प्रभूचा शब्द आहे
सर्व : देवाला धन्यवाद.
First Reading :
Acts 6:8-15
In those days: Stephen, full of grace and power, was doing great wonders and signs among the people. Then some of those who belonged Cyrenians, and to the synagogue of the Freedmen (as it was called), and of the Alexandrians, and of those from Cilicia and Asia, rose up of the and disputed with Stephen. But they could not withstand the wisdom and the Spirit with which he was speaking. Then they secretly instigated men who said, "We have heard him speak blasphemous words against Moses and God." And they stirred up the people and the elders and the scribes, and they came upon him and seized him and brought him before the council, and they set up false witnesses who said, "This man never ceases to speak words against this holy place and the law, for we have heard him say that this Jesus of Nazareth will destroy this place and will change the customs that Moses delivered to us." And gazing at him, all who sat in the council saw that his face was like the face of an angel.
This is the word of God
Thanks be to God
प्रतिसाद स्तोत्र ११९:२३-२४,२६-२७,२९-३०
प्रतिसाद : ज्यांचे आचरण शुद्ध आहे ते धन्य होत.
१) सत्ताधीश जमून माझ्याविरुद्ध मसलत करतात,
तरी हा तुझा दास तुझ्या नियमांचे चिंतन करतो.
तुझी शिकवण मला प्रिय आहे.
ती माझी मार्गदर्शिका आहे.
२) मी केलेले सर्व तुला सांगितले, तू माझे ऐकलेस;
आता तुझे नियम मला शिकव.
तुझ्या आदेशाप्रमाणे कसे वागावे ते समजावून सांग.
मग तुझ्या अद्भुत कृत्यांचे मी मनन करीन.
३) मला वाममार्गापासून आण
आणि तुझे धर्मशास्त्र मला शिकव.
मी निष्ठेचा मार्ग निवडला आहे.
तुझ्या संकेताकडे माझे लक्ष आहे.
Psalm 119:23-24, 26-27,29-30
Blessed are those who walk in the law of the Lord.
Though princes sit plotting against me,
your servant ponders your statutes.
See, your decrees are my delight
your statutes are my counsellors.
I declared my ways and you answered me,
teach me your statutes
Make me grasp the way of your precepts.
and I will ponder your wonders.
Keep me from the way of falsehood;
grant me mercy by your law.
I have chosen the way of faithfulness;
your decrees I have upheld.
जयघोष
आलेलुया, आलेलुया!
असे लिहिले आहे की, ख्रिस्ताने दुःख सोसावे आणि तिसऱ्या दिवशी मेलेल्यातून उठावे.
आलेलुया !
Acclamation:
Man shall not live by bread alone, but by every word that proceeds from the mouth of God
शुभवर्तमान योहान ६:२२-२९
वाचक : योहानलिखित पवित्र शुभवर्तमानातून घेतलेले वाचन
"नाशवंत अन्नासाठी श्रम करू नका, परंतु सार्वकालिक जीवनासाठी टिकणाऱ्या अन्नासाठी श्रम करा."
जो लोकसमुदाय समुद्राच्या पलीकडे उभा होता त्याने पाहिले की, ज्या लहान मचव्यात त्याचे शिष्य बसले होते त्याच्याशिवाय तेथे दुसरा मचवा नव्हता आणि येशू आपल्या शिष्यांबरोबर त्या मचव्यावर चढला नव्हता तर त्याचे शिष्य मात्र निघून गेले होते. तरी जेथे प्रभूने आभार मानल्यावर त्यांनी भाकर खाल्ली होती त्या ठिकाणाजवळ तिबिर्याहून दुसरे लहान मचवे आले होते. तेथे येशू नाही आणि त्यांचे शिष्यही नाहीत असे लोकसमुदायाने पाहिले तेव्हा ते लहान मचव्यात बसून येशूचा शोध करीत कफर्णहूमास आले.
