आगमनकाळातील तिसरा सप्ताह
मंगळवार १७ डिसेंबर २०२४
✝️
आब्राहामचा वंशज येशू ख्रिस्त, ह्याची वंशावळ
he generation of Jesus Christ, the son of David, the son of Abraham:
संत लाझरस
पहिले शतक
✝️
योहानच्या अकराव्या अध्यायात बेथानी येथील मार्था आणि मरिया ह्यांचा भाऊ लाझरस ह्याला मेलेल्यांतून जिवंत करण्याचा चमत्कार प्रभू येशूने केल्याचे विस्तृत वर्णन करण्यात आलेले आहे. मृतांतून पुन्हा उठविल्या गेलेल्या प्रभूच्या ह्या मित्राविषयी बायबलमध्ये आणखी काहीही माहिती उपलब्ध नाही. काही इतिहासकारांच्या मते तो संत पीटरबरोबर सिरिया येथे गेला.
ख्रिस्ती परंपरेनुसार यहुदी लोकांनी त्याला त्याच्या बहिणींसह एका गळत्या बोटीमधून जाफ्फाला पाठविले आणि केवळ दैवी सामर्थ्यामुळे हे कुटुंब सायप्रसच्या बेटावर सुखरूपपणे पोहोचले. तिथे उपलब्ध असलेल्या अहवालानुसार तो किती ऑन शहराचा महागुरू झाला आणि तीस वर्षांच्या यशस्वी सेवाकार्यानंतर अगदी शांतीने मरण पावला. इ.स. ८९० साली सम्राट लिओ चौथे ह्यांनी त्याच्या सन्मानार्थ एक चर्च बांधले व एक मठ उभारला. त्याचे ऊर्वरित अवशेष सायप्रस येथून कॉन्स्टॅन्टिनोपल शहरात हलविले.
प्रॉव्हेन्स येथे संत मेरी माग्दालेनाविषयी जी दंतकथा प्रसिद्ध होती तिच्या संदर्भात पाश्चात्य ख्रिस्तसभेमध्ये लाझरसच्या घटनेची आठवण करण्यात आली.. पोप बेनेडिक्ट नववे ह्यांनी एका पत्रात लिहिल्याप्रमाणे लाझरसला एका यंत्रविरहित बोटीमध्ये त्याच्या बहिणीसह बसविण्यात आले आणि गॉल देशाच्या वायव्येला सोडण्यात आले. तिथे त्याने मार्सेलिअस ह्या ठिकाणी हजारो लोकांना ख्रिस्ती धर्माची दीक्षा दिली. तिथेच त्याला महागुरूपद बहाल करण्यात आले आणि डॉमिशिअन राजाच्या कारकीर्दीत त्याला रक्तसाक्षीत्वाचे मरण आले. त्याला एका गुहेमध्ये पुरण्यात आले त्याच्यावरच पुढे संत व्हिक्टरच्या नावाने एक गुरूविद्यालय उभारले गेले.
तेथून त्याचे अवशेष ऑटन येथे नेण्यात आले आणि इ.स. १९४६ साली नवीन कॅथिड्रलमध्ये त्याचे अवशेष सन्मानाने भाविकांच्या दर्शनासाठी ठेवण्यात आले. येरूशलेममध्ये प्रारंभीच्या ख्रिस्तसभेत लाझरसची स्मृती भक्तीभावाने साजरी केली जात असे. पुढे ती संपूर्ण जगभरच्या ख्रिस्तसभेत साजरी केली जाऊ लागली. मानवाची अपूर्णता आणि देवाचे सामर्थ्य ह्याचं प्रतीक म्हणजेच संत लाझरसचे जीवन होय .
