Marathi Bible Reading | 14th week in ordinary Time | Friday 10th July 2026 |

 सामान्यकाळातील चौदावा सप्ताह 

शुक्रवार १०  जुलै  २०२६ 

कारण बोलणारे तुम्ही नाही, तर तुमच्या पित्याचा आत्मा हाच तुमच्या ठायी बोलणारा आहे. For it is not you who speak, but the Spirit of your Father speaking through you.

 संत फेलिसिटी आणि तिची सात रक्तसाक्षी मुले यांचा सण 

रकासाक्षी ........१६५) 

रोम शहरात सम्राट अंतोनियस ह्यांच्या कारकीर्दीत घडलेली ही घटना. त्याच्या राज्यात फेलिसिटी नावाची एक साध्वी, नीतिमान आणि शालीन विधवा आपल्या सात मुलांसह राहत होती. आपल्या पतीच्या निधनानंतर तिने आमरण कौमार्य आणि परोपकार ह्या सद्‌गुणांची जोपासना केलेली होती. तिच्या सात्विक जीवनाकडे पाहून असंख्य मूर्तीपूजक खोट्या दैवताकडून ख्रिस्ताकडे व ख्रिस्ती धर्माकडे वळले होते. त्यामुळे स्थानिक मूर्तीपूजक धर्मगुरू चवताळले होते.

या धर्मगुरूंनी एकत्र येऊन सम्राटाकडे अशी तक्रार केली की ही स्त्री आपल्या धर्माचा उघड उघड प्रचार करीत आहे आणि सम्राटने नेमून दिलेले धार्मिक विधी पार पाडीत नाही. त्यामुळे आपल्या साम्राज्याचे संरक्षक असलेल्या दैवतांना तिने आपल्या मुलांसह सर्वासमक्ष यज्ञबळी अर्पण करावा अशी राजाने आज्ञा दयावी.

ही तक्रार राजाच्या कानी जाताच त्याने रोमचा प्रमुख प्रिफेक्ट प्युब्लियस ह्याला या प्रकरणात लक्ष घालण्याचा आदेश दिला. त्याने फेलिसिटी आणि तिच्या सात मुलांना एकत्र करून म्हटले, "हे बघ फेलिसिटी, तुझ्या कोवळ्या बालकांकडे दयापूर्ण नजरेने पाहा. त्यांच्यातील काहीजण तारुण्याने मुसमुसलेले आहेत. लवकरच त्यांना राजदरबारात मानाचे स्थान दिले जाणार आहे." त्यावेळी त्या पवित्र स्त्रीने उत्तर दिले, "तुझी कळकळ हा खरा मोहपाश आहे आणि तू मला जी सहानुभूती दाखवित आहेस तो क्रूरतेचा छुपा अविष्कार आहे." त्यानंतर आपल्या मुलांकडे वळून तिने म्हटले, "माझ्या प्रिय मुलांनो, स्वर्गाकडे आपली दृष्टी लावा, तिथे कधीही ढळणार नाहीत अशा सन्मान व गौरवाच्या जागा जुलै महिन्यातील संत सोहळे तुम्हाला बहाल करण्यासाठी येशू थांबलेला आहे. त्याच्यावरील श्रद्धेशी विश्वासू रहा आणि धैर्यान या संघर्षाशी मुकाबला करा."

या एकंदर प्रकरणाने चक्रावून गेलेला प्युब्लिअस ह्याने त्या मातेला आपल्या सात मुलांसह मृत्यूदंडाची शिक्षा ठोठावली. त्यानंतर त्याने सात भावांना एकामागून एक असे आपणाकडे बोलावून घेतले आणि वेगवेगळी आमिषे दाखवून आश्वासने देऊन आणि शेवटी भीती घालून आपल्या दैवताला भजण्यास परोपरीने विनविले. त्याचा सर्व वादविवाद आणि धाकदपटशा व्यर्थ गेला. सर्व भावांना त्यानंतर फटके मारण्यासाठी शिपायांच्या हाती देण्यात आले व शेवटी त्यांना तुरुंगात टाकण्यात आले.

