पुनरुत्थानकाळातील
सहावा रविवार
दिनांक ५ मे २०२४
"जसे मी तुम्हांवर प्रेम केले तसे तुम्ही एकमेकांवर प्रेम करावे, अशी माझी आज्ञा आहे. Abide in my love. If you keep my commandments, you will abide in my love,
संत योहान आजच्या दुसऱ्या वाचनात स्पष्ट करीत आहे की, 'देव प्रीति आहे,' हीच प्रीति परमेश्वराने प्रभू येशू ख्रिस्ताद्वारे प्रगट करुन आपल्या प्रत्येकाला त्या प्रीतित सहभागी होण्यास पाचारण केले आहे. प्रभू येशू ख्रिस्ताने सर्वांवर प्रीति केली आणि आपल्या सर्वस्वाचा त्याग करुन आपल्या सर्वांचे तारण केले आहे. परमेश्वराच्या प्रीतित आपण सतत वाढत राहावे म्हणून प्रभू येशू ख्रिस्ताने आपल्याला देवप्रीति व परस्पर प्रीतिचा महामंत्र दिला आहे.
प्रभू येशूच्या प्रीतित रहाणे म्हणजे काय ह्यावर आपण आज चिंतन करु या. देवाचे प्रेम निरपेक्ष आहे, पवित्र आहे व सेवाभावी आहे. देवाच्या प्रेमात त्याग, क्षमा, समेट व शांती आहे. देव सर्वांवर सारखेच प्रेम करतो. आपले प्रेम कशा प्रकारचे आहे ? देवावरील, स्वत:वरील आणि परस्परावरील प्रेम आपण कशा प्रकारे प्रकट करतो ? प्रेम केवळ बोलून नाही तर प्रत्यक्ष कृतीत व्यक्त करता आले पाहिजे. प्रभूच्या आज्ञा पाळायच्या कारण प्रभू म्हणतो, 'मी तुम्हाला निवडले आहे. आपण त्याचे निवडलेले प्रियजन आहोत. त्याच्यासारखेच इतरांवर प्रेम करण्यासाठी प्रभू येशू आपल्याला बोलावित आहे.
प्रभू त्याच्या प्रीतीत राहण्यास, प्रीतीत वाढण्यास, प्रीतित परोपकारी जीवन जगण्यास व हे जग सुंदर आणि प्रेमळ बनविण्यास बोलवित आहे.
✝️
पहिले वाचन प्रे. कृ. १०:२५-२६.३४-३५.४४-४८
वाचक : प्रेषितांची कृत्ये या पुस्तकातून घेतलेले वाचन
"परराष्ट्रीयांवरही पवित्र आत्म्याच्या दानांचा वर्षाव झाला.'
पेत्र आत जात असता कर्नेलियस त्याला सामोरा गेला आणि त्याने त्याच्या पाया पडून त्याला नमन केले. पण पेत्र त्याला उठवून म्हणाला, “उभे राहा. मीही मनुष्यच आहे."
तेव्हा पेत्रने बोलण्यास आरंभ केला : “देव पक्षपाती नाही, हे माझ्या पक्के ध्यानात आहे, तर प्रत्येक राष्ट्रात जो त्याची भीती बाळगतो आणि ज्याची कृत्ये नैतिक आहेत तो त्याला मान्य आहे."
पेत्रचे हे बोलणे चालू असतानाच वचन ऐकणाऱ्या सर्वांवर पवित्र आत्मा उतरला. मग परराष्ट्रीयांवरही पवित्र आत्म्याच्या दानांचा वर्षाव झाला आहे, असे पाहून पेत्रबरोबर आलेल्या विश्वास ठेवणाऱ्या आणि सुंता झालेल्या सर्व लोकांना आश्चर्य वाटले. कारण त्यांनी त्यांना अनेक भाषांतून बोलताना आणि देवाची थोरवी गाताना ऐकले. तेव्हा पेत्रने म्हटले, “आम्हाला मिळाला तसा पवित्र आत्मा ज्यांना मिळाला आहे त्याचा बाप्तिस्मा होऊ नये म्हणून कोणाच्याने पाण्याची मनाई करवेल ?" मग येशू ख्रिस्ताच्या नावात त्याचा बाप्तिस्मा व्हावा अशी त्याने आज्ञा केली. तेव्हा काही दिवस राहावे म्हणून त्यांनी त्याला विनंती केली.
प्रभूचा शब्द आहे.
सर्व : देवाला धन्यवाद.
