Marathi Bible Reading | 7th Week of Easter | Monday 18th May 2026

 पुनरुत्थानकाळ  सातवा  सप्ताह 

सोमवार दि. १८ मे २०२६

 तरी मी एकटा नाही, कारण पिता माझ्याबरोबर आहे.

Yet I am not alone, for the Father is with me.

 संत जॉन पहिले

परमगुरू, रक्तसाक्षी(५२६) 

प्रभू येशू आपल्या अस्वस्थ शिष्यांना आजच्या शुभवर्तमानात सांगत आहे, 'देवावर विश्वास ठेवा आणि माझ्यावरही विश्वास ठेवा.' गोंधळलेल्या स्थितीत असलेल्या शिष्यांना व आपल्या सर्वांना प्रभू येशू आज सांगत आहे. ‘विश्वास ठेवा’. देवावरील आणि प्रभू येशूवरील विश्वासाने आपण सार्वकालिक जीवनात प्रवेश मिळवू शकतो,जो कोणी त्याच्यावर विश्वास | • ठेवून त्याला अनुसरतो त्याला जीवनाचे 'सत्य' कळते आणि आपण खऱ्या  अर्थाने प्रभूच्या सार्वकालिक जीवनाचे सहभागीदार बनतो.

पहिले वाचन प्रेषितांचे कृत्ये १९:१-८

वाचक : प्रेषितांचे कृत्ये या पुस्तकातून घेतलेले वाचन

 “तुम्ही विश्वास ठेवला तेव्हा तुम्हांस पवित्र आत्मा मिळाला काय ?"

अपुल्लो करिंथ येथे असता पौल वरच्या प्रांतांमधून जाऊन इफिस येथे पोहचला. तेथे कित्येक शिष्य त्याला आढळले. त्यांना तो म्हणाला, "तुम्ही विश्वास ठेवला तेव्हा तुम्हांस पवित्र आत्मा मिळाला काय ?" त्यांनी त्याला म्हटले, “पवित्र आत्मा आहे की काय हे आम्ही ऐकलेही नाही." तो त्यांना म्हणाला, "मग तुम्ही कसला बाप्तिस्मा घेतला ?" ते म्हणाले, “योहानचा बाप्तिस्मा" पौलने म्हटले, "योहान पश्चात्तापाचा बाप्तिस्मा देत असे, तो लोकांना सांगत असे की, माझ्यामागून येणाऱ्यावर म्हणजे येशूवर तुम्ही विश्वास ठेवावा." हे ऐकून त्यांनी प्रभू येशूच्या नावाने बाप्तिस्मा घेतला आणि पौलने त्यांच्यावर हात ठेवले, तेव्हा त्यांच्यावर पवित्र आत्मा आला; ते वेगवेगळ्या भाषा बोलू लागले आणि ईश्वरी संदेश देऊ लागले. ते सगळे सुमारे बारा पुरुष होते. नंतर तो सभास्थानात जाऊन देवाच्या राज्याविषयी वादविवाद करीत आणि प्रमाण पटवीत निर्भीडपणे तीन महिने बोलत गेला.

प्रभूचा शब्द आहे 

सर्व : देवाला धन्यवाद.

First Reading :

Acts 19:1-8

While Apollos was at Corinth, Paul passed through the inland country and Came to Ephesus. There he found some disciples. And he said to them, "Did you receive the Holy Spirit when you believed?" And they said "No, we have not even heard that there is a Holy Spirit." And he said, "Into what then were you baptised?" They said, "Into John's baptism." And Paul said, "John baptised with the baptism of repentance, telling the people to believe in the one who was to come after him, that is, Jesus." On hearing this, they were baptised in the name of the Lord Jesus. And when Paul had laid his hands on them, the Holy Spirit came on them, and they began speaking in tongues and prophesying. There were about twelve men in all. And he entered the synagogue and for three months spoke boldly, reasoning and persuading them about the kingdom of God.

This is the word of God 

Thanks be to God 

प्रतिसाद स्तोत्र ६८:२-७

प्रतिसाद : अहो पृथ्वीवरील राष्ट्रांनो, तुम्ही देवाचे गीत गा.

१) देवाने उठावे, त्याच्या वैऱ्यांची दाणादाण होवो.

त्याचा द्वेष करणारे त्याच्यापुढून पळोत.

जसा धूर फाकतो तशी त्यांची फाकाफाक कर; 

जसे मेण अग्नीपुढे ठेवले असता वितळते 

तसे दुष्ट देवापुढे नष्ट होवोत.

२. )परंतु धार्मिक हर्षोत, देवापुढे आनंदोत्सव करोत, 

हर्षामुळे आनंद करोत. देवाचे गीत गा, 

त्याच्या नामाचे स्तवन करा. त्याच्यापुढे आनंदोत्सव करा.

३) पितृहीनांचा पिता, विधवांचा कैवारी 

असा देव आपल्या पवित्र निवासस्थानी आहे. 

एकटे असलेल्यांना देव कुटुंबवत्सल करतो, 

बंदिवानांना बाहेर काढून भाग्यवान करतो.

Psalm 60:2-1, 4-5ac, 6-7ab

You kingdoms of the earth, sing to God. 

Let God arise, let his foes be scattered. 

Let those who hate him flee from his presence. 

