सामान्यकाळातील २६वा सप्ताह
सोमवार २ ऑक्टोबर २०२३
मी तुम्हाला सांगतो, स्वर्गात त्यांचे दिव्यदूत माझ्या स्वर्गातील पित्याचे मुख नित्य पाहतात. "
"Whoever receives one such child in my name receives me.
✝️
रक्षक दूतांचा सण
देवाने प्रथम देवदूतांची निर्मिती केली असे पवित्र ख्रिस्तसभा आपल्याला शिकविते. देवाने माणसाला दिलेल्या नैसर्गिक देणगीपेक्षा महान अशी आध्यात्मिक वरदाने त्याने देवदूतांना दिलेली आहेत.
संत अगस्तीन म्हणतात, "देवदूत आपल्यासारख्या पतित यात्रेकरूवर लक्ष ठेवतात आणि देवाच्या आज्ञेनुसार आपल्या सहाय्याला धावून येतात. आपण कुठेही असलो तरी ते सतत आपल्याबरोबर असतात.”
बायबल पंडित संत जेरोम ह्यांनी म्हटले आहे, “मानवी आत्म्याची प्रतिष्ठा देवाच्या नजरेत इतकी महान आहे की, प्रत्येक आत्म्याचे रक्षण करण्यासाठी देवाने आपणा प्रत्येकाला एक रक्षक दूत दिलेला आहे."
संत वर्नर्ड ह्यांनी तर ख्रिस्ती लोकांना आव्हान केलेले आहे, "देवदूतांना आपले मित्र माना. त्यांच्याशी मैत्री करा. आपण कितीही दुर्बळ असो, कितीही दुःखी असो, आपल्यावर कितीही संकटे आलेली असोत, आपण भिऊन जाण्याचे अजिबात कारण नाही, कारण आपले रक्षण करण्यासाठी देवाने त्याचे दिव्यदूत नेमलेले आहेत."
आपले रक्षकदूत सर्व प्रकारच्या अनिष्टांपासून धोक्यापासून आपल्या शरीराचे आणि आत्म्याचे रक्षण करतात. मोहासमयी सैतानाच्या शक्तीपासून ते आपला बचाव करतात. विशेषत: मरणाच्या वेळी ते आपल्याला आधार देतात. आपल्या प्रेषितकार्यात ते आपल्या मनात पवित्र विचार निर्माण करतात. आध्यात्मिक जीवनातील प्रार्थना देवाच्या स्वर्गराज्यात घेऊन जातात.
अनेक संतांना रक्षक दूतांचे दर्शन झालेले आहे. रोम शहरात फ्रान्सिस्का नावाची संत राहात होती. ती म्हणते, “रक्षक दूताठायी वैभव आणि माधुर्य यांचा संगम झालेला मला आढळला. त्याच्या नजरेत चमक होती आणि (नितळ) शुद्धता ओतप्रोत भरलेली होती. त्याच्या नजरेत माणसाच्या आत्म्यात देवाविषयी भक्ती प्रज्वलित करण्याची शक्ती होती."
चिंतन: "आपल्या रक्षक दूतांचा आदर ठेवा. त्यांनी दिलेल्या संरक्षणाबद्दल त्यांचे आभार माना. त्यांच्यावर आपली भिस्त ठेवा, त्यांच्यावर मनापासून प्रेम. सर्व प्रकारच्या समस्यांच्या, धोक्याच्या आणि मोहाच्या वेळी त्याच्याकडे संरक्षणाची याचना करा." संत बर्नर्ड.
प्रार्थना हे माझ्या रक्षक दूता, देवाने मला तुझ्या स्वाधीन केले आहे. माझे रक्षण कर, मला प्रकाश दाखव आणि सुमार्गाने चालवून मला स्वर्गाकडे ने. आमेन.
बायबल वाचन: स्तोत्र ९१:१०-१२
तुझ्या सर्व मार्गात तुझे रक्षण करण्याची तुझ्याविषयी तो आपल्या दिव्यदूतांना आज्ञा देईल. तुझ्या पायांना धोंड्याची ठेच लागू नये म्हणून ते तुला आपल्या हातांवर झेलून धरतील.
✝️
पहिले वाचन :निर्गम २३:२०-२३
वाचक :निर्गम ह्या पुस्तकातून घेतलेले वचन
"माझा दूत तुझ्यापुढे चालतो."