आपला अधिकार अपुरा पडत आहे ह्याची जाणीव प्युब्लिअस ह्याला झाल्याने त्याने हे संपूर्ण प्रकरण सम्राट अंतोनियस ह्याच्या हाती सोपविले. ह्या सात भावांना वेगवेगळ्या न्यायाधिशांकडे पाठवून त्यांना विविध प्रकारची शिक्षा 

ठोठावली जावी असा आदेश सम्राटने दिला. त्यानुसार जानुआरिअस ह्या थोरल्या भावाला खांबाला बांधून मरेपर्यंत फटके मारण्यात आले. फेलिक्स व फिलीप ह्या दोघांना दंडुक्यांनी बडविण्यात आले व त्यातच त्यांचा अंत झाला. सिल्वानुस ह्याला सर्व लोकसमुदायासमोर डोंगरकड्यावरून खाली ढकलून देण्यात आले आणि शेवटच्या तिघांचा आलेक्झांडर, विटालीस आणि मार्शिआलिस ह्यांचा शिरच्छेद करण्यात आला. सात दुःखांची ही तरवार आपल्या हृदयातून आरपार गेल्याची भावना त्या विधवा मातेने "याचि देही याचि डोळा" अनुभवली. शेवटी तिलाही ठार करण्यात आले.

✝️   

पहिले वाचन :होशेय १४:१-९

वाचक : होशेय या पुस्तकातून घेतलेले वाचन

“आमच्या हातांनी बनविलेल्या कृतीला, 'आमच्या देवा,' असे यापुढे आम्ही म्हणणार नाही."

परमेश्वर म्हणतो : हे इस्राएल, परमेश्वर तुझा देव याच्याकडे वळ, कारण तू आपल्या अधर्मामुळे ठोकर खाऊन पडला आहेस. तुम्ही शब्दानिशी परमेश्वराकडे वळा; आणि म्हणा, “आमचा सर्व अधर्म दूर कर; कृपेने आमचा स्वीकार कर, म्हणजे आम्ही आमच्या वाणीचे फळ अर्पू. असिरिया आमचा बचाव करणार नाही, आम्ही घोड्यांवर स्वार होणार नाही; आमच्या हातांनी बनविलेल्या कृतीस, 'आमच्या देवा,' असे यापुढे आम्ही म्हणणार नाही. तुझ्याजवळ पोरक्यांस दया मिळते.”

मी त्याला वाटेवर आणीन; त्याच्यावर मोकळ्या मनाने प्रीती करीन, कारण त्याच्यावरचा माझा राग गेला आहे. मी इस्राएलला दंहिवरासारखा होईन; तो भूकमलाप्रमाणे फुलेल, लबानोनप्रमाणे मूळ धरील. त्याच्या फांद्या पसरतील, त्याचे सौदर्यं जैतून वृक्षासारखे होईल, त्याला लबानोनसारखा वास सुटेल. ते परत येऊन त्याच्या छायेत राहतील, ते धान्यासारखे पुनर्जीवित होतील आणि द्राक्षीप्रमाणे फळे देतील; त्यांची कीर्ती लबानोनच्या द्राक्षरसासारखी होईल.

एफ्राइमला यापुढे मूर्तीशी काय कर्तव्य आहे? मी तर त्याचे ऐकून त्याच्यावर लक्ष ठेवीन, मी हिरव्यागार सरूसारखा आहे, माझ्यापासून तुला फळ मिळते. जो कोणी शहाणा आहे त्याला हे समजेल, जो कोणी समंजस आहे त्याला हे कळेल; परमेश्वराचे मार्ग सरळ आहेत; त्यांनी धार्मिक चालतील आणि पापीजन त्यात अडखळून पडतील. 

