Marathi Bible Reading | 15th week in ordinary Time | Thrusday16th July 2026 |

 सामान्यकाळातील पंधरावा सप्ताह 

गुरुवार  १६  जुलै  २०२६ 

“अहो कष्टी आणि भाराक्रांत जनहो, तुम्ही सर्व माझ्याकडे या म्हणजे मी तुम्हांला विसावा देईन.

"Come to me, all who labour and are heavy laden, and I will give you rest.

कार्मेल माता मरीयेचा सण 

कार्मेलाईट संस्थेचा संस्थापक संत सायमन स्टॉक (सण १६ मे) ह्यांनी आपल्या संस्थेचा चाललेला छळ रोखण्यासाठी पवित्र मरियेकडे संरक्षणाचे साकडे घातलेले होते. त्याला प्रत्युत्तर म्हणून इ. स. १२५१ साली इंग्लडमधील केंब्रिज ह्या ठिकाणी पवित्र मरियेने या वृद्ध सत्पुरुषाला दर्शन दिले आणि त्यांना तपकिरी रंगाची बेंतीण दिली. त्यावरून ख्रिस्तसभेत पवित्र मरिया ही “बेंतीणीची राणी ” म्हणून ओळखली जाऊ लागली व बेंतीण हा ख्रिस्ती परंपरेचा एक भाग बनली. प्रथम ख्रिस्तशरीर स्वीकारणाऱ्या मुलांचे सर्व वाईटांपासून रक्षण व्हावे म्हणून त्यांना बेंतीण देण्यात येते.

संत सायमन स्टॉक ह्यांना पवित्र मरियेने बेंतीण देतेवेळी अशी शाश्वतीदेखील दिली की, जो कोणी ही बेंतीण अत्यंत श्रद्धेने आणि मातेच्या वात्सल्याने आपल्याकडे बाळगील त्या व्यक्तीला पवित्र मरियेच्या मध्यस्थीचा विशेष लाभ होईल. तसेच मरणाच्या वेळी त्याला खास असे संरक्षण देण्यात येईल आणि अनंत यातनांपासून त्यांचे रक्षण करण्यात येईल.

एलिया संदेष्ट्याने कार्मेल नावाच्या पर्वतावर प्रत्यक्ष परमेश्वराचे दर्शन जगाला घडविले ती कथा १ राजे अध्याय १८ मध्ये वर्णन करण्यात आलेली आहे. शिवाय पॅलेस्टाईनमधल्या या कार्मेल पर्वतावर अनेक प्राचीन मठवासियांचे वास्तव्य होते, त्यामुळे हा पर्वत पवित्र भूमी म्हणून गौरविला गेला आहे. १३ व्या शतकात सारासीन लोकांनी मोठे हत्याकांड घडवून आणल्यामुळे सायमन स्टॉक ह्यांच्या मठवासियांनी कार्मेल पर्वतावरून पलायन केले आणि एकांतवासाऐवजी लोकांतवासाची परंपरा अंगिकारली. काही उपासतापासाचे आणि मौनाचे कडक कायदे त्यांनी शिथिल केले.

चिंतन: पवित्र मरियेने या जगासाठी मध्यस्थी केली नसती तर हे जग कधीच नष्ट झाले असते. - संत फ्रुमेन्शिअस यूड्स

आजच्या शुभवर्तमानात प्रभू येशू सर्वांना आश्वासन पूवर्क सांगत आहे, आपला प्रभू खरोखरच महान परमेश्वर आहे. तो आपल्या सर्वांच्या जीवनातील ओझी हलकी करू इच्छितो. थकलेल्या आणि भारक्रांत  झालेल्या सर्वांना प्रभू त्याच्या विसाव्यात म्हणजेच त्याच्या सहवासात येण्यासाठी आमंत्रण देत आहे. प्रभू येशूच्या विसाव्यात व सहवासातच आपल्या सर्व समस्यांचे उत्तर आपल्याला मिळू शकते. त्याच्या मायेच्या  पंखाखाली राहिल्यास सर्व दुःखे व कष्ट हलकी होतात. प्रभू येशू आपल्या सर्वांना बोलावित आहे, आपण त्याला शरण जाऊ या.   प्रभूच्या ठायीच शांती आणि विसावा आहे. त्याचा सहवास अनुभवण्यासाठी आपण त्याच्या राजासनाजवळ जाऊ या. 