प्रभू म्हणतो, "पाहा, वाटेने तुला सांभाळण्याकरिता आणि मी तयार केलेल्या स्थानात तुला पोहोचविण्याकरिता मी एक दूत तुझ्यापुढे पाठवत आहे. त्याच्यासमोर सावधगिरीने राहा आणि त्याचे म्हणणे ऐक, त्याची अवज्ञा करू नकोस, कारण तो तुमचा अपराध क्षमा करणार नाही, कारण त्याच्याठायी माझे नाव आहे.
“तथापि तू त्याचे म्हणणे लक्षपूर्वक ऐकशील आणि मी सांगतो ते सगळे करशील तर मी तुझ्या शत्रूंचा शत्रू होईन आणि तुझ्या विरोध्यांचा विरोधी होईन.
"जेव्हा माझा दूत तुझ्यापुढे चालून अमोरी, हित्ती, परिज्जी, कनानी, हिव्वी आणि यबूसी ह्या लोकांकडे तुला नेईल तेव्हा मी त्यांचा संहार करीन.'
प्रभूचा शब्द.
सर्व : देवाला धन्यवाद.
First Reading :Exodus 23:20-23
Thus says the Lord: "Behold, I send an angel before you, to guard you on the way and to bring you to the place that have prepared. Pay careful attention to him and obey his voice, do not rebel against him, for he will not pardon your transgression; for my name is in him. "But if you carefully obey his voice and do all that I say, then will be an enemy to your enemies and an adversary to your adversaries "When my angel goes before you and brings you to the Amorites and the Hittites, and the Perizzites and the Canaanites, the Hivites and the Jebusites, and blot them out."
This is the word of God
Thanks be to God
प्रतिसाद स्तोत्र ९१:१-६,१०-११
प्रतिसाद : तुझ्या सर्व मार्गात तुझे रक्षण करण्याची तुझ्याविषयी तो आपल्या दिव्यदूतांना आज्ञा देईल.
१) जो परात्पराच्या आश्रयी वसतो,
तो सर्वसमर्थाच्या सावलीत राहील.
तो परमेश्वराला म्हणतो,
“तू माझा आश्रय, माझा दुर्ग,तू माझा देव,
तुझ्यावर मी भाव ठेवतो.
२) कारण तो पारध्याच्या पाशातून,
घातक मरीपासून तुझा बचाव करील.
तो तुझ्यावर पाखर घालील,
त्याच्या पंखांखाली तुला आश्रय मिळेल.
३) रात्रीच्या समयीचे भय,
दिवसा सुटणारा बाण,
काळोखात फिरणारी मरी,
भर दुपारी नाश करणारी पटकी,
ह्यांची तुला भीती वाटणार नाही.
४) कोणतेही अरिष्ट तुझ्यावर येणार नाही,
कोणतीही व्याधी तुझ्या तंबूजवळ येणार नाही.
कारण तुझ्या सर्व मार्गात तुझे रक्षण करण्याची
तुझ्याविषयी तो आपल्या दिव्यदूतांना आज्ञा देईल.
Psalm 91:1-2, 3-4, 5-6, 10-11
For you has he commanded his angels, to keep you in all your ways.
He who dwells in the shelter of the Most High,
and abides in the shade of the Almighty,
says to the Lord, "My refuge,
my stronghold, my God in whom I trust!" R
He will free you from the snare of the fowler,
from the destructive plague;
he will conceal you with his pinions,
and under his wings you will find refuge.
His faithfulness is buckler and shield. R
You will not fear the terror of the night,
nor the arrow that flies by day
nor the plague that prowls in the darkness,
nor the scourge that lays waste at noon.R
Upon you no evil shall fall,
no plague approach your tent.
For you has he commanded his angels
to keep you in all your ways. R
जयघोष
आलेलुया, आलेलुया!
प्रभूची इच्छा पूर्ण करणाऱ्या त्याच्या सर्व सेवकसैन्यांनो,
प्रभूला धन्यवाद द्या
आलेलुया!
Acclamation:
Bless the Lord, all his hosts his servants, who do his will
.