✝️
यहुदाच्या कुळात तारणाऱ्याचा जन्म होईल व त्याची प्रतिक्षा लोक करतील ह्याचा इतिहास आपणासाठी देण्यात आला आहे. तो युगायुगाचा याजक होणार असल्यामुळे अहरोनच्या कुळातील याजकपण, त्याची प्रतिष्ठा व सन्मान आपण इतिहासात अनुभवू शकतो. ख्रिस्त राजांचा राजा होता हे दावीदाच्या कुळातील राजाची लांबलचक परंपरा पाहिल्यावर आपल्याला कळते. तारणाचा इतिहास हा प्रभूयेशू ख्रिस्ताच्या जीवनाशी निगडीत घटकांचा व घडामोडींचा इतिहास आहे.
प्रभू येशू ख्रिस्ताच्या बेचाळीस पिढ्या आणि त्यांच्याशी संबंधीत सर्व । घटनांवर चिंतन करीत असताना परमेश्वराचे त्याच्या तारणदायी योजनेबद्धल आभार मानू या, व त्याची सुर्वाता सर्वांपर्यंत पोहोचविण्याचा प्रयत्न करु या.
✝️
पहिले वाचन उत्पत्ती ४९:२,८-१०
वाचक :उत्पत्ती या पुस्तकातून घेतलेले वाचन
“यहुदाकडचे राजवेत्र ज्याचे आहे तो येईपर्यंत ते त्याच्याकडून जाणार नाही.'
याकोबने आपल्या मुलांना बोलावले व म्हटले, "याकोबच्या मुलांनो, एकत्र येऊन ऐका. तुमचा बाप इस्राएल याच्याकडे कान द्या. हे यहुदा, तुझे बंधू तुला धन्यवाद देतील. तुझा हात तुझ्या शत्रूंची मानगुटी धरील.
तुझ्या बापाचे मुलगे तुझ्यापुढे नमतील. यहुदा सिंहाचा छावा आहे. माझ्या पुत्रा, तू शिकार करून डोंगरात गेला आहेस. तो सिंहासारखा, सिंहणीसारखा दबून बसला आहे. त्याला कोण छेडणार? यहुदाकडचे राजवेत्र ज्याचे आहे तो येईपर्यंत ते त्याच्याकडून जाणार नाही. राजदंड त्याच्या पायामधून ढळणार नाही. राष्ट्रे त्याची आज्ञांकित होतील
प्रभूचा शब्द.
सर्व : देवाला धन्यवाद.
First Reading : Genesis 49: 2, 8-10
Gather yourselves together, and hear, O ye sons of Jacob, hearken to Israel your father: Juda, thee shall thy brethren praise: thy hands shall be on the necks of thy enemies: the sons of thy father shall bow down to thee. Juda is a lion’s whelp: to the prey, my son, thou art gone up: resting thou hast couched as a lion, and as a lioness, who shall rouse him? The sceptre shall not be taken away from Juda, nor a ruler from his thigh, till he come that is to be sent, and he shall be the expectation of nations.
This is the word of God
Thanks be to God
प्रतिसाद स्तोत्र ७२: १-२,४,७-८,१७
प्रतिसाद : त्याच्या कारकिर्दीत न्यायीपणाला बहर येईल.
१) हे प्रभो, राजाला आपल्या न्यायनीतीचे वरदान दे.
या राजपुत्राला आपली न्यायपरायणता दे.
म्हणजे तो तुझ्या प्रजेचा योग्य रीतीने
न्यायनिवाडा करील, तुझ्या गरीब प्रजेला न्याय देईल.
२) देशाच्या सात्त्विकतेमुळे,
जनतेला सुखसमृद्धी लाभो
जनतेतल्या गरिबांना तो न्याय देवो.
गरजवंतांच्या मुलाबाळांना मदत करो.
३) त्याच्या कारकिर्दीत न्यायीपणाला बहर येईल.
आणि चंद्र लोप पावेपर्यंत सर्वत्र शांती नांदेल.
एका समुद्रापासून दुसऱ्या समुद्रार्यंत,
युफ्राटीस नदीपासून पृथ्वीच्या सीमेपर्यंत
त्याचे साम्राज्य पसरेल.