हा प्रभूचा शब्द आहे 

देवाला धन्यवाद.सर्व :

First Reading :

Hosea 14:1-9

Thus says the Lord; Return, O Israel, to the Lord your God for you have Stumbled because of your iniquity. Take with you words and return to the Lord; say to him, "Take away all iniquity; accept what is good, and we will pay with bulls the vows of our lips. Assyria shall not save us, we will not ride on horses; and we will say no more, 'Our God', to the work of our hands. In you the orphan finds mercy." I will heal their apostasy; I will love them freely, for my anger has turned from them. I will be like the dew to Israel; he shall blossom like the lily; he shall take root like the trees of Lebanon; his shoots shall spread out; his beauty shall be like the olive, and his fragrance like Lebanon. They shall return and dwell beneath my shadow; they shall flourish like the corn; they shall blossom like the vine; their fame shall be like the wine of Lebanon. O Ephraim, what have I to do with idols? It is I who answer and look after you. I am like an evergreen cypress; from me comes your fruit. Whoever is wise, let him understand these things; whoever is discerning, let him know them; for the ways of the Lord are right, and the upright walk in them, but transgressors stumble in them.

This is the word of God 

Thanks be to God 

प्रतिसाद ५१स्तोत्र:३-४,८-९,१२-१७

प्रतिसाद :माझे मुख तुझी कीर्ती वर्णील.

१) हे देवा, तू आपल्या वात्सल्याला अनुसरून

माझ्यावर कृपा कर.

 तू आपल्या महान करूणेस अनुसरून

 माझे अपराध पुसून टाक.

मला धुवून माझा दोष अगदी काढून टाक, 

माझे पाप दूर करून मला स्वच्छ कर.

२) पाहा, अंतर्यामीची सत्यता तुला आवडते; 

तू माझ्या अंतर्यामाला ज्ञानाची ओळख करून दे. 

एजोब वनस्पतीने माझा पापमल काढ म्हणजे मी निर्मळ होईन;

मला धू म्हणजे मी बर्फाहून शुभ्र होईन.

३) हे देवा, माझ्या ठायी शुद्ध हृदय उत्पन्न कर; 

माझ्या ठायी स्थिर असा आत्मा पुन्हा घाल. 

तू मला आपल्यापुढून घालवून देऊ नकोस. 

आणि आपला पवित्र आत्मा माझ्यामधून काढून घेऊ नकोस.

४) तू केलेल्या तारणांचा आनंद मला पुन्हा होऊ दे; 

उत्सुकतेच्या आत्म्याने मला सावरून धर.

 हे प्रभो, माझे ओठ उघड, म्हणजे माझे मुख तुझी कीर्ती वर्णील.

Psalm 51:3-4, 8-9, 12-14 & 17

My mouth shall proclaim your praise.

 Have mercy on me, O God, 

according to your merciful love; 

according to your great compassion, 

blot out my transgressions.

Wash me completely from my iniquity, 

and cleanse me from my sin. R

Yes, you delight in sincerity of heart; 

in secret you teach me wisdom.

Cleanse me with hyssop, and I shall be pure; 

wash me, and I shall be whiter than snow. R

Create a pure heart for me, O God; 

renew a steadfast spirit within me.

Do not cast me away from your presence;

take not your holy spirit from me. R

Restore in me the joy of your salvation; 

sustain in me a willing spirit.

O Lord, open my lips

and my mouth shall proclaim your praise. R 

जयघोष  

आलेलुया, आलेलुया!

हे परमेश्वरा, तू माझे नेत्र उघड,

 म्हणजे तुझ्या नियमशास्त्रातील अद्भुत गोष्टी

 माझ्या दृष्टीस पडतील.

 आलेलुया!

Acclamation:

Alleluia:

R. Alleluia, alleluia.

When the Spirit of truth comes, to your remembrance all that I have said to you. he will guide you into all the truth and bring

R. Alleluia, alleluia.

शुभवर्तमान मत्तय १०:१६-२३

वाचक : मत्तयलिखित पवित्र शुभवर्तमानातून घेतलेले वाचन

 “बोलणारे तुम्ही नाही, तर तुमच्या पित्याचा आत्मा हाच तुमच्या ठायी बोलणारा आहे."

