सामान्य काळातील एकविसावा सप्ताह -
मंगळवार २७ ऑगस्ट २०२४
अरे आंधळ्या परुशा, पहिल्याने वाटी आतून साफ कर म्हणजे ती बाहेरूनही साफ होईल."You blind Pharisee! First clean the inside of the cup and the plate, that the outside also may be clean."
संत मोनिका
-विधवा (३३१-३८७)
जन्माने ख्रिस्ती असलेल्या मोनिका हिचे लग्न वयाच्या २० व्या वर्षी उत्तर आफ्रिकेतील तागास्ते शहरातील पॅट्रिशिअस नामक श्रीमंत (परंतु मूर्तीपूजक) अधिकाऱ्याशी झाले. हा अधिकारी मोनिकापेक्षा वयाने खूप मोठा होता, त्यांना तीन मुले झाली.
तिचे पती परधर्मीय असल्यामुळे आणि अत्यंत तापट स्वभावाचे असल्याने मोनिकाला खूप मनस्ताप सहन करावा लागला. त्याने मुलांना ख्रिस्ती शिक्षण देणे खूप जिकिरीचे केले. परंतु मोनिकाच्या प्रार्थनेचे सामर्थ्य इतके विलक्षण होते की तब्बल अठरा वर्षांच्या वैवाहिक जीवनातील कसोटीच्या काळानंतर अखेर पॅट्रिशिअस हा अधिकारी विश्वाचा सम्राट प्रभू येशू ख्रिस्त ह्याला शरण आला. त्याने ख्रिस्ती धर्म स्वीकारला. परंतु लवकरच मृत्यूने त्याला मोनिकाच्या जीवनातून हिरावून नेले. एका डोळ्यात पतीनिधनाचे दुःख, तर दुसऱ्या डोळ्यात त्याने ख्रिस्ती श्रद्धा स्वीकारल्याचे समाधान अशा मिश्र भावनांनी मोनिकाचे जीवन व्यापले गेले.
आता मोनिकाने आपले सर्व लक्ष आपल्या मुलांवर केंद्रित करण्यास सुरुवात केली. तिचा मोठा मुलगा अगस्तीन हा कार्थेज येथे अभ्यास करीत असताना 'मानिकेइझम' नावाच्या पाखंडी विचारसरणीचा बळी बनलेला होता. या विचारसरणीनुसार जगात 'चांगली व वाईट' अशा दोन शक्ती आहेत असे मानले जाते. अगस्तीनने ह्या विचारसरणीनुसार जीवन जगायला सुरुवात केली होती. तब्बल १५ वर्षे तो एका स्त्रीच्या मोहपाशात अडकून पडलेला होता.
आपल्या मुलाचे मनपरिवर्तन व्हावे म्हणून मोनिका अश्रू ढाळून प्रार्थना करीत असे. तिला भेटलेल्या एका विशपांना तिने विनंती केली की, 'तुम्ही तरी अगस्तीनला समजावून सांगा.' हे बिशप स्वतः मानिकेइझम ह्या पाखंडवादाच्या विचारसरणीतून बाहेर पडलेले होते. त्यांनी अगस्तीनची अवस्था पाहिल्यावर या तरुणाचा कायापालट होण्यास खूप वेळ लागेल हे जाणले आणि तात्पुरते का होईना मोनिकाचे सांत्वन करीत म्हटले, "ज्या तुझ्या मुलासाठी तू अश्रू ढाळीत आहेस तो तुझा मुलगा कधीच वाया जाणार नाही." त्या विशपांचे नाव होते संत अंब्रोज (सण: ७ डिसेंबर).
