Marathi Bible Reading |Wednesday 25th March 2026 | 5th Week of Lent

  उपवासकाळातील पाचवा  सप्ताह 

बुधवार  दि. २५ मार्च  २०२६

 पाहा, तू गर्भवती होशील आणि तुला पुत्र होईल. त्याचे नाव तू येशू असे ठेव. 

behold, you will conceive in your womb and bear a son, and you shall call his name Jesus.

 

दुताचा मरियेला दिलेला संदेश - सण

प्रारंभापासून म्हणजे निर्मिती पासूनच देव मानवासोबत होता, मानवावर निरपेक्ष प्रेम करणाऱ्या देवाने वेळोवेळी मानवाला पश्चात्ताप करुन परत बोलाविले. आजच्या  यशया संदेष्ट्याद्वारे देवाने महान संदेश दिला तो म्हणजे 'पाहा, कुमारी गर्भवती  होऊन पुत्र प्रसवेल व त्याचे नांव इम्मानुएल (आमच्या सानिध्य देव) असे  ठेविल.'

ख्रिस्तसभा आज, देवपुत्राच्या आगमनाचा दुताने मरियेला दिलेला संदेश हा सण साजरा करीत आहे. मानवाच्या तारणाची योजना अमलात  आणण्यासाठी देवाने पापाचा कलंक नसलेल्या पवित्र मरियेची निवड केली.  मरिया देवाला शरण गेली. आपल्या जीवनांचे समर्पण  करुन मरियेने होकार दिला .  देवाच्या सामर्थ्याचा अविष्कार पवित्र मरियेच्या जीवनात घडला आणि ज्याच्या राज्याचा अंत होणार नाही, असा राजा प्रभू येशू ख्रिस्त जगात आला.

पवित्र मरियेद्वारे इम्मानुएल (आमच्या सान्निध्य देव) ह्या भूतलावर 

आला. प्रभू येशूने देवाचे प्रेम, देवाची शांती, देवाची दया, देवाची कृपा व देवाचा सहवास आम्हाला घडविला आहे. पवित्र मरिया मातेसारखे देवाच्या हाकेला प्रतिसाद देऊन समर्पित जीवन जगण्यासाठी प्रेरणा मागू या.

पहिले वाचन यशया ७ : १०-१४

वाचक : यशयाच्या पुस्तकातून घेतलेले वाचन

परमेश्वर आहाजला म्हणाला, "तुझा देव परमेश्वर याच्याजवळ तू आपणासाठी चिन्ह माग, ते खाली अधोलोकात असो किंवा उर्ध्वलोकात असो." आहाज म्हणाला, "मी मागणार नाही, मी परमेश्वराची परीक्षा पाहाणार नाही." तेव्हा तो म्हणाला, "हे दावीदच्या घराण्या, मी सांगतो ते ऐक : तुम्ही मनुष्यांना कंटाळा आणता हे थोडे झाले म्हणून माझ्या देवालाही कंटाळविता काय? म्हणून प्रभू स्वत: तुम्हास चिन्ह देत आहे. पाहा, कुमारी गर्भवती होऊन पुत्र प्रसवेल आणि त्याचे नाव इम्मानुएल, म्हणजे, 'आम्हासह देव', असे ठेवील."

प्रभूचा शब्द 

सर्व : देवाला धन्यवाद.

First Reading :

Isaiah 7:10-14; 8:10

In those days: The LORD spoke to Ahaz, "Ask a sign of the LORD your God; let it be deep as Sheol or high as heaven." But Ahaz said, "I will not ask, and I will not put the LORD to the test." And he said, "Hear then, O house of David! Is it too little for you to weary men, that you weary my God also? Therefore the Lord himself will give you a sign. Behold, the virgin shall conceive and bear a son, and shall call his name Immanuel. Take counsel together, but it will come to nothing speak a word, but it will not stand, for God is with us. 

Thanks be to God 

प्रतिसाद स्तो स्तोत्र ४०:७-११ 

प्रतिसाद :  हे प्रभो, तुझ्या इच्छेप्रमाणे वागण्यास मी तयार आहे.

१. यज्ञ आणि अर्पणे ही तुला हवीशी नसतात, पण ऐकायला तू माझे कान उघडे ठेवले आहेत. होमबली आणि पापबली तुला नकोत. ह्यावरून मी म्हणालो : पाहा, मी तयार आहे !