पहिले वाचन :यशया २६:७-९,१२,१६-१९

वाचक : यशया या पुस्तकातून घेतलेले वाचन 

"मातीस मिळालेल्यांनो, जागृत व्हा आणि गजर करा.'

धार्मिकाचा मार्ग नीट आहे; तू न्यायपरायण असून तू धार्मिकाची गती सरळ करतोस. हे परमेश्वरा, तुझ्या न्यायमार्गात राहून तुझी आम्ही प्रतीक्षा करत आहो; तुझ्या नामाची आणि तुझ्या स्मरणाची उत्कंठा आमच्या जिवाला लागून राहिली आहे. रात्री माझ्या जिवाला तुझी उत्कंठा लागली; मी अगदी अंत:करणपूर्वक तुझा शोध करीन. कारण तुझी न्यायकृत्ये पृथ्वीवर दृष्टोत्पत्तीस येतात तेव्हा जगात राहणारे धार्मिकता शिकतात. हे परमेश्वरा आम्हांसाठी तू शांतता स्थापीत करशील; कारण तू आम्हांसाठी आमची सर्व कार्ये साधली आहेत.

हे परमरेश्वरा, संकटाच्या वेळी त्यांनी तुझ्याकडे दृष्टी फिरवली; त्यांना तुझ्याकडून शिक्षा झाली तेव्हा त्यांनी मंद स्वराने आपले हृद्गत तुला कळवले. प्रसूतिकाळ जवळ आलेली गरोदर स्त्री जशी वेणा देते आणि वेदनांनी ओरडते तसे, हे परमेश्वरा, तुझ्या दृष्टीसमोर आम्ही झालो आहे; आम्ही गरोदर होतो, आम्ही वेणा दिल्या, पण आम्ही जसे काय वारा प्रसवलो. आम्ही देशाचा काही उद्धार केला नाही, देशात वस्ती करायला कोणी जन्म पावले नाहीत. तुझे मृतजन जिवंत होतील, माझ्या लोकांची प्रेते उठतील. मातीला मिळालेल्यांनो जागृत व्हा, गजर करा; कारण तुझ्यावरील दहिवर, हे प्रभातीचे जीवनदायी दंहिवर आहे; भूमी प्रेते बाहेर टाकील.

हा प्रभूचा शब्द आहे 

सर्व : देवाला धन्यवाद.

First Reading :

Isaiah 26:7-9, 12, 16-19

The path of the righteous is level; you make level the way of the righteous. In the path of your judgments, O Lord, we wait for you; your name and remembrance are the desire of our soul. My soul yearns for you in the night; my spirit within me earnestly seeks you. For when your judgments are in the earth, the inhabitants of the world learn righteousness. O Lord, you will ordain peace for us, for you have indeed done for us all our works. O Lord, in distress they sought you; they poured out a whispered prayer when your discipline was upon them. Like a pregnant woman who writhes and cries out in her pangs when she is near to giving birth, so were we because of you, O Lord; we were pregnant, we writhed, but we have given birth to wind. We have accomplished no deliverance in the earth, and the inhabitants of the world have not fallen. Your dead shall live; their bodies shall rise. You who dwell in the dust, awake and sing for joy! For your dew is a dew of light, and the earth will give birth to the dead.

This is the word of God 

Thanks be to God 

प्रतिसाद स्तोत्र १०२:१३-२१

प्रतिसाद : परमेश्वराने आपल्या उंच स्थानावरून खाली पाहिले.

१ )हे परमेश्वरा, तू सर्वकाळ राजासनारूढ आहेस; 

तुझ्या नामाचे स्मरण पिढ्यान्पिढ्या कायम राहील. 

तू उठून सियोनवर दया करशील; 

कारण तिच्यावर कृपा करण्याचा समय आला आहे. 

नेमलेला समय येऊन ठेपला आहे; 

तुझ्या सेवकांना तिचे दगडही प्रिय आहेत; 

तिची धूळधाण पाहून ते हळहळतात.

२) राष्ट्रे परमेश्वराच्या नावाला, 

पृथ्वीवरचे सर्व राजे तुझ्या ऐश्वर्याला भितील; 

कारण परमेश्वराने सियोन पुन्हा बांधले आहे, 

तो आपल्या गौरवाने प्रकट झाला आहे. 

त्याने निराश्रितांच्या प्रार्थनेकडे लक्ष दिले आहे; 

त्यांची प्रार्थना त्याने तुच्छ मानली नाही.

