सामान्यकाळातील ३३ वा सप्ताह
शनिवार दि. २२ नोव्हेंबर २०२५
कारण ते देवदूतांसमान आहेत आणि पुनरुत्थान पावलेले असल्यामुळे ते देवाचे पुत्र आहेत.
they are equal to angels and are sons of God, being sons of the resurrection.
✝️
संत सिसिलिया
कुमारिका, रक्तसाक्षी (२५०)
संत सिसिलिया हिचा जन्म दुसऱ्या शतकाच्या अखेरीस आलेक्झांडर सेवेरस ह्या सम्राटाच्या कारकीर्दीत रोममध्ये झाला. बालपणापासून तिला संगीत कलेची विलक्षण आवड होती. तशी ती एका मूर्तिपूजकाच्या घरी जन्माला आली होती; परंतु तिला ख्रिस्ती वातावरणात लहानाचे मोठे करण्यात आले. लहानपणीच तिने केवळ देवाच्या प्रेमाखातर कुमारिका राहण्याचा निर्णय घेतलेला होता. ती उपवास, प्रायश्चित्त आणि सर्व प्रकारची दयाकृत्ये करीत असे. परंतु तिच्या पालकांची मात्र तिच्यासाठी वेगळीच योजना होती. त्यांनी तिचे लग्न व्हेलेरियन नावाच्या एका सरदारपुत्राशी ठरविले आणि मोठ्या थाटामाटात व धुमधडाक्यात ते पार पडले.
लग्नाच्या सायंकाळी आपल्या कानात लग्नाचे वाधसंगीत घुमत असतानाच आपण देवाकरिता आमरण कुमारिका राहण्याच्या घेतलेल्या निर्णयाचे तिने स्वत:शी नूतनीकरण केले. रात्री जेव्हा ती आपल्या पतीसह आपल्या निजावयाच्या खोलीत गेली तेव्हा तिने धीर करून त्याला 'हटले. "मला आपणांस एक गुपित सांगावयाचे आहे. आपणास ठाऊक असेलच की देवाचा एक दूत माझ्यावर लक्ष ठेवून आहे. जर आपण माझ्याशी वैवाहिक संबंध ठेवण्याचा प्रयत्न केलात तर तो कोपिष्ट होईल आणि आपणास भयंकर यातना भोगाव्या लागतील आणि जर आपण माझ्या कौमार्याचा आदर राखला तर माझ्याप्रमाणे तो देवदूत आपणावरही प्रेम करील व आपले रक्षण करील.' "
एक शूर सरदारपुत्र अशा प्रकारच्या भावनिक आव्हानाला सहज बळी पडणारा नव्हता, उलट त्याने सिसिलिया हिला तो देवदूत कुठे आहे तो आपणास दाखविण्याची विनंती केली आणि जर आपणास तो देवदूत दिसला तर आपण सिसिलियाची विनंती आयुष्यभरासाठी मान्य करण्याचे वचन त्याने दिले.
त्यावर सिसिलियाने उत्तर दिले की, “जर आपण एकाच खऱ्या व जिवंत
देवावर विश्वास ठेवून स्नानसंस्काराचे पाणी स्वीकारलेत तर आपणांस तो
देवदूत दिसू शकेल." उत्सुकतेपोटी व्हेलेरियनने तेही मान्य केले.
सिसिलियाने व्हेलेरियन ह्याला विशप अर्बन ह्यांच्याकडे पाठविले. त्यांनी व्हेलेरियनला बाप्तिस्मा दिला आणि आनंदाश्चर्याने तो थक्कच झाला. आपल्या घरी परतत असतानाच सिसिलिया एका पांढऱ्या शुभ्र देवदूताच्या शेजारी उभी असलेली त्याच्या दृष्टीस पडली. तो देवदूत व्हेलेरियनच्या जवळ आला आणि त्याने दोघांच्या मस्तकावर गुलाब व जुईच्या फुलांच्या पाकळ्यांची वृष्टी केली.
ह्या संपूर्ण घटनेने व्हेलेरियन अंतर्बाह्य पालटून गेला. त्याने आपल्या भावालाही ख्रिस्ती श्रद्धेचे शिक्षण दिले. त्याचा भाऊ तायबेर्शियस ह्याचीही श्रद्धा दृढ झाली. शेवटी दोघांनी आपल्या रक्तसाक्षित्वाद्वारे आपल्या श्रद्धेवर शिक्कामोर्तब केले. पण अमाल्विअस नावाच्या सेनापतीने त्यांचा शिरच्छेद केला.