First Reading :
Acts 10:25-26.34-35.44-48
When Peter entered, Cornelius met him and fell down at his feet and worshiped him. But Peter lifted him up, saying, "Stand up; I too am a man." So Peter opened his mouth and said: "Truly I understand that God shows no partiality, but in every nation anyone who fears him and does what is right is acceptable to him. While Peter was still saying these things, the Holy Spirit fell on all who heard the word. And the believers from among the circumcised who had come with Peter were amazed, because the gift of the Holy Spirit was poured out even on the Gentiles. For they were hearing them speaking in tongues and extolling God. Then Peter declared, "Can anyone withhold water for baptizing these people, who have received the Holy Spirit just as we have?" And he commanded them to be baptized in the name of Jesus Christ. Then they asked him to remain for some days.
This is the word of God
Thanks be to God
प्रतिसाद स्तोत्र ९८:१,- ४
प्रतिसाद : प्रभूने आपले तारण राष्ट्रांसमक्ष प्रकट केले आहे.
१) परमेश्वराचे गुणगान नवे गीत गाऊन करा, कारण त्याने अद्भुत कृत्ये केली आहेत. त्याच्या उजव्या हाताने, त्याच्या पवित्र बाहूने तारण साधले आहे.
२) परमेश्वराने आपण सिद्ध केलेले तारण कळवले आहे, राष्ट्रांसमक्ष आपले न्यायीपण प्रकट केले आहे. इस्त्राएलच्या घराण्यावरील आपली दया आणि सत्यता यांचे त्याने स्मरण केले आहे.
३.)पृथ्वीच्या सर्व सीमांनी आमच्या देवाचे तारण पाहिले आहे अहो पृथ्वीवरील सर्व लोकहो, उच्च स्वरात आनंदाने गा.
Psalm 98:1, 2-3ab, 3cd-4 (2)
The Lord has shown his deliverance to the nations.
O sing a new song to the Lord,
for he has worked wonders.
His right hand and his holy arm
have brought salvation. R
The Lord has made known his salvation,
has shown his deliverance to the nations.
He has remembered his merciful love
and his truth for the house of Israel. R
All the ends of the earth have seen the salvation of our God,
Shout to the Lord, all the earth;
break forth into joyous song.
and sing out your praise. R
दुसरे वाचन १योहान ४:७-१०
वाचक : योहानलिखित पहिले पत्र यातून घेतलेले वाचन
"देव प्रेमस्वरूप आहे. "
प्रियजनहो, आपण एकमेकांवर प्रेम करावे, कारण प्रेम देवापासून आहे. जो कोणी प्रेम करतो तो देवापासून जन्मलेला आहे आणि तो देवाला ओळखतो. जो प्रेम करीत नाही तो देवाला ओळखत नाही, कारण देव प्रेमस्वरूप आहे. त्याच्याद्वारे आपल्याला जीवन प्राप्त व्हावे म्हणून देवाने आपल्या एकुलत्या एक पुत्राला जगात पाठवले आहे; ह्यावरून देवाचे आपल्यावरील प्रेम प्रकट झाले. प्रेम म्हणावे तर हेच. आपण देवावर प्रेम केले असे नाही, तर त्याने तुम्हांआम्हांवर प्रेम केले आणि तुमच्या आमच्या पापांचे प्रायश्चित्त व्हावे म्हणून स्वपुत्राला पाठवले.
हा प्रभूचा शब्द आहे
सर्व : देवाला धन्यवाद.
Second reading : 1 John 4:7-10
Beloved, let us love one another, for love is from God, and whoever loves has been born of God and knows God. Anyone who does not love does not know God, because God is love. In this the love of God was made manifest among us, that God sent his only Son into the world, so that we might live through him. In this is love, not that we have loved God but that he loved us and sent his Son to be the propitiation for our sins.
जयघोष
आलेलुया, आलेलुया!
येशूने म्हटले, माझ्यावर प्रेम करणारा माझे वचन पाळील,
माझा पिता त्याच्यावर प्रेम करील आणि आम्ही त्याच्याकडे येऊ.
आलेलुया!
Acclamation:
If anyone loves me, he will keep my word, says the Lord; and my Father will love him, and we will come to him.
शुभवर्तमान योहान १५ : ९-१७
वाचक : योहानलिखित पवित्र शुभवर्तमानातून घेतलेले वाचन
"आपल्या मित्रांकरिता आपला प्राण द्यावा ह्यापेक्षा मोठे प्रेम दुसरे नाही."
