सामान्य काळातील बाविसावा सप्ताह
मंगळवार ३ सप्टेंबर २०२४
“गप्प राहा आणि ह्याच्यातून नीघ."
"Be silent and come out of him!"
संत ग्रेगरी महान
-परमगुरू, वर्तनसाक्षी, धर्मपंडित (५४०-६०४)
१२ मे ६०४ साली त्यांना मृत्यू आला. गायक, विद्यार्थी, विद्वान आणि शिक्षक ह्यांचे ते आश्रयदाते मानले जातात.
चिंतन : आत्म्याच्या तारणासाठी जिद्दीने केलेल्या परिश्रमाइतके स्वीकारणीय अर्पण इतर कोणत्याही मार्गांनी आपल्याला करता येणे शक्य नाही. -संत ग्रेगरी महान
प्रभू येशूचे सामर्थ्य, अधिकार व त्याचे सार्वभौमत्व आपण ओळखायला शिकले पाहिजे. प्रभू येशू ख्रिस्त गालीलात अधिकार युक्त वाणीने लोकांना शिक्षण देत होता. त्यावेळी अशुद्ध आत्मा लागलेल्या माणसाने प्रभू येशू देवाचा पवित्र पुरुष असल्याचे ओळखले आणि येशूला विचारले, 'तू आमच्यामध्ये का पडतोस' प्रभू येशू ख्रिस्ताने अशुद्ध आत्म्याला धमकावून| अधिकार वाणीने म्हटले., 'गप्प राहा व ह्याच्यातून निघ'. त्यावेळी अशुद्ध
आत्मा त्या माणसाला सोडून निघून गेला. प्रभू येशूने अनेक अशुद्ध आत्मे
माणसांतून बाहेर काढल्याची बायबलमध्ये नोंद आहे. हे आजच्या घटनेतून सुद्धा सिद्ध झाले आहे. अशुद्ध आत्म्यावर आणि जगातील दुष्ट शक्तिवर प्रभू येशूचा अधिकार आहे म्हणून प्रभू चरणी आपण नतमस्तक होऊ या. ख्रिस्ती माणूस जर ख्रिस्ताठायी प्रकाशाचे म्हणजेच पवित्रतेचे जीवन जगत असेल तर ह्या जगातील सैतानी शक्तीचे त्याच्यावर वर्चस्व चालू शकत नाही.
आपण आज सर्वस्वी प्रभू येशूठायी शरणागत होऊन त्याच्या इच्छेप्रमाणे जीवन जगण्यासाठी प्रार्थना करु या.
✝️
पहिले वाचन : : १करिथ २:१०-१६
वाचन :पौलचे करिथकरांस पहिले पत्र यातून घेतलेले वाचन
"स्वाभाविक वृत्तीचा माणूस देवाच्या आत्म्याच्या गोष्टी स्वीकारत नाही. जो आध्यात्मिक वृत्तीचा आहे तो तर सर्व गोष्टी पारखतो."
आत्मा हा सर्व गोष्टींचा आणि देवाच्या गहन गोष्टींचाही शोध घेतो. मनुष्याच्या ठायी वसणारा जो आत्मा त्याच्यावाचून मनुष्याच्या गोष्टी ओळखणारा मनुष्यामध्ये कोण आहे ? तसा देवाच्या गोष्टी ओळखणारा देवाच्या आत्म्याशिवाय कोणी नाही. आपल्याला जगाचा आत्मा नव्हे, तर देवापासून निघणारा आत्मा मिळाला आहे, ह्यासाठी की, जे देवाने आपल्याला कृपेने दिले ते आपण ओळखून घ्यावे. ते आम्ही मानवी ज्ञानाने शिकवलेल्या शब्दांनी नव्हे तर आत्म्याने शिकवलेल्या शब्दांनी, आध्यात्मिक गोष्टींबरोबर आध्यात्मिक गोष्टींची संगती लावून सांगतो. स्वाभाविक वृत्तीचा माणूस देवाच्या आत्म्याच्या गोष्टी स्वीकारत नाही, कारण त्या त्याला मूर्खपणाच्या वाटतात आणि त्याला त्या समजू शकणार नाहीत, कारण त्यांची पारख आत्म्याच्या द्वारे होते. जो आध्यात्मिक वृत्तीचा आहे तो तर सर्व गोष्टी पारखतो, तरी त्याची स्वतःची पारख कोणाकडूनही होत नाही. प्रभूचे मन असे कोणी ओळखले आहे की, त्याने त्याला शिकवावे ? आपल्याला तर ख्रिस्ताचे मन आहे.
