सामान्यकाळातील पहिला सप्ताह
गुरुवार दि. १६ जानेवारी २०२५
✝️
त्याला स्पर्श केला आणि म्हटले, "माझी इच्छा आहे, बरा हो,” तेव्हा लागलेच त्याचे कुष्ठ जाऊन तो बरा झाला.
saith to him: I will. Be thou made clean. And when he had spoken, immediately the leprosy departed from him,
सेंट जोसेफ वाझ
(वर्तनसाक्षी)(१६५१-१७११)
आशिया खंडामधून जेवढे महान मिशनरी तयार झाले त्याच्यात धन्यवादित जोसेफ वाझ ह्यांचा फार वरचा क्रमांक लागेल. इ. स. १६५१ साली गोव्यातील बेनोली येथे त्यांचा जन्म झाला. १६७६ साली वयाच्या अवघ्या २५ व्या वर्षी त्यांना धगुरूपदाची दीक्षा देण्यात आली. १७११ साली श्रीलंकेतील कॅन्टी शहरात त्यांना मृत्यू आला.
आपल्या आयुष्याची ३६ मौल्यवान वर्षे धर्मगुरू म्हणून त्यांनी गोवा, कॅनरा आणि श्रीलंका ह्या ठिकाणी ईश्वरी सेवेत व्यतीत केली. समर्पित वृत्तीचा मिशनरी आणि कुशल प्रशासक म्हणून ते नावारुपाला आले. कॅनरा येथील ख्रिस्तसभेमध्ये प्रशासनावरून पाद्रो आदो-प्रोपोगांडा असा वाद निर्माण झाला. तेव्हा फा. जोसेफ ह्यांनी मोलाची कामगिरी बजावली आणि तो वाद मिटविला.
भारतीय मिशनऱ्यांमध्ये ऐक्य आणि त्यांच्या कार्यात एकवाक्यता असावी म्हणून त्यांनी जुन्या गोव्यामध्ये मिलाग्रीस क्रुसाच्या नावाने एक प्रशिक्षण केंद्र उभारले. श्रीलंकेतील आपले मिशनकार्य सदैव चालूच रहावे याकरिता त्यांनी ह्या केंद्रात अनेक मिशनरी घडविले. हे मिशनरी श्रीलंकेव्यतिरिक्त इतर अनेक भागात सुवार्ता प्रसार करीत असत. मात्र श्रीलंकेतील श्रद्धेची ज्योत नेहमी प्रज्वलित ठेवण्यासाठी ते आपल्या परिश्रमाचे तेल त्यात नेहमी ओतून ठेवीत.
जोसेफ वाझ ह्यांचे पवित्र जीवन, अथक परिश्रम, समर्पित आणि उत्साही वृत्ती, आशावादी दृष्टीकोन, धैर्य इ. सद्गुणांमुळे श्रीलंकेतील ख्रिस्तसभेत एक आगळेवेगळे चैतन्य संचारले.
फा. वाझ ह्यांनी आपल्या इतर सहकाऱ्यांच्या मदतीने गोव्याच्या आपल्या मातृभूमीत ब्रद्धेचे बीज पेरताना संस्कृतीला अजिबात धक्का लागणार नाही ह्याची काळजी घेतली. त्याकाळी अस्तित्वात असलेली पोर्तुगीजांची राजवट आणि त्यांच्यातर्फे आलेले पाश्चात्य ख्रिस्ती धर्माचे संस्कार ह्यांचा फारसा प्रभाव गोव्यातील नवख्रिस्तीयांवर पडू शकला नाही. कारण फा. वाझ ह्यांची कार्यप्रणाली चाणाक्ष आणि तितकीच कणखर होती.
'यथा राजा तथा प्रजा' या उक्तीनुसार “ज्यांचे राज्य त्यांचा धर्म” लोकांनी पाळावा ही त्याकाळी एक प्रथाच बनून गेलेली होती. परंतु फा. जोसेफ वाझ आणि त्यांचे सहकारी धर्मगुरू ह्यांनी ही प्रथा खंबीरपणे मोडीत काढली आणि आपल्या स्थानिक संस्कृतीशी व मातीशी इमान राखणारा ख्रिस्ती धर्म त्यांच्याच मातृभाषेत लोकांना शिकविण्यास सुरुवात केली. हे करीत असताना त्यांनी वसाहतवाद्याशी कुठलेही संबंध ठेवण्यास नकार दिला. त्यामुळे गोव्यातील ख्रिस्ती धर्मतत्वे अबाधित राखण्यात त्यांना यश आले.
