सामान्यकाळातील २५ वा सप्ताह
बुधवार दिनांक २४ सप्टेंबर २०२५
येशूने बारा प्रेषितांना एकत्र बोलावून त्यांना सर्व भुते काढण्याचे आणि रोग बरे करण्याचे सामर्थ्य व अधिकार दिला
esus called the twelve together and gave them power and authority over all demons and to cure diseases,
दयामाता सण
संत पीटर नोलास्को, पेन्याफोर्टचे संत रेमंड आणि अॅरागॉनचा राजा जेम्स ह्यांनी इ.स. १२३३ साली बार्सेलोना (स्पेन) येथे स्थापन केलेल्या 'दयामाता संघा'ने सारासेनच्या गुलामगिरीतून ख्रिस्ती गुलामांना मुक्त करण्याचे प्रेषितकार्य सुरू केले. त्यासाठी लागेल ती खंडणी या संस्थेतील धर्मगुरू व धर्मबंधू स्वकष्टाने मिळवून देत असत. त्यांनी पवित्र मरियेच्या सन्मानार्थ हा सण साजरा करण्यास सुरुवात केली.
हळूहळू फ्रान्स आणि स्पेन देशांनी हा सण साजरा करण्यास प्रारंभ केला व शेवटी पोप इनोसंट तेरावे ह्यांनी १६९६ साली संपूर्ण जगभरच्या ख्रिस्तसभेने सदर सण साजरा करावा अशी अधिकृत घोषणा केली. वसईतील मर्सेस या ठिकाणी मर्सेस माऊली (दयामाता) चे चर्च आहे व सप्टेंबर महिन्याच्या शेवटी दयामातेचा सण तिथे साजरा केला जातो.इंग्लडच्या परिवर्तनासाठी आणि चुकीच्या धार्मिक शिकवणुकीपासून भाविकांचे संरक्षण व्हावे म्हणून दयामातेचा धावा केला जातो. सैतानाच्या विषारी तावडीतून पाप्यांची सुटका व्हावी, शुद्धीस्थानातील आत्म्यांचे तारण व्हावे म्हणून देखील पवित्र मरियेकडे मध्यस्थीची याचना केली जाते.
देवाचे राज्य भूतलावर प्रस्थापित करणे म्हणजे सर्वत्र प्रेम, शांती, परोपकार, दया व समेटाचे वातावरण असायला हवे. त्याचप्रमाणे देवराज्यात कोणीही दुःखी, कष्टी आणि व्याधीग्रस्त व भूतग्रस्त असू नये. अशा स्वर्गीय आनंदाचा अनुभव सर्वांना मिळावा म्हणूनच प्रभू येशू ख्रिस्ताने प्रेषितांना निवडले व प्रथम त्यांना देवराज्याचा अनुभव दिला.
बाप्तिस्मा स्वीकारलेल्या प्रत्येक माणसाला प्रभू येशू तेच सामर्थ्य व अधिकार देऊन आज देवाची व सुवार्तेची साक्ष देण्याकरिता पाचारण करीत आहे. देवराज्य प्रस्थापित करण्यासाठी प्रभू येशू आपल्या प्रत्येकाला तारणाचे साधन बनवू इच्छित आहे.
प्रार्थना, तप साधना व प्रभू वचनांचे प्रशिक्षण घेण्यासाठी ख्रिस्तसभा प्रत्येकाला पाचारण करीत असते. इशज्ञानाचे व बायबलचे प्रशिक्षण घेण्यासाठी व देवराज्याची साक्ष देण्यासाठी ख्रिस्तसभा सुद्धा आपल्या सर्वांना आवाहन करीत आहे. आज समाजातील गरिब, दुःखी, कष्टी, आजारी आणि भयग्रस्त व निराश माणसांना आपल्या सहकार्याची गरज आहे. प्रभू येशू बोलावित आहे. प्रभूवरील आपला विश्वास दृढ बनवून आपण त्याचे खरे अनुयायी बनण्यासाठी प्रेरणा मागू या.
