सामान्य काळातील २७ वा सप्ताह
गुरुवार ८ ऑक्टोबर २०२६
तर मग स्वर्गीय पित्याजवळ जे मागतात त्यांस तो किती उदारहस्ते पवित्र आत्मा देईल ?"how much more will your Father from heaven give the good Spirit to them that ask him?
संत सर्जिअस आणि बाक्खस
- रक्तसाक्षी (इ.स. ३०३)
सर्जिअस आणि बाक्खस हे सिरिअन युद्धात आघाडीवर लढणारे रोमन सैन्याधिकारी होते. सर्जिअस हा सैन्यात भरती करणारा अधिकारी होता. तर बाक्खस त्याचा सहाय्यक अधिकारी होता. हे दोघे अधिकारी मॅक्सिमिअन राजाचे आवडते. अधिकारी होते. परंतु एके दिवशी राजा ज्युपिटरच्या मंदिरात गेला असताना त्याच्या लक्षात आले की हे दोघे अधिकारी कधीही ज्युपिटरच्या मंदिरात यज्ञबळी अर्पण करण्यासाठी येत नाहीत. तेव्हा त्याने त्या दोघांना यज्ञबळी मध्ये सहभाग घेण्यासाठी जबरदस्ती केली. त्यांच्यावर विविध प्रकारे दडपण आणले परंतु हे दोघे राजाच्या कोणत्याही दडपणाला व आमिषाला बळी पडले नाहीत. उलट त्यांनी मोठ्या धैर्याने ख्रिस्ती विश्वास प्रकट केला.
हे पाहून राजा रागाने लालबुंद झाला. त्याने त्या दोघांच्या अंगावरून अधिकारपदाचे कपडे आणि पदके खेचून काढली. स्त्रियांची वस्त्रे नेसवून रस्त्यावरून त्यांची धिंड काढण्यात आली. परंतु अशा प्रकारच्या अपमानाला आणि धमक्यांना त्यांनी अजिबात भीक घातली नाही. उलट हा अपमान आणि मानहानी त्यांनी आनंदाने सहन केली.
पुढे राजाने त्यांना मेसोपोटेम्या येथील रोसेफा ह्या ठिकाणी नेले. तेथे त्यांना जबर फटके मारण्यात आले. ते फटके इतके विलक्षण यातनादायी होते की संत बाक्खस तेथेच मरण पावला. त्याचे शरीर हायवेवर फेकून देण्यात आले. कुत्र्यांच्या हल्ल्यापासून त्याचे संरक्षण व्हावे म्हणून गिधाडांनी त्याच्या शरीराभोवती (कृपेचे) कोंडाळे केले. सर्जिअसच्या यातना तर शब्दातीत आहेत. अणकुचीदार जाड खिळे असलेल्या वाहणा घालायला लावून त्याला दूरवरचे अंतर चालणे भाग पाडण्यात आले. ते खिळे त्याच्या तळपायातून आरपार गेले. रक्तबंबाळ अवस्थेत तो काही अंतर चालला नंतर त्याचा शिरच्छेद करण्यात आला.
इ. स. ४३१ मध्ये हायरापॉलिसचे महापौर अलेक्झांडर ह्यांनी संत सर्जिअसच्या
थडग्यात बांधलेल्या मंदिराचे नूतनीकरण केले आणि ते मंदिर त्या संताला अर्पण केले. सहाव्या शतकाच्या मध्यंतरी ह्या मंदिराच्या सर्व भिंती चांदीने मढविण्यात आल्या. पूर्वेकडील देशात रोसेफाचे हे चर्च त्या काळात सुप्रसिद्ध गणले जात होते. विझन्टाईन सैन्यासाठी सर्जिअस व बाक्खस हे संत स्वर्गीय आदर्श आणि संरक्षक दूत बनले. पूर्वेकडील देशाला यापूर्वी थिओडोर डेमेट्रीयस, प्रोको पायस आणि जॉर्जसारखे आदर्श होतेच. त्यात आता या दोहोंची भर पडली.
✝️
प्रभू येशू आज आपल्याला शोधण्यास सांगत आहे. आपण काय शोधावे ? आपण प्रथमतः आपल्या अस्तित्वाचा शोध घ्यावा नंतर निर्माणकर्त्या परमेश्वराचा | शोध घ्यावा. आत्मपरिक्षण करुन स्वतःच्या जीवनातील चांगल्या आणि वाईट वर्तनाचा व घटनांचा शोध घ्यावा. शोधायला सुरुवात केली तर ज्या चांगल्याचा आपण शोध करतो ते सापडतेच. जिद्धीने आपण चांगुलपणाचा शोध घेण्यासाठी प्रेरणा मागू या. ह्या सर्व गोष्टींसाठी देवाच्या दरवाज्यावर सतत ठोठावत राहिले ॥ पाहिजे तरच आपल्या सर्वांसाठी तो दरवाजा उघडणार आहे. आपण काय मागावे, कशाचा शोध घ्यावा आणि नेमके कसे व कुठे ठोठावत राहावे ह्यावर चिंतन करु या.