As smoke is driven away, so drive them away, 

like was that melts before the fire, 

so the wicked shall perish at the presence of God. R 

But the just shall rejoice

at the presence of God;

they shall exult with glad rejoicing.

 O sing to God, make music to his name.

The Lord is his name; exult at his presence.

Father of orphans, defender of widows:

such is God in his holy place.

God gives the desolate

a home to dwell in:

 he leads the prisoners forth into prosperity: R

जयघोष  

आलेलुया, आलेलुया! 

जा, सर्व राष्ट्रांतील लोकांना शिष्य करा. युगाच्या समाप्तीपर्यंत मी सर्व दिवस तुम्हांबरोबर आहे.

आलेलुया !

Acclamation: 

 R. Alleluia, alleluia.

  If then you have been raised with Christ, seek the things that are above, where Christ in seated at the right hand of God.

R. Alleluia, alleluia.

शुभवर्तमान   योहान १६:२९-३३

वाचक :  योहानलिखित  पवित्र शुभवर्तमानातून घेतलेले वाचन

   “धीर धरा, मी जगाला जिंकले आहे. "

येशूचे शिष्य त्याला म्हणाले, "पाहा, आता आपण उघड बोलता, अन्योक्तीने काही सांगत नाही. आता आम्हांला कळले आहे की, आपल्याला सर्व काही कळते आणि कोणी आपणाला विचारावे ह्याची आपणाला गरज नाही; ह्यावरून आपण देवापासून आला आहा असा आम्ही विश्वास धरतो." येशूने त्यांना उत्तर दिले, “आता तुम्ही विश्वास धरता काय? पाहा, अशी वेळ येत आहे, किंबहुना आली आहे, की तुमची दाणादाण होऊन तुम्ही सर्व आपआपल्या घरी जाल आणि मला एकटे सोडाल; तरी मी एकटा नाही, कारण पिता माझ्याबरोबर आहे. माझ्या ठायी तुम्हांला शांती मिळावी म्हणून मी तुम्हांला ह्या गोष्टी सांगितल्या आहेत. जगात तुम्हाला क्लेश होतील, तरी धीर धरा; मी जगाला जिंकले आहे."

प्रभूचे हे शुभवर्तमान  "

सर्व : हे ख्रिस्ता  तुझी स्तुती असो.

Gospel Reading:John 16:29-33

At that time: The disciples said to Jesus, "Ah, now you are speaking plainly and not using figurative speech! Now we know that you know all things and do not need anyone to question you this is why we believe that you came from God." Jesus answered them, "Do you now believe! Behold, the hour is coming, indeed it has come, when you will be scattered, each to his own home, and will leave me alone. Yet I am not alone, for the Father is with me. I have said these things to you, that in me you may have peace. In the world you will have tribulation. But take heart; I have overcome the world.

 This is the Gospel of the Lord 

Praise the Lord Jesus Christ .

                                                 

चिंतन: मी जगाला जिंकले आहे. आधुनिक युग हे स्पर्धेचे युग आहे. शाळेत अॅडमिशन घेण्यापासून तर व्यवसायात स्थिर होण्यापर्यंत मनुष्याला जीवघेण्या स्पर्धेला सामोरे जावे लागते. ह्या मध्ये टिकाव धरू न शकलेले मात्र निराश होतात. जी व्यक्ती जीवनाकडे पराभूत दृष्टिकोनातून पाहते, त्यांची कधीच प्रगती होत नाही. ख्रिस्तावर श्रद्धा ठेवणारा श्रद्धावंत मात्र जीवनात कितीही समस्या निर्माण झाल्या, तरी पराभूत दृष्टिकोनातून न पाहता विजयी दृष्टिकोनातून पाहतो. खुद्द येशूने म्हटले आहे, मी जगाला जिंकले आहे. आधुनिक मानसशास्त्रज्ञांनी देखील पराभूत भूत दृष्टिकोन आपल्या प्रगतीला किती मारक आहे व विजयी दृष्टिकोन आपल्या जीवनाला उत्तुंग झेप घेण्यास कसा साहाय्यभूत ठरतो, ह्याचा शोध लावलेलाआहे. येशूवर आपली मनापासून श्रद्धा असेल, तर जीवनात कितीही अडचणींची परिस्थिती असेल, तरी आपण विजयी ठरू असा विश्वास बाळगायला हवा. कारण येशूने म्हटले आहे, मी जगाला जिंकले आहे. सुवार्तेत येशू आपल्या शिष्यांना सांगतो की त्यांना अडचणी आणि विरोधाचा सामना करावा लागेल, परंतु तो पवित्र आत्म्याद्वारे त्यांना शांती आणि विजय देईल. आजच्या वाचनांमधून आपल्याला आठवण होते की ख्रिस्ती जीवन फक्त येशूला ओळखण्यापुरते - मर्यादित नाही, तर पवित्र आत्म्याच्या सामर्थ्याने धैर्याने साक्ष देण्याचे जीवन जगणे हे त्याचे खरे उद्दिष्ट आहे.

प्रार्थना : हे प्रभू येशू, तूच एकमेव जगाचा राजा आहेस, तुझी साक्ष इतरांना देण्यास आम्हाला धैर्याचा आत्मा बहाल कर, आमेन.