पहिले वाचन : एज्रा ९ : ५-९
वाचक :एज्रा या पुस्तकातून घेतलेले वाचन
"आमच्या दास्यात देवाने आमचा त्याग केला नाही. "
उपोषण केलेला, वस्त्र आणि झगा फाडलेला, अशा स्थितीत मी एज्रा, संध्याकाळच्या अर्पणसमयी उठलो आणि गुडघे टेकून माझा देव परमेश्वर याच्यापुढे आपले हात पसरून म्हणालो, “हे माझ्या देवा, मला लाज वाटते. मला तुझ्यापुढे तोंड वर करण्यास शरम वाटते, कारण आमचे अपराध वाढून आमच्या डोक्यावरून गेले आहेत. आणि आमचे दोष वाढून गगनाला जाऊन पोहोचले आहेत. आमच्या पूर्वजांच्या काळापासून आजपर्यंत आम्ही अतिशय अपराधी आहो आणि आमच्या अधर्मामुळे आम्ही आमचे राजे आणि आमचे याजक अनेक देशांच्या राजांच्या हाती सापडून तलवार, बंदिवास, लुटालूट आणि लोकलज्जा अशा विपत्तीत पडलो आहो, आज आमची स्थिती अशीच आहे. पण सांप्रतथोडे दिवस आमचा देव परमेश्वर याने आम्हांवर अनुग्रह केला आहे. आमच्यातले थोडेसे लोक बचावून शिल्लक ठेवले आहेत आणि आम्हांला त्याच्या पवित्रस्थानात एका खुंटीचा आधार मिळाला आहे, आमच्या देवाने आमचे डोळे सतेज केले आहेत आणि आमच्या दास्यात आम्हांला थोडेसे नवजीवन मिळाले आहे. आम्ही दास तर आहोच, तरी आमच्या दास्यात देवाने आमचा त्याग केला नाही, उलट त्याने पारसदेशीय राजांच्याद्वारे आमच्यावर कृपादृष्टी केली आहे, यासाठी की, आम्ही नवजीवित होऊन आपल्या देवाचे मंदिर उभारावे, त्याच्या मोडतोडीची दुरुस्ती करावी आणि यहुदा व येरुशलेम यांमध्ये आम्हांला आश्रयस्थान मिळावे."
हा प्रभूचा शब्द आहे
सर्व : देवाला धन्यवाद.
First Reading :Ezra 9:5-9
Lord my At the evening sacrifice I, Ezra, rose from my fasting, with my garment and my cloak torn, and fell upon my knees and spread out my hands to the God, saying: "O my God, I am ashamed and blush to lift my face to you, my God, for our iniquities have risen higher than our heads, and our guilt has mounted up to the heavens. From the days of our fathers to this day we have been in great guilt. And for our iniquities we, our kings, and our priests have been given into the hand of the kings of the lands, to the sword, to captivity, to plundering, and to utter shame, as it is today. But now for a brief moment favour has been shown by the Lord our God, to leave us a remnant and to give us a secure hold within his holy place, that our God may brighten our eyes and grant us a little reviving in our slavery. For we are slaves. Yet our God has not forsaken us in our slavery, but has extended to us his steadfast love before the kings of Persia, to grant us some reviving to set up the house of our God, to repair its ruins, and to give us protection in Judea and Jerusalem."
This is the word of God
Thanks be to God
प्रतिसाद स्तोत्र तोबीत १३:२,४,६,७,८
प्रतिसाद : परमेश्वराला धन्यवाद असो.
१) परमेश्वर शिक्षा करूनदेखील दया दाखवतो,
तो मनुष्यांना अधोलोकांत पाठवतो
आणि सर्व हानीपासून त्यांचा बचाव करतो.
त्याच्या हातून कोणी सुटू शकत नाही.
२) तोच आम्हांला त्यांच्यात पसरवतो.
त्यांच्यामध्ये आपण त्याचा महिमा दाखवू या
आणि सर्व जिवंतांमध्ये त्याचा महिमा गाऊ या.
कारण तोच आपला प्रभू परमेश्वर आहे,
तोच अनंत काळचा आपला पिता आणि देव आहे.
३) आता आपल्यासाठी त्याने जे काय केले.
त्याचा विचार करून त्यासाठी उंच स्वरात
त्याला धन्यवाद द्या. युगानुयुगे राजाची स्तुती
करून अनंतकाळ देवाला धन्यवाद देऊ या.
४) मी या निर्वासित जमिनीवर असता
त्याला धन्यवाद देईन मी पापी लोकांच्या समोर
त्याचे सामर्थ्य आणि महिमा दाखवीन.
५) अहो पापी लोकांनो, त्याच्याजवळ परत या,
त्याच्यासमोर चांगले आचरण करा.
कुणास ठाऊक, कदाचित तो तुम्हांला
दयादृष्टी दाखवील.
Psalm Tobit 13:1b-2, 3-4a, 6- 8
R.Blessed is God who lives for ever,
Blessed is God who lives for ever,
and blessed is his kingdom,
because he chastises, and he shows mercy;
he leads down to Hades below the earth,
and he himself raises up again from great devastation,
and there is nothing that can escape his hand.R
Acknowledge him, O sons of Israel,
pedint en before the nations;
for he himself has scattered you
among them,
and he has shown you his greatness
even there. R
And now see what he has done with you;
acknowledge him with your full voice,
and bless the Lord of righteousness
and exalt the King of the ages. .