हा प्रभूचा शब्द आहे
सर्व : देवाला धन्यवाद.
First Reading : 1 Corinthians 2:10b-16
Brethren: The Spirit searches everything, even the depths of God. For who knows a person's thoughts except the spirit of that person, which is in him? So also no one comprehends the thoughts of God except the Spirit of God. Now we have received not the spirit of the world, but the Spirit who is from God, that we might understand the things freely given us by God. And we impart this in words not taught by human wisdom but taught by the Spirit, interpreting spiritual truths to those who are spiritual. The natural person does not accept the things of the Spirit of God, for they are folly to him, and he is not able to understand them because they are spiritually discerned. The spiritual person judges all things, but is himself to be judged by no one. "For who has understood the mind of the Lord so as to instruct him?" But we have the mind of Christ.
This is the word of God
Thanks be to God
प्रतिसाद स्तोत्र १४४:८-९,१०-१२,१३-१४
प्रतिसाद : परमेश्वर कृपाळू आणि दयाळू आहे.
१ परमेश्वर कृपाळू आणि दयाळू आहे,
तो मंदक्रोध आणि अतिदयाळू आहे,
परमेश्वर सगळ्यांना चांगला आहे,
त्याची कृपा त्याच्या सर्व कृत्यांवर आहे.
२ हे परमेश्वरा, तुझी सर्व कृत्ये तुझी स्तुती गातात,
आणि तुझे भक्त तुला धन्यवाद देतात,
ते तुझ्या राज्याचा महिमा वर्णितात,
आणि तुझा पराक्रम कथन करतात,
ह्यासाठी की, तुझे पराक्रम
आणि तुझ्या राज्याचे वैभवयुक्त ऐश्वर्य
ही मानवजातीला कळावी.
३ तुझे राज्य युगानुयुग राहणारे राज्य आहे,
तुझा राज्याधिकार पिढ्यान्पिढ्या टिकणारा आहे,
प्रभू आपल्या वचनाला जागतो,
त्याची प्रत्येक कृती प्रेमाची असते,
पतन पावणाऱ्या सर्वांना परमेश्वर आधार देतो
आणि वाकलेल्या सर्वांना उभे करतो.
Psalm 145:8-9, 10-11, 12-13ab, 13cd-14
The Lord is just in all his ways.
The Lord is kind and full of compassion,
slow to anger, abounding in mercy.
How good is the Lord to all,
compassionate to all his creatures.
All your works shall thank you, O Lord,
and all your faithful ones bless you.
They shall speak of the glory of your reign,
and declare your mighty deeds. R
To make known your might to the children of men,
and the glorious splendour of your reign.
Your kingdom is an everlasting kingdom;
your rule endures for all generations.
The Lord is faithful in all his words,
and holy in all his deeds.
The Lord supports all who fall,
and raises up all who are bowed down.
जयघोष
आलेलुया, आलेलुया!
माझ्या देवा, तुझ्या वाटा मला प्रकट कर, तू आपल्या सत्पथाने मला चालव.
आलेलुया!
Acclamation:
A great prophet has arisen among us, and God has visited his people.
शुभवर्तमान लूक ४:३१-३७
वाचक : लूकलिखित पवित्र शुभवर्तमानातून घेतलेले वाचन
“तू देवाचा पवित्र पुरुष आहेस हे मला ठाऊक आहे.”
येशू गालिलातील कफर्णहूम गावी खाली आला. तो शब्बाथ दिवशी त्यांना शिक्षण देत असे. त्याच्या शिक्षणावरून ते थक्क झाले, कारण त्याचे बोलणे अधिकारयुक्त होते. तेव्हा अशुद्ध भुताच्या आत्म्याने पछाडलेला कोणीएक माणूस सभास्थानात होता, तो मोठ्याने ओरडून म्हणाला, “अरे येशू नाझरेथकर ! तू आमच्यामध्ये का पडतोस ? तू आमचा नाश करण्यासाठी आला आहेस का ? तू कोण आहेस हे मला ठाऊक आहे, देवाचा पवित्र पुरुष तो." तेव्हा येशू त्याला धमकावून म्हणाला, “गप्प राहा आणि ह्याच्यातून नीघ." मग भूत त्या मनुष्याला त्यांच्यामध्ये खाली आपटून काही उपद्रव न करता त्याच्यातून निघाले. तेव्हा सर्व जण विस्मित होऊन एकमेकांना म्हणू लागले, "काय हे बोलणे ? ह्या अधिकाराने आणि सामर्थ्याने अशुद्ध आत्म्यांना आज्ञा करतो आणि ते निघून जातात!" नंतर त्याच्याविषयीची ख्याती चहूकडील प्रदेशात पसरत गेली.