पुढे अगस्तीनला रोम शहरात भाषाशास्त्र शिकविण्याची संधी चालून आली. मोनिकाने त्याच्याबरोबर रोम शहरात जाण्याची इच्छा प्रदर्शित केली. परंतु त्याने एकटेच जाण्याचा मनोदय तिच्याकडे व्यक्त केला आणि एका जहाजाने तो रोम शहरात पोहोचला. तेथून तो मिलान शहरात गेला व त्या ठिकाणी प्राध्यापक म्हणून काम करू लागला. मोनिकाने तिथेही त्याचा पाठलाग केला आणि मिलानचे विशप अंब्रोज ह्यांच्याशी तिने जिव्हाळ्याचे संबंध प्रस्थापित केले. विशप अंब्रोज ह्यांच्या वक्तृत्वाने व पावित्र्याने अगस्तीन इतका भारावून गेला की त्याने तात्काळ ख्रिस्ताला आपले जीवन अर्पण केले व इ.स. ३८७ सालच्या इस्टरच्या दिवशी त्याने बाप्तिस्मा घेतला..
मोनिकाची आयुष्यभराची आशा सफळ झाली. ती म्हणाली, “माझ्या मुला, माझ्या जीवनात तुला कॅथलिक झालेला पाहणे इतकेच एक ध्येय होते. देवाने मला माझ्या अपेक्षेपेक्षा अधिकच दिले आहे. येशूचे अनुकरण अधिक जवळून करता यावे म्हणून या जगातील सर्व ऐहिक सुखांचा त्याग करण्याचे दान देवाने तुला बहाल केलेले आहे इतके मला पुरे आहे! माझे शरीर कुठेही पुरले तरी चालेल मात्र “तू देवाच्या वेदीपाशी जाशील तेव्हा माझी आठवण ठेव !"
कार्थेज येथे परतण्याच्या हेतूने मायलेक दोघे रोमहून निघाले. वाटेत ऑस्ट्रिया बंदरावर थांबलेले असतानाच मोनिकाने आपल्या मुलाच्या, अगस्तीनच्या बाहुपाशात सुखाने प्राण सोडला. त्यावेळी तिचे वय ५६ वर्षे इतके होते.
चांगल्याने वाईटावर मात कशी करायची ह्याचे उत्तम उदाहरण म्हणजे संत मोनिका हिचे जीवन ! तिच्याच स्मरणार्थ पॅरीस येथे 'ख्रिश्चन मदर्स असोशिएशन'ची स्थापना करण्यात आलेली आहे. हाताबाहेर गेलेल्या पती व मुलांसाठी या स्त्रिया विशेष प्रार्थना करीत असतात.
चिंतन : तिचे माझ्यावर किती प्रेम होते ते शब्दबद्ध करणे कठीण आहे. तिच्या केवळ शब्दांनीच नव्हे तर करुणायुक्त नजरेने ती आमची हृदये प्रभूकडे लावण्यास आम्हाला प्रेरणा देई... हे माझ्या देवा, 'मी जर तुझे बाळ असेन तर ते केवळ तू मला दिलेल्या प्रेमळ आईमुळेच होय.' - संत अगस्तीन
चांगल्याने वाईटावर विजय कसा मिळविता येतो ह्याचे उत्तम ! उदाहरण म्हणजे संत मोनिका हिचे जीवन. आपल्या हाताबाहेर गेलेली मुले किंवा व्यासनाधिन अथवा गैरमार्गाला लागलेल्या व्यक्तीसाठी संत मोनिकाचा आदर्श समोर ठेवून आपण प्रार्थना करू या. .
पहिले वाचन : : २थेस्सलनि २:१-३, १४-१७
वाचन :पौलचे थेस्सलनिकाकरांस दुसरे पत्र यातून घेतलेले वाचन
“जे संप्रदाय तुम्हांस शिकवले ते बळकट धरून राहा.' "
बंधुजनहो, आपल्या प्रभू येशू ख्रिस्ताचे आगमन आणि त्याच्याजवळ आपले एकत्र होणे ह्यासंबंधाने आम्ही तुम्हांला अशी विनंती करतो की, तुम्ही एकदम दचकून चित्तस्थैर्य सोडू नका आणि घाबरू नका. प्रभूचा दिवस येऊन ठेपला आहे असे सांगणाऱ्या आत्म्याने, किंवा जणू काय आम्हांकडून आलेल्या वचनाने अथवा पत्राने घाबरू नका, कोणत्याही प्रकारे कोणाकडून फसू नका.