येशूने बारा जणांना पुढीलप्रमाणे शिकवले, पाहा, लांडग्यामध्ये मेंढरांना पाठवावे तसे मी तुम्हांला पाठवतो; म्हणून तुम्ही सापांसारखे चतुर आणि कबुतरांसारखे निरुपद्रवी व्हा. माणसांच्या बाबतीत जपून राहा; कारण ते तुम्हांला न्यायसभेच्या स्वाधीन करतील, आपल्या सभास्थानात तुम्हांला फटके मारतील आणि तुम्हांला माझ्यामुळे देशाधिकारी आणि राजे ह्याच्यापुढे नेण्यात येईल आणि तुम्ही त्यांना आणि परराष्ट्रीयांना साक्ष व्हाल. जेव्हा तुम्हांला त्यांच्या स्वाधीन करतील तेव्हा कसे अथवा काय बोलावे ह्याची काळजी करू नका, कारण तुम्ही काय बोलावे हे त्याच घटकेस तुम्हांला सुचवले जाईल; कारण बोलणारे तुम्ही नाही, तर तुमच्या पित्याचा आत्मा हाच तुमच्या ठायी बोलणारा आहे. भाऊ भावाला आणि बाप मुलाला जिवे मारण्यासाठी धरून देईल, मुले आईबापांवर उठून त्यांस ठार करतील आणि माझ्या नावामुळे सर्व लोक तुमचा द्वेष करतील. तथापि जो शेवटपर्यंत टिकेल तोच तरेल. जेव्हा एका गावात तुमचा छळ करतील तेव्हा दुसऱ्यात पळून जा; मी तुम्हांला खचित सांगतो, मनुष्याचा पुत्र येईपर्यंत इस्राएलची सगळी गावे तुमच्याने फिरून होणार नाहीत.

लोक : प्रभूचे हे शुभवर्तमान . 

सर्व : हे ख्रिस्ता  तुझी स्तुती असो. 

Gospel Reading:  

Matthew 10:16-23

At that time: Jesus said to his disciples, "Behold, I am sending you out as sheep in the midst of wolves, so be wise as serpents and innocent as doves. Beware of men, for they will deliver you over to councils and flog you in their synagogues, and you will be dragged before governors and kings for my sake, to bear witness before them and the Gentiles. When they deliver you over, do not be anxious how you are to speak, or what you are to say, for what you are to say will be given to you in that hour. For it is not you who speak, but the Spirit of your Father speaking through you. Brother will deliver brother over to death, and the father his child, and children will rise against parents and have them put to death, and you will be hated by all for my name's sake. But the one who endures to the end will be saved. When they persecute you in one town, flee to the next, for truly, I say to you, you will not have gone through all the towns of Israel before the Son of Man comes.

 This is the Gospel of the Lord  

Praise the Lord Jesus Christ .

चिंतन: 

होशेया लोकांना हाक मार्ता-पापातून परत या, कारण देव दयाळू आहे आणि पुनर्स्थापना करायला तत्पर आहे. देवाकडे परत येणाऱ्यांच्या जखमा तो भरून काढतो आणि कोरड्या जीवनात नव्या फलद्रुपतेचा वर्षावकरतो. पण प्रश्न असा-आपण देवाच्या घरासाठी अडथळा आहोत की बळ देणारा दगड? अविश्वास, कठोरता आणि पाप अडथळे निर्माण करतात; तर नम्रता, दया आणि सत्य लोकांना देवाकडे नेतात. मत्तयाच्या सुवार्तेत येशू सांगतोः "मेंढरांसारखे लांडग्यांत"-शिष्यत्व म्हणजे धोक्यातील पण धैर्याचा प्रवास. तो सांगतो की देवाची उपस्थिती ओळखून शहाणपणाने, विवेकाने निर्णय घ्यावेत. पवित्र आत्मा आपल्याला योग्य शब्द देतो भीतीने नव्हे तर विश्वासाने बोलण्यासाठी. संकटे येतील, विरोध होईल, पण देव प्रत्येक क्षणी आपल्या सोबत असतो-हीच मिशनची शक्ती. जे देवाकडे परततात ते आशीर्वादाचे वाहक बनतात; जे सत्यात उभे राहतात ते त्याचे घर मजबूत करतात. म्हणून आपण अडथळा नव्हे, तर बळ- विवेकी, धैर्यवान, आणि देवाच्या सत्यात स्थिर शिष्य बनूया.

प्रार्थना :हे पवित्र व सामर्थ्यशाली पावन आत्म्या, ये आणि आमच्या मनातील भीती नष्ट कर आम्हाला, सुवार्ता प्रसाराचे माध्यम बनव, आमेन.

✝️