पुनरुत्थान तिसरा सप्तह
मंगळवार दि. २१ एप्रिल २०२६
कारण जी स्वर्गातून उतरते आणि जगाला जीवन देते तीच देवाची भाकर होय." "I am the bread of life; whoever comes to me shall not hunger, and whoever believes in me shall never thirst.
महागुरू, वर्तनसाक्षी, धर्मपंडित (१०३३-११०९)
नम्र आणि सौम्य हृदयी आर्चबिशप आन्सेल्म ह्यांनी केलेल्या लिखाणामुळे त्यांच्या काळातील ते एक महान विद्वान मानले जातात. 'सर्व इशज्ञान्यांसाठी अभ्यासाची पद्धत' हा मार्गदर्शक ग्रंथ त्यांनी आपल्या दोन हद्दपारींच्या काळात लिहिला. त्यामुळे त्यांना स्कोलॅस्टिसिझम आणि डॉक्टर ऑफ द युनिव्हर्सल चर्च (धर्मपंडित) ह्या दोन पदव्या प्राप्त झाल्या (१७२०). त्यांच्या कार्याचा व लिखाणाचा प्रभाव तत्वज्ञान व इशज्ञान क्षेत्रामध्ये अगदी ठळकपणे व दीर्घकाळासाठी टिकेल असा पडलेला आहे.
चिंतन : “हे प्रभो, आमच्या देवा अगदी मनाच्या खोल कप्प्यातून आम्ही केवळ तुझाच ध्यास धरावा अशी कृपा आम्हाला दे. तुला प्राप्त करण्याची इच्छा आमच्या मनात उत्पन्न कर. ही इच्छा बाळगल्याने आम्ही तुझा शोध करावा, तुझा शोध लागल्यानंतर आम्ही तुजवर प्रेम करावे, तुझ्यावर प्रेम केल्याने आम्ही पापांचा तिरस्कार करावा असे कर कारण आम्हावरील प्रेमाखातर तू ह्या पापांपासून आम्हाला मुक्त केलेले आहेस.”- संत आन्सेल्म
पहिले वाचन प्रे. कृ. ७:५१-८:१
वाचक : प्रे. कृ. या पुस्तकातून घेतलेले वाचन
"हे प्रभू येशू, माझ्या आत्म्याचा स्वीकार कर."
स्तेफन लोकांना, वडीलधाऱ्या माणसांना आणि शास्त्र्यांना म्हणाला, "अहो ताठ मानेच्या आणि हृदयांची आणि कानांची सुंता न झालेल्या लोकांनो, तुम्ही तर पवित्र आत्म्याला सर्वदा विरोध करता. जसे तुमचे पूर्वज तसेच तुम्हीही. ज्याचा पाठलाग तुमच्या पूर्वजांनी केला नाही असा संदेष्ट्यांमध्ये कोणी झाला का? ज्यांनी त्या नीतिमान पुरुषांच्या आगमनाविषयी पूर्वी सांगितले त्यांना त्यांनी जिवे मारले आणि आता त्याला धरून देणारे आणि जिवे मारणारे तुम्ही निघाला आहा. अशा तुम्हांला देवदूतांच्या योगे योजलेले नियमशास्त्र प्राप्त झाले होते, पण तुम्ही ते पाळले नाही."
त्याचे हे भाषण ऐकणाऱ्यांच्या अंत:करणाला इतके झोंबले की, ते त्याच्यावर दातओठ खाऊ लागले. परंतु पवित्र आत्म्याने पूर्ण होऊन त्याने आकाशाकडे निरखून पाहिले तेव्हा देवाचे तेज आणि देवाच्या उजवीकडे येशू उभा असलेला त्याच्या दृष्टीस पडला आणि त्याने म्हटले, “पाहा, आकाश उघडलेले आणि मनुष्याचा पुत्र देवाच्या उजवीकडे उभा असलेला मला दिसला आहे.” तेव्हा ते मोठ्याने ओरडून आणि कान बंद करून एकजुटीने त्याच्या अंगावर धावून गेले. मग ते त्याला शहराबाहेर घालवून दगडमार करू लागले. तेव्हा साक्षीदारांनी आपली वस्त्रे शौल नावाच्या एका तरूणाच्या पायांजवळ ठेवली. ते दगडमार करीत असता स्तेफन प्रभूचा धावा करीत म्हणाला, “हे प्रभू येशू, माझ्या आत्म्याचा स्वीकार कर." मग गुडघे टेकून तो मोठ्याने ओरडला, “हे प्रभू, हे पाप त्यांच्याकडे मोजू नको." असे बोलून तो कायमचा झोपी गेला. शौलला तर त्याचा वध मान्य होता.