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading : Luke 4:31-37
At that time: Jesus went down to Capernaum, a city of Galilee. And he was teaching them on the Sabbath, and they were astonished at his teaching, for his word possessed authority. And in the synagogue there was a man who had the spirit of an unclean demon, and he cried out with a loud voice, "Ha! What have you to do with us, Jesus of Nazareth? Have you come to destroy us? I know who you are the Holy One of God." But Jesus rebuked him, saying, "Be silent and come out of him!" And when the demon had thrown him down in their midst, he came out of him, having done him no harm. And they were all amazed and said to one another, "What is this word? For with authority and power he commands the unclean spirits, and they come out!" And reports about him went out into every place in the surrounding region
This is the Gospel of the Lord
Praise the Lord Jesus Christ .
चिंतन:
येशूच्या शब्दात सामर्थ्य आहे. येशूने लेविला म्हटले, “माझ्यामागे ये” (लूक ५: २७). पंगु माणसाला म्हणाला, "उठ, आपली बाज उचलून घेऊन चालू लाग” (योहान ५ः ८), समुद्राला म्हटले, "उगा राहा, शांत हो” मग वारा शांत झाला. (मार्क ४ः ३९). परंतु आजच्या शुभवर्तमानातून आम्ही शिकतो की,येशूचे प्रभुत्व किंवा सामर्थ्य हे निसर्गातील भौतिक गोष्टीवरच नव्हे तर सजीव प्राणी आणि अदृश्य आत्म्यावरही आहे. दृष्ट आत्मे त्याच्या उपस्थितीला घाबरले आणि त्याच्या आज्ञेचे पालन केले. येशूने आपल्या शिष्यांनाही शक्ती दिली. "पाहा, मी तुम्हाला साप आणि विंचू ह्यांना तुडविण्याचा व शत्रूच्या सर्व शक्तीवरचा अधिकार दिला आहे.” (लूक १०:१९). मी जी कृत्ये करतो, तो जो माझ्यावर विश्वास ठेवणाराही करील. (योहान १४:१२). आपल्यामध्ये कार्यरत असलेला देवाचा आत्मा सतत आपल्यात कार्यरत असतो. यावर माझा विश्वास आहे का ?
प्रार्थना : हे प्रभू येशू, माझी श्रद्धा दृढ कर, मला सशक्त कर व सर्व प्रकारच्या बंधनातून मला मुक्त कर, आमेन.
✝️
पवित्र मरियेच्या जन्मदिन नोव्हेनाची प्रार्थना २०२४
हे परमेश्वरा, आमच्या स्वर्गातील बापा , तुझा पुत्र आमचा प्रभू येशू ख्रिस्त, ह्याला धन्य कुमारी मरियेने जेव्हा जन्म दिला त्या दिवशी आमच्या तारणाची मंगल पहाट उगवली. आम्हाला तिच्या अखंड मध्यस्थीचा लाभ घडावा,त्याने आम्हाला पापांपासून मुक्त केले आणि आम्ही धन्य झालो . पवित्र मरियेचा जन्मदिवस उत्सव साजरा करीत असताना आजा-यांना आरोग्य लाभावे,दुःखितांचे सांत्वन व्हावे,पाप्यांना क्षमा मिळावी, आणि आम्ही ज्या हेतूंसाठी प्रार्थना करीत आहोत तो सफल व्हावा म्हणून आम्हाला सहाय्य कर ,
(इथे आपली विनंती सांगावी)
आम्हाकडे दया दृष्टीने पहा, आणि आमची दयाळू माता पवित्र मरिया हिचा आदर्श डोळ्यासमोर ठेवून आम्ही इतरांसाठी तुझ्या कृपेचे साधन बनावेत म्हणून आम्हाला पवित्र आत्म्याची शक्ती दें. तू धन्य कुमारी मरियेसाठी अदभूत कृत्ये केलेली आहेत. शरीर व आत्म्यासह तिला स्वर्गीय वैभवात सहभागी केलेस ख्रिस्ताच्या वैभवाच्या आशेने तुझ्या लेकरांची हृदये भरून काढ. आमेन.
हे मोत मावले, आम्हासाठी विनंती कर.
हे वेलंकनी माते, आम्हासाठी विनंती कर.
हे नित्य सहाय्यक माते, आम्हासाठी विनंती कर.
.jfif)
0 टिप्पण्या