२. ग्रंथपटात माझ्याविषयी लिहून ठेवले आहे की, तुझ्या इच्छेप्रमाणे मी वागावे. माझ्या देवा, तुझ्या इच्छेप्रमाणे करण्यात मला आनंद वाटतो, तुझे वचन माझ्या अंतर्यामी आहे.

३. हे प्रभो, महासभेत मी तुझ्या नीतिमत्वाचा पुरस्कार केला. मी आपले तोंड बंद ठेवले नाही, हे तुला माहीत आहे.

४. तुझे नीतिमत्व मी माझ्या हृदयात लपवून ठेवले नाही. तुझी विश्वसनीयता व मुक्तीची योजना मी जाहीर केली. तुझी दया आणि तुझे सत्य मी महासभेपासून गुप्त ठेवले नाही.

Psalm 40:7-8a, 8b-9, 10, 11

See, I have come, Lord, to do your will.

You delight not in sacrifice and offerings, 

but in an open ear.

You do not ask for holocaust and victim. 

Then I said, "See, I have come." .

In the scroll of the book it stands written of me: 

"I delight to do your will, O my God; 

your instruction lies deep within me." R 

Your justice I have proclaimed in the great assembly. 

My lips I have not sealed;

you know it, O Lord. R.

Your saving help I have not hidden in my heart; 

of your faithfulness and salvation I have spoken. 

I made no secret of your merciful love 

and your faithfulness to the great assembly. R.

दुसरे वाचन  इब्री  १०:४-१० 

वाचक : इब्री लोकांस पत्र यातून घेतलेले वाचन  

बैलांचे आणि बकऱ्यांचे रक्त पापे दूर करण्यास असमर्थ आहे. म्हणून ख्रिस्त जगात येण्याच्या वेळेस म्हणाला, "यज्ञ आणि अन्नार्पण ह्यांची तुला इच्छा नव्हती, तू माझ्यासाठी शरीर तयार केले. होमांनी आणि पापाबद्दलच्या अर्पणांनी तुला संतोष नव्हता.

ह्यावरून मी म्हणालो, 'पाहा, हे देवा', ग्रंथपटात माझ्याविषयी लिहून ठेवले आहे, "तुझ्या इच्छेप्रमाणे करण्यासाठी मी आलो आहे."

वर उल्लेखिल्याप्रमाणे तो म्हणाला, "यज्ञ, अत्रार्पणे, होम आणि पापाबद्दलची अर्पणे, ह्यांची इच्छा तुला नव्हती आणि त्यात तुला संतोष नव्हता" (ही नियमशास्त्राप्रमाणे अर्पिण्यास येतात ) आणि मग तो म्हणाला, "पाहा, मी तुझ्या इच्छेप्रमाणे करण्यास आलो आहे." ह्यात दुसरे स्थापण्यासाठी तो पहिले नाहीसे करतो. त्या इच्छेने आपण येशू खिस्ताच्या एकदाच झालेल्या देहार्पणाद्वारे पवित्र केलेले आहो.

हा प्रभूचा शब्द आहे 

सर्व : देवाला धन्यवाद.

Hebrews 10:4-10

Brethren: It is impossible for the blood of bulls and goats to take away sins. Consequently, when Christ came into the world, he said, "Sacrifices and offerings you have not desired, but a body have you prepared for me; in burnt offerings and sin offerings you have taken no pleasure. Then I said, 'Behold, I have come to do your will, O God, as it is written of me in the scroll of the book." When he said above, "You have neither desired nor taken pleasure in sacrifices and offerings and burnt offerings and sin offerings" (these are offered according to the law), then he added, "Behold, I have come to do your will." He does away with the first in order to establish the second. And by that will we have been sanctified through the offering of the body of Jesus Christ once for all.

जयघोष  

आलेलुया, आलेलुया!

शब्द देह झाला आणि त्याने आम्हामध्ये वस्ती केली आणि आम्ही त्याचा गौरव पाहिला.

आलेलुया!

Acclamation: 

The word became flesh and dwelt among us;

and we have seen his glory

शुभवर्तमान लूक १:२६-३८

वाचक :संत लूकलिखित  पवित्र शुभवर्तमानातून घेतलेले वाचन

"पाहा, तू गर्भवती होशील आणि तुला पुत्र होईल." ,,

देवाने गालीलातील नाझरेथ नावाच्या गावी एका कुमारीकडे गॅब्रिएल देवदूताला पाठवले. ती दावीदच्या घराण्यातील योसेफ नावाच्या पुरुषाला दिलेली होती आणि त्या कुमारीचे नाव मरिया होते. देवदूत तिच्याकडे येऊन म्हणाला, "हे कृपापूर्ण स्त्रिये, नमस्कार, प्रभू तुझ्याबरोबर असो." ह्या बोलण्याने तिच्या मनात खळबळ उडाली आणि हे अभिवादन काय असेल ह्याचा ती विचार करू लागली. देवदूताने तिला म्हटले, "मरिये, भिऊ नकोस, कारण देवाची कृपा तुझ्यावर झाली आहे. पाहा, तू गर्भवती होशील आणि तुला पुत्र होईल. त्याचे नाव तू येशू असे ठेव. 