परमेश्वराने तुम्हांला आमच्या सुवार्तेच्याद्वारे आपल्या प्रभू येशू ख्रिस्ताचा गौरव प्राप्त करून घेण्यासाठी पाचारण केले आहे. तर मग बंधूंनो, स्थिर राहा आणि तोंडी किंवा आमच्या पत्राद्वारे जे संप्रदाय तुम्हांला शिकवले ते बळकट धरून राहा. आपला प्रभू येशू ख्रिस्त हा आणि ज्याने आपल्यावर प्रीती करून युगानुयुगाचे सांत्वन आणि चांगली आशा कृपेद्वारे दिली तो देव आपला पिता, तुमच्या मनाचे सांत्वन करो आणि प्रत्येक चांगल्या कृतीत आणि उक्तीत तुम्हांला स्थिर करो.
हा प्रभूचा शब्द आहे
सर्व : देवाला धन्यवाद.
First Reading :Thessalonians 2:1-3a, 14-17
Now concerning the coming of our Lord Jesus Christ and our being gathered together to him, we ask you, brothers, not to be quickly shaken in mind or alarmed, either by a spirit or a spoken word, or a letter seeming to be from us, to the effect that the day of the Lord has come.
Let no one deceive you in any way. To this he called you through our gospel, so that you may obtain the glory of our Lord Jesus Christ. So then, brothers, stand firm and hold to the traditions that you were taught by us, either by our spoken word or by our letter. Now may our Lord Jesus Christ himself, and God our Father, who loved us and gave us eternal comfort and good hope through grace, comfort your hearts and establish them in every good work and word.
This is the word of God
Thanks be to God
प्रतिसाद स्तोत्र ९६: १०-१३
प्रतिसाद : प्रभू परमेश्वर जगाचा न्याय करण्यासाठी
आला आहे.
१) राष्ट्रांमधील लोकांनो जाहीर करा की,
“परमेश्वर राज्य करतो."
जग स्थिर स्थापलेले आहे, ते डळमळणार नाही.
तो सरळपणे लोकांचा न्याय करील.
२) आकाश हर्ष करो, पृथ्वी उल्हास करो,
समुद्र आणि त्यातील सर्वकाही गर्जना करोत,
शेते व मळे आणि त्यातील सर्वकाही उत्सव करोत,
३) मग वनातील सर्व झाडे परमेश्वरासमोर
आनंदाचा गजर करतील, कारण तो आला आहे,
पृथ्वीचा न्याय करण्यासाठी तो आला आहे.
तो न्यायीपणाने जगाचा आणि सत्यतेने लोकांचा न्याय करील
Psalm 96:10, 11-12a, 12b-13
The Lord comes to judge the earth.
Say to the nations, "The Lord is king."
The world he made firm in its place;
he will judge the peoples in fairness. R
Let the heavens rejoice and earth be glad;
let the sea and all within it thunder praise.
Let the land and all it bears rejoice. R
Then will all the trees of the wood shout for joy
at the presence of the Lord, for he comes,
he comes to judge the earth.
He will judge the world with justice;
he will govern the peoples with his truth. R
जयघोष
आलेलुया, आलेलुया!
तुझे नियम मला समजावून दे, म्हणजे
मी तुझ्या अद्भुत कृत्यांचे मनन करीन
आलेलुया!
Acclamation:
The word of God is living and active, discerning the thoughts and intentions of the heart.
