Marathi Bible Reading | 31st week in ordinary Time | Thursday 6th November 2025

सामान्यकाळातील ३१ वा सप्ताह 

गुरुवार   दि. ६ नोव्हेंबर २०२५

त्याचप्रमाणे पश्चात्ताप करणाऱ्या एका पापी माणसाबद्दल देवाच्या दूतांसमोर आनंद होतो, हे मी तुम्हांला सांगतो.

So I say to you, there shall be joy before the angels of God upon one sinner doing penance.

लुमिझीनचे संत लिओनार्ड 

- वर्तनसाक्षी, मठाधिकारी (५५९)

मध्ययुगामध्ये संत लिओनार्ड हा जर्मनी, ऑस्ट्रिया आणि बोहेमिया इथे खूप नावारूपाला आला होता आणि त्यात त्यांची भक्ती वाढत गेली. त्याच्या मध्यस्थीने अनेक चमत्कारिक घटना घडत होत्या. त्याला आजारी, मंदबुद्धी, प्रसृतीवेदना सहन करणाऱ्या स्त्रिया आणि तुरुंगातील कैद्यांचा आश्रयदाता संत मानले जाते.

प्रभू येशूने  पापांबद्दल पश्चात्ताप करून  देवाबरोबर समेट करणाऱ्यांसाठी दोन उदाहरणे दिलेली आहेत. आपण जीवनात भरकटलो, बहकलो आणि पापाच्या खोल डोहात जरी पडलो तरी पण पश्चात्तापाच्या अनेक संधी परमेश्वर आपल्याला देत असतो.प्रभूने पहिले उदाहरण हरवलेल्या मेंढराचे दिले आहे. हरवलेल्या मेंढराचा माणूस शोध घेतो व ते सांपडल्यावर त्याला खांद्यावर घेऊन आनंद साजरा करतो. दुसऱ्या उदाहरणात हरवलेल्या नाण्याचा  दाखला आहे. ती बाई दीवा पेटवून, घर झाडून ते नाणे सापडेपर्यंत मनापासून  त्याचा शोध घेते. ते सापडल्यावर ती शेजारणीबरोबर आनंद साजरा करते 

आपल्या जीवनात अनेकदा संसाराच्या चिंता, कामाचा व्याप, जगातील  प्रलोभने व संकटांच्या भोवऱ्यात आपण देवापासून बहकतो व देवाच्या कृपेला पारखे होतो. प्रभू येशू आपला शोध करीत असतो मात्र आपणाला त्याची वाणी ऐकू येत नाही. आपण आज आपल्या जीवनावर चिंतन करीत असतांना प्रभूची वाणी ऐकू या.

पश्चात्तापाची जी संधी मिळेल त्याचा योग्य तो फायदा घेऊ या. देवाकडे वळू या. देवाकडे पश्चात्तापी अंतःकरणाने क्षमा याचना करु या. देवाला आपल्या पश्चात्तापाबद्दल आनंद होत असतो. कारण स्वर्गात आनंद आहे.

✝️

पहिले वाचन : रोम  १४:७-१२

वाचक : पौलचे रोमकरांस पत्र यातून घेतलेले वाचन

“आपण जगलो किंवा मेलो तरी आपण प्रभूचेच आहो."

आपल्यातील कोणी स्वतःकरिता जगत नाही आणि कोणी स्वतः करिता मरत नाही. जर आपण जगतो तर प्रभूकरिता जगतो आणि जर आपण मरतो तर प्रभूकरिता मरतो, म्हणून आपण जगलो, किंवा मेलो तरी आपण प्रभूचेच आहो. ख्रिस्त मेलेल्यांचा आणि जिवंतांचाही प्रभू असावे म्हणून अशासाठी मरण पावला आणि पुन्हा जिवंत झाला.

तर मग तू आपल्या भावाला दोष का लावतोस? किंवा तू आपल्या भावाला तुच्छ का मानतोस? कारण आपण सर्व देवाच्या न्यायासनासमोर उभे राहणार आहो. कारण शास्त्रात असे लिहिले आहे की, "प्रभू म्हणतो, ज्याअर्थी मी जिवंत आहे, त्याअर्थी माझ्यापुढे प्रत्येक जण गुडघा टेकील. आणि प्रत्येक जिव्हा देवाचे स्तवन करील." 