इ. स. १७११ साली मृत्यू पावलेल्या फा. जोसेफ वाझ ह्यांना पोप जॉन पॉल दुसरे ह्यांनी २१ जाने. १९९५ रोजी धन्यवादित म्हणून आल्ताराचा बहुमान दिला.१४ जानेवारी २०१५ रोजी पोप फ्रान्सिस यांनी त्यांना संत पॅड घोषित केले
✝️
पहिले वाचन इब्री ३:७-१४
वाचक :इब्री लोकांस पत्र यातून घेतलेले वाचन
पवित्र आत्मा म्हणतो, 'आज जेव्हा तुम्ही त्याची वाणी ऐकाल तेव्हा रानातील परीक्षेच्या दिवशी इस्राएल लोकांनी चीड आणली होती तशी तुम्ही आपली मने कठीण करू नका. तेथे तुमच्या वाडवडिलांनी कसोटीस लावून माझी परीक्षा केली आणि चाळीस वर्षे माझी कृत्ये पाहिली.' त्यामुळे त्या पिढीवर संतापून मी म्हणालो, 'हे सतत भ्रमिष्ट अंत:करणाचे लोक आहेत, ह्यांनी माझे मार्ग जाणले नाहीत.' म्हणून मी रागाने शपथ वाहून म्हणालो, 'हे माझ्या विसाव्यात निश्चित येणार नाही.' बंधुजनहो, जिवंत देवाला सोडून देण्याइतके अविश्वासाचे दुष्ट मन तुम्हांतील कोणाचेही असू नये म्हणून जपा. जोपर्यत 'आज' म्हटलेला वेळ आहे तोपर्यंत तुम्ही एकमेकांना प्रतिदिवशी बोध करा. हेतू हा की, पापाच्या फसवणुकीने तुम्हातील कोणी कठीण होऊ नये. कारण जर आपण आपला आरंभीचा विश्वास शेवटपर्यंत दृढ ठेवला तरच आपण ख्रिस्ताचे भागीदार ठरु.
प्रभूचा शब्द
सर्व : देवाला धन्यवाद.
First Reading :
: Hebrews 3: 7-14
Wherefore, as the Holy Ghost saith: Today if you shall hear his voice, Harden not your hearts, as in the provocation; in the day of temptation in the desert, Where your fathers tempted me, proved and saw my works, Forty years: for which cause I was offended with this generation, and I said: They always err in heart. And they have not known my ways, As I have sworn in my wrath: If they shall enter into my rest. Take heed, brethren, lest perhaps there be in any of you an evil heart of unbelief, to depart from the living God. But exhort one another every day, whilst it is called today, that none of you be hardened through the deceitfulness of sin. For we are made partakers of Christ: yet so, if we hold the beginning of his substance firm unto the end.
This is the word of God
Thanks be to God
प्रतिसाद स्तोत्र ९५:६-१२
प्रतिसाद : आज तुम्ही प्रभूची वाणी ऐकाल तर किती बरे होईल!
१)चला, आपण त्याला नमन करु
आणि त्याच्यापुढे लोटांगण घालू.
आपल्या निर्माणकर्त्या परमेश्वरापुढे
आपण गुडघे टेकू या कारण तो आपला देव आहे
आणि आपण त्याच्या कुरणातील प्रजा, त्याच्या हातचा कळप आहो.
२) आज तुम्ही त्याची वाणी ऐकाल तर किती बरे होईल!
मरिबा येथल्याप्रमाणे, ओसाड प्रदेशात मस्सा
येथील प्रकरणाच्या दिवशी केल्याप्रमाणे
तुम्ही आपली मने कठीण करू नका.
तेव्हा तुमच्या वडिलांनी माझे कार्य पाहिले होते
तरीही त्यांनी माझी परीक्षा पाहिली आणि माझी कसोटी घेतली.
३) चाळीस वर्षे त्या लोकांनी मला वैताग आणला
आणि मी म्हणालो :
हे बहकलेल्या मनाचे लोक आहेत,
त्यांना माझे मार्ग कळलेले नाहीत.
म्हणून मी रागाने शपथ वाहिली:
ह्यांना माझ्या विश्रामस्थानी मुळीच प्रवेश द्यायचा नाही.
Psalms 95: 6-7c, 8-9, 10-11
R. (8) If today you hear his voice, harden not your hearts.
6 Come let us adore and fall down:
and weep before the Lord that made us.
7c For he is the Lord our God:
and we are the people of his pasture
and the sheep of his hand.
R. If today you hear his voice, harden not your hearts.
8 Today if you shall hear his voice,
harden not your hearts:
9 As in the provocation, according to
the day of temptation in the wilderness:
where your fathers tempted me, they proved me,
and saw my works.