पहिले वाचन : गलतीकरांस पत्र ३:१-५
वाचन :पौलचे गलतीकरांस पत्र यातून घेतलेले वाचन
"तुम्हाला नियमशास्त्रातील कृत्यांनी आत्मा मिळाला, की, विश्वासपूर्वक श्रवणाने मिळाला ?"
अहो बुद्धिहीन गलतीकरांनो, क्रुसावर खिळलेला येशू ख्रिस्त ज्यांच्या डोळ्यापुढे वर्णन करून ठेवला होता, त्या तुम्हांला कोणी भुरळ घातली आहे ? तुम्हांला नियमशास्त्रातील कृत्यांनी आत्मा मिळाला, की विश्वासपूर्वक श्रवणाने मिळाला, इतकेच मला तुम्हांपासून समजून घ्यावयाचे आहे. तुम्ही इतके बुद्धिहीन आहा काय ? तुम्ही आत्म्याने प्रारंभ केल्यावर
आता देहस्वभावाने पूर्णत्व मिळून पाहत आहा का ? तुम्ही इतकी दुःखे सोसली हे व्यर्थ झाले का ? ह्याला व्यर्थ कसे म्हणावे? जो तुम्हांला पवित्र आत्मा पुरवतो आणि तुम्हांमध्ये चमत्कार घडवून आणतो, तो नियमशास्त्रातील कृत्यांनी करतो की विश्वासपूर्वक श्रवणाने ?
प्रभूचा शब्द.
सर्व : देवाला धन्यवाद.
First Reading :Galatians 3: 1-5
O senseless Galatians, who hath bewitched you that you should not obey the truth, before whose eyes Jesus Christ hath been set forth, crucified among you? This only would I learn of you: Did you receive the Spirit by the works of the law, or by the hearing of faith? Are you so foolish, that, whereas you began in the Spirit, you would now be made perfect by the flesh? Have you suffered so great things in vain? If it be yet in vain. He therefore who giveth to you the Spirit, and worketh miracles among you; doth he do it by the works of the law, or by the hearing of the faith?
This is the word of God
Thanks be to God
प्रतिसाद स्तोत्र : लूक १:६९-७०, ७१-७२, ७३-७५
प्रतिसाद : इस्राएलचा देव प्रभू धन्यवादित असो,
१) देवाने आपल्यासाठी आपला सेवक दावीद
ह्याच्या घराण्यात बलवान उद्धारक
प्रस्थापित केला आहे.
हे त्याने युगाच्या प्रारंभापासून आपल्या
पवित्र संदेष्ट्यांच्या मुखाद्वारे सांगितले होते.
२) आपल्या शत्रूंच्या आणि आपला द्वेष
करणाऱ्या सर्वाच्या हातून सुटका करावी.
अशासाठी की, आपल्या पूर्वजांवर
त्याने दया करावी आणि त्याने आपला पवित्र करार स्मरावा.
३) जी शपथ आपला पूर्वज आब्राहाम
ह्याच्याशी त्याने वाहिली, ती स्मरावी.
ती अशी की, तुम्ही आपल्या शत्रूंच्या हातून
सुटून माझ्यासमोर पवित्रतेने आणि
नीतीने आयुष्यभर माझी सेवा
निर्भयपणे कराल, असे मी करीन
Psalms Luke 1: 69, 70-71, 72, 73-75
R. (68) Blessed be the Lord, the God of Israel; he has come to his people.
And hath raised up an horn of salvation to us,
in the house of David his servant:
R. Blessed be the Lord, the God of Israel; he has come to his people.
As he spoke by the mouth of his holy prophets,
who are from the beginning:
Salvation from our enemies,
and from the hand of all that hate us.
R. Blessed be the Lord, the God of Israel; he has come to his people.
To perform mercy to our fathers,
and to remember his holy testament,
R. Blessed be the Lord, the God of Israel; he has come to his people.
The oath, which he swore to Abraham our father,
he would grant to us,
That being delivered from the hand of our enemies,
we may serve him without fear,
In holiness and justice before him, all our days.
R. Blessed be the Lord, the God of Israel; he has come to his people.
जयघोष
आलेलुया, आलेलुया!
हे परमेश्वरा, तुझ्या इच्छेप्रमाणे वागण्यास माझे अंत:करण वळव.
आणि तुझे नियमशास्त्र मला शिकव.