तर मग आपणांतील प्रत्येक जण आपआपल्यासंबंधी देवाला हिशेब देईल.

प्रभूचा शब्द. 

सर्व : देवाला धन्यवाद.

First Reading :

 Romans 14: 7-12

 For none of us liveth to himself; and no man dieth to himself. For whether we live, we live unto the Lord; or whether we die, we die unto the Lord. Therefore, whether we live, or whether we die, we are the Lord’s. For to this end Christ died and rose again; that he might be Lord both of the dead and of the living. But thou, why judgest thou thy brother? or thou, why dost thou despise thy brother? For we shall all stand before the judgment seat of Christ. For it is written: As I live, saith the Lord, every knee shall bow to me, and every tongue shall confess to God. Therefore every one of us shall render account to God for himself.  

This is the word of God 

Thanks be to God 

प्रतिसाद स्तोत्र १२७:१,४,१३-१४

प्रतिसाद :  ह्या जिवंतांच्या भूमीवर परमेश्वर खात्रीने माझे कल्याण करील.

१) परमेश्वर माझा प्रकाश आणि माझे तारण आहे, 

मी कोणाची भीती बाळगू?

परमेश्वर माझा दुर्ग आहे, मी कोणाचे भय धरू ? 

२) परमेश्वराजवळ मी एक वरदान मागितले 

त्याच्या प्राप्तीसाठी मी झटेन,

ते हे “आयुष्यभर परमेश्वराच्या घरात 

माझी वस्ती व्हावी,' म्हणजे मी परमेश्वराचे

 मनोहर रूप पाहत राहीन आणि 

त्याच्या मंदिरात ध्यान करीन.

३) ह्या जिवंतांच्या भूमीवर परमेश्वर खात्रीने माझे

कल्याण करील परमेश्वराचीच प्रतीक्षा कर, 

खंबीर हो, हिंमत धर, परमेश्वराचीच प्रतीक्षा कर.

Psalms 27: 1bcde, 4, 13-14

R. (13) I believe that I shall see the good things of the Lord in the land of the living.

1 The Lord is my light and my salvation, whom shall I fear?

 The Lord is the protector of my life: of whom shall I be afraid?

R. I believe that I shall see the good things of the Lord in the land of the living.

4 One thing I have asked of the Lord, this will I seek after; 

that I may dwell in the house of the Lord all the days of my life.

 That I may see the delight of the Lord, and may visit his temple.

R. I believe that I shall see the good things of the Lord in the land of the living.

13 I believe to see the good things of the 

Lord in the land of the living.

14 Expect the Lord, do manfully, 

and let thy heart take courage, and wait thou for the Lord.

R. I believe that I shall see the good things of the Lord in the land of the living.

जयघोष                                             

आलेलुया, आलेलुया!  

आपला तारणारा ख्रिस्त येशू ह्याने मरण नाहीसे केले आणि सुवार्तेच्या द्वारे जीवन मिळवून दिले.

 आलेलुया!

Acclamation: 

 R. Alleluia, alleluia.

Come to me, all you who labor and are burdened, and I will give you rest, says the Lord.

