तिसावा सप्ताह
संत सायमन व ज्यूड ह्यांचा सण (प्रेषित )
बुधवार
२८ ऑक्टोबर २०२०
"तुम्ही पवित्र जनांच्या बरोबरीचे आणि देवाच्या घरचे आहात"
"संकट समयी, दुःखात, अशक्तपणा अनेक प्रकारचा त्याग व प्रसंगी मरण सहन केले असताना सुद्धा संत गणाद्वारे ख्रिस्ताचे राज्य प्रगतीपथावर राहिले, अशा सर्व स्थितीत आपण आपला सहभाग देऊन संतांचे कार्य चालू ठेवायचे आहे"
पहिले वाचन : इफिस २:१९-२२
वाचक : पौलाचे इफिसकरांस पत्र यातून घेतलेले वाचन.
तुम्ही आतापासून परके आणि उपरे नाही, पण पवित्र जनांच्या बरोबरीचे नागरिक आणि देवाच्या घरचे आहात, प्रेषित आणि संदेष्टे ह्या पायावर तुम्ही रचलेले आहात. स्वत:ख्रिस्त येशू मुख्य कोनशिला आहे, त्याच्यामध्ये सबंध इमारत जोडून रचली असता प्रभूच्या ठायी वाढत वाढत पवित्र मंदिर होते, प्रभूच्या ठायी तुम्हीही आत्म्याच्याद्वारे देवाच्या वस्तीसाठी एकत्र रचले जात आहात .
हा प्रभूचा शब्द आहे.
सर्व : देवाला धन्यवाद.
स्तोत्र १९:२-५
प्रतिसाद : त्यांचा स्वर पृथ्वी वापतो.
१)आकाश देवाचा महिमा वर्णिते,
अंतरिक्ष त्याची हस्तकृती दर्शविते .
दिवस दिवसाशी संवाद करतो,
रात्र रात्रीला ज्ञान प्रकट करते.
२)वाचा नाही, शब्द नाही,
त्यांची वाणी ऐकू येत नाही
तरी त्यांचा स्वर सर्व पृथ्वी व्यापतो,
त्यांचे शब्द दिगंतरी पोहोचतात .
३)शय्यागृहातून वरा सारखा तो बाहेर पडतो,
तो वीर पुरुषाप्रमाणे आपल्या मार्गाने धावण्यात आनंद पावतो.
जयगोष
आलेलूया,आलेलूया !
हे देवा, आम्ही तुझी स्तुती करतो .
तू प्रभू आहेस हे आम्ही मान्य करतो .
हे प्रभो, प्रेषितांच्या गौरवमय सहवासावद्दल
आम्ही तुझी स्तुती करतो .
आलेलूया !
शुभवर्तमान
लूक ६: १२ - १६
वाचक :लूकलिखित शुभवर्तमानातून घेतलेले वाचन .
येशू प्रार्थना करण्यास डोंगरावर गेला आणि रात्रभर देवाची प्रार्थना करत राहिला. मग दिवस उगवल्यावर त्याने आपल्या शिष्यांस बोलावले आणि त्यातून पुढील बारा जणांस निवडून त्यांस प्रेषित असे नावही दिले : शिमोन, ह्माला त्याने पेत्र हेही नाव दिले आणि त्याचा भाऊ आंद्रेया, याकोब, योहान, फिलीप, बार्थोलोम्यू, मत्तय, थॉमस, अल्फीचा मुलगा याकोब, जिलोत म्हटलेला शिमोन, याकोबचा मुलगा यहुदा आणि जो पुढे विश्वासघातकी निघाला तो यहुदा इस्कर्योत.
0 टिप्पण्या