येशू आपल्या शिष्यांना म्हणाला, “जसे पित्याने माझ्यावर प्रेम केले तसे मीही तुम्हांवर प्रेम केले आहे. तुम्ही माझ्या प्रेमात राहा. जसा मी आपल्या पित्याच्या आज्ञा पाळून त्याच्या प्रेमात राहतो तसे तुम्ही माझ्या आज्ञा पाळाल तर माझ्या प्रेमात राहाल. माझा आनंद तुम्हांमध्ये असावा आणि तुमचा आनंद परिपूर्ण व्हावा म्हणून मी तुम्हांला ह्या गोष्टी सांगितल्या आहेत. "
"जसे मी तुम्हांवर प्रेम केले तसे तुम्ही एकमेकांवर प्रेम करावे, अशी माझी आज्ञा आहे. आपल्या मित्रांकरिता आपला प्राण द्यावा ह्यापेक्षा मोठे प्रेम दुसरे नाही. मी तुम्हांला जे काही सांगतो ते तुम्ही कराल तर तुम्ही माझे मित्र आहा. मी आतापासून तुम्हांला दास म्हणत नाही, कारण धनी काय करतो ते दासाला ठाऊक नसते. परंतु मी तुम्हांला मित्र म्हटले आहे, कारण जे काही मी आपल्या पित्यापासून ऐकून घेतले ते सर्व मी तुम्हांला कळवले आहे. तुम्ही मला निवडले नाही, तर मी तुम्हांला निवडले आणि तुम्हांला नेमले आहे. तुम्ही जाऊन फळ द्यावे, तुमचे फळ टिकावे आणि जे काही तुम्ही माझ्या नावाने पित्याजवळ मागाल ते त्याने तुम्हांला द्यावे हा हेतू आहे. तुम्ही एकमेकांवर प्रीती करावी म्हणून मी तुम्हांला ह्या आज्ञा करतो.
प्रभूचे हे शुभवर्तमान
सर्व : हे ख्रिस्ता तुझी स्तुती असो.
Gospel Reading: John 15:9-17
At that time: Jesus said to his disciples, "As the Father has loved me, so have I loved you. Abide in my love. If you keep my commandments, you will abide in my love, just as I have kept my Father's commandments and abide in his love. These things I have spoken to you, that my joy may be in you, and that your joy may be full. "This is my commandment, that you love one another as I have loved you. Greater love has no one than this that someone lay down his life for his friends. You are my friends if you do what I command you. No longer do I call you servants, for the servant does not know what his master is doing; but I have called you friends, for all that I have heard from my Father I have made known to you. You did not choose me, but I chose you and appointed you that you should go and bear fruit and that your fruit should abide, so that whatever you ask the Father in my name, he may give it to you. These things I command you, so that you will love one another.
Praise the Lord Jesus Christ .
चिंतन:आजची तिन्ही वाचने पुनरुस्थित खिस्ताच्या प्रेमात राहायला आव्हान करत आहेत. पहिल्या वाचनात यहूदी खिस्ती लोकांनी परराष्ट्रीय लोकांना अपवित्र आणि अशुद्ध मानू नये तर प्रभू येशूसारखे त्यांच्यावर प्रेम करावे आणि ह्याचा एक आदर्श म्हणून पेत्राला पवित्र आत्म्याद्वारे तसेच कर्नेलियसच्या भेटीतून स्पष्ट करण्यात आले. दुसऱ्या वाचनात संत पॉल आपल्याला प्रेम करण्यास आग्रह करीत आहे. कारण देव प्रेम आहे. त्याने सर्वप्रथम आपल्यावर प्रेम केले. आपल्या एकुलत्या एक पुत्राला जगात पाठवून त्याच्या प्रेमाद्वारे आपल्याला नवजीवन प्राप्त झाले आहे. प्रभू येशू ख्रिस्त आपणांस त्याच्या प्रेमात राहावयाचे आवाहन आजच्या शुभवर्तमानात करीत आहे. जसा तो आपल्या पित्याच्या आज्ञा पाळून त्याच्या प्रेमात राहतो. तशाचप्रकारे प्रभू येशू खिस्त आपल्या शिष्यांना त्याच्या प्रेमाच्या आज्ञा पाळून त्याच्या व देवापित्याच्या आज्ञेत राहण्यास आव्हान करत आहे. ख्रिस्ताच्या आज्ञा पाळून त्याच्या प्रेमात राहण्यासाठी आपण कोणते प्रयत्न करतो ? आपल्या समाजातील जाती-भेद नष्ट करण्यासाठी तसेच प्रेमाने जीवन जगण्यासाठी आपण कोणते प्रयत्न करत आहोत ?
प्रार्थना : हे प्रभू येशू, तुझा प्रेमळ स्पर्श आम्हा सर्वास व्हावा व आमचे जीवन सर्वासाठी प्रेमाचा निर्झर बनावा म्हणून आम्हाला कृपा दे, आमेन,
✝️
.jfif)
0 टिप्पण्या