Marathi Bible Reading | 14th week in ordinary Time | Thursday 9th July 2026 |

 सामान्यकाळातील चौदावा सप्ताह 

गुरुवार ९ जुलै  २०२६ 

'स्वर्गाचे राज्य जवळ आले आहे.' रोग्यांना बरे करा, मेलेल्यांना उठवा, कुष्ठ रोग्यांना शुद्ध करा, भुते काढा.

The kingdom of heaven is at hand. Heal the sick, raise the dead, cleanse lepers, cast out demons.

 गोर्कुम (हॉलंड ) चे रक्तसाक्षी - 

संत निकोलस पिएल आणि त्याचे सहकारी (१५७२)

सोळाव्या शतकात कॅल्विन नावाचा एक प्रसिद्ध विचारवंत होऊन गेला. मात्र पुढे त्याने ख्रिस्ती धर्माच्या शिकवणुकीविरुद्ध उघड उघड बंड पुकारले आणि कॅल्विनिझम नावाची विचारसरणी मानणाऱ्यांचा एक पंथ स्थापन केला. प्रॉटेस्टंट पंथासमानच त्यांची शिकवण होती. कालांतराने हा पंथ इतका व्यापक बनला की त्यांनी कॅथलिक शिकवण पाळणाऱ्या लोकांचा छळ करायला सुरवात केली.

हॉलंडमधील गोर्कुम या धर्मप्रांतात त्यांनी एक मोठे अमानुष हत्याकांड घडवून आणले. १९ धर्मगुरू आणि व्रतस्थांना त्यांनी ठार मारले. त्यापैकी बारा जणांना केवळ अतिपवित्र साक्रामेंतातील येशूच्या खऱ्या उपस्थितीवरील विश्वासापायी क्रुसावर खिळण्यात आले. त्यात एक धर्मगुरू तब्बल ९० वर्षांचे वृद्ध होते.

उरलेल्या सात जणांपैकी जेम्स लाकॉप्स ह्यांना शिडीवर उलटे टांगवण्यात आले आणि सहा जणांना खांबावर टांगून मारण्यात आले. त्यांच्या मृत्यूनंतर त्यांची निर्जीव शरिरे एका सार्वजनिक खड्ड्यात टाकण्यात आली. आश्चर्याची गोष्ट म्हणजे इ. स. १६१६ पर्यंत म्हणजे १९४४ वर्षापर्यंत त्यातील एकही देह कुजला नाही. पुढे त्यांचे अवशेष बेल्जियम येथील क्रुसेल्सच्या फ्रान्सिस्कन चर्चमध्ये पुरण्यात आले. इ. स. १८६७ साली त्यांना संत म्हणून घोषित करण्यात आले.

प्रभू येशूला लोकांचा कळवळा आला कारण, 'मेंढपाळ नसलेल्या मेंढरांसारखे लोक बहकलेले होते.' प्रभू येशूने अशा सर्वांना जवळ केले.  त्यांच्या व्यथा समजून घेतल्या व त्यांना मार्गदर्शन केले. देवाचे वचन आणि देवराज्याची घोषणा करीत प्रभू येशूने अंधांना दृष्टी, मुक्यांना वाचा व बहियांना श्रवण शक्ती दिली. आजारी, अपंग आणि पीडित जनांना विश्वासात बळकट करुन महान चमत्कारांद्वारे देवाचे प्रकटीकरण केले. प्रभू येशू सर्वांचा मेंढपाळ,  सरंक्षण कर्ता, मार्गदर्शक, प्रकाश व मुक्तीदाता बनला.

आपण जर देवापासून, चांगुलपणापासून, सत्यापासून बहकून दूर गेलो असल्यास प्रभू येशूला आपला प्रभू आणि मेंढपाळ म्हणून त्याचा स्वीकार करु या. त्याच्या वचनावर विश्वास ठेवून त्याच्या कृपेच्या छायेत राहण्यासाठी प्रार्थना करु या. 

✝️   

पहिले वाचन :होशेय ११:१,३-४-८-९

वाचक : होशेय या पुस्तकातून घेतलेले वाचन

"माझे हृदय खळबळले आहे.' "

परमेश्वर म्हणतो : इस्राएल लहान मूल असता त्याच्यावर माझी प्रीती बसली; मी त्याला आपला पुत्र म्हणून इजिप्तमधून बोलावले.

