(St. Luke)18th October

सामान्य काळातील

एकोणतिसावा रविवार

मिशन रविवार

१८ ऑक्टोबर २0२0

"कैसराचे ते कैसरला आणि जे देवाचे ते देवाला भरा."

संत लूक ह्यांचा सण(शुभवर्तमानकार)

"संत लूक हा वैद्य, कलाकार , मटण  विकणारे, काचेचा  व्यवसाय करणारे आणि लिपीक ह्यांचा आश्रयदाता संत मानला जातो."

पहिले वाचन : यशया ४५: १, ४- ६

वाचक : यशया या पुस्तकातून घेतलेले वाचन.

परमेश्‍वर म्हणतो, कोरेश माझा अभिषिक्त आहे, त्याच्यापुढे राष्ट्रे पादाकांत करण्यासाठी मी त्याचा उजवा हात धरला आहे . राजांस आपल्या कमरा सोडावयास मी लावतो . त्याच्यापुढे दरवाजे उघडतील, वेशी बंद राहणार नाहीत, असे मी करतो . “माझा सेवक याकोब, माझा निवडलेला इसरायल ह्याच्यामुळे मी तुझे नाव घेऊन हाक मारली, तू मना ओळखत नव्हतास तरी मी तुला उपनाव दिले . मीच परमेश्वर, अन्य कोणी नव्हे, माझ्याशिवाय कोणी दुसरा देव नाही . तू मला ओळखत नव्हतास तरी मी तुला सज्ज केले . उगवतीपासून मावळतीपर्यंत माझ्याशिवाय दुसरा देव नाही . मीच परमेश्‍वर आहे, अन्य कोणी नव्हे .” हे सर्वांना कळेल .

हा प्रभूचा शब्द आहे .

सर्व : देवाला धन्यवाद .

स्तोत्र ९६:१,३-५,७-१०

प्रतिसाद : परमेश्‍वराचा गौरव करा आणि त्याचे सामर्थ्य वाखाणा .

१)परमेश्‍वराचे गुणगान नवे गीत गाऊन करा,

हे सर्व पृथ्वी परमेश्‍वराचे गुणगान कर .

राष्ट्रांमध्ये त्याचा गोरव,

सर्व लोकांमध्ये त्याची अदभुत कृत्ये जाहीर करा .. 

 

२)परमेश्‍वर थोर आणि परमस्तुत्य आहे,

सर्व देवांहून त्याचेच भय धरणे योग्य आहे .  

कारण राष्ट्रांचे सर्व देव केवळ मूर्ती आहेत .

परमेश्‍वर तर आकाशाचा निर्माणकर्ता आहे .

३)अहो मानवकुलांनो, परमेश्‍वराचा गौरव करा,

परमेश्‍वराचा गौरव करा आणि त्याचे सामर्थ्य वाखाणा,

परमेश्वराच्या नावाची थोरवी गा .

अर्पण घेऊन त्याच्या अंगणात या .

४)पवित्रतेच्या शोभेने परमेश्वराची उपासना करा .

हे सर्व पृथ्वी, त्याच्यापुढे कंपायमान हो .

राष्ट्रांमधील लोकांना जाहीर करा की

परमेश्‍वर राज्य करतो .

तो सरळपणे लोकांचा न्याय करील .

दुसरे वाचन : थेस्सलनीकाकरांस पत्र १ : १ - ५

वाचक : पौलचे थेस्सलनीकाकरांस पहिले पत्र यातून घेतलेले वाचन.

”देवपित्याच्या ठायी आणि प्रभू येशू ख्रिस्ताच्या ठायी असलेली थेस्सलोनीकाकरांची मंडळी हिला पौल, सिल्वान आणि तिमथी ह्यांच्याकडून तुम्हास कृपा आणि शांती असो .आम्ही आपल्या प्रार्थनामध्ये तुमची आठवण करत सर्वदा तुम्हा सर्वाविषयी देवाची उपकारस्तुती करतो .आपल्या देवपित्यासमोर तुम्ही विश्‍वासाने केलेले काम, प्रीतीने केलेले श्रम आणि आपल्या प्रभू येशू ख्रिस्तावरील आशेमुळे धरलेला धीर ह्यांचे आम्ही निरंतर स्मरण करतो. देवाच्या प्रीतीतील बंधूनो, तुमची झालेली निवड आम्हांस ठाऊक आहेच . कारण आमची सुवार्ता केवळ शब्दाने नव्हे तर सामर्थ्याने, पवित्र आत्म्याने आणि पूर्ण निर्धाराने तुम्हाला कळवण्यात आली ..