शुभवर्तमान मत्तय १८:१- ५,१०
वाचक : मत्तय लिखित पवित्र शुभवर्तमानातून घेतलेले वाचन
"स्वर्गात त्यांचे दिव्यदूत माझ्या स्वर्गातील पित्याचे मुख नित्य पाहतात. "
शिष्य येशूकडे येऊन म्हणाले, "स्वर्गाच्या राज्यात सर्वात मोठा कोण ?” तेव्हा त्याने एका बाळकाला बोलावून त्याला त्यांच्यामध्ये उभे केले आणि म्हटले, "मी तुम्हांला खचित सांगतो, तुमचा पालट होऊन तुम्ही बाळकांसारखे झाल्याशिवाय स्वर्गाच्या राज्यात तुमचा प्रवेश होणारच नाही. म्हणून जो कोणी स्वतःला ह्या बाळकासारखे नम्र करतो तो स्वर्गाच्या राज्यात सर्वात मोठा होय.“जो कोणी माझ्या नावाने अशा एखाद्या बाळकाला जवळ करतो तो मला जवळ करतो."सांभाळा, ह्या लहानातील एकालाही तुच्छ मानू नका,कारण मी तुम्हाला सांगतो, स्वर्गात त्यांचे दिव्यदूत माझ्या स्वर्गातील पित्याचे मुख नित्य पाहतात. "
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading : Matthew 18:1-5, 10
At that time the disciples came to Jesus, saying, "Who is the greatest in the kingdom of heaven?" And calling to him a child, he put him in the midst of them and said, "Truly, I say to you, unless you turn and become like children, you will never enter the kingdom of heaven. Whoever humbles himself like this child, is the greatest in the kingdom of heaven. "Whoever receives one such child in my name receives me. See that you do not despise one of these little ones. For I tell you that in heaven their angels always see the face of my Father who is in heaven."
This is the Gospel of the Lord
Praise the Lord Jesus Christ .
चिंतन:
"स्वर्गाच्या राज्यात मोठा कोण?" शिष्याच्या ह्या प्रश्नाला उत्तर देताना, येशू त्यांचे लक्ष लहान बालकाकडे वेधून घेतो. बालकांच्या उदाहरणाद्वारे येशू स्वर्गराज्यात कोणाला स्थान आहे हे त्याना पटवून देतो. बालक जे निरागस असते, निष्पाप असते, ज्याच्याकडे अधिकार नाही, सत्ता नाही, जे स्वतः निर्णय घेवू शकत नाही. आई-वडील नेतील त्या मार्गाने ती जातात व आपल्या सर्व गरजांसाठी, आई-वडीलांवर अवलंबून असतात. जे यशासाठी, संपत्तीसाठी, नाव-लौकिक मिळवण्यासाठी झटत नाही. ती सदैव आनंदी असतात. जीवनातील सर्व घडामोडीमध्ये ते एकटे नसून आई-वडील त्याच्याबरोबर असतात. येशू आपला प्रभू देखील, आपल्या दुःखा प्रसंगी पित्यावर अवलंबून होता. जगाच्या तारणासाठी, क्रुसाला सामोरे जाण्याची त्याच्या पित्याची इच्छा त्याने पित्यावरील विश्वासादाखल मान्य केली. आज प्रभू आपल्याला तेच सांगत आहे. तुमचा स्वर्गीय पित्यावरील विश्वास वाढावा म्हणून प्रार्थना करा. तुमच्या सर्व गरजांसाठी पित्यावर अवलंबून रहा. तुम्ही जीवनात कधीच एकाकी नसणार, तर पिता आयुष्यभर तुमच्या बरोबर असेल.
प्रार्थना : हे माझ्या संरक्षकदूता, सर्व प्रकारच्या संकटांपासून, अनिष्टापासून आणि जागतिक मोहापासून माझे संरक्षण कर. मला देवाच्या सानिध्यात
पोहोचव, आमेन.
सिनडसाठी प्रार्थना
हे पवित्र आत्म्या, तुझ्या नावाने एकत्र येऊन
आम्ही तुझ्यासमोर उभे राहतो.
तू आमचा एकमेव मार्गदर्शक आहेस,
आमच्या हृदयात तू वस्ती कर;
आम्ही पुढे कसे जावे याबद्दल आम्हांला मार्गदर्शन कर
आणि त्या मार्गाशी आम्हांला एकनिष्ठ ठेव.
आम्ही दुर्बळ आणि पापी आहोत;
अस्थिरतेपासून आम्हाला दूर ठेव;
अज्ञानाने आमचा मार्ग भ्रष्ट होऊ देऊ नकोस,
पक्षपाताचा आमच्या कृतीवर प्रभाव पडू देऊ नकोस.
हे पवित्र आत्म्या,
तुझ्यामध्ये आम्हाला आमचे ऐक्य पाहू देः
म्हणजे आम्ही शाश्वत जीवनाकडे एकत्र वाटचाल करू
आणि सत्याच्या व योग्यतेच्या मार्गापासूनआम्ही भरकटणार नाही.
पिता आणि पुत्र ह्यांच्या ऐक्यात
तू सर्वत्र आणि सर्वकाळ कार्य करतोस
त्या तुझ्याकडे हे सर्व आम्ही मागतो, आमेन !
✝️