I acknowledge him in the land of my captivity,
and I show his power and majesty
to a nation of sinners. R
Let all people speak
and acknowledge him in Jerusalem. R
जयघोष
आलेलुया, आलेलुया!
देवाने आपल्याला सुवार्तेच्याद्वारे आपल्या
प्रभू येशु ख्रिस्ताचा गौरव प्राप्त करून घेण्यासाठी पाचारण केले आहे.
आलेलुया!
Acclamation:
The kingdom of God is at hand; repent, and believe in the Gospel.
शुभवर्तमान लूक ९:१-६
वाचक :लूकलिखित पवित्र शुभवर्तमानातून घेतलेले वाचन
"येशूने त्यांना देवाच्या राज्याची घोषणा करण्यासाठी आणि रोग्यांना बरे करण्यास पाठवले. "
येशूने बारा प्रेषितांना एकत्र बोलावून त्यांना सर्व भुते काढण्याचे आणि रोग बरे करण्याचे सामर्थ्य व अधिकार दिला आणि त्याने त्यांना देवाच्या राज्याची घोषणा करण्यासाठी आणि रोग्यांना बरे करण्यासाठी पाठवले. त्याने त्यांना सांगितले, प्रवासासाठी काही घेऊ नका, काठी, झोळी, भाकरी किंवा पैसा घेऊ नका, अंगरखे दोन दोन घेऊ नका. ज्या कोणत्या घरात तुम्ही जाल, तेथेच राहा आणि तेथूनच निघून जा. जे कोणी तुमचे स्वागत करणार नाहीत त्यांच्याविरुद्ध साक्ष व्हावी म्हणून त्या गावातून निघतेवेळेस आपल्या पायांची धूळ झाडून टाका. मग ते निघून सर्वत्र सुर्वाता सांगत आणि रोगी बरे करत गावोगावी फिरू लागले.
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading : Luke 9:1-6
At that time: Jesus called the twelve together and gave them power and authority over all demons and to cure diseases, and he sent them out to proclaim the kingdom of God and to heal. And he said to them, "Take nothing for your journey, no staff, nor bag, nor bread, nor money; and do not have two tunics. And whatever house you enter, stay there, and from there depart. And wherever they do not receive you, when you leave that town shake off the dust from your feet as a testimony against them." And they departed and went through the villages, preaching the gospel and healing everywhere.
This is the Gospel of the Lord
Praise the Lord Jesus Christ .
चिंतन:
आजच्या पहिल्या वाचनात एज्रा शास्त्री आपला पापांगीकार करतो. आपण व आपल्या लोकांनी केलेल्या पापांबद्दल तो देवाकडे क्षमेची याचना करतो. आपल्या पूर्वजांच्या वतीने तो देवाकडे क्षमा मागतो. आपल्यावर आलेला बिकट प्रसंग हे आपल्या पापाचे फळ आहे आणि केवळ देवानेच आपल्यावर दया केली म्हणून आपण वाचलो असे त्याला वाटते. शुभवर्तमानामध्ये येशू आपल्या शिष्यांना प्रेषितकार्यावर पाठविताना रोग्यांना बरे करण्याचा त्यांना अधिकार देतो. मनुष्य विविध प्रकारे जखमी होत असतो. अपघात, आजार, संसर्ग आणि दुखापत ह्यांमुळे तो शारीरिकरित्या जखमी होतो. अपमान, अपयश, संकट, जबाबदारी अशा प्रसंगी तो मानसिकदृष्ट्या खचून जाऊ शकतो. पाप, अपराधीपणा आणि अप्रामाणिकपणा ह्यांनी तो आध्यात्मिकरीत्या जखमी होतो. अशा वेळेला केवळ परमेश्वरच त्याला खऱ्या अर्थाने बरे करू शकतो. शारीरिकदृष्ट्या बरा झालेला माणूस मानसिक व आध्यात्मिकदृष्ट्या भक्कम असेलच असे नाही. ख्रिस्तसभेमध्ये आरोग्यदानाची दोन साक्रामेंते आहेतः प्रायश्चित्त आणि रुग्णभिषेक. या दोन्हीसाक्रामेंतांद्वारे ख्रिस्तसभा श्रद्धावंताला देवाकडून परिपूर्ण शारीरिक, मानसिक व आध्यात्मिक आरोग्य मिळवून देत असते.
मला कोणकोणत्या प्रकारच्या आरोग्यदानाची गरज आहे?
प्रार्थना : हे प्रभू येशू, देवराज्याच्या सुवार्तेचे साक्षीदार बनण्यास आम्हाला प्रेरणा व शक्ती दे, आमेन,
.jfif)
0 टिप्पण्या