हा प्रभूचा शब्द आहे .

सर्व : देवाला धन्यवाद.

जयगोष                                                                         

आलेलूया,आलेलूया !

प्रभू म्हणतो, मीच जगाचा प्रकाश आहे, 

जो मला अनुसरतो

त्याच्याजवळ जीवनाचा प्रकाश राहील .

आलेलूया !

शुभवर्तमान 

मत्तय २२: १५ - २१

वाचक : मत्तयलिखित शुभवर्तमानातून घेतलेले वाचन .

सर्व : हे प्रभो, तुझा गौरव असो .

येशूला बोलण्यात कसे पकडावे ह्यासंबंधाने परूश्यांनी मसलत केली . त्यांनी आपल्या शिष्यांस हेरोद्यांसह त्याच्याकडे पाठवून म्हटले, “गुरूजी, आम्हास ठाऊक आहे की, आपण खरे आहात, परमेश्वराचा मार्ग खरेपणाने शिकवता आणि कोणाची भीड धरत नाही . आपण तोंड पाहून बोलत नाही . आता आपल्याला काय वाटते हे आम्हास सांगा . कैसराला कर देणे योग्य आहे की नाही?” पण येशू त्यांचा कावा ओळखून म्हणाला, “अहो ढोंग्यांनो, माझी परीक्षा कशाला पाहता? कराचे नाणे मला दाखवा.” तेव्हा त्यांनी त्याच्याजवळ एक नाणे दिले . येशूने त्यांस म्हटले, हा मुखवटा आणि हा लेख कोणाचा? ते म्हणाले, “कैसराचा.” तेव्हा त्याने त्यांस म्हटले, “तर मग कैसराचे ते कैसराला आणि देवाचे ते देवाला द्या.”

प्रभूचे हे शुभवर्तमान... 

चिंतन :

तुम्ही एकाच वेळी दोन धन्याची चाकरी करू शकत नाही (मत्तय ६ :२४). कारण असे केल्याने आपली देवावरील श्रद्धा, निष्ठा आणि प्रेम हे कमी जास्त होऊ शकते . कदाचित आपल्या आयुष्यात आपण देवाला दुसरे स्थान देऊ . आजच्या शुभवर्तमानात आपण बघतो की येशूला नामोहरण करण्याच्या हेतूने पळशी आणि हेरोदी त्याची परीक्षा घेण्यासाठी एकत्र येतात. कैसराला कर देणे योग्य की अयोग्य? ह्या त्यांच्या प्रश्‍नातील दुष्टपणा येशू लगेच ओळखतो . कैसराला कर देणे योग्य असे म्हणणे म्हणजे पित्याशी एकनिष्ठ न राहण्यासारखे व सामान्य जनतेला दुखवण्यासारखे होते आणि अयोग्य म्हणणे म्हणजे रोमी अधिका-याविरूद्ध जाण्यासारखे होते. म्हणून येशू म्हणतो कैसराचे ते कैसराला आणि देवाचे ते देवाला द्या. आजच्या पहिल्या वाचनात यशया संदेष्टा आपणास सांगतो की, आपल्या परमेश्‍वराशिवाय दुसरा कोणी देव नाही . तुम्ही आपल्याच देवाची पूजा करा. निर्गम २०: १-५ मध्येदेखील आपला परमेश्‍वर जो जिवंत देव आहे त्याचीच आपण उपासना करावी असे सांगितले आहे. इतर कुठलीही कोरीव मूर्ती किंवा प्रतिमा ह्यांची आपण उपासना करू नये. पण इसरायली लोक देवापासून दूर गेले. पापांच्या विळख्यात सापडले. त्यांच्या अशा या वागण्यामुळे त्यांना रोमी शासनाच्या दबावाखली राहावे लागले .

प्रार्थना - हे प्रभू येशू नम्रतेने तुझ्यासमोर शरण येण्यास व सर्व गुणांनीशी तुझी सेवा करण्यास आम्हाला प्रेरणा दे,आमेन