त्या दोघांचे मृतदेह पुरून परतलेल्या सिसिलिया हिला सेनापतीने बोलावून घेतले आणि आपली श्रद्धा पायदळी तुडविण्याचा तिला आदेश दिला. सेनापतीच्या धमक्यांना न जुमानता सिसिलिया उत्तरली, "मी प्रभू येशू ख्रिस्ताची वधू आहे हे तुला ठाऊक नाही काय?" हे उत्तर ऐकून अपमानित झालेला सेनापती रागाने लालबुंद झाला. त्याने तिला एक संपूर्ण दिवस गुदमरून ठेवले आणि एक संपूर्ण रात्र उकळत्या पाण्यात डुंबवून ठेवले तरीही तिच्या शरीराला यत्किंचितही इजा पोहोचली नाही. शेवटी तिच्या डोक्यावर व छातीवर कुऱ्हाडीचे घाव घालण्यात आले. त्यामुळे ती तीन दिवस रक्ताच्या थारोळ्यात पडून राहिलेली होती. तिला भेटी देणाऱ्या सर्वांसाठी ती प्रार्थना करीत होती आणि मोठ्या कळकळीने ख्रिस्ताची शिकवण देत होती.
शेवटी ती देवाचे गुणगौरव गात मरण पावली. उपासना संगिताची आश्रयदाती संत म्हणून तिला गौरविण्यात आलेले आहे.
चिंतन: "ख्रिस्तासाठी मरण्याइतके दुसरे काहीही मला अधिक आनंदी करणारे नाही हे आपणांस ठाऊक नाही का?" - संत सिसिलिया
पहिले वाचन : १ मक्काबी ६: १-१३
वाचक :मक्काबीच्या पहिल्या पुस्तकातून घेतलेले वाचन
"येरुशलेममध्ये केलेल्या दुष्कृत्यांमुळे माझाकरूण अंत होत आहे."
राजा अंतिओखस वरच्या प्रांतातून जात असता त्याने ऐकले की, पर्शिया देशातील एलिमाईस नगर सोन्या-चांदीने समृद्ध व प्रसिद्ध आहे. त्यातील मंदिर धनसंपन्न आहे. फिलीपचा पुत्र आणि मकिदुनियेचा राजा सिकंदर याने त्या मंदिरात सोन्याच्या ढाली, उरस्त्राणे आणि हत्यारे ठेवली होती. त्यानेच प्रथमच ग्रीसवर राज्य केले. म्हणूनच अंतिओखस आला आणि त्याने त्या नगराला हस्तगत करण्याचा आणि लुटण्याचा प्रयत्न केला. परंतु ते त्याला शक्य झाले नाही. कारण त्याचे बेत नगरातील रहिवाशांना अगोदरच कळले होते, त्यांनी त्याला लढाईत प्रतिकार केला. म्हणूनच अंतिओखस मोठ्या दुःखाने तेथून बाबिलोनकडे परत गेला.
पर्शियामध्ये असताना कोणी एकाने त्याला असा वृत्तांत सांगितला की, जी सेना यहुदा देशावर चाल करून गेली होती तिची दाणादाण झाली आहे. लिसियस बलाढ्य सेना घेऊन चढाई करून गेला. परंतु त्याचा पराभव झाला आणि तो यहुदी लोकांसमोरून पळून गेला. शत्रूसैन्यांची कत्तल केल्यावर त्यांची शस्त्रे काढून घेतली. अन्नाचा पुरवठा आणि अमाप संपत्ती घेऊन यहुदी लोक बलाढ्य बनले आहेत. येरुशलेमच्या मंदिरावर जे घृणित चिन्ह उभारले होते ते त्यांनी पाडून टाकले. पूर्वीप्रमाणे पवित्र स्थानांच्या भोवती उंच भिंती बांधल्या. बेथझूर हे त्यांचे नगरसुद्धा त्यांनी बांधून काढले.