मीच एफ्राइमला चालायला शिकवले, मी त्यांना आपल्या कवेत वागवले आणि मी त्यांना बरे केले, पण ते त्यांना ठाऊक नाही. मानवी बंधनांनी, प्रेमरज्जूंनी, मी त्यांना ओढले; बैलाच्या गळ्यातले जोते सैल करणाऱ्यासारखा मी त्यांना झालो; त्यांना मी ममतेने खाऊ घातले. माझे हृदय खळबळले आहे, माझ्या कळवळ्यास ऊत आला आहे. मी आपल्या क्रोधसंतापाप्रमाणे करणार नाही, मी एफ्राइमचा नाश करण्याकरिता मागे फिरणार नाही; कारण मी देव आहे, मनुष्य नव्हे; तुझ्यामध्ये असणारा पवित्र प्रभू तो मी आहे ; मी क्रोधावेशाने येणार नाही.

सर्व : देवाला धन्यवाद.

First Reading :

Hosea 11:1-4, 8c-9

Thus says the Lord: When Israel was a child I loved him, and out of Egypt I called my son. The more they were called, the more they went away; they kept sacrificing to the Baals and burning offerings to idols. Yet it was I who taught Ephraim to walk; I took them up by their arms, but they did not know that I healed them. I led them with cords of kindness, with the bands of love, and I became to them as one who eases the yoke on their jaws, and I bent down to them and fed them. My heart recoils within me; my compassion grows warm and tender. I will not execute my burning anger; I will not again destroy Ephraim; for I am God and not a man, the Holy One in your midst, and I will not come in wrath.

This is the word of God 

Thanks be to God 

प्रतिसाद स्तोत्र ८०:२-३,१५-१६

प्रतिसाद :   हे परमेश्वरा, आपला मुखप्रकाश आम्हांवर पाड,

१) हे इस्राएलच्या मेंढपाळा, जो तू करूबारूढ आहेस 

तो तू आपले तेज प्रकट कर.

 तू आपला पराक्रम दाखव 

आणि आम्हांला तारावयास ये.

२) हे सेनाधीश देवा, तू मागे फिर 

असे आम्ही तुला विनवितो, 

स्वर्गातून दृष्टी लावून पाहा 

आणि ह्या द्राक्षवेलाचे संगोपन कर.

 जे रोप तू आपल्या उजव्या हाताने लावले, 

जी शाखा तू स्वतःसाठी मजबूत केली तिचे संगोपन कर.

Psalm 80:2ac and 3b, 15-16

Let your face shine on us, Lord, and we shall be saved. 

O shepherd of Israel, hear us, 

enthroned on the cherubim, shine forth.

Rouse up your might and

come to save us. R.

God of hosts, turn again, we implore;

look down from heaven and see.

Visit this vine and protect it,

the vine your right hand has planted.

The son of man

you have claimed for yourself. R

जयघोष  

आलेलुया, आलेलुया!

हे परमेश्वरा,

तुझे सर्व नियम विश्वसनीय आहेत; 

ते सदासर्वकाळ अढळ आहेत.

 आलेलुया!

Acclamation:

Alleluia:

R. Alleluia, alleluia.

The kingdom of God is at hand; repent and believe in the gospel

R. Alleluia, alleluia.

शुभवर्तमान मत्तय १०:७-१५

वाचक : मत्तयलिखित पवित्र शुभवर्तमानातून घेतलेले वाचन

 

"तुम्हांला फुकट मिळाले, फुकट द्या."