तो थोर होईल व त्याला परमेश्वराचा पुत्र म्हणतील. आणि प्रभू देव त्याला त्याचा पूर्वज दावीद ह्याचे राजासन देईल. आणि तो याकोबाच्या घराण्यावर युगानुयुगे करील. व त्याच्या राज्याचा अंत होणार नाही." 

मरियेने देवदूताला म्हटले, "हे कसे होईल ? कारण मला पुरुष ठाऊक नाही." देवदूताने उत्तर दिले,

"पवित्र आत्मा तुझ्यावर येईल.आणि परमेश्वराचे सामर्थ्य तुझ्यावर छाया करील. ह्या कारणाने ज्याचा जन्म होईल त्याला पवित्र, देवाचा पुत्र, असे म्हणतील.

पाहा, तुझ्या नात्यातली अलीशिबा हिलाही म्हातारपणी पुत्रगर्भ राहिला आहे आणि जिला वांझ म्हणत तिला हा सहावा महिना आहे. कारण देवाला काहीच अशक्य होणार नाही." तेव्हा मरिया म्हणाली, "पाहा, मी प्रभूची दासी आहे. आपण सांगितल्याप्रमाणे माझ्याबाबतीत घडो." मग देवदूत तिच्यापासून निघून गेला.

 "प्रभूचे हे शुभवर्तमान 

सर्व : हे ख्रिस्ता  तुझी स्तुती असो.

Gospel Reading:

Luke 1:26-38

At that time: The angel Gabriel was sent from God to a city of Galilee named Nazareth, to a virgin betrothed to a man whose name was Joseph, of the house of David. And the virgin's name was Mary. And he came to her and said, "Hail, full of grace, the Lord is with you!" But she was greatly troubled at the saying, and tried to discern what sort of greeting this might be. And the angel said to her, "Do not be afraid, Mary, for you have found favor with God. And behold, you will conceive in your womb and bear a son, and you shall call his name Jesus. He will be great and will be called the Son of the Most High. And the Lord God will give to him the throne of his father David, and he will reign over the house of Jacob forever, and of his kingdom there will be no end." And Mary said to the angel, "How will this be, since I am a virgin?" And the angel answered her, "The Holy Spirit will come upon you, and the power of the Most High will overshadow you; therefore the child to be born will be called holy-the Son of God. And behold, your relative Elizabeth in her old age has also conceived a son, and this is the sixth month with her who was called barren. For nothing will be impossible with God." And Mary said, "Behold, I am the servant of the Lord; let it be to me according to your word." And the angel departed from her.

  This is the Gospel of the Lord 

Praise the Lord Jesus Christ .

                                                 

चिंतन:परमेश्वराला सहज स्वतःसाठी निवास-स्थान बांधता आले असते. ज्याने विश्वाची, मानवाची उत्पत्ती केली तो स्वतःसाठी निवासस्थान बांधू शकत नव्हता काय? परमेश्वराचे निवासस्थान आपले अंतःकरण- हृदय आहे. परंतु त्यावर झडप घातली आहे ती दुष्ट सैतानाने - मरणाने. मानवाला या सर्वापासून मुक्ती मिळावी, मानवाचे तारण व्हावे, ख्रिस्ताचे अधिराज्य प्रत्येक मानवी हृदयात यावे म्हणून स्वर्गातील पित्याने आपल्या एकुलत्या एका पुत्राला प्रभू येशूला या जगात पाठविण्याची योजना आखली जिला धन्य कुमारी मरियेने निःस्वार्थाने होकार दिला. शब्द देह झाला आणि त्याने आम्हामध्ये वसती केली याचा प्रथम अनुभव पवित्र मरिया आणि संत जोसेफ ह्यांनी घेतला. आपण परमेश्वराच्या इच्छेचे आणि अस्तित्वाचे निवासस्थान होण्यास सतर्क होऊ या.

प्रार्थना :

हे पवित्र मरिये, तुझे अनुकरण करण्यास आम्हाला धैर्य व प्रेरणा दे,आमेन,