R. If today you hear his voice, harden not your hearts.
10 Forty years long was I offended with that generation,
and I said: These always err in heart.
11 And these men have not known my ways:
so I swore in my wrath that they shall not enter into my rest.
R. If today you hear his voice, harden not your hearts.
जयघोष
आलेलुया, आलेलुया!
हे प्रभो, तू माझे नेत्र उघड, म्हणजे तुझ्या धर्मशास्त्रातील अलौकिक गोष्टी माझ्या दृष्टीस पडतील.
आलेलुया!
Acclamation:
R. Alleluia, alleluia.
Jesus preached the Gospel of the Kingdom and cured every disease among the people.
R. Alleluia, alleluia.
शुभवर्तमान मार्क १:४०-४५
वाचक : मार्कलिखित पवित्र शुभवर्तमानातून घेतलेले वाचन
"त्याचे कुष्ठ जाऊन तो बरा झाला. "
एक कुष्ठरोगी येशूकडे आला आणि त्याच्यापुढे गुडघे टेकून त्याला विनंती करून म्हणाला, "आपली इच्छा असली तर मला बरे करायला आपण समर्थ आहा." तेव्हा त्याला त्याचा कळवळा आला. त्याने हात पुढे करून त्याला स्पर्श केला आणि म्हटले, "माझी इच्छा आहे, बरा हो,” तेव्हा लागलेच त्याचे कुष्ठ जाऊन तो बरा झाला. मग त्याने त्याला सक्त ताकीद देऊन लगेच पाठवून दिले आणि सांगितले, "पाहा, कोणाला काही सांगून नको. प्रमाण पटावे म्हणून जाऊन स्वत:स याजकाला दाखव आणि आपल्या शुद्धीकरता मोशेने नेमलेले आर्पण कर." पण त्याने तेथे जाऊन घोषणा करुन त्या गोष्टीला इतकी प्रसिद्धी दिली की येशूला उघडपणे शहरात जाता येईना. म्हणून तो बाहेर अरण्यातच राहिला, तरी लोक चहूकडून त्याच्याकडे आलेच.
वाचक : प्रभूचे हे शुभवर्तमान .
सर्व : हे प्रभू येशू ख्रिस्ता, तुझी स्तुती असो.
Gospel Reading:
Mark 1: 40-45
And there came a leper to him, beseeching him, and kneeling down said to him: If thou wilt, thou canst make me clean. And Jesus having compassion on him, stretched forth his hand; and touching him, saith to him: I will. Be thou made clean. And when he had spoken, immediately the leprosy departed from him, and he was made clean. And he strictly charged him, and forthwith sent him away. And he saith to him: See thou tell no one; but go, shew thyself to the high priest, and offer for thy cleansing the things that Moses commanded, for a testimony to them. But he being gone out, began to publish and to blaze abroad the word: so that he could not openly go into the city, but was without in desert places: and they flocked to him from all sides.
Praise the Lord Jesus Christ .
चिंतन:
आज आपण (गोव्यात जन्मलेल्या व श्रीलंकेत सेवाकार्य केलेल्या) संत जोसेफ वाझ ह्याचे उदाहरण समोर ठेवून परमेश्वराने सर्वांना केलेल्या पाचारणावर मनन-चिंतन करीत आहोत.
आजच्या शुभवर्तमानात येशूच्या दयाळू स्वभावाचा आपणांस परिचय होतो. नियम मोडलेल्या माणसाला येशू दूर लोटत नाही. कुष्ठरोग्याला त्याच्या बरोबर बोलण्याचा अधिकार नव्हता तरी येशू मानवी गरजेची असमानता ओळखून, समंजसपणाने आणि दयाळूपणाने त्याला भेटतो.
येशू आपला हात पुढे करून त्याला स्पर्श करतो. तो अशुद्ध माणसाला स्पर्श करतो. तो येशूसाठी अशुद्ध नाही तर एक साधाभोळा मनुष्य आहे.
त्याला शुद्ध केल्यावर येशू त्याला नियमाची किंवा विधीची पूर्तता करण्यासाठी पाठवतो. त्याद्वारे मानवी प्रेम आणि मानवी नीतिमत्ता ह्या प्रती येशूचा आदर दिसून येतो. आजच्या शुभवर्तमानाच्या उताऱ्यात येशूची दया, सामर्थ्य आणि त्याचा शहाणपणा दिसून येतो
प्रार्थना : हे प्रभू येशू, श्रद्धेने तुझ्या इच्छेप्रमाणे जीवन जगण्यास मला प्रेरणा व कृपा दे, आमेन.
✝️