येशूने आपल्या बारा शिष्यांना पुढीलप्रमाणे शिकवले, “जात असताना अशी घोषणा करीत जा की, 'स्वर्गाचे राज्य जवळ आले आहे.' रोग्यांना बरे करा, मेलेल्यांना उठवा, कुष्ठ रोग्यांना शुद्ध करा, भुते काढा. तुम्हांला फुकट मिळाले, फुकट द्या. सोने, रुपे किंवा तांबे आपल्या कंबरकशात घेऊ नका, वाटेसाठी झोळी, दुसरा अंगरखा, वहाणा किंवा काठी घेऊ नका; कारण कामकऱ्यांचे पोषण व्हावे हे योग्य आहे. ज्या ज्या नगरात किंवा गावात तुम्ही जाल त्यात कोण योग्य आहे हे शोधून काढा आणि तुम्ही तेथून जाईपर्यंत त्याच्याच येथे राहा. घरात जाताना, तुम्हांला शांती असो! असे म्हणा. ते घर योग्य असेल तर तुमची शांती त्याला प्राप्त होवो; ते योग्य नसले तर तुमची शांती तुम्हाकडे परत येवो. जो कोणी तुमचे स्वागत करणार नाही आणि तुमची वचने ऐकणार नाही, त्यांच्या घरातून किंवा नगरातून निघताना आपल्या पायांची धूळ झटकून टाका. मी तुम्हास नक्की सांगतो. 'न्यायाच्या दिवशी त्या नगरापेक्षा सदोम आणि गमोरा ह्या प्रदेशांना सोपे जाईल. "

लोक : प्रभूचे हे शुभवर्तमान . 

सर्व : हे ख्रिस्ता  तुझी स्तुती असो. 

Gospel Reading:  

Matthew 10:7-15

At that time: Jesus said to his apostles, "Proclaim as you go, saying, 'The kingdom of heaven is at hand. Heal the sick, raise the dead, cleanse lepers, cast out demons. You received without paying; give without pay. Acquire no gold or silver or copper for your belts, no bag for your journey, or two tunics or sandals or a staff, for the labourer deserves his food. And whatever town or village you enter, find out who is worthy in it and stay there until you depart. As you enter the house, greet it. And if the house is worthy, let your peace come upon it, but if it is not worthy, let your peace return to you. And if anyone will not receive you or listen to your words, shake off the dust from your feet when you leave that house or town. Truly, I say to you, it will be more bearable on the day of judgment for the land of Sodom and Gomorrah than for that town.

 This is the Gospel of the Lord  

Praise the Lord Jesus Christ .

चिंतन: 

होशेया सांगतो की इस्राएलने आशीर्वादांचा गैरवापर करून देवापासून दूर गेले - समृद्धी धर्माकडे नव्हे, तर पापाकडे वळली. जेव्हा हृदय देवापासून दूर होते, तेव्हा आशीर्वादही शापासारखे वाटू लागतात-कारण त्यांचा उपयोग चुकीच्या मार्गासाठी होतो. देव विचारतोः आपण दुष्टतेत जगतो की धार्मिकतेत ?-हा आज प्रत्येक विश्वासणाऱ्यासमोर उभा असलेला प्रश्न आहे. 'धर्म पेरा व प्रेम पिकवा' - होशेयाचे हे आवाहन आपल्याला आतून नव्याने बदलण्यास बोलावते. मत्तयात येशू बाराही प्रेषितांना बोलावतो-सामान्य माणसे, पण असामान्य ध्येयासाठी निवडलेली. त्यांना तो अधिकार, सामर्थ्य आणि आशीर्वाद देतो-आजारी बरे करणे, दुष्ट शक्तींवर विजय मिळवणे. हे दाखवते की देव जे बोलावतो त्यांना सक्षमही करतो- मिशन देतो आणि त्यासाठी कृपा देखील देतो. आपणही त्याचे शिष्य- आपल्या जीवनात, कुटुंबात, समाजात, कामाच्या ठिकाणी-राज्याच्या मिशनसाठी पाठवलेले आहोत. प्रश्न असाः आपण धार्मिकतेची बीजे पेरतो की दुष्टतेची ? - कारण मिशन आपल्या हृदयातूनच सुरू होते. देवाच्या कृपेने, धार्मिकतेने आणि प्रेमाने चालणारे लोकच जगाला खऱ्या अर्थाने देवाच्या राज्याचा आशीर्वाद बनतात.

प्रार्थना :हे प्रभू येशू, ख्रिस्ता, तुझ्या औदार्याबद्दल व कृपादानाबद्दल मी तुझे मनापासून आभार मानतो. इतरांपर्यंत तुझी सुवार्ता पसरविण्यासाठी मला सामर्थ्य व कृपा दे, आमेन.

✝️