आलेलुया!
Acclamation:
R. Alleluia, alleluia.
Open our hearts, O Lord, to listen to the words of your Son.
R. Alleluia, alleluia.
शुभवर्तमान लूक ११:५-१३
वाचक : लूकलिखित पवित्र शुभवर्तमानातून घेतलेले वाचन
"मागा म्हणजे तुम्हांस दिले जाईल."
येशूने आपल्या शिष्यांना म्हटले, “तुमच्यामधला कोणी एक आपल्या मित्राकडे मध्यरात्री जाऊन त्याला म्हणतो, 'मित्रा, मला तीन भाकरी उसन्या दे, कारण माझा एक मित्र प्रवासाहून माझ्याकडे आला आहे आणि त्याला वाढायला माझ्याजवळ काही नाही.' पण मित्र आतून उत्तर देईल, 'मला त्रास देऊ नकोस, आता दार लावले आहे आणि माझी मुले माझ्याजवळ झोपली आहेत, मी उठून तुला देऊ शकत नाही.' मी तुम्हांला सांगतो, "तो त्याचा मित्र आहे ह्यामुळे जरी तो उठून त्याला देणार नाही तरी त्याच्या आग्रहामुळे त्याला पाहिजे तितक्या भाकरी तो उठून त्याला देईल." मी तुम्हांला सांगतो, मागा म्हणजे तुम्हांला दिले जाईल, शोधा म्हणजे तुम्हांला सापडेल, ठोका म्हणजे तुम्हांसाठी उघडले जाते. कारण जो कोणी मागतो त्याला मिळते, जो कोणी शोधतो त्याला सापडते जो कोणी ठोकतो त्याच्यासाठी उघडले जाईल. तुमच्यामध्ये असा कोण बाप आहे की जो, आपल्या मुलाने मासा मागितला असता त्याला मासा न देता साप देईल? किंवा अंडे मागितले असता त्याला विंचू देईल? तुम्ही वाईट असताही तुम्हांला आपल्या मुलांना चांगल्या देणग्या द्यावयाचे कळते, तर मग स्वर्गीय पित्याजवळ जे मागतात त्यांस तो किती उदारहस्ते पवित्र आत्मा देईल ?
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading : Luke 11: 5-13
And he said to them: Which of you shall have a friend, and shall go to him at midnight, and shall say to him: Friend, lend me three loaves, Because a friend of mine is come off his journey to me, and I have not what to set before him. And he from within should answer, and say: Trouble me not, the door is now shut, and my children are with me in bed; I cannot rise and give thee. Yet if he shall continue knocking, I say to you, although he will not rise and give him, because he is his friend; yet, because of his importunity, he will rise, and give him as many as he needeth. And I say to you, Ask, and it shall be given you: seek, and you shall find: knock, and it shall be opened to you. For every one that asketh, receiveth; and he that seeketh, findeth; and to him that knocketh, it shall be opened. And which of you, if he ask his father bread, will he give him a stone? or a fish, will he for a fish give him a serpent? Or if he shall ask an egg, will he reach him a scorpion? If you then, being evil, know how to give good gifts to your children, how much more will your Father from heaven give the good Spirit to them that ask him?
This is the Gospel of the Lord
Praise the Lord Jesus Christ .
चिंतन:
मागा म्हणजे तुम्हांस मिळेलस शोधा म्हणजे तुम्हांस सापडेल, ठोका म्हणजे तुम्हांसाठी उघडले जाईल. कारण जो कोणी विश्वासाने मागतो प्रभू त्याला देणार. जो श्रद्धेने शोध करतो, भगवंत त्याला प्रसन्न होणार. आणि आत्मिक आवाजाने जो ठोठावणार त्यांच्यासाठी उघडले जाईल. तो दरवाजा स्वर्गाचा आहे. त्यामुळे पामराचा प्रवास आत्मिक असणे गरजेचे आहे. त्यासाठी तीन मुख्य मुद्दे : १) अंतःकरणातून सादर केलेली विश्वासपूर्ण प्रार्थना परमेश्वर ऐकत असतो. २) परमेश्वर मागणाऱ्या प्रत्येक पामराला उत्तम गोष्टी देतो. तो दयाळू व काळजी वाहणारा पिता आहे. ३) मानवी जीवनातील विश्वासपूर्ण कार्यात प्रभू आपणांस आत्म्याचे दान प्रदान करतो. म्हणून पामराचा ओढा सतत भगवंताकडे लागलेला असला पाहिजे.
प्रार्थना : हे प्रभू येशू, तुझ्या पवित्र आत्म्याला आम्हामध्ये पाठव, आणि तुला अनुसरण्यास योग्य ती कृपा दे, आमेन