ही बातमी ऐकल्यावर राजाला धक्काच बसला आणि तो फार घाबरला. आपल्या अपेक्षेप्रमाणे घडले नाही म्हणून तो फार दुःखी झाला आणि त्याने अंथरूण धरले. दुःखाची छाया त्याच्यावर पूर्ण पकड धरून होती. म्हणून तो कित्येक दिवस बिछान्यावर पडून राहिला. आपला मरणकाळ जवळ आला आहे असेही त्याला वाटू लागले तेव्हा त्याने आपल्या मित्रांनाबोलावून घेतले आणि तो त्यांना म्हणाला, “माझ्या डोळ्यांवरील झोप उडाली आहे आणि चिंतेमुळे माझ्या काळजाचे पाणी पाणी झाले आहे." मी स्वतःशीच म्हणालो, “कसली आपत्ती कोसळली माझ्यावर! कोणत्या दुःखसागरात मी बुडालो आहे! माझ्या हाती सत्ता असताना मी तर दयाळू आणि प्रेमळ होतो."
प्रभूचा शब्द.
सर्व : देवाला धन्यवाद.
First Reading :1 Maccabees 6:1-13
In those days: King Antiochus was going through the upper provinces when he heard that Elymais in Persia was a city famed for its wealth in silver and gold. Its temple was very rich, containing golden shields, breastplates, and weapons left there by Alexander son of Philip, the Macedonian king who first reigned over the Greeks. So he came and tried to take the city and plunder it, but he could not, because his plan became known to the men of the city and they withstood him in battle. So he fled and in great grief departed from there to return to Babylon. Then someone came to him in Persia and reported that the armies that had gone into the land of Judah had been routed; that Lysias had gone first with a strong force, but was turned back before the Jews; that the Jews had grown strong from the arms, supplies, and abundant spoils that they had taken from the armies they had cut down; that they had torn down the abomination that he had erected upon the altar in Jerusalem, and that they had surrounded the sanctuary with high walls as before and also Beth-zur, his city. When the king heard this news, he was astounded and badly shaken. He took to his bed and became sick from grief, because things had not turned out for him as he had planned. He lay there for many days, because deep grief continually gripped him, and he concluded that he was dying. So he called all his friends and said to them, "Sleep departs from my eyes and I am downhearted with worry. I said to myself, 'To what distress I have come! And into what a great flood I now am plunged! For I was kind and beloved in my power. But now I remember the evils I did in Jerusalem. I seized all her vessels of silver and gold; and I sent to destroy the inhabitants of Judah without good reason. I know that it is because of this that these evils have come upon me; and behold, I am perishing of deep grief in a strange land."
This is the word of God
Thanks be to God
प्रतिसाद स्तोत्र ९:२-४,६, १६ व १९
प्रतिसाद : तुझ्या तारणदायक साहाय्याबद्दल मला आनंद होतो.
१) मी अगदी मनापासून परमेश्वराचे उपकारस्मरण करीन,
तुझ्या सर्व अद्भुत कृतींचे वर्णन करीन.
मला तुझ्या ठायी हर्ष आणि उल्हास होईल.
हे परात्परा, मी तुझ्या नामाचे स्तवन गाईन.
२) माझे शत्रू मागे फिरले की ठोकर खातात,
तुला पाहून नाश पावतात,
तू राष्ट्रांस धमकावले आहेस,
तू त्यांचे नाव सदासर्वकाळासाठी पुसून टाकले आहेस..
३) राष्ट्रांनी गुप्तपणे मांडलेल्या जाळ्यात
त्यांचेच पाय गुतले आहेत,
गरजवंतांचे नेहमीच विस्मरण होणार नाही,
दलितांच्या आशेचा भंग सर्वदा होणार नाही.
Psalm 9:2-3, 4 and 6, 16 and 19
I will rejoice in your salvation, O Lord.
I will praise you, Lord, with all my heart;
all your wonders I will confess.
I will rejoice in you and be glad,
and sing psalms to your name, O Most High. R
See how my enemies turn back,
how they stumble and perish before you.
You have rebuked the nations, destroyed the wicked;
you have wiped out their name forever and ever. R
The nations have fallen in the pit which they made;
their feet have been caught in the snare they laid.
for the needy shall not always be forgotten,
nor the hopes of the poor ever perish R
जयघोष
आलेलुया, आलेलुया!
तुझे वचन माझ्या पावलांकरिता दिव्यासारखे आणि माझ्या मार्गावर प्रकाशासारखे आहे.
आलेलुया!
Acclamation:
R. Alleluia, alleluia.
Our Saviour Christ Jesus abolished death and brought life and immortality to light through the gospel.
R. Alleluia, alleluia.