R. Alleluia, alleluia.

शुभवर्तमान लूक १५: १-१०

वाचक :लूकलिखित पवित्र शुभवर्तमानातून घेतलेले वाचन

"पश्चात्ताप करणाऱ्या एका पापी माणसाबद्दल देवाच्या दूतांसमोर आनंद करा."सर्व जकातदार आणि पापी लोक येशूचे ऐकण्यासाठी त्याच्याजवळ येत होते. तेव्हा परुशी आणि शास्त्रीही अशी कुरकुर करू लागले, "हा पाप्यांना जवळ करून त्यांच्याबरोबर जेवतो." मग त्याने त्यांना एक दाखला सांगितला: "तुमच्यामध्ये असा कोण मनुष्य आहे की, त्याच्याजवळ शंभर मेंढरे असता त्यातून एक हरवले तर नव्याण्णव रानात सोडून देऊन ते हरवलेले सापडेपर्यंत तो त्याचा शोध करत नाही? ते सापडल्यावर तो ते आनंदाने खांद्यावर घेतो आणि घरी येऊन मित्रांना आणि शेजाऱ्यांना एकत्र बोलावून त्यांना म्हणतो, माझे हरवलेले मेंढरू सापडले आहे म्हणून माझ्याबरोबर आनंद करा, त्याचप्रमाणे ज्यांना पश्चात्तापाची गरज नाही अशा नव्याण्णव नीतिमानाबद्दल होणाऱ्या आनंदापेक्षा पश्चात्ताप करणाऱ्या एका पापी माणसाबद्दल स्वर्गात अधिक आनंद होईल, हे मी तुम्हांला सांगतो."

तसेच अशी कोण स्त्री आहे की, "तिच्याजवळ रुप्याची दहा नाणी असता त्यातून एक नाणे हरवले तर दिवा पेटवून आणि घर झाडून ते सापडेपर्यंत मन लावून शोध करत राहत नाही ? ते सापडल्यावर ती मैत्रिणींना आणि शेजारणींना बोलावून म्हणते, माझे हरवलेले नाणे मला सापडले, म्हणून माझ्याबरोबर आनंद करा. त्याचप्रमाणे पश्चात्ताप करणाऱ्या एका पापी माणसाबद्दल देवाच्या दूतांसमोर आनंद होतो, हे मी तुम्हांला सांगतो.

प्रभूचे हे शुभवर्तमान

सर्व : हे ख्रिस्ता  तुझी स्तुती असो.

Gospel Reading :

 Luke 15: 1-10

Now the publicans and sinners drew near unto him to hear him. And the Pharisees and the scribes murmured, saying: This man receiveth sinners, and eateth with them. And he spoke to them this parable, saying: What man of you that hath an hundred sheep: and if he shall lose one of them, doth he not leave the ninety-nine in the desert, and go after that which was lost, until he find it? And when he hath found it, lay it upon his shoulders, rejoicing: And coming home, call together his friends and neighbours, saying to them: Rejoice with me, because I have found my sheep that was lost? I say to you, that even so there shall be joy in heaven upon one sinner that doth penance, more than upon ninety-nine just who need not penance. Or what woman having ten groats; if she lose one groat, doth not light a candle, and sweep the house, and seek diligently until she find it? And when she hath found it, call together her friends and neighbours, saying: Rejoice with me, because I have found the groat which I had lost. So I say to you, there shall be joy before the angels of God upon one sinner doing penance.

This is the Gospel of the Lord 

Praise the Lord Jesus Christ .

चिंतन:  

मिस्साबलिदानात भाग घेण्यास पात्र होण्यासाठी पुरोहित आपल्याला पश्चात्ताप करण्याचे आवाहन करतात. आजच्या शुभवर्तमानात आपण हरवलेले मेंढरू व हरवलेले नाणे यांचे प्रभू येशूने सांगितलेले दृष्टांत ऐकणार आहोत. आपला परमपिता हरवलेले मेंढरू शोधत जातो. हरवलेले नाणे सांपडल्यावर बाई आपल्या मैत्रिणींना बोलावून तो प्रसंग साजरा करते. तसा एक पापी परिवर्तन झाल्यावर मागे फिरल्यास, स्वर्गात जल्लोष होतो. आपले जीवन परिवर्तनासाठी आहे. जेवढा आपला हृदयपालट होईल, तेवढा आपला प्रभुभोजनातील सहभाग सक्रिय व प्रभावी असेल. "प्रभू तू माझ्या अंतर्यामी यावेस इतकी माझी पात्रता नाही, एक शब्द मात्र बोल म्हणजे माझा आत्मा बरा होईल."

प्रार्थना : प्रभू येशू, आमचे जीवन परिवर्तन घडवून आण,  आम्हाला तुझ्या स्वर्गीय आनंदात सहभागी कर, आमेन..