शुभवर्तमान मत्तय २३:२३-३६
वाचक : मत्तयलिखित पवित्र शुभवर्तमानातून घेतलेले वाचन
"तुम्ही ह्या गोष्टी करायच्या होत्या, तरी त्या सोडायला पाहिजेत असे नाही. "
येशू म्हणाला, “अहो शास्त्र्यांनो, अहो परुश्यांनो, ढोंग्यानो, तुमची केवढी दुर्दशा होणार ! कारण पुदिना, बडीशेप आणि जिरे ह्यांचा दशांश तुम्ही देता आणि नियमशास्त्रातील मुख्य गोष्टी म्हणजे न्याय, दया आणि विश्वास ह्या तुम्ही सोडल्या आहेत, ह्या करावयाच्या होत्या, तरी त्या सोडावयाला पाहिजेत असे नाही. अहो आंधळ्या वाटाड्यांनो, तुम्ही मुरकूट गाळून काढता आणि उंट गिळून टाकता ! अहो शास्त्र्यांनो, अहो परुश्यांनो, ढोंग्यानो, तुमची केवढी दुर्दशा होणार! तुम्ही ताटवाटी बाहेरून साफ करता, पण ती आतून जुलूम आणि असंयम ह्यांनी भरलेली आहेत. अरे आंधळ्या परुशा, पहिल्याने वाटी आतून साफ कर म्हणजे ती बाहेरूनही साफ होईल."
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading : Matthew 23:23-26
At that time: Jesus said: "Woe to you, scribes and Pharisees, hypocrites! For you tithe mint and dill and cumin, and have neglected the weightier matters of the law: justice and mercy and faithfulness. These you ought to have done, without neglecting the others. You blind guides, straining out a gnat and swallowing a camel! Woe to you, scribes and Pharisees, hypocrites! For you clean the outside of the cup and the plate, but inside they are full of greed and self-indulgence. You blind Pharisee! First clean the inside of the cup and the plate, that the outside also may be clean."
This is the Gospel of the Lord
Praise the Lord Jesus Christ .
चिंतन:
तुमच्या प्रत्येक कृतीत आणि विश्वासात स्थिर रहा असे संत पॉल आपल्याला पहिल्या वाचनात सांगत आहे. कुठल्याही आमिषाला बळू पडू नका की ज्याने तुमचा विश्वास कमी होईल. प्रभू ख्रिस्ताविषयी तुम्ही जे काही ऐकले आहे किंवा शिकवले आहे ते बळकट धरून रहा. किंबहुना तुम्ही ख्रिस्ताचाच हात धरून राहा. आजच्या शुभवर्तमानात प्रभू येशू परत एकदा शास्त्री आणि परुशी यांना ढोंगी, लबाड म्हणतो. कारण त्यांनी खरा धर्म, परमेश्वराची खरी शिकवण लोकांना न देता त्यांचेच नियम लोकांवर लादले होते. न्याय, दया आणि विश्वास हे गुण परमेश्वराचे आहेत. तेच गुण ख्रिस्ताठायी आहेत आणि हेच गुण असलेली माणसे परमेश्वराला संतुष्ट करतात.परंतु या गुणांविषयी शास्त्री आणि परूशांनी लोकांना अंधारात ठेवले म्हणून येशूला राग आला. न्याय, दया आणि विश्वास हे गुण आपला अंतरात्मा स्वच्छ करतात. आज आपण संत मॉनिकाची स्मृती साजरी करतो. आपला मुलगा अगस्तीन वाईट विचार, वाईट संगत आणि वाईट कृत्यांपासून दूर राहावा म्हणून तिने तब्बल १७ वर्षे प्रार्थना केली तेव्हा कुठे अगस्तीनचे परिवर्तन झाले आणि त्याने जो ख्रिस्ताचा हात पकडला तो कधीच सोडला नाही.
प्रार्थना : हे दयावंत परमेश्वरा, आमच्या अंत:करणात दयाभाव वाढीस लाव, गरजवंतावर दया व प्रेम करण्यास आम्हाला प्रेरणा दे, आमेन.
✝️
.jfif)
0 टिप्पण्या