४) त्याचे नाव चिरंजीव होवो,
ते सूर्यासारखे अनंत टिको,
त्याच्या नावाने लोक आपणाला धन्य म्हणोत,
सर्व राष्ट्रे त्याच्या नावाला धन्यवाद देवोत.
Psalm Psalms 72: 1-2, 3-4ab, 7-8, 17
R. (7) Justice shall flourish in his time, and fullness of peace for ever.
1, 2 Give to the king thy judgment, O God:
and to the king’s son thy justice:
To judge thy people with justice, and thy poor with judgment.
R. Justice shall flourish in his time, and fullness of peace for ever.
3 Let the mountains receive peace for the people:
and the hills justice.
4ab He shall judge the poor of the people,
and he shall save the children of the poor.
R. Justice shall flourish in his time, and fullness of peace for ever.
7 In his days shall justice spring up,
and abundance of peace, till the moon be taken sway.
8 And he shall rule from sea to sea,
and from the river unto the ends of the earth.
R. Justice shall flourish in his time, and fullness of peace for ever.
17 Let his name be blessed for evermore:
his name continueth before the sun.
And in him shall all the tribes of the earth be blessed:
all nations shall magnify him.
R. Justice shall flourish in his time, and fullness of peace for ever.
जयघोष
आलेलुया, आलेलुया!
सर्वसमर्थ परमेश्वराचा शहाणपणा,
जो आपल्या शक्तीने आणि हळूवारपणाने सर्वांना हुकूम सोडतो,
त्याने येऊन आपल्याला सत्याचा मार्ग शिकवावा..
आलेलुया!
Acclamation:
O Wisdom of our God Most High, guiding creation with power and love: come to teach us the path of knowledge!
शुभवर्तमान मत्तय १:१-१७
वाचक : मत्तयलिखित पवित्र शुभवर्तमानातून घेतलेले वाचन
"दावीदचा पुत्र येशू ख्रिस्त ह्याच्यापर्यंतची वंशावळ."
आब्राहामचा वंशज येशू ख्रिस्त, ह्याची वंशावळ : आब्राहाम हा इसहाकचा बाप, इसहाक याकोबचा, याकोब यहुदा व त्याचे भाऊ यांचा बाप, यहुदा, पेरेस आणि जेरह याचा बाप (यांची आई तामार) पेरेस हेसरोनचा, हेसरोन रामचा, राम अम्मीदाबचा, अम्मीनादाब नहशोनचा, नहशोन सलमोनचा, सलमोन बवाजचा बाप (बवाजची आई राहाब), बवाज ओबेदचा बाप (ओबेदची आई रुथ) ओबेद इशायचा आणि इशाय राजा दावीद याचा बाप.
दावीद शलमोनचा बाप होता (शलमोनची आई पूर्वी उरियाची बायको होती). शलमोन रहबामचा, रहबाम अबियाचा, अबिया आसाचा, आसा यहोशाफाटचा, यहोशाफाट योरामचा योराम उज्जियाचा, उज्जिया योथामचा, योथाम आहाजचा, आहज हिज्कियाचा, हिज्किया मनश्शेचा, मनश्शे आमोनचा, आमोन योशियाचा योशिया हा यखन्या आणि त्याचे भाऊ यांचा बाप, या काळात यहुदी लोक बाबिलोन येथे हद्दपार करण्यात आले. बाबिलोन येथे हद्दपार झाल्यानंतर: यखन्या शलतीएलाचा बाप, शलतीएल जरुब्बाबेलचा, जरुब्बाबेल अबिहूदचा, अबिहूद एल्यकीमचा, एल्याकीम अज्जूरचा, अज्जूर सादोकचा, सादोक याखीम एलिहूदचा, एलिहूद एलाजारचा, एलाजार मत्तान, याकोबचा, याकोब योसेफचा बाप. हा योसेफ मरियेचा पती असून तिच्याच पोटी ख्रिस्त म्हटलेल्या येशूचा जन्म झाला.अशारीतीने आब्राहामपासून दावीदपर्यंत एकंदर चौदा पिढ्या, दावीदपासून बाबिलोन येथे हद्दपार होईपर्यंत चौदा पिढ्या, बाबिलोन येथे हद्दपार झाल्यापासून ख्रिस्तापर्यंत चौदा पिढ्या झाल्या.