३) पुढच्या पिढीसाठी हे लिहून ठेवले जाईल; 

पुढे उत्पन्न होणारी प्रजा परमेश्वराचे स्तवन करील; 

कारण परमेश्वराने आपल्या उच्च 

पवित्र स्थानावरून खाली पाहिले.

त्याने आकाशातून पृथ्वीकडे पाहून 

बंदिवानांचे सासे ऐकले

ज्यांचे मरण ठरले होते त्यांना सोडवले.

Psalm 102:13-14ab and 15, 16-18, 19-21

The Lord looked down from heaven to the earth.

But you, O Lord, are enthroned forever, 

and your renown is from age to age. 

You will arise and take pity on Sion, 

for this is the time to have mercy; 

Behold, your servants love her very stones,

 are moved to pity for her dust. 

The nations shall fear the name of the Lord, 

looked down from heaven to the earth, 

and all the earth's kings your glory.

 When the Lord shall build up Sion, 

he will appear in all his glory.

Then he will turn to the prayers of the helpless;

 he will not despise their prayers. R 

Let this be written for ages to come, 

that a people yet unborn may praise the Lord; 

The Lord looked down from his sholy place on high 

to hear the groans of the prisoners, 

and free those condemned to die. R 

जयघोष  

आलेलुया, आलेलुया!

तुझे वचन माझ्या पावलांकरिता दिव्यासारखे 

आणि माझ्या मार्गावर प्रकाशासारखे आहे.

 आलेलुया!

Acclamation:

Alleluia:

R. Alleluia, alleluia.

Come to me, all who labour and are heavy laden, and I will give you rest, says the Lond 

R. Alleluia, alleluia.

शुभवर्तमान मत्तय ११:२८-३०

वाचक : मत्तयलिखित पवित्र शुभवर्तमानातून घेतलेले वाचन

  "मी मनाचा सौम्य आणि लीन आहे."

येशूने म्हटले, “अहो कष्टी आणि भाराक्रांत जनहो, तुम्ही सर्व माझ्याकडे या म्हणजे मी तुम्हांला विसावा देईन. मी जो मनाचा सौम्य आणि लीन आहे, त्या माझे जू आपणावर घ्या आणि माझ्यापासून शिका म्हणजे तुमच्या मनाला शांती मिळेल. कारण माझे जू सोयीचे आणि माझे ओझे हलके आहे."

लोक : प्रभूचे हे शुभवर्तमान . 

सर्व : हे ख्रिस्ता  तुझी स्तुती असो. 

Gospel Reading:  

Matthew 11:28-30

At that time lesus declared, "Come to me, all who labour and are heavy laden, and I will give you rest. Take my yoke upon you, and learn from me, for I am gentle and lowly in heart, and you will find rest for your souls, for my yoke is easy, and my burden is light

 This is the Gospel of the Lord  

Praise the Lord Jesus Christ .

 चिंतन: 

देव न्यायींचा मार्ग सरळ करतो-त्याच्यावर चालणाऱ्यांसाठी तोच दिशादर्शक होतो. देवाच्या नावात आणि स्मरणात खरा शांतीचा अनुभव मिळतो. मनाने देवाची आकांक्षा ठेवणाऱ्यांना तो अंतःकरणातून शोधून काढतो. आपल्यातील बल नव्हे, तर आपल्या सर्व कृती देवच स्थिर करतो. संकटात लोक देवाला पुकारतात, तरीही तो करुणेने त्यांचे ऐकतो. देव आपल्याला मृतावस्थेतील निराशेतून पुन्हा उभारी देतो-तोच जीवन पुनर्स्थापित करतो. त्याचे वचन कोरड्या मातीवर पडणाऱ्या दवाप्रमाणे नवे जीवन फुलवते. येशू आपल्याला बोलावतोः "थकलेल्यांनो, माझ्याकडे या”-त्याच्यातच खरी विश्रांती आहे. त्याचे जू हलके आहे, कारण तो आपल्याला बळ देतो, भार उचलण्यास सक्षम करतो. देव आपली पुनर्स्थापना आणि येशूतील विश्रांती यांमधून विश्वासू जीवन जगण्याचे आमंत्रण देतो.

प्रार्थना : हे प्रभू येशू, तुझ्या विसाव्यात येण्यास व तुझी माया व कृपा | अनुभवण्यास आम्हाला प्रेरणा दे, आमेन.