प्रभूचा शब्द आहे
सर्व : देवाला धन्यवाद.
First Reading :
Acts 7:51-8:1a
In those days: Stephen said to the people, the elders and the scribes, "You stiff-necked people, uncircumcised in heart and ears, you always resist the Holy Spirit. As your fathers did, so do you. Which of the prophets did your fathers not persecute? And they killed those who announced beforehand the coming of the Righteous One, whom you have now betrayed and murdered, you who received the law as delivered by angels and did not keep it." Now when they heard these things they were enraged, and they ground their teeth at him. But he, full of the Holy Spirit, gazed into heaven and saw the glory of God, and Jesus standing at the right hand of God. And he said, "Behold, I see the heavens opened, and the Son of Man standing at the right hand of God." But they cried out with a loud voice and stopped their ears and rushed together at him. Then they cast him out of the city and stoned him. And the witnesses laid down their garments at the feet of a young man named Saul. And as they were stoning Stephen, he called out, "Lord Jesus, receive my spirit." And falling to his knees he cried out with a loud voice, "Lord, do not hold this sin against them." And when he had said this, he fell asleep. And Saul approved of his execution.
This is the word of God
Thanks be to God
प्रतिसाद स्तोत्र ३१:३-४, ६-८,१७.२१
प्रतिसाद : हे प्रभो, मी माझा आत्मा तुझ्या स्वाधीन करतो.
१ ) हे प्रभो, माझा आश्रयदाता पहाड हो,
माझा बचाव करणारा दुर्ग हो, आणि माझे रक्षण कर,
कारण तूच माझा आश्रयदाता, पहाड आणि दुर्ग आहेस.
तुझ्या नावाच्या महिम्यासाठी मला मार्गदर्शन कर, माझा नेता हो.
२) मी माझा आत्मा तुझ्या स्वाधीन करतो.
हे प्रभू, सत्यस्वरूप देवा, तूच माझा उद्धार केला आहेस.
माझा तर प्रभूवर भाव आहे.
तुझ्या वात्सल्यामुळे मला आनंदी आनंद होईल...
३) या तुझ्या दासाला तुझ्या तेजस्वी मुद्रेचे दर्शन घडव
आपल्या वात्सल्यामुळे माझा बचाव कर.
मानवी कारस्थानांपासून तू त्यांना
तुझ्या समक्षतेच्या आड लपवून सुरक्षित ठेवतोस.
Psalm 31:3bc-4, 6 and 7b-8a, 17 and 21ab
Into your hands, O Lord, I commend my spirit.
Be a rock of refuge for me,
a mighty stronghold to save me.
For you are my rock, my stronghold!
Lead me, guide me, for the sake of your name. R.
Into your hands I commend my spirit
You will redeem me, O Lord, O faithful God.
As for me, I trust in the Lord.
Let me be glad and rejoice in your mercy. R
Let your face shine on your servant.
Save me in your merciful love.
You hide them in the shelter of your presence,
secure from human scheming. R
जयघोष
आलेलुया, आलेलुया!
प्रभू म्हणतो, मी उत्तम मेंढपाळ आहे, मी माझ्या मेंढरांना ओळखतो आणि माझी मेंढरे मला ओळखतात.
आलेलुया !
Acclamation:
I am the bread of life, says the Lord; whoever comes to me shall not hunger.