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading :
Matthew 1: 1-17
The book of the generation of Jesus Christ, the son of David, the son of Abraham: Abraham begot Isaac. And Isaac begot Jacob. And Jacob begot Judas and his brethren. And Judas begot Phares and Zara of Thamar. And Phares begot Esron. And Esron begot Aram. And Aram begot Aminadab. And Aminadab begot Naasson. And Naasson begot Salmon. And Salmon begot Booz of Rahab. And Booz begot Obed of Ruth. And Obed begot Jesse.6 And Jesse begot David the king. And David the king begot Solomon, of her that had been the wife of Urias. And Solomon begot Roboam. And Roboam begot Abia. And Abia begot Asa. And Asa begot Josaphat. And Josaphat begot Joram. And Joram begot Ozias. And Ozias begot Joatham. And Joatham begot Achaz. And Achaz begot Ezechias. And Ezechias begot Manasses. And Manasses begot Amon. And Amon begot Josias. And Josias begot Jechonias and his brethren in the transmigration of Babylon. And after the transmigration of Babylon, Jechonias begot Salathiel. And Salathiel begot Zorobabel. And Zorobabel begot Abiud. And Abiud begot Eliacim. And Eliacim begot Azor. And Azor begot Sadoc. And Sadoc begot Achim. And Achim begot Eliud. And Eliud begot Eleazar. And Eleazar begot Mathan. And Mathan begot Jacob. And Jacob begot Joseph the husband of Mary, of whom was born Jesus, who is called Christ. So all the generations, from Abraham to David, are fourteen generations. And from David to the transmigration of Babylon, are fourteen generations: and from the transmigration of Babylon to Christ are fourteen generations.
This is the Gospel of the Lord
Praise the Lord Jesus Christ .
चिंतन:आजचे शुभवर्तमान आपल्याला येशूची वंशावळी सांगते. या वंशावळीत महत्वाची गोष्ट अशी आहे की, येशूच्या वंशामध्ये स्त्री-पुरूष व सर्वप्रकराचे लोक आपल्याला आढळतात. सर्वप्रथम, आब्राहाम स्वतः एक परराष्ट्रीय होता, त्याला देवाने जगातील सर्व राष्ट्रांसाठी आशीर्वाद म्हणून निवडले होते. पण येशू यहुदी होता. तरी तो आब्राहामाचा खरा वारस होता. ज्याला देवाने दिलेली वचने लागू होतात. “आब्राहामाचा पुत्र” म्हणून येशूला परराष्ट्रीयांना देवाने दिलेल्या अभिवचनांची पूर्तता म्हणून घोषित केले आहे. आम्हाला पाच स्त्रियांची नावे आढळतात : तामार, राहाब, रूथ, उरियाची पत्नी आणि मरीया. मरीया वगळता त्या सर्व विदेशी होत्या. तसेच या स्त्रियांचे लैंगिक वर्तन संशयास्पद आहे. मरियेच्या बाबतीत, आपल्याला माहित आहे की, येशूची गर्भधारणा पवित्र आत्म्याने झाली होती. या सर्व गोष्टींमध्ये जे स्पष्टपणे दिसू येते, ते म्हणजे देवाने त्याच्या तारणाची योजना पूर्ण करण्यासाठी चांगले, वाईट, परिपूर्ण, अपूर्ण, यहूदी, गैर-यहूदी अशा सर्व प्रकारच्या लोकांचा समावेश केला आहे. ही चांगली बातमी नाही का ?
प्रार्थना: हे प्रभू येशू, तुझ्या आगमनाची वाट पाहत असताना तुला आमच्या अंतःकरणात स्वीकारण्यास पात्र बनावेत म्हणून तुझी कृपा दे, आमेन..
✝️
.jfif)
0 टिप्पण्या