येशू त्यांना समुद्राच्या पलीकडे भेटल्यावर ते त्याला म्हणाले, “गुरुजी, येथे कधी आला?" येशूने त्यांना उत्तर दिले, "मी तुम्हांला सत्य सांगतो, तुम्ही चिन्हे पाहिली म्हणून नव्हे तर भाकरी खाऊन तृप्त झाला म्हणून माझा शोध करता. नाशवंत अन्नासाठी श्रम करू नका, तर पिता जो देव ह्याने ज्याच्यावर शिक्का मारला आहे तो मनुष्याचा पुत्र तुम्हाला सार्वकालिक जीवनासाठी टिकणारे जे अन्न देईल त्यासाठी श्रम करा." ह्यावर ते त्याला म्हणाले, “देवाची कामे आमच्या हातून व्हावी म्हणून आम्ही काय करावे ?” येशूने त्यांना उत्तर दिले, “ज्याला त्याने पाठवले त्याच्यावर तुम्ही विश्वास ठेवावा, हेच देवाचे काम आहे.'
"प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading:
John 6:22-29
(Alter five thousand men had eaten their fill, the disciples of Jesus saw him walking on the sea. On the next day the crowd that remained on the other side of the sea saw that there had been only one boat there, and that Jesus had not entered the boat with his disciples, but that his disciples had gone away alone. Other boats from Tiberias came near the place where they had eaten the bread after the Lord had given thanks. So when the crowd saw that Jesus was not there, nor his disciples, they themselves got into the bouts and went to Capernaum, seeking Jesus. When they found him on the other side of the ses, they said to him, "Rabbi, when did you come here!" Jesus answered them. Truly Truly. I say to you, you are seeking me, not because you saw signs, but because you at your fill of the loaves. Do not work for the food that perishes, but for the food Phat endures to eternal life, which the Son of Man will give to you. For on him God the father has set his seal" Then they said to him, "What must we do, to be doing the work of God Jeans answered them, "This is the work of God, that you believe in him whom he has sent
Praise the Lord Jesus Christ .
चिंतन: भाकर खाऊन तृप्त झालेल्या लोकांना पटले होते की येशू हाच जगात येणारा देवाचा संदेष्टा होय. त्यामुळे ते त्याला आपला राजा करण्याच्या विचारात होते परंतु येशू गुपचूप त्यांच्यामधून निघून गेलेला होता. आता ते त्याचा शोध घेत पुन्हा एकदा त्याच्याजवळ येतात. तेव्हा येशू त्यांना एक महत्त्वाचा संदेश देतो : 'नाशवंत अन्नासाठी श्रम करू नका तर पिता जे अन्न देतो त्या अविनाशी अन्नासाठी झटत राहा.' हे अविनाशी अन्न मिळविण्यासाठी माणसाने देवाची कर्म करायला हवीत असे येशू म्हणतो. त्यासाठी देवाने पाठविलेल्या त्याच्या एकुलत्या पुत्रावर त्यांनी विश्वास ठेवावा असेही मार्गदर्शन येशू त्यांना करतो. पुष्कळ वेळा माणूस नाशवंत गोष्टींच्या मागे धावत सुटतो. त्या गोष्टी मिळूनही तो समाधानी होत नाही. कारण संत अगस्तीनने म्हटल्याप्रमाणे, 'आपली हृदये परमेश्वरासाठी निर्माण करण्यात आलेली आहेत. ती त्याच्याठायी विसावा पावल्याशिवाय कधीही शांत होणार नाहीत.' माझ्या जीवनाचा प्रवास अपूर्णतेकडून अपूर्णतेकडे सुरू आहे की मी परिपूर्णतेच्या दिशेने वाटचाल करीत आहे ?
प्रार्थना :-हे प्रभू येशू, पूर्ण विश्वासाने तुझी वचने स्वीकारावीत आणि तुझ्या स्वर्गीय अन्नाची आम्हाला ओढ लागावी म्हणून आम्हाला कृपादान दे, आमेन.
✝️
0 टिप्पण्या