शुभवर्तमान योहान ६:३०-३५
वाचक : योहानलिखित पवित्र शुभवर्तमानातून घेतलेले वाचन
लोकसमुदाय येशूला म्हणाला, “असे कोणते चिन्ह आपण दाखवता की जे पाहून आम्ही आपणांवर विश्वास ठेवावा ? आपण कोणते कृत्य करता? आमच्या पूर्वजांनी अरण्यात मात्रा खाल्ला. असे लिहिले आहे की, “त्याने त्यांना स्वर्गातून भाकर खावयाला दिली." ह्यावरून येशू त्यांना म्हणाला, “मी तुम्हांला खचित सत्य सांगतो, मोशेने तुम्हांला स्वर्गातून येणारी भाकर दिली नाही, तर माझा पिता स्वर्गातून येणारी खरी भाकर तुम्हांला देतो. कारण जी स्वर्गातून उतरते आणि जगाला जीवन देते तीच देवाची भाकर होय." म्हणून ते त्याला म्हणाले, "प्रभो, ही भाकर आम्हांला नित्य द्या."
येशू त्यांना म्हणाला, “मीच जीवनाची भाकर आहे. जो माझ्याकडे येतो त्याला कधीही भूक लागणार नाही आणि जो माझ्यावर विश्वास ठेवतो त्याला कधीही तहान लागणार नाही."
"प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading:
John 6:30-35
At that time: The people said to Jesus, "Then what sign do you do, that we may see and believe you? What work do you perform? Our fathers ate the manna in the wilderness; as it is written, 'He gave them bread from heaven to eat." Jesus then said to them, "Truly, truly, I say to you, it was not Moses who gave you the bread from heaven, but my Father gives you the true bread from heaven. For the bread of God is he who comes down from heaven and gives life to the world." They said to him, "Sir, give us this bread always." Jesus said to them, "I am the bread of life; whoever comes to me shall not hunger, and whoever believes in me shall never thirst.
Praise the Lord Jesus Christ .
चिंतन: देवासमोर हृदय उघडे ठेवाः स्टीफन हट्टी लोकांशी सामना करतो. परुश्यांच्या हृदयांवर, पवित्र आत्म्याचा प्रतिकार करण्याचा आरोप करत. त्यांच्या हृदयाच्या कठोरतेमुळे संदेष्ट्यांचा मृत्यू झाला आणि शेवटी येशूचा मृत्यू झाला.
शुभवर्तमानात येशू घोषित करतोः मी जीवनाची भाकर आहे. तो आपल्याला त्याच्याकडे येण्याचे, त्याच्या उपस्थितीची तहान लागण्याचे आणि त्याच्या प्रेमाने तृप्त होण्याचे आमंत्रण देतो. हृदयाची कठोरता हे सर्वात मोठे पाप आहे, कारण ते देवाचे प्रेम आणि दयेला अडथळा आणते. परुश्यांच्या कठोर अंतःकरणाने त्यांना येशूला नाकारण्यास प्रवृत्त केले (मार्क ३:५-६). याउलट, जकातदाराच्या नम्र, खुल्या हृदयाने त्याला क्षमा मिळू दिली (लूक १८:९-१४). आपण आपल्या अंतःकरणाचे गर्व, कटुता आणि उदासीनतेपासून रक्षण करूया. नम्रता, सहानुभूती आणि करुणा जोपासू या जेणेकरून आपली अंतःकरणे मऊ राहतील. पापाची जाणीव कमी होत चालली आहे त्या काळात आपल्याला पापाला ते काय आहे हे सांगण्याचे आणि जे योग्य आहे त्यासाठी उभे राहण्याचे धैर्य हवे आहे. आपण उठून विश्वासात दृढ राहिले पाहिजे ! तुम्ही आतापर्यंतच्या कठीण क्षणावर मात केली आहे आणि देवाच्या कृपेने तुम्ही भरभराटीला येत राहाल.
प्रार्थना :- हे प्रभू येशू, साक्रमेंतातील भाकरीतून तुला स्वीकारून तृप्त होण्यास व आध्यात्मिक जीवन बळकट करण्यास प्रेरणा दे, आमेन.
0 टिप्पण्या